يا اخوان حسنوا الفاظكم ترون بينكم من الاعضاء حراميه اشراف ,,, يعني الحراميه ماهم سوا ,, فيهم الشين وفيهم اللحيه الغانمه ...

تبي الصدق
 

علمك زين يابن بنت جدة محمد
أول مره اسمع منك كلمه لها طعم
تدري مانقول حرامية خلاص نقول مدورة فضل الله
وش رايك يابطران

راحت ذاكرتك وطي با ولد العم
شكل السالفة مغصتك
أعتذر منك يا بن عمي
لكن عساه درس ما تنساه وما تضيع دراهمك وتسوي فيها حاتم الطططططططططط بن داخل

الآن فقط عرفت انك منطقي وبدأت تفهمني
النسبة لاتشيل همها (فيفتي فيفتي) ساويتك بنفسي وهناك حوافزمادية تشجيعية أخرى مقابل أن تكون المستشار القانوني حسب الفقرة( ط) من المادة (987654321) من اللائحة التنفيذية لنظام الصندوق.
شفقت كيف أنا حريص على الأموال المودعة وعليك وعلى نفسي؟
همسة أخيرة:
ابن أبي محمد وحسن عابد نصيحة اقطع علاقتك بهم بعد ربي كشف لك نواياهم وايدي بيدك والرزق على الله .
وعلى فكرة أحذرك واحذرك من قتال القتلى اللي على بالك وانت خابر اني عفيت عنه ليرعوي لكنه لايزال يتمادى بس اتركه شغله عندي اللي مسوي لي شريف .
قال شريف قـــــــــــــــــــــــــــــــــاااااااال.

وين أنا
 

وين انا عنك يابو عادل من زمان
راميني حظي المقرود في ابن أم محمد
وشريكه بن عزاب
وهذا المتدرب الجديد حسن
لكن تدري من يوم ضيعت دم فراس
كذه بدون أي مقابل عرفت انك
مانته كويس بس أبا أمشي معك وانا ماخذ حذري
انتبه يغويك شيطان ابن ام محمد
ترى يقلون ماراح معه قعد في الفرعة
واخاف انه يتورسلك

ياابو انس
 

ياولد عمي الوقت
جار عليه من السواعدة وانتم
ياضباعين لا فزعة ولا وزعة معي ليه
عسى ما جاكم مني خطية تكفون

لبو انس

ابن داخل نصحناه وعلمناه وعطيناه الادلة ولكن الرجال يشيل بقربة همدانه
تكفى انصحه لا يمشي مع ابو عادل وياكلون حقوق خلق الله

ترى يابن داخل كل ذي نعمة محسود والقشران هذولي ماعليهم قابلية
لكن دام انك نخيت أخوك أبوعادل تراك زبنت ولايهمك فيهم
شياطين الماليزي هذا اللي ممكن يسمي نفسه(قطاطير محمد) ماتغوي غيره ودم فراس :
سامحناه فيه طلبا للأجر من الله والا هو قليل خاتمة البعيد عنك بس اتركه واترك الحليف اللي زي حسن ولا تفكر السواعدة كلهم زي كذه ترى مافيهم بطال الا الإثنين هذولي بس واما الباقين تراهم ونعم وخصوصا محدثك اللي يتمنى لك كل خير بس خلنا نكمل مشروعنا .....قل تم على شان نبتدي في التسويق للمشروع والله يكرمنا ويقطع الحسد واهله0

يقولون عن قصة اذا صدقت روايتها انها في الطائف عن واحد يترزق الله في حراج المزغدية وجاه واحد في احسن لبس وراكب افخم مركب وبشته شايله على جنبه وقال له : ادور لي كلب ودي اشريه , رد عليه ان ماهنا كلاب ولا تباع , فقال راعي الكشخه انه يبي كلب باللي يكون به , وانه لو جاك احد يبيع اشره وهذه 5000 عربون , وهذا رقم جوالي ثم ودعه ومشى .
يوم صار بعد كم يوم واليا ذاك الرجال اللي يقود له في كلب ويدور من يشري منه الكلب , وهو يجيه صاحبنا اللي اخذ العربون وهو يساله اذا الكلب للبيع , قال له :
نعم للبيع , فرد عليه انه شاري , ومنه ومن راعي الكلب واتفقوا على 15000 ريال , عد له ال 15000 واقتاده ثم جا يتصل على الرجال اللي موصيه الا وهو يجاوبه ( فضلا تاكد من الرقم الصحيح وشكرا ) .

سلامتكم من كل نصاب

ليه ماعلمتني بالقصة أيام المرافعات بخصوص قضية فراس
كلب عادي بـ15000 ريال معناها فراس يسوى أقل شي 80000 ريال راحت الفرصة والا كان الماليزي شفناله سنع 0
وعلى سيرة النصابين يقال ان فيه واحد انتحل شخصية ممثل مكتب سياحي
وجالواحد صاحب بيت فخم وقله مبروك عليك فزت بتذكرة اقامة في شاليه على البحر أنت والعائلة لمدة يومين وفرح صاحبنا وراح للشاليه فعلا وكان النصاب مرتب شغله ومراقبه وجا بعده البيت وشال كل محتويات الفيلا وترك له
البيت بلاط يعني حط له طعم .