المشاركة الأصلية كتبت بواسطة كشكول (المشاركة 494872)

صح لسانك

هذا والمعرف ( تحت الصفر ) اجل لو فوق الصفر وش صار

اوصافك جميله لكن خذ العلم

الموتر مايزين ويركد وتقدر تدوس له الا بعد مايتمرن

والناس ماتعقل وتركد الا بعد طلوع سن العقل والراكد يحتاج لراكد

المشاركة الأصلية كتبت بواسطة E B R A H E M O O (المشاركة 495155)

صح لسانك والله يعطيك العافيه اخوي تحت الصفر
اعجبني كثير الوصف الدقيق مع ان القصيده صعبه كررتها كم مره وابشركم عرفت اقراها كويس واكوس من الكويس
اعجبني كثير هذا البيت وتخيلتها بكل ماوصفتها



وارداف واكتاف(ن)ليا جت ترجرج
تتعبك ما تلقى لها اوصاف واشباه

تقبل مروري

المشاركة الأصلية كتبت بواسطة الشيخ عبدالعزيز بن عبدالله الثمالي (المشاركة 495482)

شاعرنا هذا وانت تحت الصفر -وكيف عاد لو طلعت فوق الصفر-حركت ماسكن وااججت ماقدرت عليه-واصل نحن لك متابعون-

المشاركة الأصلية كتبت بواسطة المنديالي (المشاركة 495708)

وجدي على فنجال بن(ن) محوج
مع تمرة(ن) من ريق عذرى محلاه
ذات الحجاج الفج .. والناظر ادعج
والخصر خاتم يشكي الضيق مفجاه
والصدر مع باقي حلاياه مدمج
ضلل على الخصر النحيل وتعلاه
وارداف واكتاف(ن) ليا جت ترجرج
تتعبك ما تلقى لها اوصاف واشباه
حليلة(ن) ننسى بها الناس ونهج
تنسي كلام فلان وفلان وسواه
لوكنت في ليل(ن) دجى حالك ابلج
خدودها من ظلمة الليل منجاه
مثل القمر خمسة عشر يوم يسرج
كل النجوم تحوم حوله وتبغاه
واقرانها لو منهن اللي تفرج
تعاف ما معها من الزين والجاه
ماهو جمال المترفات المدبلج
اللي كثير من المكاييج غطاه
ياصاحبي هاك العلوم وتحجج
يمكن تصم آذآن وتسكر افواه
ماهو بعيب ان الكبير ايتزوح
بنت(ن) تقدر شيب راسه وترعاه
بنت(ن) لها باقصاه مدخل ومخرج
لا جا تعناها .. ولا جت تعناه
ذات الجديل المدلهم المدرج
آسج قدام انتهي فيه وابداه
ساع انسدل فوق الجبين ايتوهج
بيدينها عن مفرق الحج تكفاه
ويموج لين اقصى المتون ايتعوج
حتى النظر ما يدرك اقصاه وادناه
أسود .. على مضمار ثلج ايتزلج
زاد اجتمع ضدين .. تبرز حلاياه

..........
عليه الملازيم انك رايق وشارب دله كايفه يعقبها براد ربيع على النار

المشاركة الأصلية كتبت بواسطة أبوخالد (المشاركة 495739)

جريء تحت الصفر
اجل لو ارتفعت الحراره شوي وش السواه
صح لسانك ملايين
راق لي ماتكتب

المشاركة الأصلية كتبت بواسطة الـثـمـالـي (المشاركة 495830)