|
رد: من يجيب علم منقاش وعنديله اربع مقادم
السلام
اعذروني لعدم التواصل ويعلم الله انني كنت ناقز خارج الحدود وعدت ووجدت وللحمد ان منقاش شبت النار من تحته وفرحت اشد عندما مسح بحليفه سهيل الارض اما التبن فتعرفون الغربه وما يمر به احيانا من زنقات حتى يأكل التبن هاه فقد كفانا التبن ومشتقاته التي يعرفها منقاش زاته |
رد: من يجيب علم منقاش وعنديله اربع مقادم
أنا وخويايه (الرويعي وابن ابي محمد) حرمنا من حزمنا لنعلم القبايل بهالديار سلوم وعلوم القبايل عندنا , ونتعلم منهم سلومهم وعلومهم حتى اذا عودنا لديارنا نطور ربعنا وندخل عليهم طبايع غيرهم , يعني نعلمهم العرضه والردح والزهم وحيوما وغيرها , ونتعلم منهم الدبكه والتصفيق على الأرض بقباقيب الرجلين بدل كفوف الأدين في مذهبنا ودلنا ..
وقبيل ايام (في عيد القربان كما يسميه القواقزه) كنا في مناسبة مبدا مع قواقزه يبون يقزون اثفيه من عند قواقزه ثانين بدل اثفيه اوله اثتفلها الأولين من عند الثانين , وكما يقولون في الحكم , الأولين ما خلوا للتالين شي.. وكما هي عادة العرعره في كل زمان ومكان كنت في مقدمة البدايه(بتشديد وفتح الدال)راكب على حماري وحاط مصنفي على جنبي وعمامتي معتم بها متن راسي مع انواع الغرز اللي ما يجهلها شروايه من عقالكم , ودسمالي والقديمي على وسطي والقداحي على جنبي , الخ. وكل ما بغيت اعرض اعطيت خطام حماري للرويعي وتقدمت صفوف الرداحه وتقاديت قدامهم وعرضت , والبدايه من ورايه بعضهم يهلل ويكبر وبعضهم يرددون في الردح اللي ينظمه لهم ابن ابي محمد واغلبه كان سب وهجاء في الرجال ابو مقادم (المخاوي ابو يلاوي) , ومع زلبة العرضه زلق بي طين كان في طرف الدرب من تحتي , وشفط بي الا وانا على اولي مع بندقي وغرزي ومصنفي في وسط امواج النهر اللي احتملتني وانا اردح ولا ريعتني الا في بحر جهة قبايل الجوارجه قرب ردم ياجوج وماجوج .. مكان الردم وعروس البحر اللي واجهتني على شاطي البحر وباقي القصه العجيبه والمثير للغايه ما نكملها لكم الا بفلوس ماهي قليله , لأنكم في زمن ما عاد فيه شي بلا ش الا اللاش , وسلامتكم . رسايل خاصه : حليفنا المقداد : تجلد واصبر وكلها اشهر وتنفرج كربتك , فقوقازيتك جاهزه للتصدير ولا باقي الا شحنها ... حليفنا ابو سيفين : فخامتنا يعد الليالي والأيام ويتمنى مجي الساعه اللي تحط فيها رجلك محط اقدام بدر الدجى , وترى وفد الأستطلاع اللي وصلنا تم غسل ادمغتهم ولا استبعد انهم ابتلعوا الطعم مع السناره , وريما في القريب العاجل تملكهم ادينا وندخلها حتى عمق جيوبهم ونفضيها لهم كما يوم فضاها من قبلنا هوامير الأسهم والا اكثر شويه , وان غدا لناظره قريب.. |
رد: من يجيب علم منقاش وعنديله اربع مقادم
اقتباس:
صدق الشيخ ما حولك صلاح ولا مصلح ! |
رد: من يجيب علم منقاش وعنديله اربع مقادم
شاعر الحلف العريق اخويه النجم سهيل : وصلت الدفعه الأولى من تكاليف الأثفيه لأصحابها , ويقولون لك عجل عليهم بحوالة مستعجله بالباقي , ويعتذرون عن تلبية طلبك اللي رغبت فيه الحصول على اثفيتين دفعه واحده , ويرجونك تقلل شويه من المكالمات اللي ازعجتهم بها وادوشت بها اثفيتك الجديده...
وينصحونك في الوقت الحالي بالأكتفاء بأثفيتك القديمه مع الأثفيه الجديده , ويقولون كون قنوع ومشي بهم حالك حتى لو اصطغى قدرك الين ما الله يفرجها عليك , وفي اجازة الصيف اللي ذكرت لهم انها رايحه تكون طويله ثلث والا حتى ربع أن كنت كفو وقادر على التربيع , والبحر حينها يكذب والا يصدق الغطاس.. |
رد: من يجيب علم منقاش وعنديله اربع مقادم
اقتباس:
والله ما هو أنا أكيد غلطانين في الاسم .. تأكدوا من رقم الحواله واسم المصرف على أي بنك ؟ الله لا يوفق بليسكم ان كان راقبتوني وسويتوها في سهيل !! أنا توني محول راتب الشغالة 6 شهور وأكيد الحوالة راحت بالغلط !! أكيد أبو عبدالرحمن له رجل في الموضوع والغلط مرجوع يا منقاش .. وإن كان زعلان من الأبيات اللي في توقيعي شوفني غيرتها حتى ما تزعل ورجعت لتوقيعي القديم !! رجعوا الحوالة للبنك لا تصرفونها الله لا يوفق للي كان السبب يا منقاش !! |
رد: من يجيب علم منقاش وعنديله اربع مقادم
وجــدي على القـــوقـاز وامقوقزينه وجــدي على دمْغ الاثافي بـ اثـافي لا ابتل رِيقِــكْ يالقـلوب الحـزينه قـولوا لمنقــاش الثمالي .. عوافي |
رد: من يجيب علم منقاش وعنديله اربع مقادم
الله يعافيك يبو عبدالله , ويكفينا ويكفيك شر عيال الحرام وبنات الحرام .
وان كان عندك فايض فلوس (في حدود الميتين الف وساند) , شد الرحال وتعال يمي جاي لعلي ادبر لك عشره ركبان على الأقل بهالمبلغ (ملك 100%) بديار ماها ما ينضب وارضها ما تجدب , عشره ركبان على الأقل كل ركيب منها ما تقل مساحته عن عشره آلاف متر مربع .. وتراني يا حليف بدر الدجى يا سنا الهجره اقولها صادق من قلب صدوق يحب الخير لأخوانه كما يحب الخير لنفسه ... |
رد: من يجيب علم منقاش وعنديله اربع مقادم
لدعوةجاتني من صديق ماهو رفيق جيت باللي اليا انذكر مايترك للراوي درب ولاطريق واقول:
العولمة ماخلت الشيخ منقاش يهجد ويمسك راس عود السلامه خذته من داره على دار الاحباش ثم طار منها بعد طش العمامه جاها وهو شايش وغادر على ماش وراحت مشاريع الشعير بعدامه والبن والبقران والفول والماش تسربت من عقب كبر الغمامه وحول على الطايف وهو معه مكداش اثفية(ن) يجترها في حزامه ثم نطح الشرقي وفي خشمه عراش يبغى يعيد المجد لابو دلامه وحول على باكو بمنجل ومحشاش ولقى الثمر ماينصرم في تمامه لقى ثمر يعصر وينحط بغراش وتغيرت حسبة كثير الفهامه ماهي بهوريه تغطى بالاخياش والا فغير وينفدم بالفدامه ولقى طيورن ماتطير وتنهاش وجاوب على كبره طروق الحمامه وغير بقلبه خارطة بعض الاحواش وثلث بعد ماشاف مابه لثامه |
رد: من يجيب علم منقاش وعنديله اربع مقادم
صح لسانك وعلي مقامك يا ناظم القيفان , وان شاء الله نشوفك في يوم من الأيام متقوقز مع ابو نقشه ومن لفاه من الأخوان , لكني اشوفك يا ابن عمي ما جبت طاري عن رحلة فخامة الشيخ ومرافقيه الى ارض الذهب اللي كتب لكم عنها الرويعي اربع حلقات تجد الأولى منها على الرابط التالي :
http://www.thomala.com/vb/showthread.php?t=66596 والخامسه والسادسه والسابعه وجهنا وقتها الرويعي بتوقيف الكتابه عنها بالرغم من اهميتها عقابا لبعض القراء والأعضاء اللي كان تفاعلهم مخصر ولا يشجع على المواصله وتغطية بقية مراحل الرحله , ولا نقول الا خليهم ويستاهلون ما جاهم , وهذا فالهم وجاهم في ثفالهم (القراء والأعضاء) , وكما قال اهل البدايع والأمثال أذا جات الى عند الشارب ما يردها الا الراي الخايب , وعلى نفسها جنت براقش.. |
رد: من يجيب علم منقاش وعنديله اربع مقادم
اقتباس:
الله يجزاك بالخير يا شيخنا منقاش .. ما قصرت ونصحت لي بما تراه فيه الخير فـ ما حصل منك تقصير .. الله لا يحرمك الخير و أما مسألة الدراهم .. خليها على الله .. إن كان قدرت أخلص عمارتي بدون دين فأنا ما أحد كمايه من اللي في مستواية والا والله إني أدري انها ماهي شينة .. الا <<<<< زينه .. زينه .. وزينه بعد هذا إذا أضفنا علىيها قوقزة الحلال والزلال وبالذات مع التقاعد .. شي ولا في الخيال |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by