رد : تيسك يا رويعي الغنم
 

آآآآآآآآه من قلة السلاح
كفو يا بن سلمان جاري تقريب الصورة ...
لكن تدرون ابجيب النبيلة وارصه بين عيونه
أفا يا ولد العم ما اظنك تسويها لكن البرشلوني خذو علم اذا ما اصبح هو
والهمر هذا قد شفته وروحوا المنتدى الرياضي تلقونه هناك مع البرشلوني
اعرف خصمك يا رويعي لا تقعد ترمي في خلق الله انت ومنقاش مرة مكنسة ومره تيس
ومره بردعة الله يستر المره الجايه لا تجينا بواحده كبيرة

رد : تيسك يا رويعي الغنم
 

يا جماعة
من حلف له بالله فليصدق انا اقسم بها يمين من هنا دام بن عزاب اقسم فهو صادق الرجال يخاف الله ولو ما يخاف الله ما راحمه بن داخل وبن سلمان كل ما راح الرياض يبدا يتحرش في بن عزاب واذا ضوا علينا تهجد جنه ويخنس ماله صوت
وانت يا رويعي لا تدخل في ذمتك شيء البرشلوني راعي كورة وسيارات واما الشعار الطول في السنتهم والا ايديهم لا وبعدين اصحاب حس مرهف وانوف كريمة ما تعودت على ريح الحظاير ولا تتوحي لجن الارض مثلها ومثل ابو امجد يحفرون لك ويدفنونك

رد : تيسك يا رويعي الغنم
 

ياجماعة الخير
صدق مشتاق تروا بن عزاب والله انه رجال طيب ولاهوا من حرامية التيوس

وبعدين انت ياروعي وصاحبك ابو امجد وش بلاكم على ابو علي تديرون عليه انت مدعي عليه بالتيس وابو امجد مدعي عليه في الاستراحه يقول لهم فيها نصيب

اصبر يابن عزاب ترى المؤمن مبتلى والنبي يوسف عليه السلام اتهم بالسرقه قبلك مع فارق التشبيه طبعا

رد : تيسك يا رويعي الغنم
 

اليكم الصورة بعد التقريب

http://www.thomala.com/up/images/Acj78907.jpg

وبعد التقريب اتضح التالي :
1- وجدنا التيس يرعى بجانب حوش بن عزاب يعني في حماه ويتضح ذلك من خلال الصورة رقم 2
2- شوهد همر البرشلوني وهو يتجه الى بيت بن عزاب وذلك لاقتسام التيس ويتضح ذلك من خلال الصورة رقم 1
وأترك لكم الحكم والتعليق .

رد : تيسك يا رويعي الغنم
 

لا لا
ابو تركي وجهك ابيض هذه ما يبغى لها
لا يمين ولا شهود
من معه عيون تبصر ويخاف الله الا بيشهد

رد : تيسك يا رويعي الغنم
 

ابا نايف
ظني الحين ما بعدها كلام

رد : تيسك يا رويعي الغنم
 

روح يابو تركي الله ينور لك

هاه شفتوا يامشتاق الغفله انت والشيهان اللي يدرمح في راسك وراك

شفتوا اني انا والرويعي يوم ندعي ماندعي الا بالاثباتات وهذي صور بالاقمار الاصطناعيه

يعني احدث تقنيه ماعاد نبغي شهود ولا مرود

بن عزي استسلم واعترف وسلم نفسك تسلم والا الويل والثبور وعظائم الامور تحتريك

انا اقترح تشكيل لجنه لمحاكمة بن عزاب مكونه من

1) راعي السواني
2) منقاش
3) المستعين بالله ابو عبد الله

واللى تحكم به اللجنه نرضى به والا وش رايك ياروعي الغنم

رد : تيسك يا رويعي الغنم
 

ننتظر رد بن عزاب على الصورة
يمكن عنده كلام ثاني
ولا تخلوني اقرب الصورة اكثر
تطلع البردعة حقة حمار منقاش
كني لمحتها وانا قاعد اصور

رد : تيسك يا رويعي الغنم
 

يمين ابن عزاب مردوده عليه والسبب أن الحرامي يسرق ويحلف -متساويه-.
صورة ألأقمار اللي جابها أبو تركي تثبت تورط ابن عزاب وشلته وهم شاعر جلان الفير رحيم المذكور وشاعر جبل ابو هشيم جار وصديق المذكور وحسن رحيم شاعر جبل أبو هشيم وابو أمجد شقيق شاعر جلان الفيربالأضافه الى ابو هشيم نفسه وجلان الفير نفسها .
أما أبو تركي فلم نكن نحن حفظنا الله لنقبل شهادته لولا أن الصورة هي الدليل والشاهد ,, أما ابو تركي المذكور فلا تقبل شهادته المجرده لأنه سبق أن سرق مكنسة حمار الشيخ منقاش دام ظله , وليس مستبعدا أنه لربما هو الذي سرق البردعة والرشمه يبغي يرتشم بها ..

رد : تيسك يا رويعي الغنم
 

تبون الصدق يارفاقه .......
بن عزاب أتصل عليه وطلبني الهمر وقلت له (ثنتين ماتنعطى المره والسياره ) كان تبي أخدمك فأنا خادمك قال ابيض وجه تعال الديره وابعلمك الهرجه
ثم مريت عليه الديره ولقيته يحتريني عند المفرق من زود الحماس ،، وقال نبي نوصل قريب قلت ابد مايهمك ،، ودردب دردب دردب وأحنا في هاك الحمى اللي فيه طلحه كنها الطلحه اللي في صوره ابوتركي وذا ذاك التيس الأشهب الأملح قال بن عزاب تكفى يارفيقي يابرشلوني عاوني نبا نشد ها التيس في صندوق الموتر وذا مامعي بصيره في الرجال (مستحي منه ماودي أوسخ الموتر بريحه ذا التيوس ) ثم شديناه وهبطنا السوق وسيده على مطبخ ابن خضره اللي في حاره الصفيره وكفتنا التويس فيه وعودنا دربنا
عاد تعلموا بن عزاب وش سوا بعدي في التويس ،، لاعزمني على اللحم ولاعطاني كروتي ...!!؟

(قل الحق ولو على قطع رقبتك)