رد : جايكم بخبر (سري ويفتح بيده )
 

أخي راعي السواني : فضلا لا أمرا , فيه واحد عن أثنين في الوزن صار(انا) له صره من العيد يكنونه أبو زيد أمسكه واخرق أذنه ودخله ألأستراحه وحطه في ركن لوحده حتى لا يرامص ويرفس الباقين ..
وسلم لي على أبو عادل وقل له : والله ما تهون عليه يا أبو عادل وانك عزيز قوم ذل لكن ما باليد حيله جنت عليك صداقتك مع الخاين أبن عزاب .. وسلم لي على رويعي الغنم وقل له خلك مع الغنم في الربق حتى ثاني مره تفهم كلامي ... وسلم لي على اللي سم حالي فراقه ابن داخل وقل له خلك داخل واكتفه مثل كتاف خلف بن عبد العزيز حسبي الله على اللي حال بيني وبينه , اما أبن عزاب وابن سلمان ثلهم وحط عليهم وسم ثماله العليا ..

رد : جايكم بخبر (سري ويفتح بيده )
 

الله يمسيكم بالخير جميعا
طالما وصلتوا اجمعين للربق الله يفك اسركم بس تكفى يابن ام محمد على قول بن داخل
تراني طالبتك طلب
بن سلمان وبن عزاب لاتكتفهم ترى كتافهم مايوقي شرهم
ابغاك تشرم السنتهم وترى بعد كذا اطلق سراحهم مايشكلون اي مشكله

اما انت يابن عزاب ترى كلامك هذا خطير للغايه وانت تعرف حجم العواقب وترى لو ماني خايفه الله فيك وخوفي اني اعيش طول عمري تحت تانيب الظمير لارفع السماعه على تلفون في شارع التلفزيون اخره 80 وادق لك مسمار هناك وعاد انت تعرف الباقي من حجم العواقب عود الى رشدك لايدهورك بن داخل تراه مايخارجك حتى لو كنت رحيمه

رد : جايكم بخبر (سري ويفتح بيده )
 

ايه يابن ابي مجمد سوها سدرية مع بن عزاب وضيعو العلوم ترى العلم في في ظهرك وظهر بن عزاب حليفك وحليف الشيطان وتالية في لياتكم ان ما اعتدلتو وتبتو عن غيكم
اما رويعي الغنم هو اول رجال نقد علمكم وهو اللي اطلعني على الصورة ومثبت تبليغة عنكم يالمراهقين انت وبن عزاب ما بقي الا صور خليعة ومشينة تجلبونها للمنتدى تروا الاعضاء عندنا ما فيهم المراهق وكلهم والنعم امسكوا الجادة والا مالكم الا عبط بدورية المنسم الا تجيبون الصعيد

رد : جايكم بخبر (سري ويفتح بيده )
 

يا بنتي يا زهور:
ابن سلمان وابن عزاب مافيهم الا ألسنتهم وان كان عيبناها وشرمناها وش باقي ؟؟ هيكل ؟ شاصيه ؟ ما باقي شي ,,, خليهم يبذبذون في الربق حتى نتخلص منهم..
المهم : أسمعوا يالرفاقه والعواني:
بسبب شكوى رفعها لنا المنسم ولم تصلنا الا بمشقه من شدة أرتفاعنا , يقول قزوزي فيها - المروحين أذووا وانتنوا بالأستراحه ,, لجل هالشكوى وش رايكم ننزلهم الحراج يوم الخميس .. وبنظام التخفيض أشتر واحد وخذ الثاني بلاش .. أبن داخل هريان وينحط معه أبن سلمان , والبقيه مثلهم ,, واللي يبغي يغبط ياخذ راحته بس ننصحه بلبس جونتيات وكمامات وبعدها مطهرات والا مات ... ولا أخفي عليكم يبي يلحقهم ناس عيني بارده عليهم , وخلك قريب مني يا راعي السواني حتى تجيب عاثر الحظ اللي أشر لك عليه .....

رد : جايكم بخبر (سري ويفتح بيده )
 

ابن ابي محمد والله اني احبك في الله بعدين انت ولد عمي وخفت على رجلك اللي في المنتدى تدري ليه ابن سلمان والاقزوز حرامية وانا جاني خبر من صديق يقول ان الاثنين راحوا للرداعي واخذوا الشيول علشان يقطعون الاصبع الصغير ويحملونه في تريله ويبيعونه على الاثار في مصر لان ابو الهول مسروق اصبعه والدليل بن سلمان اخذ دفعة تحت الحساب واشترى منها الجيب التويوتا والجيب من املاك الاستراحة ولا نفرط فيه مرة اما المقزز اشرى محلات الكنداسات في الطائف وانا رايح اجيب التعديات لابو عبدالرحمن اللي فكهم علينا وسلامتك

رد : جايكم بخبر (سري ويفتح بيده )
 

يا حسن يا أبن عابد ,ما أدري ,,, أظن أأأأأظن أنه سبق السيف العذل ,,, قول لاه؟؟ثم زيد قول لاه ؟؟.
أقول لك : البارح اللي ما بعدها الا اليوم زهمني ابن أبي محمد وقال ترى يا أبن شداد يبي يجيني ضيوف منهم أبن قطيل وحاضر نفسه وملاطم ذبان خشمه وألأقشر المدشر طالب الشر وأبو عكوتين ودافن الكلب ورابض مكانه وتيس القراره وغيرهم من وجيه الرجال ,,, قلت وبعدين ؟؟.
قال الحسنان أبغي أوجب بهم للضيوف يقصدك ويقصد حسن عزاب أبو هاشم ...
لكن حاول وأمدح الرجال وذكره بحق القربه وحق السقا أربه يحط مكانك ابو زيد ولا تخاف أن كان لك عمرما يجيك شيء ...
الله يطول عمرك ولا يريك مكروه لا أنت ولا الباقيين ..آمين ...

رد : جايكم بخبر (سري ويفتح بيده )
 

رد : جايكم بخبر (سري ويفتح بيده )
 

ياحرامي يارويعي من عطاك مفتاح الدوريه
وبعدين ياناس لوشرمتوا اذن والا قطعتوا لسان تروا بعدين ماينحرون عيد الحج جاكم وعلى حد علمي ان بعضهم قارح
المهم مالكم في الطويلات تروا فاحت ريحتكم في الاستراحه
وانت يابن ابي محمد تعال شيلهم عني جاني مستاجرللاستراحه يوم الخميس
وجيب المشتاق وزهور خلهم يحوقون الاستراحه وينظفونها
وبن عزاب لا عاد اشوفه يوطوط عند الاستراحه والله لركبه في الدوريه
وعلى مركز النزهه وذاك الوقت خل احد ينفعه
سمعتوا العلم

رد : جايكم بخبر (سري ويفتح بيده )
 

أخواني وأعزائي المتداخلين لقد أثبتم هنا في هزلنا هذا الذي خضت فيه رغبة مني في الترويح عنكم وعن نفسي ,, أقول لقد أثبتم أنكم أعقل مني عندما لم تلاغوني في المزاح الذي تسببت في هبوطه وفظاظته وهذه تحسب لكم وانتم ألأحدث مني سنا وتحسب علي وأنا أكبركم سنا ..
لذلك أعتذر منكم جميعا أبو عادل- أبو هاشم -أبن داخل -أبن سلمان -خلف بن عبدالعزيز-أبن عزاب -أبو زيد -حسن عابد -زهور الريف -أقزوز منسم-ابو شنب -رويعي الغنم -راعي السواني, وأقول لكم أنما كنت أخوض معكم في المزاح بقلب طيب يحمل لكم الود. وتصرفكم ينم عن عقلانية وخلق عالي تشكرون عليه ....سامحوني أن جرحت مشاعر أحد منكم ...
اللهم أغفر لي ولأخواني , وتب علينا أنك أنت التواب الرحيم ..
سبحانك اللهم وبحمدك أشهد أن لا أله ألا أنت أستغفرك وأتوب أليك ...

رد : جايكم بخبر (سري ويفتح بيده )