منتديات بلاد ثمالة - يا ثماله أكفوني شرهم قبل أريحكم منهم

تروا ودي بعاقلة لمنقاش يسمع مني
الشايب العايب راعي الحمير يخورف وسواليفه كلها مخولفة والا احنا وين وقهوة العبد وين الرجال لو تعرفون سالفته وش هي , لو تذكرون موضوع اكبر شجرة في بلاد ثماله وتتذكروا صورة الرجال اللي تحت الشجرة , الصورة لمنقاش , واذكر يوم جينا انا وابو عبدالرحمن للملاوي وقلنا نصور هذه الشجرة لقينا منقاش مقيل هو وحماره تحتها هو موسد راسه جذعها وموسد راس حماره ركبته , واطالع والا جنبه كيس من خيش مليان , سلمنا وما رد السلام , ومساك الله بالخير ولا يرد , وانا اعود ازرق الكيس , الا يوم ربع من مكانه , قلت له امسك ارضك وش اللي في الخيش قال غدايه انا وحماري , وانا افتح الكيس والياه ( عبري ) نبق , قلت ما تعرف ان البلاد هذه وقف كيف يدك تطول عليها , قام يرعد ويربد , انا وانا , قال ابو عبدالرحمن يبي يلطف الجو خلنا نصورك يا عم منقاش , ولانه يحب التصوير والترزز مثل ما صار مع الصحفيات ومرسلات السي ان ان , قام وتمنقه الرجال ومسك حماره من خطامه وقال يالله صوروا قلت لا انت ايه وحمارك لا قال الا والا ماني مصور قال ابو عبدالرحمن خله يصور قلت ما هي كذه المسأله هو يتصور عادي لكن مع الحمار تجر لنا وله مشاكل حنا في غنى عنها , ومني ومنه صوره ابو عبدالرحمن ومشينا وهو يسبسب في ويقول والله ما خليها لك تهينني انا وحماري وكلام والله الواحد يستحس من ذكره , والحقيقة اني مقدر الرجال وهو ما يحسب للعواقب بيتصور هو والحمار والصورة يبي يطلعها ابو عبدالرحمن في النت ولو شافوها اهل الوقف قامت مشكله على الضعيف وكيف تدخل الوقف بهايمة وعشان كذه اقترحت على ابو عبدالرحمن يظلل على وجهه وكل ما يدل على شخصيته دفعة بلا وسترله , لكنه من الخرف والجهل قام يهذري , هذه علومي وابو عبدالرحمن يشهد , اظن عداني العيب .
تروا الرجال بالحالة هذه يبي ينقدنا بكرة يتعرض احد من الاعضاء والا من النسوان في المنتدى ويجيب لنا جرية , انا اشوف لو تعرفون احد قي شهار ينومه هناك الين الله يرفع عنه اما يموت والا يطلع له من يسدنا فيه .