|
رد: اكتب اجمل قصيدة قرأتها
مساكم الله بالخير جميعا
هذه احدى قصايد الشاعر..../ محمد بن ناصر السلولي اعجبتني فحبيت انقلها لكم السنين القشر تخلف هقاوي من هقا والدهر مركز تجارب وميدانٍ فسيح وش بقا ما علمتنا التجارب وش بقا كل يوم درس بأسلوب ولسانٍ فصيح ياهل المعروف كل شقا باللي لقا والحظيظ اللي من الهم قلبه مستريح الشقاوي في زمانه يهيا للشقا واشهد أنه ما يجي من المليح إلا المليح بين لحظات المفارق ولحظات اللقا تتضح لك صورة الود بالمعنى الصحيح زبدة الخافي تبين ليا خض السقا والصدور اللي بها شر يفضحها الكحيح وصحبة ماهي بتبنا على عز ونقا اخرتها لو تطول مبانيها تطيح لو تشوف اصحابها قدم الأنظار أصدقا مثل ما قال المثل ما يصح ألا الصحيح كل صحبة تم ميثاق أهلها في التقا الحذر منها ترى وضعها ماهو مريح والموفق من تخير صديقه والتقا صاحبٍ قلبه سليم ومنهاجه سميح لعنبو من يتخذ من الرديين ارفقا والله أن يبطي وهو من صداقتهم جريح من بغى حاجةٍ على منبر افؤادك رقا قص لك قصة اسماعيل والكبش الذبيح لين ياخذ من دموعك لغاياته وقا ثم قفا بعدها عنك وأركابه طفيح وش لقا من رافق أهل الخيانه وش لقا واحداً يمشي على ساق والثاني طريح الخيانه شر مبدأ يحاربه التقا لا على ملة محمد ولا دين المسيح |
Re: اكتب اجمل قصيدة قرأتها
فتاة بدوية ترد على طالبة جامعية متحضرة ...!!!
إيــه بـدويــة ريـحـتـي بُـــن وبـهــار هـذا شـرف مـاهـو بحـقـي خطـيـة أنــا بـدويـة بـنـت حــرٍ مــن أحـــرار فـزعـات ربـعـي بالـشـدايـد قـويــة أناهـلـي يابـنـت وافـيــن الأشـبــار كـأنـك جهلـتـي مـــن أنـــا ياغـبـيـة ياجاهلة ماتغتذي الشمس الأنـوار حنا كما شمسٍ على الأرض ضيـه حنٌـا هـل الطـولات هيـبـة ومـقـدار حـنــاٌ مـثــال لـلـشــرف والـحـمـيـة حـنٌـا الطنـايـا للـكـرم رمــز وشـعـار حــنٌــا خــــويٍ مـايـخـلــي خــويـــه الذيب يوم إنه عوى وسط الأسعار عشـوه ربعـي مــن سنـيـنٍ مـديـه يـوم إن جـدك وتٌـق القـفـل بـالـدار بيت الشَعـر مفتـوح صبـح وعشيـة للـضـيـف ريـــف للمـعـاديـن جـبــار نـــرد الـعـيـاض ولانـهــاب الـمـنـيـة يابنت لو بكتب من أشعار وأشعـار تعـجـز معـانـي حـروفـي الأبجـديـة اللعـب خلـي اللعـب لعيـال شطـار لاتدخلـيـن السـيـل وانـتــي نـديــة |
رد: اكتب اجمل قصيدة قرأتها
الا قـال العصيمـي مادهانـي شكيت الوقت واتعبني زمانـي صغير السن لكن شاب راسـي من اللوعات جانـي ماكفانـي وان دالـه واغنـي للمحبـه خلي البال واصـوغ الامانـي حسدت ابن الملوح في غرامه ياحظه كيـف غنـى للغوانـي ابي اهو وابي اعشق واغنـي وابادل بالمشاعر من هوانـي الين انه صدفني مـن سلبنـي فريد الوصف بـراق الثمانـي وهي صدفه ولاهي اي صدفـه مع اللي مبسمه كالـدم قانـي ضحك لي ثم سلب عقلي بعينه وسلمتـه مفاتيـح المحـانـي يقول انه هواني قبـل اعرفـه وانه بين خلـق الله شرانـي هويته مخلص من روح روحي وزاد العشق طبـع مغيرانـي م ابيه يحـب حتـى والدينـه لانـي بالهـو دايـم انانـي حسبت انـي ملكتـه بالمـوده ولكن خاب ظني ي اخوانـي اعلمـه الرمايـه كـل يــومٍ فلم صـاد صيـد ماعطانـي وكـم علمتـه نظـم القوافـي ونظمه بالغزل في شخص ثاني قهرني اااه م اكبر ماقهرنـي بعد ماصار مشهـور جفانـي وعرفت ان الهو سم مصفـى ومن قلد يب يلقـى الهوانـي ابن فرناس قلـد لـه حمامـه وطاح ومات واثر العمر فانـي |
رد: اكتب اجمل قصيدة قرأتها
من قال لك بن اعذب "الشعر" اكذبه ومن قال لك بن اصدق الشعر اعذبه مخطي واخذها من شعر ينطق شعر وكل البحور " الهايجه " مــا تتعبه العمر فان و كل " حاجه " فـــــانيه والوقت " داير " والـلـيالي مــرعبه محدن يعرف اللي "يجي" له فالزمن وما تضمن " الدنيا " لك اللي تطلبه لو كـل هـ / الدنيا " شواعير " وادب ما يكسب الحطاب غير اللي احطبه في كل يوم ٍ نـكتشف "عشر" شعرا واحد كفو والباقي بالطوف اضربه مثل " البضاعه " لا كـثروا تـجارها ما عاد تـنتج " كسب " للي يكسبه السوق " يبلش " والـبضايع فاسده واللي " فسد " يا كثر ناس ٍ تجلبه ياساحة " الشعار " ذا عـصر الجهل يا كاتب " التقليد " لـــــك لا تنسبه كله مكرر و"الفكر" مـثل " الفكر " ذي حالة " الساحات " واللي تنجبه ياصاحبي والشعر في حالــة رثاء رح " للقمر " تكفى حبيبي و اسحبه مـنـزالـنـا بـيـن " الـثـريـا " والقمر لنا " النجم " يصنع " بنوره " مركبه عطني من اعذب ريق يانبع الوفا من كأس حبك وسط هالكأس اسكبه وخل العواذل والشعر واهل الشعر علوم " شعار " " الزمن " ذا متعبه من قال لك من قال لك من قال لك رح قول له بـأن اعذب " الشعر " اعذبه |
رد: اكتب اجمل قصيدة قرأتها
قصيده أبكت الرسول..صلى الله عليه وسلم.. السلام عليكم ورحمة الله وبركاته فقال: يا رسول الله كان ضعيفا ًوكنت قوياً ، وكان فقيراً وكنت غنياً ، فقدمت له كل ما يقدم الأب الحاني للابن المحتاج. ولما أصبحت ضعيفاً وهو قوي ، وكان غنياً وأنا محتاج ، بخل علي بماله ، وقصّر عني بمعروفه ثم التفت إلى ابنه منشداً : غذوتك مولوداً وعلتـك يافعـاً تعلُّ بما أدنـي إليـك وتنهـلُ إذا ليلة نابتك بالشكوى لم أبـتل شكـواك إلا ساهـراً أتملمـلُ كأني أنا المطروق دونك بالذي طرقتَ به دوني وعيني تهمـلُ فلما بلغت السن والغايـة التـي إليها مدى ما كنتُ منك أؤمِّـلُ جعلت جزائي منك جبهاً وغلظةً كأنك أنت المنعـم المتفضـلُ فليتك إذ لم تَرعَ حـق أبوتـي فعلت كما الجار المجاور يفعلُ فأوليتني حق الجوار ولم تكـن عليّ بمال دون مالـك تبخـلُ للولد: أنت ومالك لأبيك |
رد: اكتب اجمل قصيدة قرأتها
شعر: عدنان ابوالمكارم لسوق( الأسهم) استُدرجتُ يوما ** فأتخم جيبيَ الخاوي(بخبطة) فعدت لمنزلي جذلان تبدو *** على وجهي من الأحلام غبطة وخلت الحظّ عاد ليصْطفيني*** ويزرعُ لي جذيب الأرض حنطة وزين لي دخول السوق شخص*** له في البنك صولات وجولة إذا ما قال: ذا سهم سيعلو *** تناقل كل من في البنك قوله له صيت وإقدام وفهم *** له بين (الهوامير) البطولة تأبطني وأجلسني بلطف *** أمام( الشاشة) الخرساء ساعة فأدهشني الزحام فمن سعيد *** ومن باك على( سهم) أضاعه شراءٌ ثم بيع ٍ دون قبض ٍ *** فلا مال رأيت ولا بضاعة سألت بجانبي شخصا كئيبا ** بربّك ما اشتريت ؟ فقال: (ماشي) فقلت : فما بقاؤك ؟ قال: دعني***فها أنا بعد نيل الصفع ماش ِ أيرجو أن ينال الخير شخص *** تورط (بالقصيم) و(المواشي) وملت بجانبي لفتى عليه *** يلوح العز في كفيه مسكُ يغني( للُّجين) و(للفتيحي) ** و(سابك)و(المواشي) ثم(سسكو) فقلت له: أتعني أن فيها *** مكاسب,قال: ما في الأمر شكُّ أمامك يا أخي سبعون (سهما) *** وكلٌّ فيه خيرات ٌ ونعمة فإن تقنع ْ تنلْ خيرا كثيرا *** وإن تطمع ْ تنل ْ بؤسا ونقمة وحاذر أن تكون أسير (سهم) *** وان تغدو متى أرداك خصمه فقمت مجربا حظي لعلي*** أشيد مسكنا يؤوي عيالي وأنسى دوخة (الإيجار) لما *** يحين سداده والجيب خالي وأنفق ما بجيبي دون خوف*** من الفقر البغيض ولا أبالي دخلت بكل قرش في (رصيدي)*** وخضت البحر كي أَحظى بدانة وزاحمت الأشاوس باقتدار *** وأبديت البطولة والرزانة وخلت بأنني سأكون حوتا *** ولم أدرك بأني (كركفانة) دخلت (السوق) أحسبه متاحا ***لذي الدخل الضعيف وذي الجدارة ولكني وجدت (السوق) غابا *** ترفع عن أساليب الحضارة تحكم في تألقه لئام *** يرون نجاح غيرهم ُ خسارة تحملنا عظيم الصفع حتى *** أصيب أشدنا صبرا بجلطة وألبسنا (المؤشر ) ثوب هم ٍ *** وصرنا من تقلبه بورطة إذا ما أخضرَّ ذا يوم كئيب *** تراجع خاسئا (تسعين نقطة) فها أنذا - وبعد مرور عام *** غدوت أسير أحلامي وغرسي أراقب (أسهمي ) والقلب يغلي *** وأعلم أن يومي مثل أمسي فإن أنا بعتها ضيّعتُ مالي*** وإنْ أبقيتها ضيعت نفسي فيا رب الورى لطفا فاني *** حملت الهمّ في سنِّ الشباب ِ وعاجلني المشيبُ , وِعْيل صبري*** وحالفتُ الأسى من هولِ ما بي فسدد رميتي واقهر عدوي *** وبرد مهجتي واجبر مصابي |
Re: اكتب اجمل قصيدة قرأتها
التسرع عيـب فـي كـل الامـور
من تسرع بالرمايـه مايصيـب الصراحه بدها والشـرط نـور لاتسمـي غلطـة الاهمـال طـيـب الرضاء والخط واشهاد الحضـور من شروط الحق مافـي الحـق عيب بعـد ذالـك لايجـي مـن قصـور وان دعيت بحق جـوب واستجيـب تضحـك الايـام لـك ولا تـجـور الحقيقـه تتضـح مهمـا تغيـب كل شي دوار والدنيـا تـدور ماعلى الدنيا ومافيها غريب والذي تلقاه في عمر الزهـور في طريـق ٍ متجـه نحـو المشيـب |
Re: اكتب اجمل قصيدة قرأتها
تل قلبي تل ركب المهمهيه الشاعره (فتاة الوشم)العتيبيه تل قلبي تل ركــــــب المهمهيه 000يوم خف الشيل وشنونه طووهـا في لهيب القيظ صبحه مع عشيه 000بالمطارق والعراقيب الهدوهـا والموارد خوف والدار اجنبيه 000والدروب العوج معها سخروها ماطرقهن في قديم الوقت فيه 000بالمغازي والمناكيف اتعبوهـــــا منوتي ريحة هوى نجدالنقيه 000في خلاًًََ منه الجوازي جفلوهـــــا ماحلا من عقب مزنه عقربيه000جرة العساس فيها مالقوهـــــــــا شيدوبيت الشعربراض عذيه 000شف بالي ربعته يومارفعوهــــا طوقه نبت الاخزاما زالنصيه 000في رياض بالجوايل مارعوهـا وانزلوه اللي يمانيهم سخيه 000وعلقوا ضو المناره واشعلوهـــــا واحتما محماسهم بغلاشريه000والدلال الصفر بالصالي شوووها وقدموفنجالها مثل الهديه 000 بعد ما بالهل الاخضر بهروهــــــا دق نجر يجذب الساري عويه000ماتوزوبالمطابخ وطحنوهـــــا يوم جيبت مثل مجهول الهويه000ماتسر ونارها ماشاهدوهــــــا دلة لو قلطت بالطوفريه000 ماتساوي اللي على المله جذوهـــــا تجمع الظفران ورجال الحميه000والسواليف القديمه حدثوهــــا في البطوله والخوي ويا خويه000من عهودجدودهم مازيفوهـــا يامحمد يازبون الدوبليه 000عيني اللي لمة البدو حرقوهـــــــــا مشغلين البال والعين الشجيه000ليت نفسي بالوعر ماعلقوهـــا للبيوت السمر عندي جاذبيه000ليتني سجيت مع ناس نسوهـــا اه وعزاه دام الروح حيه 000من طبوع للقبايل سيبوهـــــــــــا بدلوها بطبع ماله قابليه000 وستعارولهجة ماعلموهــــــــــــــا راحت الشيمات يامحمد ضحيه000والتاليد العريقه مابغوهــــا ردالشاعر محمد بن سبيل عليها فزقلبي من وصول الخط ليه000فزت ام في ولدها بشروهـــــــــــــــا غايب عنها ولا له مقدريـــه000منشغل منه المعازيب حرموهـــــــــا مرحبا ترحيبة النفس الرضيه000بالرساله وباهلها ومن احضروهـــا يافتاة الوشم لك مني تحيــه 000 شاعرة نجد العوارف رشحوهـــــــا تشتكين الشوق للماضي عليه000منوتك شوفة بيوت شيدوهــــــــــــا شوفت الحوال بديار خليه 000خلفهم باقي دبشهم عقبوهـــــــــــــــــا بيتهم بالقيظ تسداه بدويه 000 ونهته قبل المخايل وشكروهـــــــــــــا والحنين لذيك الايام الهنيه 000يوم اهل نجد العمايرمابنوهـــــــــــــا لايزيد الشوق وتزيد الشكيه000البيوت السمر اهلها بيعوهـــــــــــــا العراوي صار من عقب المطيه000مركب البدوان وجموس شروها وبعد ماكانو يربون الرعيه 000الذبيحه لابغوها دوروهــــــــــــــــا ماجعل روحي على حوض المنيه000غير تذكاري طبوع بدلوهـــا لطرت لي عيشة البدو الحليه000والحياة اللي بعظهم سمجوهـــــــا جظ قلبي جظ من ضيع خوبه000في ديار مقفره ماسنعوهـــــــــــا وزادت اشواقي وحسراتي خفيه000لسنين اللي جدودي عاصروها وماحلا صيد الضبا بالبندقيه 000لين حدوها على الخيل ورموهــا وماحلابالبر عزف السمسميه000 والربابه في يدين من عشقوهــا ماتقهوو من قهوة الزمزميه 000 دلة الرسلان ساعة بهروهـــــــا وختلاف الوقت نعتبره زريه000عيشة الماضي بكو من جربوهـا هذه الدنيا على العالم جريه000 هي تجاهدهم وهلها جاهدوهــــــا وسلمي يابنت حامين الونيه000مابدت شمس النهار و طالعوهـــا |
Re: اكتب اجمل قصيدة قرأتها
يا زمان العجايب وش بعد ما ظهر كل ما قلت هانت جد علم جديد إن حكينا ندمنا وان سكتنا قهر بين قلب عطيب وبين راس عنيد لو تفيد المدامع كان اسيل نهر مير كثر التوجد والدمع ما يفيد اصبر ايام واشهر واتصبر دهر وان حصل لي مناتي جيت لوني بعيد ارجي الله وارقب كل طالع شهر يجلي الهم عني او عسى ما يزيد يا غزال فضوح الزين عنه اشتهر في عيوني ملاك ووسط قلبي وحيد مخطي اللي يشبه وجنتك بالزهر الزهر ماله رماح تصيب وتصيد لو جحدت المحبه سقم حالي جهر مير كل قلب ياصل اللي يريد |
Re: اكتب اجمل قصيدة قرأتها
أسابق الساعه و تسبقني الساعه
تقضي و انا توني باوّل ثوانيها أبشتري وقت وين اسواق بيّاعه ياللي تبيع الدقايق حد و اشريها قلبي يبي وقت لو الوقت ما طاعه و عيني تبي شمس لو الشمس تعميها و نفسي مثل باقي الاجواد طمّاعه ابي اجدّد على الفرحه لياليها لا شك الايام للفرحات منّاعه لو نوّرت ليلةٍ عشرين تطفيها يظهر ثبات الفتى و النفس مرتاعه خوفٍ على اللي نحبّه من بلاويها لو ان كل ينال مناه بذراعه خذيت حقّي من أقصاها لدانيها المشكله انك يابو لحظين بتّاعه تاخذ سلاحي من الكفين و أعطيها و انا ادري ان العيون السود خدّاعه لا شك ودي أصدّق منك داعيها و المهتوي لاهتوا مايطوي شراعه يمشي على النار كنّه ما وطَى فيها |
Re: اكتب اجمل قصيدة قرأتها
حول سحابي واحسب اني وصلته ***** وهبت هبايبها وشــالت سحـــــابي
حلم على غفوه زمــــاني حلمـــته ***** ليت الزمان اللي غفا ماصحـــابي في غمضه من ليل عمري سرقته ***** لاشك حظي من عـــذابي وشى بي الليل يوم انه صحابي جــــــــرحته ***** والعمر في مجروح ليلي سرى بي من وقتي المجروح لجروح وقته ***** يمشي وحظي بالعثـــــاير مشى بي لو ان قيدي في يديني كســـــــرته ***** مير البــلا قيدالـــــغرام الـتوى بي الله من صوت على الشوق جبته ***** والله من كلـــــمه غــــلا في كتابي |
رد: اكتب اجمل قصيدة قرأتها
يقوول أنـا وااافي.!!.وابيـك توفيـن ابـيـك انـــا ويـــاي صـبــح ومـسـيـه ويقوول احبك حيل ويحـب عشريـن!! ونفس الحكي قالـه لهـذي وذيـه..!! هــذا تــرى حـــال شبـابـنـا الـحـيـن يــا لـلأسـف مــا عـــاد فـيــه حـمـيـه كـثـرة فـتــن ولاهـــي قـلــة الـديــن والا البلى كله من ضعـف البنيـه ..!!! يا بنت مابـه حـب فـي وقتنـا الشيـن والله يـحـبــك لــجــل غــايــه دنــيــه لامن قضـى يرميـك وانتـي تخسريـن ومـحـدٍ تــرى يـكـون غـيـرك ضحـيـه والله مـن حـبـي لــك ابـيـك تعرفـيـن منـهـو يحـبـك مايـجـي بالخـفـيـه ..! دووسـي علـى قلبـك ولا لا تبوحـيـن ولايضعـفـك حكـيـه وخـلـك قـووويـه وعـوذي باسـم ربـك مـن الشياطـيـن والله يحفظـك مـن كـل زلــه وخطـيـه وحـبــي هـلـك..كـان بـودك تحـبـيـن وربـعـك ونـاسـك والـوجـيـه الهـنـيـه والصاحـب الـصـادق بالعـسـر واللـيـن ومنهـو طلـب ايــدك بشـمـسٍ ضـويـه ذولا الـلــي مـــن حـبـهــم ماتـمـلـيـن ومايلحـقـك مــن دربـهـم شــر واذيــه نظمـت لـك حرفـي مـن واقــعٍ شـيـن وقــتٍ ردي ونـفـوس جشـعـه رديــه لاتفكـريـن قـولــي مـجــرد تخـامـيـن والا مـخـاوف بايـتـه بـصــدر بـدويــه والا انـــا مـالــي بــــدرب المـحـبـيـن ساقي..كسرته لو وطى درب الخطيه سمعتي في عيونـي تسـوى ملاييـن والله مـارخـصـهــا مــادمـــت حــيـــه وترى الحكي مقصـور علـى الردييـن وادري بـه رجـالٍ مارضـت بالدنيـه.." |
رد: اكتب اجمل قصيدة قرأتها
إن غبت جبت وعادتي لاغبت ماارجع بالهزيل
ان جبت اجيب اللي محد بالشعر قبلي جابهـا على سبيل اهل المثل ماني مثل اهل السبيـل اللي معاني حضورها تشبـه معانـي غيابهـا تعشقني الفكره بكر..واقهر بها الوزن الثقيل اللي بنات افكارهم مبطـي رميـت حجابهـا لا ( المســتحيل ) يردني ولا ابن عم ( المســتحيل ).. يا ما كسرت ( القاعدهـ ) وأخلفت وجهـ ( إعرابها ).. مهما بلغ كثر العدد يبقى بنظـر عينـي قليـل مايغلبـون التغلبـي قـوم عطـت مضرابهـا ايه الشجاعه تغلب الكثره وانا اعطيك الدليـل الذيب يـدرع بالغنـم ولا يحسـب حسابهـا لو كل من اسمه جميل من العرب يطلع جميل كان أكثر اسماء العرب تحمل صفات اصحابها ماينعم بظل النخيل اللي تحت جـذع النخيـل الشمس تصقع هامتـه حتـى يحيـن غيابهـا ولا طولت عمر أدمي قولة عسى عمرك طويل طول العمار وقصرهـا رب العبـاد ادرابهـا رح ردها عني وانا بأكبـر عواقبهـا كفيـل ان كانها كذبـه فأنـا بيـن العـرب كذابهـا ان الشجاعه تغلب الكثره وهـذا اكبـر دليـل الذيب يـدرع بالغنـم ولا يحسـب حسابهـا |
رد: اكتب اجمل قصيدة قرأتها
الشآرع إللي فيه نآس وممرآت
................................مآهمني من أوله من أخيرهـ لو كآن به شيخآت وإلا أميرآت ................................أنآ ما أشوف أحدن سوآكـ الأميرهـ بـين الـسعوديآت والأجنبـيآت ...............................ما الله خلق لكـ بالوصآيف خشيرهـ بالزين حطمتي جميع العلامآت ................................عنقآء غنوجـه مستعفه صغيرهـ قدكـ رشف من غآية الزين رشفآت ................................لا إنتي طويله حيل ولا قصيرهـ يآ بعد من الهقوآت وأقرب من الذآت ................................وأصدق من إحساس العشير لـ عشيرهـ ويا سآلفة مالآ بدينا وما فـآت ...............................ويا عشق بن شدآد وأبو نويـرهـ تفتحي على ضفآف البحيرآت ................................وتنقلي فيهن بحـيرهـ ~ بحـيرهـ كونـي كذآ على صدور البنيـآت ................................كتمت نفس .. كوني كذآ .. يآ خطيرهـ إنتي حسب ما روجته الإشآعآت ................................مخلوقـةَ لأجل يمـوتـون غيرهـ أسعد مسآء بين كل المساءآت ................................تـعريضكـ مثل المهآ المستذيرهـ ياللـي عليـكـ تحدد الأولويـآت ................................مغيث مآت من الجفآ يآ بريرهـ أبسألكـ يا أمـ العيون الوسيعآت ...............................إللي تولـع فيكـ وشهو مصيرهـ قصيــــدة : الامـــــــــــــــــــــــــــــــــــــــيره تعبت وأنا أطوي عليكـ المسآفآت ................................و ويلآهـ من بعض الدروب العسيرهـ خوذي هوآي بصمت وأخذكـ بسكآت ................................وتفآئلي بالصمت والصمت خيرهـ للشـــاعر : يــأسر التــويجؤي |
رد: اكتب اجمل قصيدة قرأتها
عـــــــزالله إنـــــــي يــــــــوم حــبـــيـــت .. حــبـــيـــت ................................مـا كـنـت آحـسـب الـحـب هــذي علـومـه ضحـيـت وأخلـصـت وعـطـيـت وتفـانـيـت ................................لـــــو إن نـفــســي مـــــن عـــطـــاي / مــحــرومــه الظـاهـر إنــي طـحـت .. وأنــا مــا سـمّـيـت ................................ولا أظــن لـــي مـــن بـعــد مـــا طـحــت قـومــه مــا جــت لــي الدنـيـا .. عـلــى مـــا تمـنـيـت ................................حـلــمــت .. والاحـــــلام شــبـــه مـعــدومــه ! عجـزت .. وأنــا الـلـي الــى قـلـت سـويـت ................................حــظـــي فـــتـــر حــيــلــه .. وبــــــرْدت عـــزومـــه يــامــا قـطـعــت مــــن الــــدروب .. وتـعـنـيـت ................................وسـريـت لـيــل ٍ .. مـــا تشـعـشـع نـجـومـه وكــم ليـلـة ٍ روحــي عـلـى كـــف عـفـريـت ................................وأقـول : مـا آحـد ٍ مـيّـت ٍ قـبـل يـومـه مـا تحـت رجليـنـي .. يــا كــود الدنامـيـت ................................آطـــا الـخـطـر .. كـنــي مـعــارض حـكـومــه وقفـت .. فــي وجــه الـظـروف وتصـديـت ................................وقــفـــة شـــجـــاع ٍ .. راس مـــالـــه ســلــومــه وش عـــاد أخـــذت مـــن المـحـبـه وخـلـيـت ................................حــب ٍ مـضـى وقـتـه .. وبـقـيـت رسـومــه عــلــيـــه أجـــــــر مـــــــع الــونـــيـــن / الـتـنــاهــيــت ................................لا أخذت لي في جوّه الرحب .. حومه ذكراه حولي كل مـا أصبحـت وأمسيـت ................................رحــل : والأصـعـب مــن رحيـلـه ؟ قـدومــه |
رد: اكتب اجمل قصيدة قرأتها
هذه قصيده شالح بن حطاب بن هدلان من قبيله الخنافره منقبيله آل محمد القحطانيه بعد ان جاءه خبر وفاه ابنه ذيب....وكان ذيب بار في ابيه جدا جدا جدا .....القصه:- راح ذيب هو واخوياه وكان قائدهم وكان عددهم لا يتجاوز الـ 15 رجل قال ذيب حنا رايحين لقبيله عتيبه علشان ناخذ منهم ابل لااهلنا وقال لازم اجيب لاابوي اجود انواع ابل عتيبه ...ويوم راحوا يشربون من بير عتيبه لقوا سقاه من قبيله عتيبه واختبئوا ذيب واخوياه علشان مايشوفونهم ....واكن هناك قناص من قبيله عتيبه شافهم وتابعهم واطلق عليهم بالبندق وجات الرصاصه في ذيبفكان هذا يومه فحلت على ابوه اكبر مصايب الدهرفقد ولده البار فقد الكرم الحاتمي فقد النخوه والرجوله ومن القهر ساق هذه الابيات لتقطر من قهر شالح وتقول:--</font>
--------------------------------------------- ياربعنا ياللي على الفطر الشيب ... عز الله انه ضاع منكم وداعه رحتوا على الطوعات مثل العياسيب ... وجيتوا وخليتوا لقلبي بضاعه خليتوا النادر بدار الاجانيب ... وضاقت بي الافاق عقب اتساعه تكدرن لي صافيات المشاريب ... وبالعون شفت الذل عقب المجاعه ياذيب انا بوصيك لا تاكل الذيب ... كم ليله عشاك عقب المجاعه كم ليله عشاك حرش العراقيب ... وكم شيخ قوم كزته لك ذراعه كفه بعدوانه شنيع المضاريب ... ويسقي عدوم بالوغى سم ساعه ويضحك ليا صكت عليه المغاليب ... ويلكد على جمع العدو بااندفاعه وبيته لجيرانه يشيد على الطيب ... وللضيف يبني في طويل الرفاعه جرحي عطيب ولا بقى لي مقاضيب ... وافخت حبل الوصل عقب انقطاعه كني بعد فقده بحامي اللواهيب ... وكني غريب الدار مالي جماعه من عقب ذيب , الخيل عرج مهاليب ... ياهل الرمك ماعاد فيهن طماعه قالوا تطيب وقلت: وشلون بااطيب ... وطلبت من عند الكريم الشفاعه |
رد: اكتب اجمل قصيدة قرأتها
يا سارقا قلبے أتتـــگ جوارحــے
طوعــا بـــلا أمــــر ولا استئـذان فـأنــا الــذي أهملتــہ وتركــتــہ كنزا للـص هــواگ حيــن أتانــے فارفـق بـہ ما دمـت تملگ امره واحفظہ حفظ الصــدر للــرئتان واذا لقيتـگ فأعطنــيــہ دقائقــا لأجـــدد الحــب بــہ شـريـانــے وإذا قضــيت فخــذه منـے راضيا سبحان من مـن دونــہ احيانــے وإذا لقيتگ لا تســل عــن حالتے فملامحے بالشــوق خيــر بيــان للدمع والليــل الطويــل تــرگتنے وتقول لے فـے البعد ما أضنانے عجبا لأمرگ گيف عن حال تسل اولم تگن فے الهجر من اردانـے عجبا لأمر العـاشقيــن لمــا أرى لا يــگره المجنــے عليــہ الجانے دع عنك ماقد فات واسمع مايلے فالعمــر مهما طال طــول فانے داو المســـامع بالكــلام وداونے بالــوصل ان فــراقنا اعيــانــــے في ليلـــة قمــرية كـــے احــلف أني رأيـــت فــے ليلــة قمرانــے واسمــع عيــونے كلما لاقيتـــنے فأنا عيونے في اللقــاء لسانــے |
رد: اكتب اجمل قصيدة قرأتها
حكمة الأقدار لماذا تلكم الأقدار قدرت لنا الأخطار نتوه بزورق الدنيا ونجمع راية الأسفار وحين يموج بحر الحب نرسل فوقه الأشعار لماذا تجمع الأيام بين خمائل الأسرار **** نريد الحب أم نأباه ولكن كلنا يهواه وننثر في الفضا يأسا تعودنا بأن نلقاه ونكسر قلة الأحزان كي نمشي علي ذكراه وتحت عيوننا سهد تواعدنا علي مجراه ****** تعذبنا يد الأحلام ويحرق قلبنا الإلهام وحين نريد بعض النور تلقم عيننا الأوهام وإن ندنو لبرء الشوق ندرك موكب الاسقام *** لماذا قلبنا يشعر ويدرك أننا نهجر وكيف نموج في دمع وكأس دموعنا أبحر وحين تصدنا الأحلام نبكي بعدها أشهر لماذا خلفنا صمت يبوح وكلنا ينظر ***** لماذا نقتل الآهات في أرض بغير دموع ونسبح في ربيع الوهم خلف العالم الموجوع ودون منالنا قهر يدوي في عرين رجوع وإن مرت ربا الأنغام أطفأنا لديه شموع |
رد: اكتب اجمل قصيدة قرأتها
دع الهويني لاهل العجز والكسل
وعانق الصبر واغنم ساعة العمل ولامس النجم في عز وفي شرف وسابق لريح في حل ومرتحل والله لو كنت تدري ما خلقت له لبات قلبك بالأجشان في شغل ولا سعدت بنوم أو لهو بما يلهيك عن منزل السادات والنبل ولا رضيت بدنيا كلها ندم سعت لكل حقير من بني السفل يكفيك ان رفيق العلم منزله بين السماكين مرفوعا على زحل تهفوا له الشمس والجوزاء تحسده يبيت فوق حشايا الجد في قلل ذو العلم حي ولو ذابت حشاشته له الجلاله عن حاف ومنتعل حتى الملائكة الابرار تذكره والنمل يدعوا له في السهل والجبل أقلامه تعمر الدنيا إذا نطقت ألواحه صحف الرضوان والامل كلامه درر احكامه عبر أفعاله اثر لله من حلل مات الملوك واهل العلم ذكرهم كالمسك في الناس ند عشرق جزل |
رد: اكتب اجمل قصيدة قرأتها
سريت البارح اهوجس وقلبي في هواك احتـار هويتـــك بالفعل واقسمت لاأراهن على حبـــك لقيتك في بحرعمقه يساعدنــي على الابحـــار وضميتـــك على صدري وقلبـي يحتضن قلبــك مضينا لين صـرنا احباب وصرنا بالهوى احرار ومــوج البحـر يبعــدني وانا مــرهون في قـربك عسفـت القـلب واشقيتـه من اجلك وابتدا المشوار يحــس بلهفــه الاشـــواق ورسيتـــه علــى دربك رسمتــك فـي خيالي كــون تســابق صـوبه الافكار واشــوفك في منامي حلم وقلبــي ينجـرف صوبك سكنتـي في الفــــــؤاد ايام ولكن شـــاءت الاقــــدار وصار القلــب من شوقه ليا شافـــك يــرحــب بــك عشقــت الحــب من حبـــك وانا شـاريك مهما صـار واظنــك عــارفه قــــدرك مــع الــي دوم يفخـر بـك ابـي كلمـــه تشجعنــي ونظــره تسبـــــق الانظـــار ولهــفـــه شـــوق اوهمســــه تطمنـــي على حبـــك |
رد: اكتب اجمل قصيدة قرأتها
بديت اخسر كثير من البشر ياصدري المحشـور امانه ليه..؟!! لاضاقت ضلوعـك صحـت باحبابـك علامك ليه ياصدر الشقـاوي ماتطيـق الشـور تهجّ. لويـن..؟ والدنيـا مـدا واسبابـي اسبابـك اخبرك كنت.. ابو كل الفضا والخاطـر المسـرور علامك ليه ضقت وطارت اسرابي عنْ اسرابـك تجهّم للزعل وانت الحليـم الواسـع المخبـور تصك ابواب صبرك ليه..؟ في وجـهٍ.. تعـزوابـك أنا ما كنت أحسبك من بعيـد العالميـن تثـور أثرك اللي تثور من اقرب الدنيـا.. مـن اقرابـك غلط بعض البشر يرثع عبث في داخلك ويـدور يلفّك ليـن حلمـك ينتهـي.. وتغربـل اعصابـك انا وشلون اعديهـا..!! وقـول لحضرتـك... معـذور ماْدامك ضقت فيه وجه اللي ليا ضاقت تهقوابك وصل فيك الزعل تلمس طرف من يجبر المكسور وصل فيك العبث..؟ تخطـي بحقـه يـوم حيابـك تعوّذ بالكريـم اللـي وهـب للمتقيـن الحـور اذا ضاقت بك الحيلـه عليـك وضاقـت ثيابـك وخلك مثل خبري بك مداهيلـك فـرح وسـرور وقلّط كـل خلـق الله بوسطـك وافتـح كتابـك قديم اسمع وارددها يقولـون الصـدور قبـور وابيك تصير قبر همـوم وقتـي لا تقهـوابـك |
رد: اكتب اجمل قصيدة قرأتها
أوعدْك كان حضوري مسبـب إزعـاج
..أودعك ، وأغيب ، وألغـي حضـوري لاصرت ماني عنـد ضيقاتـك ، فـراج ...قول لـ مقادير الزمـن ويـش دوري ؟ ماني بـ[ فاتح باب قلبي لـ/ الإحراج ] وماحب أكون إنسان ماهـو ضـروري يوم أنت كنت بـ( ظلمة أيامي ) سراج .ماخافت الخطوات .. حـزّة عبـوري ! جيتك غلا ، ماجيتك إنسـان / محتـاج ...والناس تعرف ، قيمتي مـن مـروري كتبت لك .. أبيات ، وقصور ، وأبـراج .وإن مارضيت شلون يرضى غـروري ببعد وأنا أدري ما ورى بعدك / إعـلاج ..والهجر ( ماهو من دواعي سـروري ) دامك تبادل ضيقي .. بـ/ ضحكة إحجاج وش بستفيد .. إن ماتـداري شعـوري ياكثر ، ماخبيت شعـري .. بـالأدراج خايف يضايق وسع صدرك / ظهوري !! |
رد: اكتب اجمل قصيدة قرأتها
[POEM="font="Tahoma,5,blue,normal,italic" bkcolor="transparent" bkimage="" border="none,4,gray" type=3 line=0 align=center use=ex num="0,black""] يقول اللي جرح قلبه حبيبه وجرب لوعة الحب ولهيبة الا ياويل منهو عاش مثلي صويب القلب والحاله تعيبه سنين اطوال راحت من حياتي وانا محتار وجروحي عطيبه اسير بشوق خلٍ مارحمني ياليت اللي سطا بقلبي يصيبه تركني وشمت العذال فيني عنيد الراي مايرحم صويبه يقولون اترك الزين وغرامه حبيبٍ خان ودك وش تبي به واقول المختفي محدٍ درابه عسى من لامني به يبتلي به انا مدري علامه مايبيني صحيح الزين عادته غريبه قبل سنتين يتمنى وصالي يبي قربي وحبي ويهتني به واشوف اليوم انا اتمنى وصاله سمع صوتي وعيا لا يجيبه انا لا قلت تكفى شوف حالي ابي كلمه تهون لي المصيبه يردد كلمته ويزيد ناري (انا مابي غرامك ماهي غصيبه) انا وش حيلتي بللي ظلمني وظلم قلبي وهو من اول حبيبه على فرقاه رددت الغناوي ابي يسمع قصيدي ويعتني به ولكنه رفض يسمع كلامي وانا الدمعات لعيوني قريبه انا وش فادني ترديد شعري مدام الحظ قصر لا يجيبه مسحت بدمعي ما خطت ايدي بعد ماكانت ابياتي عجيبه وضاع الشعر ويا الحب مني وبقا مبداي الاول ينتهي به واقول اني نسيت الهم لكن يقول اللي جرح قلبه حبيبه [/POEM] |
رد: اكتب اجمل قصيدة قرأتها
هاذي اجمل قصيده قريتها
للشاعر خلف الثمالي أ[POEM="font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=1 align=center use=ex num="0,black""]سقاكِ ياذاتَ ريشٍ وافرُ الدّيَمِ=إن أنتِ أوصلتِ ما قد خُطّ بالقلمِ قد رفرف القلبُ بالأشواقِ فانطلقي=للحِجْرِ من نجدِ وانئي شامخَ القِمَمِ ففيه حُدْقٌ سبت عقلي بنظرتها=لم أنسِها قطّ ما أبديتِ من نغمِ إني هنا أصطلي ناراً لهجرتها =عن طائفِ الورد فلتحنو لمُنسجمِ ياحِجْرُ لم تحضنِ الأرضون قاطبةً=غيداءَ إلاّك واسأل هيئةَ الأُمَمِ فاسعد بها وافتخر ياحِجْرُ أن خطرت=حُشَاشَةُ القلبِ في واديك بالقدمِ قل للحمامة إن حطّت بمربعها=ألقي الرّسالةَ يامن قُمتِ بالهِمَمِ من غير أن تسألي الغيداءَ عاطفةً=حتى تجودَ بها من خافقٍ نهِمِ وإن بدا غير ما يصبو القتيل له=عُودي إليهِ وعُتْباهُ على الذّمَمِ فنحنُ في عصرِ بوش الإبن لاعُمَرُ=عصرٌ نرى فيه دوماً فاقِدَ الشّيَمِ[/POEM] مشكور يابو على على انشاء هذا الموضوع |
رد: اكتب اجمل قصيدة قرأتها
هلا وغلا ياسلطان حضورك محل اعتزازي ومشاركتك لأحد ابناء القبيله الذين يهمني نجاحهم
[POEM="font="Tahoma,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""] إن المكارم أخلاق مطهرة = فالعقل أولها و الدين ثانيها و العلم ثالثها و الحلم رابعها = و الجود خامسها و العرف ساديها و البر سابعها و الصبر ثامنها = و الشكرتاسعها و اللين عاشيها و النفس تعلم أني لا أصدقها = و لست أرشد إلا حين أعصيها و العين تعلم في عيني محدثها = من كان من حزبها أو من أعاديها عيناك قد دلتا عيني منك على = أشياء لولاهما ما كنت تبديها [/POEM] |
رد: اكتب اجمل قصيدة قرأتها
دع الأيام تفعل ما تشاء هذه قصيدة للإمام الشافعي رابع الأئمة بعد كل من الإمام أبو حنيفة، http://www.thomala.com/vb/imgcache/c...a9b2875d84.jpg والإمام مالك، والإمام أحمد بن حنبل، وقد كان الشافعي قوي في اللغة فبعد أن حفظ القرآن الكريم وجوده قام بحفظ الأحاديث النبوية الشريفة، والتفسير، على يد عدد من العلماء العظام، وكان الشافعي صاحب ذاكرة قوية حافظاً للتفاسير التي قيلت في عصره. وقد اتجه الشافعي إلى البادية وبالتحديد إلى قبيلة هذيل وذلك لتعلم اللغة، حيث اشتهرت هذه القبيلة بإلمامها بعلوم اللغة وفصاحتها، فتعلم الشافعي الشعر والأنساب فقام بحفظ عشرة ألاف بيت شعر، وكان يشتهر بذاكرة قوية قادرة على استيعاب وحفظ كل ما يقابلها من علوم. وقدم الشافعي عدد من القصائد المتميزة نذكر منها هذه القصيدة: دَعِ الأَيّـــامَ تَـفـعَلُ مــا iiتَـشـاءُ وَطِـب نَـفساً إِذا حَـكَمَ القَضاءُ وَلا تَــجـزَع لِـحـادِثَةِ iiالـلَـيالي فَــمـا لِــحَـوادِثِ الـدُنـيا iiبَـقـاءُ وَكُن رَجُلاً عَلى الأَهوالِ جَلداً وَشـيمَتُكَ الـسَماحَةُ iiوَالـوَفاءُ وَإِن كَثُرَت عُيوبُكَ في iiالبَرايا وَسَـرَّكَ أَن يَـكونَ لَـها iiغِطاءُ تَـسَـتَّر بِـالـسَخاءِ فَـكُـلُّ iiعَـيبٍ يُـغَـطّـيهِ كَــمـا قـيـلَ iiالـسَـخاءُ وَلا تُــــرِ لِــلأَعــادي قَـــطُّ iiذُلّاً فَــإِنَّ شَـمـاتَةَ الأَعــداء iiبَـلاءُ وَلا تَـرجُ الـسَماحَةَ مِـن بَخيلٍ فَـمـا فـي الـنارِ لِـلظَمآنِ iiمـاءُ وَرِزقُـكَ لَـيسَ يُـنقِصُهُ iiالـتَأَنّي وَلَيسَ يَزيدُ في الرِزقِ iiالعَناءُ وَلا حُــزنٌ يَــدومُ وَلا iiسُــرورٌ وَلا بُــؤسٌ عَـلَـيكَ وَلا iiرَخــاءُ إِذا مــا كُـنـتَ ذا قَـلـبٍ iiقَـنـوعٍ فَـأَنـتَ وَمـالِـكُ الـدُنـيا iiسَـواءُ وَمَــن نَـزَلَت بِـساحَتِهِ الـمَنايا فَـــلا أَرضٌ تَـقـيهِ وَلا سَـمـاءُ وَأَرضُ الـلَـهِ واسِـعَـةٌ iiوَلَـكِن إِذا نَـزَلَ القَضا ضاقَ iiالفَضاءُ دَعِ الأَيّـــامَ تَــغـدِرُ كُــلَّ iiحِـيـنٍ فَـما يُـغني عَنِ المَوتِ الدَواءُ |
رد: اكتب اجمل قصيدة قرأتها
يعطيك الف عافيهSSSS
اعجبتني القصائد:thumbs_up: |
رد : اكتب اجمل قصيدة قرأتها
[POEM="font="Tahoma,5,crimson,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]انزف فمن حق الهوى أن تنزفـا
وتصوغ بالآهات شعراً مرهفـا من منبع الحب الأصيـل مـدادهُ وكفى بهذا الحب برهانـاً كفـى إن لم تكن يا شعر صوت هدايـة تحدو بنا نحو السبيـل المقتفـى فاغرب فلا جمعت فـؤادي ليلـة بك.. لا,ولا وافيتنـي متزخرفـا ياللقصائد كيف يشـرق وجههـا وتهش في مدح النبي المصطفـى تتسابق الأبيـات نحـو صفاتـه لتزور بحر المكرمـات وتغرفـا من أنقذ الإنسـان مـن أغلالـه وأضاء من نور الهداية ما انطفا من أخرج الإنسان من ظلماتـه وأقام معنى العـز فيـه وشرَفـا في بطن مكة والجبـاة سواجـدُ لـلات والعـزى تراهـا عُكَفـا أوحـى إليـه الله مـن آيـاتـه أنذر وذكر مطمعـاً ومخوفـا .. فأقـام يدعـو والظـلام مخيـمَ والكون بالدين القويم قد احتفـى فزع الطغاة المشركون وأجلبـوا ليعكروا نبعا نميـرا قـد صفـا أنـى لهـم والله بالـغ أمــره حتى ولو حشد الضلال و أوجفـا وخرجت يا خير الخليقـة كلهـا من أرض بكة كارهـا متأسفـا تبكي على دار الطفولة والصبـا وتحن للبيت الحرام .. وللصفـا ونزلت ضيف الغار أي سعـادة غمرتـه حيـن دخلتـه متلطفـا وتوقف التاريخ يرقـب ساعـة أحداث هجرته ويصغي مرهفـا وتكاد طيبة أن تسير إليـه مـن شـوقٍ ويسـأل نخلهـا متلهفـا اليـوم يبـدأ بالهـدى ميلادهـا وتضيء شمس حضارة لن تكسفا اليوم تبدأ فـي الحيـاة مسيـرة لن تنتهـي يومـا ولـن تتوقفـا وأقام في أرض المدينـة دولـة كانت مثـالا للطهـارة والصفـا وبيـوم بـدر والملائـك حولـه والمؤمنون الصادقون أولو الوفـا وبفتح مكـة خاشعـاً متواضعـاً ماجاءهـا بطـرا ولا متعجرفـا يا صاحب الخلق العظيم منحتهم أعناقهم وعفوت عمن قـد هفـا ويقـول نـذل كافـر متهـالـك كان النبي المصطفى ( متطرفا !) اخسأ عدو الله إنـك لـم تـزل عن ركب أصحاب الهدى متخلفا كل البيان ومـا شفيـت تلهفـي ولو اتخذت البحر حبرا ماشفـى ولواصطفيت من العروق قصيدتي ونسجتها بالروح لم أك منصفـا لو كنت أملك أن أجود بأضلعـي لجعلتها رسما وعفـت الأحرفـا[/POEM] |
رد: اكتب اجمل قصيدة قرأتها
عز الله إن الحزن خيّم على الساحة لبست ثياب الحداد وضاق خاطرهـا معاد هي من ظروف الوقت مرتاحة من بعد عبدالله بن عبيد شاعرهـا من عقب ماهي بشوش وبنت مزّاحة اليوم حدّت وصدّت عـن مظاهرهـا تبكي على تاج راس الشعر ووشاحه الشاعر اللي بيوت الشعر ساخرهـا وتهل عبراتهـا بدمـوع فضّاحـة من يوم جتها الحقايق من مصادرها وتقول معـاد أنـا ويـاك يالراحـة لو الجنايـز تبعثـر مـن مقابرهـا ماعاد لدموعـي الثنتيـن مسّاحـة ياشين عيني إلـى هلـت عبايرهـا من عقب شاعر مطير أروح نزّاحة وابعد عن اللي بيوت الشعر يكسرها الشاعر اللي فتـح قفلـه بمفتاحـه ماهو بخبلٍ علـى راسـه يثورهـا والي نخيته سوات البيت وسناحـه كم روس قوم عن الميدان صدرهـا اللي رفعني على راسه عن الطاحـة يوم إني أبحث عن الفزعة وادورها كم مـرة قـال خلوهـا بمسباحـه بين الجماهيـر والفنـي يصورهـا بيوت شعر سوات الـورد فوّاحـه بالفتل والنقـض وشعـورٍ يعبرهـا علاقتي فيه مثـل الطيـر وجناحـه اللي إلى كبـرت همومـه يطيّرهـا وعلاقتي فيه مثل البنـك وارباحـه اللـي كبـار الزبايـن مايخسرهـا واليوم فيه العزاء وابيح من باحـه بعض المصايب يهول العين منظرها لو كان مذبوح لاقطع راس ذبّاحـه وافزّع مطيـر غايبهـا وحاضرهـا سمعتها ثـم قلبـي زادت جراحـه وعزيتها والعزاء يجرح مشاعرهـا وعزيت نفسي وهم القلب يجتاحـه كن السكاكين في كبـدي خناجرهـا واعزي ابوه واخوانه ومـن ناحـه واعزي عبيـد والثنتيـن خابرهـا |
رد: اكتب اجمل قصيدة قرأتها
انا زعلان منك حيل وشايل لك بقلبـي عتـاب واتمنـى تحملنـي مثـل مـا اتحمـل عتـابـك ترى بعض الصراحة جرح وثقل ونرفزه واعصاب ابي تسمع كلامي زين وتمسك زيـن اعصابـك تعاهدنا انا وانتـه علـى إنـا نكـون احبـاب واحبابك هم احبابـي واحبابـي هـم احبابـك وش الي غيرك فجأه تكلـم واذكـر الأسبـاب انا بسمع كلامك زين وبسمـع زيـن اسبابـك رغم كل الخطاء منك فوجهك ما قفلـت البـاب ويوم اخطيت في حقك قفلت فوجهـي ابوابـك رخصت الغالي لعيونك حنيت لخاطـرك ارقـاب رضيـت احنيهـا ارقابـي ولا تحنيهـا ارقابـك كفايه تمتحني هم وخل مـن ذم فينـي وعـاب ترى من عاب في غيرك ولو طال الزمـن عابـك ولا تفكر في يوم انساك او يشغلني عنك غيـاب انا اتنفسك اهـواك وفيـك امـوت واحيابـك انا ما شوف احد غيرك جميـل بفتنتـه جـذاب انا إعجابي فيك اعمى يفوق اعجـاب اعجابـك انا مهما قسى قلبي بكلمـه منـك احسـه ذاب انا من زود عشقي لك عشقت العطر في ثيابـك انا ياليت مغرم فيك انا كلـي فغرامـك شـاب احسك جزء مـن روحـي ولا اتحمـل غيابـك ولا قد طاب لي جرحك ولو جرحي لذاتك طاب عجزت اقدر اشوف الدمع بل اطـراف اهدابـك تجافيني ولا همك ولا تحسـب لـي أي حسـاب وانا من زود عشقي لك اصونك واحسب حسابك ألآ يا قسوة الصدمـه تجينـي منـك الأصـواب وانا الي كنت اقول الجرح إذا ما صابنـي صابـك |
رد: اكتب اجمل قصيدة قرأتها
توني حسبت حساب بعدك وفرقاك توني دريت اني بدونك ولا شي خليني مابين طيفك وذكراك عذبت حالي ليش ماترفق شوي ارجع ولو تامر على الروح تفداك ارجع تراني شفت موتي وانا حي ماكنت قبلك فاقد بدنيتي شي حتى الغلا عندي له ناس عادي كانت مشاعر عالمي كلها لي محد ملا عيني وحرك فؤادي واليوم عندي كأنك الدار والحي لامن فقدتك ضاق صدري وانادي وينك حبيبي يابعد كل غالي للناس قدر وقدرك بخافقي غير لهم مكانه وانت اغلى مكانه صدري سما وانت على جوه طير والطير مايرضى بغير مكانه عبرت لك عن صادق الحب تعبير وعطيتك عيوني وقلبي بكفك امانه جيت اضحك لقيت الضحك يستاهل جلوسك جيت ابكي لقيت الدمع ماتمسحه الا كفوفك جيت اسكت لقيت السكوت يحلى بسماع صوتك جيت احكي لقيت الحكي يحلى وعيني تشوفك باختصار ياحبيبي دنيتي تكمل في وجودك تدري وش كثر احبك؟ كثر البشر كثر النجوم كثر الزهر تدري وش كثر شوقي؟ شوق الجفاف لقطرة مطر شوق البرد لحرقة جمر تدري وش تكون لي؟ انت الحياة وانت العمر وانت القمر وشمس الظهر خوفي لو غبت اغيب ويختفي بليلي البدر وين اودي شوق قلبي والوله لو غديت بعيد عني اسمعك ملكت احساسي وفكري يجمعك هاك قلبي ليتك تقبله خذ سنين العمر او خذني معك انت تالي العمر عندي واوله ومن يقول اني نسيتك يخدعك الي يبيني اقطع القلب واعطيه اعطيه من قلبي ولا به حسوفه والي شرى ودّي بهالعالم اشريه واشري له الدنيا ولا به كلوفه ومن حبني من قلب انا كلي اغليه اغليه من قلبي واقدر ظروفه لك موقع محفوظ في قلب مغليك اقرب من اهدابك لاعلى جفونك قالها الجسمي وكأنه قالها فيك "والله مايسوى اعيش العمر دونك |
رد: اكتب اجمل قصيدة قرأتها
فيروس هجرك عطل القلب تعطيـل ...... ودمر ملفات الفـرح فـي حياتـي ياللي سكنت القلب من دون تحميـل ...... متـى لموقعنـا تشـرف وتـاتـي عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي كم مرةٍ أرسلـت لـك عبر الإيميـل ...... وأدورك فـي منتـداي و شـاتـي وأرسلت لك يازين فايـلٍ ورى فايـل ...... فيها الغلا والحـب يا أغـلى أمنياتـي وأرسلت لك قصة عذابي مع الريـل ...... ياللي غيابك هـو سبايـب شقاتـي دايم عليك أبحـث بياهـو و جوجـل ...... وأنـت ولا تسـأل علينـا بتـاتـي خابرك بنتيوم فـور أصلـي و إنتيـل ...... لكن خسـارة غيـروك الوشاتـي وكان الهكر غروك بالقـال والقيـل ...... بأدعي عليهم في سجودي وصلاتي ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي يرضيك من حبك غدى منهك الحيـل ...... ريقي غدى ناشف ويبسـت شفاتـي أقضي الليالي دمع عينـي هماليـل ...... لا مـن طريتيلـي تـبـدد مبـاتـي صحـراي جفـت مالفانـا مخاييـل ...... وأنت المزون اللـي تـروّي نباتـي وياشين حالي لا قريـت المراسيـل ...... في الأوتلوك أذكر قصص ماضياتي منك حزين الحرف شـاف البهاذيـل ...... وقلبك مثل قرصٍ صلب في القساتي موقعك في وجهـي مقفـل بتقفيـل ...... حتى البروكسي مانفـع وش سواتـي بمفضلـة قلبـي عطينـاك تفضيـل ...... أنـت المفضـل عندنـا يا غنـاتـي ويا زين هجرك عطل القلب تعطيـل ...... ومن غير شوفك وش تساوي حياتي كني بدونك قرص فـارغ ولا فيـل ...... فاسـد ومرمـي بسلـة المهملاتـي ماعدت أفرق بين اكسس و أكسيـل ...... وماعدت أفرق بيـن بلتـك وشاتـي وباشكي على الكيبورد كثر الغرابيل ...... وأكتب على الوورد المطور وصاتي وهذي النهاية حطها وسـط تظليـل ...... لا مـت ف غيابـك سبايـب مماتـي |
رد: اكتب اجمل قصيدة قرأتها
حنا العرب يــــا مدعين العروبة وحنا هل التوحيد وانتم له أجنـــاب وحنـــا شروق المجد وانتم غروبه وحنا هل التاريخ وأنتم به أغــراب يوم الفقر شلتوا علينا عيوبـــــه واليوم عقب النفط جيتوا لنا أنسـاب ويوم الفقر فينــــا البداوة سبوبة واليوم صرتوا مثلنــا بدو واعراب لو الهوى منكم منعتم هبوبـــــه لا شك رزاق الملا رب الأربــاب ولو المطر منكم منعتم صبوبـــه لا شك رزق الخلق من عند وهـاب جيش الحسد سقتوا علينا حروبــه كل يبي يزرع على جسمنــا ناب حرب على المحسن تراهـا عقوبة بالله عســـاكم ما تفيدون حراب يا ما عطينــــا ما ندور مثوبه إلا من اللي من ترجــاه ما خاب ويا ما نصرنـا صاحب ضيقوا به عاداتنا نقدم الى مالردى هـــاب ويامـــا نصانا من تعثر دروبه يدخل حمانا من تعذرة الأصحـاب حنـــــا بنينا دارنا من طيوبه وانتم سلبتوا داركم كل ما طــاب الله سقانا من بحرنــــا عذوبه وانهاركم مثل البحر هدر تنسـاب حنا زرعنا الحب بارض خصوبه وانتم زرعتوا كره الأجيال بتراب وحنــا دعينا السلم نوبه ونوبـه وانتم حمــام السلم بعتوه بغراب يا من دعا للحرب ما درك خطوبه لا تحسب أن الحرب تهديد وخطاب من شب نار الحرب يصلى شبوبه ومن ثور الفتنة تعرض للأسبـاب ما يستر الرجــال ملبوس ثوبه الدين وافعال الكرامــة له ثياب ما يقبل الرجال بحمـــاه حوبه مـــا دام له حق وللحق طلاب |
رد: اكتب اجمل قصيدة قرأتها
إرفــعــي ســهــم الـمـنـايــا يـالـعـيــون مـابـقــى فـيـنــي مــكــان(ن) لـلـطـعــون كـــل شـبــر(ن) فـــي حـيـاتــي إنــجــرح و الــــذي شــقّــوا خـفـوقــي يـشـتـكــون يـــا الـعـيـون الطـاغـيـه خــفّــي عــلــي كـبــرت الـلّــي بـــاوّل ايــامــي تــهــون فــــي عـيــونــي دمـعـتـيــن واقــفـــه ردّت الايــــــام دمـــعـــي بـالـجــفــون بـالـغَــت فـيــنــي تـبــاريــح الــهـــوَى وأسـتـبــدّت بــــي الـمـواجـيـع الـظـنــون خـبّـريـنـي يـــــا غـــــرام الـعـاشـقـيـن كـيــف يسـتـهـوي هـــل الـعـشـق الـمُـنُـون إرحــمــي قــلــب(ن) تـجـاريـبـه قــســت فــي زمــان(ن) مـاعــرف يـــوم(ن) حـنــون الـلـســان يــخــون و الـبـسـمـه كُــــذُوب واصــــدق التـعـبـيـر نــظــرات الـعــيــون |
رد: اكتب اجمل قصيدة قرأتها
تدلع وانت في عيني قمر في منتصـف شعبـان تغلى وانت فـي قلبـي ملـك تآمـر وتنهينـي جعلتك اغنية ليلـي طروبـه بعـذب الالحـان وظميتـك معـي بيـن الحنايـا قطعـةٍ فينـي رضينا بك سهير العين تبقا مـا بقـا الوجـدان على كرسي فؤادي قوم واجلس وافتـرش عينـي |
رد: اكتب اجمل قصيدة قرأتها
على مافات من ذكرى ضحكت وخاطري مكسور طرالي من السنين اللي مضت حزني وترحاله على صحوة قديم الجرح وباقي للجروح جذور ذكرت اللي معه راحت سنين العمر واماله تركته للزمن يدري تركته بس أنا معذور توادعنا على الفرقا وكلن راح في حاله كسرت من الجفا غصن الغرام ومات له عصفور مداه العش وأقصى امنياته ما تهياله تقاسمنا الشقا لوعة وصارت هالاماني قبور خذا قسمه من الحرمان وماشلته أنا شاله حزين الحرف ذكرني وأنا ادري ان الليالي ادور نحت فيني من الماضي على ذكراه ووصاله تمنيت الزمن يرجع على مافات لي من دور واعيد من السنين اللي انسرق مني وانا داله مابين الدمع والذكرى وقف قلب العناء مقهور خذاه العمر واقفت به هموم الوقت مختاله على الله ياسواليف الصدور وسرها المستور وعلى الله يالخفوق اللي تمنى شي ماطاله |
رد: اكتب اجمل قصيدة قرأتها
عطني ملامح عينك وخـل السوالـف والكـلام مادام محرج ! لا يهمك / تكفي نظرات العيـون العين ما تكذب ومنهـا ينكشـف سـر الغـرام طفل ٍ ما يقدر يكتم أسراره عن اللـي يسألـون لا قلت لك تحبنـي؟ أسمـع كلامـي بانسجـام وان قلت لك مشتاق لي ؟ جاوبني بسحر الجفون أموت باللي يستحي حتى على رد السـلام على كثر شوقه .. يحس انه عليّه مـا يمـون وأموت باللي لا حكى يسبـق حكاويـه ابتسـام يعطيني من برقه قبل يعطيني من غر المـزون حبيت من حبـك مشاويـري وحبيـت الـدوام فيك اختلف رتم الحياه وصار له طعـم ٍ ولـون ما همني بكرة ولا فكرت بالماضـي .. مـادام انك معي وأبادلك حبك ،، يكـون اللـي يكـون لا تنشغل عني وحط راسك على صـدري ونـام ارقد على دقات قلب ٍ يحتفـل خلـف السجـون مشاعري من لهفتي تجري عليـك بـلا نظـام لها ليالي تزدحـم فـي قلبـي وجاهـا جنـون خلني أعبّر لك عن أشواقـي وحبـي والهيـام وأعطيك شي ٍ مـا قـدرت أوصّلـه بالتيلفـون بـقبّل عيونك وأشـم أنفاسـك العطـرة وأنـام الين أحس إني أهيم بـكون والعالـم بـكـون أجمل محبه بالهـوى حـب البلابـل والحمـام يضمهم عش الهنا طول العمر فـوق الغصـون وأبشع محبه بالهوى حـب ٍ ترعـرع بالظـلام قصة تدور أحداثها من يسبـق الثانـي يخـون لا تزعجك دنيا التحايـل والخديعـة والخصـام لا تبعدك منـي ومـن محبتـي شـك وظنـون أنته بدايات الغـلا وأنتـه بعـد مسـك الختـام يعني معك في عالم العشاق أكون أو لا أكـون |
رد: اكتب اجمل قصيدة قرأتها
مرت سنة وَآلّعين يعشقهآ آلّسهر ~ وَمرت سنة وَآلّشوَق بآقي مآ آنمحى وَمرت سنة وَآلّقلّب ذآبحـﮧَ آلّهجر ~ وَمرت سنة وَآلّهجر عيّآ مآ آستحى وَمرت سنة وَمرت سنة وَأنآ أنتظر ~ وَمرت سنة وَآلّوَصلّ نآيم مآ صحى وَمرت سنة مآ جآ من آلّغآلّي خبر ~ وَدآرت علّيآ حّب آلّمحبّين آلّرحى وَمرت سنة صآبر وَعذري بآلّصبر ~ شمآتت أصحآب آلّشوَآرب وَآلّلّحى وَعيوَنـﮧَ آلّسوَد وَشفآيفـﮧَ آلّحمر ~ وَجديلّ يضىفي فوَق متنـﮧَ لّآ آنتحى وَصدرِ يسد آلّلّيلّ من نوَر آلّقمر ~ وَخدِ يسد آلّصبح من شمس آلّضحى وَمرت سنة وَآخآف لّآ يروَح آلّعمر ~ وَأنآ أنتظر وَآلّشوَق بآقي مآ آنمحى |
رد: اكتب اجمل قصيدة قرأتها
مرحبا
بأسم من حط الآمر بين كـاف وبيـن نـون = مخرج ذا النون مـن غبـة البحـر المريـب جل شأنه مسقي الأرض من غـر المـزون= يـا آلهـي رحمتـك ياغفـور ويامجـيـب ياهجوسي ساعدينـي علـى زيـن اللحـون= واحضري يافكار راسي عقب منتي عزيـب وردي الماء وروي أنهال يابسـت الشنـون = وادري اني في مجال البحر غيص (ن) وسيب وأستعدي وأدخلـي فـي سبـاق الماراثـون= والحكم للـي يفـك الطليـب مـن الطليـب فاح بين ضلوع صدري مثل عـود الدخـون وأنفجر لين انتشا ريـح ورد وريـح طيـب مرحبا ترحيب يبقـى علـى مـر القـرون= بالبيوت اللي على خاطـري مثـل الحليـب مرحبـا ترحيبـة الوالـد بالابـن الحنـون= يارفيق وأبن عم ( ن) عسـى دارك قريـب مابغيت اخوض في شـؤن ماهولـي بشـون= ليـن نادانـي بليهـان بالصـوت الصليـب أثر سالـم مـن صواديـف الايـام مغبـون= واحسبنه يشتكي لـي مـن فـراق الحبيـب ان بغيـت ادعيـه سالـم فربعـه يسلمـون= للصديق اصفى من الماء وسقم (ن) للحريـب وان زهمته شاعر الوصف ظنـي مايخـون= والحقيقة يشهـد الله مافـي الوصـف ريـب ومرحبـا بالجيـب واللـي لمثلـه يرسلـون= منوة اللي في الصحاري يـدور لـه ذهيـب مالقيت اسرع مـن الجيـب غيـر التيلفـون= تيلفـون شركتـه نوكيـا وأسمـه رهـيـب كـان ماتبغـي تنبـه رقـود ولا ذهــون= انتظرني وقت حتى السمـن يأتـي صبيـب فيـه شعـار يقـولـون مــالا يفعـلـون= وأختلاف الفعل عن مايقـول الرجـل عيـب وأن بغينا نرفع الصـوت عبـر المكرفـون= ماوعوا لارشاد مرشـد ولا خطبـة خطيـب الله أكبـر يازمـان غبـون فـي غـبـون= رشحوا نجوى كرم وأعتـزل بـدر الغريـب اتأمـل فـي القضيـة الـى حـد الجنـون= مشكلة جساس والزيـر فـي مقتـل كليـب وطب جرح الدهر معدوم والممشـى بهـون= ماعرفنـا قيمتـه ليـن جربنـا الخبـيـب والله العـلام والـنـاس مـاهـم يعلـمـون= ماحد (ن) يعرف مصيره وعلم الكون غيـب كان ذيـب قديـد منـه الشـواوي يشتكـون= ولابقـى منـه مخافـة ولـو يقنـب قنيـب والشجر يبكيه نـاس (ن) لخيـره يرتجـون= لاتقول ان شجـرة الحنظلـة تثمـر زبيـب والقليـب يجـم وأهـل الفلاحـة يفلـحـون= أخذ علم اللي من الدهـر راسـه فيـه شيـب والنجوم تغيب وأهـل البسيطـة يصبـرون= مثـل صبـر ايـوب ولا نبـي الله شعيـب |
رد: اكتب اجمل قصيدة قرأتها
الجوهره
من شأن خاطـر عيـن تكـرم مدينـة هذا مثـل معـروف والعالـم أجنـاس لأنسـان جوهـر والجواهـر ثمينـة والجوهرة مطلب كثير(ن) من النـاس كان الجواهـر فـي يديـن(ن) أمينـة لـو طالـت الايـام مالحقهـا بــاس وانكـان ضاعـت يشهـد الله غبينـة من يهمل بعقـد الجواهـر والالمـاس لي صاحب ماشفت فـي الغيـد زينـة أعضا الجسم باقي العذارى وهو راس ماشفـت والله مثـل خـده وعيـنـة في العين والا دبـي والا بنـي يـأس صـارت علاقـة حـب بينـي وبينـه علاقة(ن) شيـد بناهـا علـى سـاس علاقـة(ن) طالـت وصـارت متينـة ماغير شوف وحر جـوف وتغطـراس والـى تكلـم كـل كلـمـة رزيـنـة زود(ن) على ثقل العقل مرهف أحساس اجيه وارجـع مـا المـس الا يمينـة ولا باقي الا اطوي الرجا عنه باليـاس |
| الساعة الآن 06:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by