[poem="type=0 title="طاب اللقا وستبشر القلب با الحيل" bkcolor=ابيض color=احمر font="bold medium Tahoma, Verdana, Arial, Helvetica, sans-serif""]طاب اللقا و أستبشر القلب با الحيل***والنفس تسعدها دواعي سعدها[/poem]

واليوم هاض القاف عقب المخاييل***وفاضت هجوس الفكر تنثر جددها


يامرحبا في الحفل رحب الرجاجيل***ترحيبه(ن) تنقش من المزن يدها


بخورها العود المعتق بعد هيل ***للي حضر في حفلنا معتمدها


واخص قايدنا على سبق الخيل ***خيلا بها الفرسان يفخر بلدها


أهلا هلا يامشرف الحفل يا سهيل***ترحيبة (ن) جزله ويكثر عددها


من روس قوم (ن)طيبات المداهيل***ابن محمد والصقور بهددها


توجيهكم ياقايدي له مداليل ***واللي حسب توجهكم نستندها


يوم الشعيبي مثل الحفل تمثيل ***الجهد واضح والرجال بجهدها


لجل الوطن جينا جنود(ن)مقابيل ***ولخدمة الاسلام ننجز وعدها


الأمن نعمه والوطن ينصف الكيل***يحكم بشرع الله حسب معتقدها


في ظل أبومتعب مهود وتساهيل *** والخير في اقدومه ويمناه مدها



وحنا على البيعه ولانقبل الميل ***نقضي على الفتنه وهي في مهدها


نعرف مصادرها حسب كل تحليل*** واللي يبي الفتنه وناوي حسدها


ياجاحد المعروف ياساحب الذيل***يامفسد الافكار ومبدي حقدها


تنثر على نتك سموم واباطيل ***وتبثها والقصد تبغى فسدها


مايتبعك غير العقول المها بيل *** اللي على نهجك وتتبع جلدها


ياقلها افعالك ويامكثر القيل ***نسمع نبيح اكلاب محد(ن)وجدها


يالله انا طالبك في تالي الليل*** قبل الفجر يوم العرب في هجدها


تحفظ وطنا وتظلل الامن تظلييل ***وترد كيد اهل الحسد في جسدها


وصلاة ربي عد صوت التهاليل***على نبي (ن)سنته نعتقدها