منتديات بلاد ثمالة - سلام يا ال ثمالة ..

اقتباس:

المشاركة الأصلية كتبت بواسطة منقاش (المشاركة 306905)

يا حليفي دوبي أطلع على تساؤلك اللي قلت فيه , لماذا لا تشاركوننا , مواضيعنا ؟.
س/ هل هو وعي متعال .
س/ هل هي انفة وتعفف .
وأفزعتني بعض الأحتمالات اللي أحتملتها , لأنها يا حليفي معناها , ما منعهم ألا الكبر .
نعوذ بالله من الكبر والمتكبرين , ونسأل الله العفو والعافيه .
يا حليفي , الطيور على أشكالها تقع
فمثلا الطيور الشعار , ما أدخل منتدياتهم ألا في السنه حسنه , ولا أقرا محاوراتهم , على الرغم أن بعضهم أحبه وأقدره مقدار كبير , وغالي وعزيز عليه واجد , وأعرف رجاحة علمه وعقله , لكني بطبعي مالي هوى في الشعر اللي هو أجمل ما في ألأدب , وهذا عيبي ماهو عيب الشعر ولا الشعرا , وربما سبب غزوفي وجود عقده عندي من الهمز واللمز اللي لاحظته في قصيد الشعار وخلاني أعرض عنه وعنهم من الصغر , وربما بسبب فشلي في فهم بعض طلاسمه أو فشلي في قرض قوافيه .
لكن دور وابحث عن أبو نقشه فيما مضى من السنين ؟ , كان دايم تلقاه على قول الشباب يدق حنك مع الحكواتيه المنكتين في ألأستراحه قبل يزعلون مني ويعزلوني ويطردوني منها شر طرده .
كنت عمدة ألأستراحه , وطغيت فيها طغيانا كبيرا , ولا هجرتها ألا بعد مصختها , ولو ألقى فيها طاقم تشجيع ياخذون بعقلي حتى لو كانوا من عيالي الصغار كان شفت بدر الدجى رابط حماره في ركن من أركانها .
لكن هالحين يمضي الشهر والشهرين وانا ما طبيتها , ولا يوجبني أرجع لها ألا أذا شفت قليل الخاتمه مخاوي منقاش ينخبس ويبحبش فيها ويحتاج لواحد مثلي يوقف الجبان عند حده , يعني هجرتها وفضلت أني أريح وارتاح بطيب خاطر ورضى نفس , وكما يقولون , ما يطب السوق ويمدحه ألا من ربح فيه .
وفيه طيور ما تعيش وتبني أعشاشها وتفرخ ألا في منتدى ومحميات الحياه الفطريه ولا تخرج منها , وخلي أي واحد من الطيور الباقيه حتى لو كانت على قول المصرين فرخه , خليه يروح هناك ويقاقي معهم ويكتب موضوع مثل مواضيعهم , وشوف طيور منتدى الفطريات كبارها وصغارها يوم تجمتع عليه , حتى الصقور اللي تبي تاكله مثل ابو نقشه ما رايح يسلم منها .
أو خليه يروح للطيور المحنطه اللي في منتدى التاريخ , وخليه يحركش عليها شويه وتفرج يوم تنفض ريشها وتجي يمه .
وخذ في حسابك , ترى فيه طيور ما تاكل ألا الحب , وطيور ما تاكل ألا اللحم , ولا يعقل توقع مع بعضها , يعني اللي ما يهوى الرياضه ما يقرا عنها ولا يكتب فيها ولا يدخل منتداها .
وفيه مشكله ربما خفيت على البعض , يعني , ترون الدنيا محكومه والخطى محسوبه , مثلا أبو نقشه كان يرد بلطافه ورقه على الستات , وجات واحده من السبعات وهي حرمته وقرت ما كتبت يمينه , وأولتها تأويلات باطنيه كان المسكين بري منها ومن معانيها , ولا تفاهمت معه ألا بعصا المكنسه , وأعطته علقه بنت كلب على قول العمد سببت له بعض العاهات , وكانت قذعة بس على مروب , تاب بعدها ياخذ ويعطي مع أي ست , والعاقل من أتقى الشبهات , وترك ما يريبه ألى ما لا يريبه .
بكلام مباشر , اللي يبي أي نوع من الكتاب يتفاعلون معه , يروح للمنتديات اللي يكتبون فيها ويتفاعل معهم , ويكتب عن المواضيع اللي يطرقونها , ووقتها شوفوا النتيجه ؟, أنا متأكد أنها رايحه تكون نتيجه فتاكه مثل البخاخ البف باف أو الريد ,
وشكرا.

الشيخ منقاش ,, مساء الخير .
لا اريد ان اقحم نفسي مع بعض الكتاب الافاضل هكذا احسبهم , ولا اريد تصادم كما حصل فيما قبل !!
مع بعض من اساء فهمي .

قرأت مشاركتك تكراراً ومراراً ولا اريد ان استطرد بالحديث عنها لأنها ستجلب على رأس المقداد مالا يحمد عقباه , واكتفيت بمتعة المشاهده وامعان النظر .والضحك الذي ادمع عيني.
ومع هذا لا يمنع حليفك ان يخالفك في بعض منها ,كالطرد وراء كل كاتب حتى نستنطق قلمه ليتحفنا .
او حصر فكرنا في قسم معين دون غيره .

بعد اطلاعي على بعض ردودك على الستات , لم اراها الا لمسة حانيه ابويه
لا تتعدى ابعد من ذلك !!:D والقذعه اللى جاتك تتوبك انشاء الله .

لك الشكر شيخنا المفضال.
المقداد