رد : محاورة بين بن داخل وحسن عابد(معدل)
 

[quote=ابو امجد;54318]حوالينا ولا علينا

والله العلم بحر

ياحليف اخويه حسن عابد لايخشك خوف من يمي تراى ابو امجد هوايته في الحياه المشي بجوار الحيطه بس لاتكون مايله

ابيض وجه يابو امجد لكن ان شفت الحيطة مايلة علينا عدلها تراك تقدر

بعدين ياخي اعتذر عن اخوك اللي مكر عليه عسى الامور تهدأ قبل الاجازة ودنا نروح نتمشى والناس راضين علينا

بس ماتشوف ان ابو عادل هو اللي مولع النار

رد : محاورة بين بن داخل وحسن عابد(معدل)
 

يا حسن وقعتوا وما احد سما عليكم
واللي انا استغرب له زهور الى الحين ساكته
هل هو السكوت اللي يسبق العاصفة
معوضين يا ال عابد خير في حسن والله انه كان رجال طيب
لكن الله يرحمه جنا على نفسه وعلى بن داخل

رد : محاورة بين بن داخل وحسن عابد(معدل)
 

فيكم من يذكر الله ( لا اله الا الله )
فيكم من يصلي على رسوله ( صلى الله عليه وسلم )
انا ماني راعي فتشه لكن العلم اللي دار بين حسن عابد وبن داخل علم ما ينسكت عنه واللي يبدي لي من العلم ان بن داخل رماها مزحة وحسن اخو عبيدالله رجال اخذ العلم على وجه , وهذه هي زلة حسن والا بن داخل انا عتبت عليه ليه تجيب طاري بن عزاب فقال لي ان بن عزاب عارفه وراعي مبدا واذا اطريت اسمه في ابياتي ابلقا لها صدى وسمع مع الناس وما دريت ان حسن مشفي على بن عزاب وان صدره يفيض من غيض .
المهم ان ودكم بصلحة ودفعة قيل وقال انت يا بن داخل وحسن عابد كل واحد يحط له 500 ريال في يد ابو امجد واذا قال لي انها وصلت علمتكم بالباقي .

رد : محاورة بين بن داخل وحسن عابد(معدل)
 

اول الهرج لااله الا الله محمد رسول الله صلى الله عليه وسلم

ياحسن عابد ياحليف اخويه انشاء الله اني ادفع الشر بعد الله عنك وعن غيرك لكن اذا وصلت مرابيط الحمير (( حمار منقاش ماهو منها لانه ماعنده سالفه لاهو ولاراعيه ))
اقول اذا وصلت هنيا يايديني فكي حلقي واللى يتعرض للبلاوي لايقول الله بلاني

وما انت يامشتاق يامال النهبه خلك على( زيت سمسم) ولا تدخل بين القبايل صحيح انك بشتوني بس علوم العرب ماتعرف لها وانا عارفك محرش ومدور للفتنه

علمك والله يا بن سلمان علم شيوخ مافيه كلام
ترى بن داخل حط المعدال عن نفسه وقال ابشروا باللى تقلونه بدون فتشه واما حليفه ما جاني منه علم لين هذي الحزه

وبن عزاب جاني اليوم في البيت بعد صلى المغرب معنا في المسجد وهو ضايق (( بينفقع )) من القهر وقال شوف يابو امجد اما عرب تعطوني خاتمه والا والله ليسمع القاصي والداني بالنتايج

عزالله اني هديت على الرجال وراح من عندي بعد حلف ما يذوق لقمه والشر في علابيه والله يستر من تواليها

رد : محاورة بين بن داخل وحسن عابد(معدل)
 

روح يابو امجد
فصل وانا البس
بس الاوله والاخيره فراس حسن عابد
اللي فضح بن عزاب

رد : محاورة بين بن داخل وحسن عابد(معدل)
 

ماشاء الله تبارك الله عليك يا بن داخل
عارفة وتاخذوتعطي مع الرجاجيل
وعسى الله يهدي ابو علي ويرجع عن العلوم اللي في راسه ودامه ما هو قد بن عزاب ليش اللبش معه
وينك يا زهور تبدين وتاخذين حقك بلسانك

رد : محاورة بين بن داخل وحسن عابد(معدل)
 

اللهم اجرنا من الفتن
ماظهر منها وما بطن

رد : محاورة بين بن داخل وحسن عابد(معدل)
 

هيههههههه يا ضباعين قفوا عند حدكم وانتبهوا حسن عابد راعي علم غانم وعلومه بدت لنا وعذره وصل امام الله وخلقه .
وحسن استعد بمنصوبه وعذرناه لحيث ان العلم وبورته عندكم ومن طرفكم وفتشوا انفسكم واياكم والصولات والجولات اللي والله ما تمشي علينا ، اليا ذلحين واحنا نطالبكم تعتذرون ما نبي منكم غيرها لحيث انحنا عارفين انه ما بجينا منكم اكثر من العذر شي

العلم سمعتوه ، اوحيتوها ، عانوني علمتكم ،

رد : محاورة بين بن داخل وحسن عابد(معدل)
 

يا عيال عمي يا الاد داخل
انفضوا الفراش في وجه بن عزاب
لن طعتوني دام هذه علومه ماله الاعقال يلين ظهره

رد : محاورة بين بن داخل وحسن عابد(معدل)
 

ابيض وجه يابن عزاب

عذرت ومثلك يعذر وحسن يستاهل وبقي ان يبدي بن داخل بعذره وطلب السماح اما حسن ففاز بها
نتابع ونرى ماينتهي عليه الامر

رد : محاورة بين بن داخل وحسن عابد(معدل)
 

يابن سلمان الحقيقه ان كلامك في محله
ولو ان الرجال ماهو رحيم كان شفت علوم توسع صدرك

البارح عندي في المسجد يقول تكفى يابو امجد فكني من المشكله واليوم يغبر علينا ويقول خلوكم بعيد مالكم شغل

عموما انا عارف العلم الرجال متكي على مقطوعة النما زهور الريف

بس والله ان صحبة الحريم ماتدوم واذا ماجاء يوم وشفت بن عزاب اول ضحايا الهانم احلق نص شنبي

روح يابن عزاب تشبع من اشوارك

وانت يابن داخل ترى معدالك شريت به هرفي وبنتعشاه انا واياك بكره وان كان بن سلمان وده يشاركنا بقلبه مافيه مانع ( البعد شين )

وارفعوها سلمت

رد : محاورة بين بن داخل وحسن عابد(معدل)
 

اقول يابن عزاب غني وراسك الطويله والا المليحه كلها ماشيه

لايهمك احد

وانت يابو امجد اشوفك قمت تنطق لك مده وانت تناقز مدري وش نهايتها معك ترى بعد ماحطيتك ضمن اجندتي والا منت اشطر من اللى قبلك لك فيهم عبره


روح كل الخروف اللى لطشت قيمته من اخوك ولاتخليني اغير فكرتي عنك انا اسمع عنك كلام طيب بس اشوفك اليوم غير

رد : محاورة بين بن داخل وحسن عابد(معدل)
 

بيض الله وجهك يابو امجد
وعليكم بالعافية عشاكم
بس تكفون اللية تعطونها لبن عزاب وتوصونه يسلاها ثم يحطها وهي حارة على راسه ويلفها بشاش ويخليها 10 دقايق يمكن يفوق من غفوته .

رد : محاورة بين بن داخل وحسن عابد(معدل)
 

وصفة طبية جيدة يابن سلما ن
الطب البديل بس قله يقتسمها هو واللي على حده
راعي الحمار الأجرب منقاش
وان مالقيه يعطي ابو عادل بداله
الحرب الحرب ياضباعين شبت نارها

رد : محاورة بين بن داخل وحسن عابد(معدل)
 

أبوك ياصبي تبون تعطونا اللية أنا وبن عزاب وتاكلون اللحم هذي والله ما صارت وبعدين وش كبر اللية هذي لكن يابن داخل لااعرفك الابليتين وحدة عشاني ووحدة عشان بن عزاب أما لية وحدة ماتكفينا وحنا رجالين لاتغوى الدرب يابن داخل وانت رجال عارفة.

رد : محاورة بين بن داخل وحسن عابد(معدل)
 

يابو عادل اظن وحدة يبي يظلي
دسمها على شواربك انت وبن عزاب كما الطرف
وان طعت شوري اللي جاتكم تسدكم وهي وصفة بن سلمان
ويتحمل نتايج علاجاته

رد : محاورة بين بن داخل وحسن عابد(معدل)
 

يابن داخل وصفتي للمصخون والمعتل لسانه
لكن الممسوس له تفله وقراية والا اخر العلاج ميسم في علباته