المشاركة الأصلية كتبت بواسطة ابو عادل (المشاركة 459338)

[poem="font="Simplified Arabic,5,black,bold,normal" bkcolor="transparent" bkimage="images/backgrounds/52.gif" border="double,10,firebrick" type=2 line=0 align=center use=ex num="0,black""]
الشعر والشاعر علاقتهم علاقة عاشقين=وان عاف الأول صحبة الثاني يقول المعذرة
الشعر ثلج ونار وابحار وتجارب عارفين=والشعر ديوان العرب من عصر عبس وعنترة
ينقل شعور ويوصل الفكرة بدون مراسلين=ويفتّح ازهار القلوب اليابسات المقفرة
يلبس من المنطوق مايشفي غليل السامعين=ويلبّس المعنى عبارات الجمال ويستره
وان قصّفوا لبسه ولاضفّوه فوق المنكبين=نسمع أنين الحرف تحت اكراه ضغط الحنجرة
كم واحدٍ حاول يزيّنها وعيّت لاتزين=والشعر ماينصاع مع شاعر بليّامقدرة
آسف لياوظّفت شعري في وصوف العابثين=اللي يحسبون القلم يكتب بدون المحبرة
والشاعر اللي ينحسب من زمرة المتطفلين=أرهق بيوت الشعر لاوفّر ولاجاب ثمرة
لاشحّت افكار الرجال اللي تعدّتها السنين=صارت بيوت الشعر كومة من نشارة منجرة
والله ماهو طبعنا نرمي قفيّ الغافلين=ونصور أخلاق الأوادم بالوصوف المنكرة
من شيمتي مااعطيت نفسي حقّ غشّ المسلمين=ولااسمح لنفسي على انّي عود من عرض شجرة
أتناول الجزلات باليمنى واناول باليمين=والفرق واضح بين مدّ الميمنة والميسرة
أحشم مقام الشعر عن مورد هماج وورد طين=لاخذت من ناقد ملام ولامن الذنب اكبره
اللي يغوص البحر جاب اللول والدر الثمين=والأجر ماينعاف لوهو من تراب المقبرة
دام التراجع حلّ بيدين الرجال الفاهمين=أخير من تحويلها لعبة حروف مبعثرة
والكلمة اللي تفضح الرجال في دنيا ودين=ماني براعيها ولا قدّمتها للفشخرة
والشطحة اللي تحذف الشاعر من اوّل كلمتين=عزّ الله انه في غنى عنها ولاهي مفخرة
ياليت (الانتربول)يفزع لاعتقال الخاطفين=ينصف هل الذوق الرفيع البحتري والشنفرة
وافرح بتحرير الشعر في حفل يوم وليلتين=وادعي له اللي مايحبون اللغط والمصخرة
ياهاجسي بلّغ نصيحتنا بواحد من ثنين=أما كلام يجمّل الرجال والاّ يهجره
هذا وصلى الله على الهادي إمام المرسلين=أختم بها جملة كلامي واحمد الله واشكره
[/poem]

المشاركة الأصلية كتبت بواسطة مجنونها (المشاركة 459667)

دام للمنتديات عطاؤك يا بو عادل وصح لسانك
لا شك هي فوائد من متمرس وخبير تسمو بالحرف وترتقي بالفكرة
والحرف سواء كان شعراً أو نثراً هو رسالة سامية إن لم تعمر فلا تدمر

المشاركة الأصلية كتبت بواسطة مطفي النور (المشاركة 459705)

هذي يابو عادل تصلح محو

هذي قراية شيخ وعارفه ليت والينهم يحلونها في مويه ويسقونها بعض اللي يقعدون للصبح سهارى ويشخمط له كم هرجه ويقول قصيده واذا نصحته استفزع بمعرفه الثاني يمدح خويه قصدي نفسه ويقول ماعليك منهم قصيده لو قراها المتنبي تعلم منها وهي وربي مثل دجاجة جدتي مزنه اذا قامت تنبش فالدمنه

صح لسانك مدد بلا عدد والله يكثر للشعر من امثالك

المشاركة الأصلية كتبت بواسطة خلف بن عبدالعزيز الثمالي (المشاركة 459385)

من أجمل ما قرأت لك يا أبا عادل

دمت بخير,وعافية

المشاركة الأصلية كتبت بواسطة السنافية (المشاركة 459724)

احشم مقام الشعر عن مورد هماج وورد طين **** لاخذت من ناقد ملام ولامن الذنب اكبره

الأستاذ والشاعر المتألق دوما أبو عادل :

دوما تخطو وتتمايل أبياتك في عز وغرور وتتباهى في أحلى الحلل وتتسابق للعلو والرفعة عن اللغواء والإسفاف ..

أبيات فخرية جميلة ولاتليق إلا بك ليس شعرا فقط بل حقيقة والإبداع خير شاهد ..

فغالبا نلحظ ارتفاع صوت الأنا في قصائدك وهذا ليس بمستغرب على شاعر متمرس ويعلم أعماق وأسرار الصنعة الشعرية

قصيدة جميلة وتصوير رائع بإنتظار القادم من إبداعاتك..

المشاركة الأصلية كتبت بواسطة النادر (المشاركة 459804)

صح لسانك ابا عادل

نص نخبوي راقي كما عودتنا


النادر

المشاركة الأصلية كتبت بواسطة ابو انس (المشاركة 459836)

صح لسانك يابو عادل مبدع وشاعر كبير ولنا الفخر بك وبشاعريتك الفذه


ويعطيك العافيه يابن العم

المشاركة الأصلية كتبت بواسطة الذيب (المشاركة 460121)

صح لساااااااااااااااااااااانك
ليس نقص في قصائدك السابقه بل ذائقتي تحكم علي أن أتكلم

هذه المذهبه من أجمل قصائدك أيها المعلم

لاشحّت افكار الرجال اللي تعدّتها السنين
http://www.thomala.com/vb/clear.gif

http://www.thomala.com/vb/clear.gif

صارت بيوت الشعر كومة من نشارة منجرة