رد : طرد الخفاش في قضية فؤاد ومنقاش
 

صدقت والله يامخاوي ومثلك ماهو غريب عليه الصدق يوم ان منقاش ماهو غريب عليه الكذب

جاني خبر من مصدر موثوق مثلك وشرواك يامخاوي منقاش يقول ان منقاش الهابي متفرغ لتنسيق جدول الزيارات للمساجد والجمعيات الخيريه في شهر رمضان المبارك

وانه يقول ان شعار الحمله (الصيف لاهل العماير ورمضان لاهل الحماير)

الرجال ناوي شر ولا وده يخربها مع زهور الريف لاتلطه بقصيده يسمع عنها الناس والقائمين على الجمعيات والمساجد ويخرب الموسم قال الاطفها الين نشرب الماء ومن هناك يجي جواب


بعدين ياناس ترونا خرجنا ونسينا الهرجه

حق فؤاد ماجاه ومنقاش يتمخطر حر طليق الى اليوم والقاضي الله ربنا وربه ماعاد له وحي مدري متى الجلسه الجايه ومشاكس عود يخظرط

رد : طرد الخفاش في قضية فؤاد ومنقاش
 

يا ليتك يبو أمجد تحضر ومعك مخاوي منقاش وتشهدون مع الواد فؤاد حتى أشد الحزام شده توديكم في داهيه أنتم والقاضي والمشاكس .

رد : طرد الخفاش في قضية فؤاد ومنقاش
 

حياك الله يا بو امجد انت ومخاوي منقاش وابشركم وصلت عاصمة العرب
والسبت ن شاء الله ابعرض موضوع منقاش وفؤاد على وزير العدل وشوف وش يوجه به

رد : طرد الخفاش في قضية فؤاد ومنقاش
 

يا منقاش انا ابي ادعيك من اليوم ورايح منقاش الكيماوي وحملة الحزام الي تهدد فيها اسمها حملة طرطشلال(على وزن حملة الانفال)والتنايج تجيب اجلك مثل على المجيد على يد قاضي ظالم مثل العاقل بشهود اظلم مه مثل ابن عزاب وابو امجد وانا طبع0
ابن سلمان الحمد لله على السلامة والرياض نور وفعلا حاسين ان الجو فيه ريحه فواكه الطائف وتكفينا الريحة0

رد : طرد الخفاش في قضية فؤاد ومنقاش
 

الله يسلمك
بس ترى هناك فرق بين الريحة والرائحة
الرائحة مرتبطه بالشيء الزكي
اما الريحة ترتبط بالشيء الكريه
شاهد / نقول رائحة مخاوي منقاش
ونقول / ريحة منقاش

رد : طرد الخفاش في قضية فؤاد ومنقاش
 

حنا ماهمنا الروائح اوالروايح نحن نبحث عن المصدر الحسي وليس الفلسفي

رد : طرد الخفاش في قضية فؤاد ومنقاش
 

اذا انتظر الصوت

رد : طرد الخفاش في قضية فؤاد ومنقاش
 

الاوله : تستاهل يا فؤاد يوم انك اطعت المغويه وتعلقت في الخفاش (المشاكس) وطلعت منها بلاش.
والثانيه: الفضل يعود لشدة الحزام اللي خلت القاضي يتغيب عن الجلسات وخلت الفاضي مثل مخاوي منقاش وابو أمجد وابن سلمان والمشاكس وابن عزاب يضيعون الدعوه وشهادة الزور ويروحون ورا نتيجة شدة الحزام .

رد : طرد الخفاش في قضية فؤاد ومنقاش
 

رد : طرد الخفاش في قضية فؤاد ومنقاش
 

يبن عمي يا محب الجميع : الحقيقه أني أكتشفت سلاح شد الحزام بالصدفه وثارت الزهبه في مجلس الشيخ وفي الخصوم وموكليهم على غفله مني ( يعني غره) .
لكن ظهر أثرها فتاك وخلى القاضي يلعن الساعه اللي عرف فيها دعاوي المشاكس وفؤاد ,ما تشوفه ما عاد يعلق على الموضوع ؟؟.
وبلغني أن المشاكس بعدها أصبح ما يرقد الليل الا بالأكسجين والمهديات ويسري عليه تفجع وتفزز , أما المخاوي فهو كان في المجلس عند القاضي وظهر لي أنه مدمن على أستنشاق الغازات لدرجة أنه لوى خشمه حتى سار مثل خشم أبو كلبشه في مسلسلات دريد لحام أيام زمان .

رد : طرد الخفاش في قضية فؤاد ومنقاش
 

عن الغيبة يا منقاش
اتق الله لا تاكل في لحم الناس

رد : طرد الخفاش في قضية فؤاد ومنقاش
 

يخواني بلغني أن منقاش تعشى لحم حاشي في الليله اللي سبقت الجلسه وشدة الحزام .
وفي يوم الجلسه أفطر بفول مدمس مع الشطه الحاره والبصل والثوم والحلبه, وختم عليها بشن حماط من المخري, وهذي هي الخلطه السريه اللي طلعت نتيجتها فتاكه .

رد : طرد الخفاش في قضية فؤاد ومنقاش
 

جعل فالك في ثفالك يا رويعي الغنم
تراني داخل على الله ثم عليك انت وخوياك اهل الغنم
جيت ابشري للثلاجة لقيتكم مولعين فيها الغلا
تروا القناعة زينة والا تروني معود على بنات الماذن

رد : طرد الخفاش في قضية فؤاد ومنقاش
 

يبن سلمان المشكله في ريالك نزلت قيمته مع الدولار , ما هي في غنم الرويعي وربعه .
قبل أربعين سنه كانت ستين ريال تجيب لك ذبيحه واليوم الست الميه ما تجيبها .
يعني المية ريال اليوم أقل من عشره ريال قبل أربعين سنه .
شفت كيف تضخمت القروش وزاد عددها وقلت قيمتها بسبب الدولار الخبيث.
ولو قروشكم ريالات فضه والا جنيهات كان ما نقصت شي , ولو كان ريالكم أبتعد عن الدولار أمدي نقصه بسيط وامديك تشتري بميتين ريال ذبيحة والا ذبيحتين ما دام أن ورى الريال بترول ومعادن ثانيه وحج وعمره وزياره ..