رد : منقاش حلال ألعقد / الحلقه الثانية
 

حسبي الله على شيطانك يا بو امجد
يقولون انت اللي مذكي الحمار
وبن داخل هو اللي سالخة واعطى الجلد لابي تركي اللي ناوي يبيعه على بن عزاب عشان يسوي منها زير ورويعي الغنم اللي ينقره .
لو غير منقاش والله ما القا فيها حرج , لكن مثل منقاش كلا وحاشا حوش لين ادخلها الحوش
ماني متعذر يا بو ميش والعلوم السنعة ما هو بانت اللي تعلمها منقاش .

رد : منقاش حلال ألعقد / الحلقه الثانية
 

ليتك تشوف لي واحدة تسر الخاطر.ونصف المهر لك

رد : منقاش حلال ألعقد / الحلقه الثانية
 

وجيه الرفاق , أبو خالد , النتيف , ابن داخل , ابن عواض , ابو أمجد : ما أعرف ويش أرد عليكم به ألا أقول لا تهزا بدمرة حمار تجي في ظهرك ...
رفيقي ابن سلمان : أترك أبو أمجد لي , أنا حافر له حفره كبيره هو وخوياه , ورايحين يتكهونون فيها قريب ...
رفيقي المبرد : أذا ترغب آخذك معي في الرحله أحسن ,,, يسير عينك ما تغشك ...

رد : منقاش حلال ألعقد / الحلقه الثانية
 

يا مروح يبو تركي (مروح من المكنسه) ثاني مره لا تطلع مواضيعك التعبانه على موضوعي ,, وشوف لو موضوعك زين كان حطوا قدامه دسك يتقلب في السما ...

رد : منقاش حلال ألعقد / الحلقه الثانية
 

عم منقاش
إذا أخذت ابو عادل وابو عبدالرحمن فيه كفاية

رد : منقاش حلال ألعقد / الحلقه الثانية
 

حياك الله منقاش..وما تأخرنا على الرد عنك ..إلا علوم ضيوفك .أصابتني بالدهشة

وأن كنت ناوي أرافقك ..لكن ما عندي بسبورد ...

وترى ممكن تروح السجن ..إذا ما عندك بسبورد..

انتبه لا يضحكون عليك الدوافير

رد : منقاش حلال ألعقد / الحلقه الثانية
 

شوف يامنقاش يااللي ماتنحاش اسمعني زين :
أنا تأخرت في المداخلة والرد لسبب بسيط : الحكاية ومافيها اني يوم عرفت انك دقيت من لحم الحمار لين قلت بس/ قلت في نفسي أكيد سيظهر أثر ذلك على طباعه وسيتأثر سلوكه بناء على ذلك ومن أهم التغيرات المتوقعة ان يسير عندك صبر مفرط وسعة بال زيادة وبلادة حقيقية وقلت هذا اختباروأشوف لكن اتضح لي بن خلال تهديدك لي أنا وأبو عبدالرحمن
ان لحم الحمار راح بلاش وماأثر فيك هذا ان كان فعلا لحم حمار (يعني خسرنا الحمار) بدون فايدة أوبمعنى أوضح انك ماتصلح للمفاوضات وان جاك ظني انهم جابوالك حمار مزور والا
شي ثاني .
من هنه أقلك ماني رايح معك وانت لاشهيق ولا نهيق ولارفس ولابلادة ولارايح تخوف أحد ولاأحد حاسب حسابك .
فأنت الآن لاأنت منقاش السابق ولامنقاش المعد خصيصا للمهمة لكن روح الله يستر عليك
وبعدين جيب لنا العلوم وسلامتك.

رد : منقاش حلال ألعقد / الحلقه الثانية
 

المبرد : مشكور اللي أخذت بخاطري ورديت عليه .. وانا بطلت أروح واللي يبي يروح يروح راحت روح عدوه.
أبو عبدالرحمن :مشكور اللي أخذت بخاطري ورديت عليه , وأحسن لك ما تروح والسبب تبي تقراه في الحلقه الجايه ..
أبو عادل :مشكور اللي أخذت بخاطري ورديت عليه , لكن وراك يا ولد تمطقع بي ؟؟,, الظاهر أن معك طغوه ونهايتها ما تبي تكون زينه لك ,, ماشلا تعرش وتعترط وتدور نشايب ,, بس الحمد لله اللي ما حطوك مشرف ...