المشاركة الأصلية كتبت بواسطة النادر (المشاركة 437125)

ابا هبه

قصايد الطير والمقناص واجد

لكني اخشى انها لاتهم الغالبيه لذا انا مقل لنشرها هناااااا

عموما اذا جمعتنا الايام ابشر باللي يسرك

صح بدنك ولاهنت

النادر

المشاركة الأصلية كتبت بواسطة حسن عابد (المشاركة 437032)

فعلا نادر ومتخصص ابداع
سلمت لمن يرجيك

المشاركة الأصلية كتبت بواسطة البروفيسور (المشاركة 437035)

صح السانك واعتلا شانك...

المشاركة الأصلية كتبت بواسطة ابوسيفين (المشاركة 437181)

صح لسانك يابو عماد ومن كان في خبرتك لاشك نظرته سليمه ، لكن لابد تعطي الهوايه الجديده نصيبها 0

المشاركة الأصلية كتبت بواسطة @ بن سلمان @ (المشاركة 437188)

ليس هناك ما تخشاه ولعلها فرصة لنشر ثقافة لجيل يعشقها و هاهو منتدى الحياة الفطرية يسجل حضور مبهر
لكن ما أخشاه ويمنعني منك هو هوايتك الجديدة

المشاركة الأصلية كتبت بواسطة النادر (المشاركة 436912)

يقولون من زمان الهواية تمتلك رجالها

ولاننا في فترت ربط الطير ونهاية موسم مقناص بعت طيري اللي له ثلاث سنين مونسني (نواش) وشريت لي طير ثاني فكانت هذه الهمهمه

[poem="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعت العديم اللـي بعيـد المناويـش

مدري رجاحة عقل او جـات طفقـا

نواش عـوق الذايـرات المخاريـش

لاشلعت تبغـى السمـا قـام يرقـى

وحولبهـا مثـل الدلـي للمعاطيـش

فعله يطفي لـو علـى الكبـد حرقـا

واليوم عيني تلتفت لادهـم الريـش

ماشفت لـه بالعيـن ياكـود خفقـا

احسـب ليـالٍ باقيـه للمغابـيـش

واشوف فعلـه ياعسـى فيـه فرقـا

متوهم فيـه القطاعـة مـع الطيـش

والناس تمدح فيـه صملـه وسبقـا

ارسلتهم وابطوا وجونـي بشابيـش

البشر فوجيـهٍ علـى الخيـر طلقـا

ياصاحبي بالعلـم جـات المطاريـش

كـم واحـدٍ ماحـط فالعـلـم بلـقـا

يقلوون لاهديـت خـل الوشاويـش

ان سهـل الله جتـك فيديـه شنقـا

والا يحدرها علـى القـاع تمليـش

والا زرقهـا باوسـط الغيـم زرقـا

ولا ..لا تهد بقاع لن كـان بتشيـش

اليا مسحهـا ترجـع الارض غرقـا

واليوم عيني ترجي سهيل والريـش=واحسب وش اللي راح وش عاد يبقى

[/poem]