|
يابن سلمان سبحان الله , الاكيد اني وانت من اهل الله , وحلمك سبحان الله جاني ثلاث ايام لان نومي بالنهار وهو نفسه حلمك وسألت عجيز عندنا وقالت بيجيكم وقت تنتشر فيه الفتنه بينكم وبيروح فيها رجال وحريم , وقلت ان شاء الله دام رجال وحريم فيه اشارة لسقوط تنظيم زهور الريف . |
أشكركم يالوجيه السفره اللي وقفتوا معي ومع الحق , والحق احق ان يتبع .. شكرا شكرا اسواءا الذين كتبوا مؤيدين على هذاالموقع المبارك او بالمهاتفه او بالفاكس او بحضورهم الى داري مؤيدين للحق او الذين خرجوا في المظاهرات يهتفون بتأيدي والموت للأربعة الخونه..
اما الأخوات والأخوان الذين توهموا ان ابن داخل ومن وراءه ومن وراء وراءه ومن وراء وراء وراءه من قدامه , اقول اللاتي والذين توهموا ان معه حقا او يعرف حقا فياليتهم يعودون الى رشدهم ويرعوا عن حرب لا ناقة لهم فيها ولا جمل ولا حتى حمار القايله او تيس القراره .. القصه ياللي ما تعرفون ما خلف الأكمه : الخصوم الثلاثه اللي ما هرجوا ما نبي نهرج فيهم هالحين , اما البعيد عني وعنكم ابن داخل خذوا علومي انا واياه : الرجال قابلني مره وسولف عن النحل والعسل وقال يا ابن ام محمد ترى المنتدى ومن فيه مثل الذبان اللي تطيح في فنجالك دايم يلولسون عندي ويضيفوني يبون العسل , لكن لكل لحيه عندي مقص احط لهم من هالعسل الخارجي , والمتعس تاكل عساهم بالآكله وتمدح وتشتري وحتى تسوق وتسوي دعايه.. عز الله اني تضايقت من المصلوف وكلامه , وقلت يابن داخل عسلك الحقيقي من اي الديار ومن اي الاشجار , قال من ديار ثماله ومن زهورها ( ما يقصد زهور الريف) يعني من بلتها وشكاعتها وسدرتها وضرمتها ووووووو الخ , رديت عليه وقلت تراك اجل مقروع , الديره مشتركه وكل ما فيها لثماله والعسل اللي جابه نحلك من ديارنا تسلمه لمنتدانا وانا عندي حافظات ممتازات نخليه عندي .. بغت عيون الرجال تطلع من راسه وانبهت وانكسف وانخسف وحاول بغير الموضوع وردنا في قصة فراس يوم كان يمسك فيه وانا اذكي ,, احسيت ان الرجال يبي يقول تراك شريكي في جريمة فراس ويبغيني ابطل الفتشه.. انا عفته وعفت علومه لكن هو سار دايم يحاول يسايرني وياخذ بخاطري ,, حتى جات هرجة الفرقه وكنت امدح فيه ابغي ارفع من معنوياته الا والرجال ناط ودافع عني ميتين وعن شبيهه بن عزاب ميتين ثانيه ,, الرجال يبيها سكاته لي حتى لا افتح موضوع النحل حقه اللي قرص الناس واكل الرحيق من زهور ديارنا ويبغيني لا اعلم بمقتل فراس.. هي يالاجواد قولوا لي من ظرب على يده حتى يتمقلط ويدفع عني ؟؟ ,, احد ظرب على يده ؟ , طبعا لا , بس من جهة اسكرته كلمتين مدحته بها وكانت من المديح الذي يعني الذم عند من يفهمون , لكن ما عندك احد ,, ومن جهة ثانيه كان يريد اسكاتي ودهان سيري... المهم ان كان الرجال نفسه متعلقه في الميتين اخويه ابن سلمان يبي يدفعها وانا ما اقدر اكسر بخاطره واقول لا.. ترون عندي خطا ؟؟ طبعا لا ,, بس مبتلى يا دافع البلا .. اما انتي يابنتي يا زهور اللي يزعلك يزعلني وانت من وجيهنا واظنك فهمتي وش وراك يا جبل , اتركي عنك الخبلان اللي ما هم في مستواك.. طبعا فيه علوم ثانيه ما جا وقت نشرها ,, تأتيكم في موجز ألأخبار القادمه .. |
أه
أخيرا عرفت
ان مرور ابن أم محمد الرياض ماهو لوجه الله الرجال اشترى ذمة بن سلمان وجانا يرغد ويزبد هين يابن سلمان درب هذاك على هذاك وبعدين من اليوم ورايح أعلن عدائي لبن سلمان وضمه لمحور الشر بقيادة اللي مايتسمى |
اللهم لاشماته
ياجماعة ترون الرجال الظاهر انه جاي
مصاب بإفلونزا الطيور يادافع البلا ماغير يخضرط مره يطلع ومره ينزل ماكنه يعرف إني رجال حقاني وراعي ذمه كبيره ماأغش مسلم يقول لاإله الا الله ولا جاني دايخ يبي يطمع فحقي وش اسوي فيه الرجال ياجماعة يوم لديت وهو يتصل فيه ويقول ياولد عمي أخوك تعبان مركبه عليه الصخون لي ثلاث ليالي ماغير أهذري أشوف نهار وأنا مركب حمار القايله على ظهري ومحدر به مع الأعرج ونهار شفت فراس واقف جنبي ويقول لي يابن أم محمد انبح الضيفان جايه وش رايك يابن عمي ماخليت ولا دكتور خسروني الله لايربحهم ولا حصلت ولا فايدة ماحواليك ياولد عمي عسل من الزين قلت له ابشر عندي عسل صفي وعندي عسل بله . قال الحقني بكيلو من الزين قلت ابشر رد على جيبه ومدني عشرين ريال قلت هذي ليش قال قيمة العسل تعينت فيه وليني كني مستحي لا ارد القروش عودت مريت على تركي واخذت له كيلو بقروشه ووديته اياه ومعه فاتوره ويوم قراها زعل وقال انا أبي عسل ديره لو أبغي عسل تركي عرفت اشتريه قلت له ياولد عمي لكل حجرة اجره ها ثم انه زعل عليه وقام يلفق في هروج انا منها بري براءة الذيب من دم يوسف 0 هذي من قيس هروج هذا الناقص 0 واما من قيس الفرقة كنا على فراش السوده والرجال يوم جا وقت السلم ولاه هو وبن عزاب يتلفتون في بعضهم 0 وبعد قليل الا وبن عزاب يغمزني ويقول تكفى يارحيمي افزع لي أنا وهذا المسكين بقروش لا تسود وجيهنا قدام السوده تعينت في بن عزاب ولاه يطالع فالصعيد مكسوف بعيد عنكم وابن ام محمد ماغير يدحس كما المقروص عودت اذكر الله واحمد الله على العافية واظهرتها وانا أعرف ان الثنين كلهم مايردون حقوق الناس لكن أهلهم اجاويد وارحام و النفس ماتقبل عليهم زاهقة وهاه ياجماعة ان كان تروني مخطي ردوني للدرب وانت يابن سلمان والله ماينفعك هذا الظلالي وابنشدك عن بعض هروجك اللي وصلتني |
بن داخل ...
ضمني في حلفك... وأبشر بالعلوم الطيبة... ولا تنس أساس الموضوع كان في وادي الأعرج.. |
الله ماأكثر لبايشك بالله عليك من بقي ماادعيت عليه؟ باقي تداعي الشجر والحجر حسبي الله عليك ملقوف رسمي0
بن داخل ذوقك العسل وطمعت فيه وقمت تدّعي ياقليل الخاتمة (اذا كان المتحدث كذاب فالمستمع لبيب) نعرف مطامعك لكن هيّن0 يابن داخل الشرهة عليك يوم تذوّقه كان جبت له عسل <لانجنيزا> لكن أول مرة يذوق العسل البلدي واستحلى الهرجة0 الآن الهرجة معروفة . أعط الرجال عسل من حق البلة ونصه عكبر وتسد به فمه وتكتفي شره وذلك بعد أن تأخذه معك عند النحل وقربه من النحل عساه ياكله في الوجه والعيون لين يرجع صيني مايعرفونه عياله وان كان هذا المطلب يعز عليك قله ان كنت زعلان حط نحل في بلاد ثمالة وكل عسل واسكت وذكّره أن الناس شركاء في ثلاثة ليس من ضمنها العسل . |
الله يحييك
ياطيبك يابو عبد الرحمن مانت زي ابو اسم انقليزي
يتنقز ماكنه شايفنا بس عزائي ان واحد من الإداريين مقدر وضعي وواقف معي والله انك راعي علوم زينه بس النقصه لاعاد تدخلهم بيتك |
ابن أبي محمد:
دع عنك الصلف والغطرسة والعنجهية وحب الذات التي سيطرت عليك حتى أصبحت لاتعرف مسارا ولاتفرق بين الحق والباطل ولاتعرف العدو من الصديق0 انني أعلن من هذا المنبر تضامني الكامل ودعمي الكامل بالمال والعتاد لكل من: بن داخل ـ أبو عبدالرحمن ـ زهور الريف ـ المصرقع ـ ومن سينضم اليهم لاحقا 0 سأضع امكاناتي بين أيديكم وسنقتسم الأدوار لمحو هذا الكائن الشريرالذي آن الأوان لاستئصاله بعد أن أصبح داء ينهش في جسد منتدانا العزيز علينا ويريد القضاء على أعضائه واحدا تلو الآخر متبعا سياسة ( فرق تسد) لدي من معدات الحرب ماهو كفيل بالقضاء عليه منها: فاقوش يستخدم لتكسير الحصى وزنه 25كيلو جرام / عتلة من الصلب / نقلع بها أسنانه وندخلها بين أضلاعه / مشعاب عتم معتّق ( شابين عليه نار وهو أخضر)/ قديمي حادة / قطلة مدهونة بالقطران. وآخر الاستعدادات شريت واير لربطه وسحبه بسيارة جيب شاص طويل لسحله على لاسفلت لتأكل من لحمه القطط الجائعة وتتغير معالم جسده فلا يبقى الا العظم وقليل من اللحم ولايبقى من اسمه سوى الميم والدال الأخيرة وهذا أقل ماينبغي علينا عمله بعد أن تطاول على رموز المنتدى اليّ بهذا الأحمق المتـــــــــــــــمرّد 000000فلست الذي يخشى ابن أم محمد سنسقيه من كأس المنون ليرتوي 000000وماسحله بالجيب الا على يـــــدي |
عزوتي يابو عادل
اقتباس:
كم نهار وانا اذوقه من العسل ولا ابي غير كفوان شره لكن يحسب حقوق الرياجيل طمايع ياولد عمي الرجال يلف ويدور دوخ المساكين راح الرياض يتسدح على المفاطيح ويغوي فالمساكين تراه ينطبق عليه قول (فصيح لسن قليل احسان ) والله يابن سلمان يوم كان هنه فالطايف ماتبي احسن منه ويوم لاقاه فالرياض قلب راسه وجاك بن سلمان يتدجج مالزم معه لا زاد ولا ملح وان لو يطرف لي بن ام محمد ما غير اربط راسه عند اكبر خلية واخليها تشفي قلبي منه ويرجع وتلزمه الجوازات ولا يمسي الا في بكين عساهم ياكلونه خابرهم مايسمعون في لحم (.............) الله يعوض عليك في فراس يابو عادل |
هي الحرب
اليك عني يابني
لقد كشرت الحرب عن أنيابها فهاهي الصفوف تتقادم وهاهو الأحمق المتغطرس يجول بين معاونيه يحثهم على الثبات في معركة هو فيها الخاسر بيان هام لقد تمكنا بفضل الله وقوته من إعداد جيش مؤلف من ثلاث فرق الميمنة و الميسرة والقلب الميمنة بقيادة حسن عابد حليفي ومدججة بأسلحة منها 1ـمحش طويل وعريض ومصدي منهلة سنونة وهو خاص بالتعذيب 2ـفاس مثلومة وهذه لتكسير العظام 3ـقدوم لفصل اللحم عن العظم 4ـ عربيةاحدى عشر كفرة لنقل الجثث الى غار يعرفه احدهم 5ـ ازميل لتشويه العيون الحلوة 6ـربق لربط الاسرى ونقلهم بواسطة حمار القايلة الى ...... 7ـوغيرها من الاسلحة ذات العلاقة والميسرة بقيادة المصرقع مدججة بأسلحة منها شنيور وهو ما يعرف بالدرل - ابو جلنبو للضرب على الرأس - زرادية مصديه لقلع الأظافر - مفتاح انبوبه مع ساعة - ريشة درل مقاس 24 لحفر الجمجمة واستخراج ما بها من سنتوب والقلب بقيادة القائد المخضرم الذي سبق وأن انتصر على أعدائه في معركة طاحنة راح ضحيتها نفر كثير في سبيل الأخذ بثار فراس وهو (أبو عادل ) ومدجج بأسلحة حديثة الصنع وآخر ماتوصلت له التكنلوجيا وقد أدلى بتصريح دكر في معرض حديثه عن استعداداته للحرب لدي من معدات الحرب ماهو كفيل بالقضاء عليه منها: فاقوش يستخدم لتكسير الحصى وزنه 25كيلو جرام / عتلة من الصلب / نقلع بها أسنانه وندخلها بين أضلاعه / مشعاب عتم معتّق ( شابين عليه نار وهو أخضر)/ قديمي حادة / قطلة مدهونة بالقطران. وآخر الاستعدادات شريت واير لربطه وسحبه بسيارة جيب شاص طويل لسحله على لاسفلت لتأكل من لحمه القطط الجائعة وتتغير معالم جسده فلا يبقى الا العظم وقليل من اللحم ولايبقى من اسمه سوى الميم والدال الأخيرة وهذا أقل ماينبغي علينا عمله بعد أن تطاول على رموز المنتدى كما أفيدكم بأن هنا غطاء جوي بقيادة الأباتشي زهور لرصد تحركات العدو والعزة لله ولرسوله تم تحديد موعد الهجوم خلال ساعات قلائل |
| الساعة الآن 03:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by