|
رد: فنجال .. وعلوم رجــــــال .. !!
بارك الله فيك ياسهيل
وهذه قصه قصيره طريفه سولف لي بها واحد اليوم وخليته يرسلي ابياتها بالواتس الله يقلعه خربنا موضوع ( الاستيتيوس ) على شانه . الحاصل يقول يسولفون عليهم شيبانهم عن ايام زمان ومن ذلك ان واحد منهم كان فقيرا معدما لايملك سوى دلة قهوه وقد كانت من اجود الدلال فاراد ان يكون لديه غنم وحلال زي باقي ربعه وقال مامعي الا ابيع الدله هذي بـ ( نعجه)ضأن ( دافع ) لفلان من ربعهم راعي حلال واجد . راح لراعي الحلال وعرض عليه الدله وبعد جهد وحاولات وافق يعطيه ( نعجه دافع ) هزيله وحالتها حاله وافق واعطى الرجال الدله واخذ ( النعجه ) وهو يأمل انها تجبله اثنين رخال يربيهم وبعدين يبدى يكثر حلاله الحاصل من سوء حضه ماجابت له ( نعجته ) الا طلي ... فتحسف على دلته اللي راحت وكيف يتحايل على ( ابو ربعين ) عشان يوافق وصاغ هذا بابيات جميله .. [POEM="type=1 bkcolor=#FFFFFF color=#0066FF font="bold medium Arial, Helvetica, sans-serif""]الا واحسيف دلتي عند أخـــــــــــــو ربعين = أغصبه عليها يوم ربي كتبها لــــــــه وأشيل الهضيلة يوم طـــــــاحت على الرجلين = وأنا مهتوي والمهتوي ما بغى شـــاله ايلا جاء القدر عمي البصر شينها جا زين = تصَّوّرّ بعيني كنـــــــــــها عندي خيـــــاله تُوَلّد وقلت أكـــــــــــــــودها تلد لي رخليـــــــن =ولا جابت الا واحدٍ يثغي لحــــاله[/POEM] |
رد: فنجال .. وعلوم رجــــــال .. !!
اقتباس:
الله يا سوالف عندي مثلها .. وقريبه منها .... لكن المشكلة غير صالحة للشرب ! لو مديرنا أبو عبدالرحمن يفتح لنا ( كافيه شيبان ) خاص .. إن كان تسمع علوم ! ولكن ترقبها .. على الخاص - إن شاء الله . |
Re: فنجال .. وعلوم رجــــــال .. !!
الله الله الله يابو فهد
سهيل لا تنساني انسخ وارسل |
رد: Re: فنجال .. وعلوم رجــــــال .. !!
اقتباس:
يا حبكم للعلوم الدْقـَاقه ......! |
رد: فنجال .. وعلوم رجــــــال .. !!
موضوع كايف ورايق
متابعون ومستمتعون بصمت!!! |
رد: فنجال .. وعلوم رجــــــال .. !!
اقتباس:
انا بديره شيبانها يقولون لمن ينتقد علومهم ويقول بانهم قد ذهب زمانهم وليس لهم سوى الاعتكاف وترك سوالف التشبب لمن هم اهلا لها ( رأس مابه "هوى" موته وحياته سوى ) وكأني بهم ولسان حالهم يقول ولسنا عنهم ببعيد [poem="type=1 bkcolor=#ffffff color=#0066ff font="bold medium arial, helvetica, sans-serif""]ياليت إن الزمن يرجع ورى ولا الليالي تدور = ويرجع وقتنا الأول وننعم في بساطتنا زمان أول أحـــس انه زمــان فيه صدق شعور = نحب ونخلص النية وتجمعنا محبتنا زمــن لا فيه لا غيــبة ولا حــتى نفــاق وزور=ياليته بس لو يرجع ونسترجع طفولتنا[/poem] ولعل لي عوده مع جميل ماقيل بدون خروج عن الخطوط الحمراء اللي بعيده مره |
رد: فنجال .. وعلوم رجــــــال .. !!
اقتباس:
الشاعر محمد بن هادي بن قرمله القحطاني عندما كبر وتنحى عنه قومه جانبا وما عاد أحد يجيه لأنه لم يعقب اولاد يشبون ناره ويصفون دلاله .. وقد شاهد فأرا يبني بيته بجوار حرمله .. واخذ يراقب الفأر في طريقة بناء بيته .. وحرصه حذره .. فقال : يا فار دلهني وادلهك يافــار = يوم ٍ كل ٍ داله ٍ في محله لو لي عيال إن كان شبوا لي النار = ويدلهون القلب لا غاب خلـّه إلي ثمان سنين ما شفت خـُطـُار = لا والله ألا صار بيتي مزلـّه |
رد: فنجال .. وعلوم رجــــــال .. !!
دامها سوالف على جال ضو وفنجال بغيت اعد لكم قصه وقصيدة وخفت ما اضبطها بحثت عنها ولقيتها يوتيوب وجبت لكم الرابط لعيون سهيل وشيبانا اللي معه
http://www.youtube.com/watch?v=jeao0Gof12k |
رد: فنجال .. وعلوم رجــــــال .. !!
اقتباس:
الله ما أحلى هذا الشطر ! وكلنا قد عاش هذه البساطة بكل ما تعنيه الكلمة ... أيام مرت ولكنها لن تعود .. وتبقى الذكريات .. والأيام التي لا ولن تنسى ! وصحصح يا صقر الحجاز .. كما قال أخي أبو فهد .. يبدو لي بأنكم تعرفون بعضكم زين.. وسهيل ضاع في الطوشه بينكم ! أما الخطوط الحمراء فلن نخرج عنها - إن شاء الله ..وكلها سوالف عوارف .. والموضوع مفتوح لكل من عنده سالفه غير مخالفه ! .... |
رد: فنجال .. وعلوم رجــــــال .. !!
اقتباس:
السواليف الطيبة ما تضبط إلا بحضورك أيها النادر ... شكرا على الإضافة الرائعة والمشكلة في اليوتيوب النوافذ الهامشية .. ولا هنت على اختيارك .. وهذه قصة نيوتن العرب .... جلس العالم الشهير نيوتن تحت شجرة التفاحة دقائق معدودة فخرج بقانون الجاذبية المعروف ....... أما العالم العربي -آسف-أقصد الشاعر العربي فجلس تحت شجرة التفاحة (سنة وشهرين )نعم :أربعة عشرشهرا ،يعني 420يوما -وهذه المدة تكفي لصناعة مئة طائرة وكذا صاروخ وقنبلتين ذريتين.........نعود لموضوعنا ،خرج شاعرنا بانتصار عظيم وجاء بما لم يأت به الأوائل !!نعم أحبتي لقد وقف الشاعر الفلتة والعالم الفذ قائلا: تحت التفاحة سنة وشهرين .......تحت التفاحة . ما يشوف الراحة كحيل العين ....ما يشوف الراحة نعم هؤلاء هم الرجاجيل الصناديد .....والفريس العرابيد ........فإلى الأمام :دار..دار بيت ..بيت ..زنقة ..زنقة ..وأخيرا زنقوه وذبحوه ذبحة الشاة وعقبال الجحش بشار . |
رد: فنجال .. وعلوم رجــــــال .. !!
واحد بدوي عنده إبل وخير كثير ماشاء الله .. وذاك اليوم يضيع له ( حوار ) من حيرانه ..
دوّر عليه .. ما خلا ولا ديره ... ما لقيه .. عذّر فيه .. ورجع بيته .. وانعزم عند جاره للعشاء وجاره عنده رادي .. ها ثم جلس عند جاره .. ويتسمعون في الاخبار : ( حـــوار بين مصر وليبيا ) ! قال : يوووووووووووه ! أبك وش ودّاه هناك ... عســـــــاه ما يعوّد !! |
رد: فنجال .. وعلوم رجــــــال .. !!
اضحك الله سنك ياسهيل . واخبر بدويك انني قرأت اليوم في الاخبار ان وزيرة خارجية الاتحاد الاوربي سوف تطلق الحوار بين الاتحاد الاوربي والباكستان ، ربما يكون حواره . أخر الأخبار آشتون تطلق غداً الحوار الاستراتيجي بين الاتحاد الاوروبي وباكستان. |
رد: فنجال .. وعلوم رجــــــال .. !!
الأخوين الكريمين سهيل والحاج سلام، أسعد الله أوقاتكم على ذكر الحوار يقول أخي كان فيه برنامج إذاعي قديم يقدمه المذيع المتألق من إذاعة البرنامج الثاني من جدة البرنامج إسمه "حوار حول المايكرفون" يقول أخي يوم كان صغيرا يسمع إشارة البرنامج ويحسبه الحوار الذي كنا نراه في القرية يرعى مع الإبل، ذكرتوني بالقصة فأحببت المشاركة، تحياتي لكم،،،، |
رد: فنجال .. وعلوم رجــــــال .. !!
اقتباس:
تحب العلوم الغانمه ياسهيل وآسف على التأخير لانشغالي وعدم توفر الاتصال لأني في سفر (( داخلي )) قد يستمر إلى ما بعد رمضان بمشيئة الله لكن القلب معكم دوم خاصّة وانتم فها المجالس اللي تسر الخاطر أما قصّة صاحبك مصطفى يرويها لي أحد الأقارب القاطنين في الرياض ويقول في سنه من السنين اقبل علينا رمضان وجلسنا نتكلّم فيه وفي الاستعداد له (( إستعدادات البطن التي تسبق عند الأغلبيه إستعدادات الطّاعه )) قال وجا طاري لحمة السنبوسة وتذكرنا مجازر الطايف وتكوّم الناس على المصري اللي في شارع الستين (( اللي مايزيد عرضه عن ثلاثين )) ولاّ على مجازر الشطبة والحسلان اللي يُفتك بها في هذه المناسبة ، يقول صاحبنا كُنّا ثلاثة (( إثنان من الطائف وزهراني )) وأثناء حديثنا قال أحد زميلنا الزّهراني الشغله بسيطه أنا أعرف لكم مزرعه فيها عجول تحبها قلوبكم نروح ناخذ لنا واح ونتقاسمه ، يقول قلنا له تم وتواعدنا الخميس عصر واجتمعنا وتوجّه بنا لمزرعة في طرف إحدى القرى المجاوره للرياض ويوم جينا عند الباب نادى خوينا صاحبه الصعيدي (( ياحسنين 000 ياحسنين )) وعلى طاري حسنين يقلون إن فيه واحد من طُلاّب القرى زمان يوم ما كان فيه مدارس متوسطه في القرى حس إنّه لخبط في الامتحانات ولا له نفس ينتظر النتايج قال لواحد من زملاه أهل المدينه ليا طلعت النتيجه إرسل لي خبرها مع أحد الجماله اللي تلقاهم في سوق الخضره لكن إن كان فيها رسوب لاتفضحني ، قال له طيب كيف تعرف ، قال إن كان الرسوب في ماده قول له يقول لي محمد يسلم عليك ، وان كان مادتين قول محمدين يسلمون عليك ، وليا كانت ثلاث قول محمدين وحسن يسلمون عليك ، وإن كانت أربع قول حسنين ومحمدين يسلمون عليك والظّاهر إن خوينا طبّلها فاكثر من اربع مواد إن لم يكن فيها كُلّها ، المهم إن خويّه أرسل له رساله يقول فيها (( أُمّة محمد كُلّهم يسلمون عليك )) ما أطوّل عليكم يقول بعد صياح من الجميع وبواري خرج علينا ذاك الصّعيدي قال له صاحبنا نلقى عندك عجول قال وُوُمّال وتقاطع معه وبت فالسعر وحنا ماشفنا شي ، يقول والتفت علينا خوينا قال شرينا ، يقول قلنا له طيب كيف نشيله ؟ قال مخدومين 00 إركبو ا ، قال وركبنا ودخلنا المزرعه ورى المصري لحوشٍ في أقصاها ويوم وايقنا وعيوننا ماتحلاّ إلا ذيك الثيران اللي يبغى لك تقسم الواحد نُصّين قبل تحمّله فالسيّارة يافلان هذا وش يشيله ؟ وكيف لحمه ؟ قال إزهلوا العلم وتروه ماهو كبير لكن المخول طيّب !! هذي العجول من مزارع الالبان وامهاتها هولنديه ويفطمونها بدري عشان ماتزاحمهم على اللبن واهل المزارع يربونها وتروها ماكمّلت سنه ، المهم في لحظه وحسنين مربّط واحد منها وجايب له ونش ومحمّله ويمشي واحنا وراه لجزار في طرف القرية ويوم وقف عنده وينادي يامصطفى 000 يامصطفى قال ويخرج علينا ذاك المصري الذّرب وفلحظه وعيال الصّعيد مجنطلين الحسيل ويبدأ مصطفى في شغله وماهي إلا ربع ساعة وارضية المسلخ مغطاه بجلد الحسيل ومصطفى يتنقل من مكان لمكان وثيابه كلها دم ، يقول صاحبنا وفي هذا الاثناء واحنا نسمع لنا ونيت ماتفرّق بين صوت شكمانه وقرقعة صندوقه وفلحظه وهو موقف عند المسلخ وينادي يامصطفى يامصطفى ومصطفى غايص فالحسيل إلين أذانيه ولا درى عنه قال مادرينا إلاّ وخارج من ذاك البدوي اللي عليه ثوب يمكن آخر مرّه إنغسل فيها في عيد الحج الماضي واقبل علينا ينادي ويوم وايق وهو يشوف مصطفى فالحالة اللي هو فيها وهو يجمع حواجبه ويمسك طرف غترته بايده اليسرى ويحطّها على فمه ، (( واهل ذيك المناطق يعيبون على من ياكل لحم البقر ))واخذ يعاتب مصطفى وكأنه وجده في محضور شرعي ، ليه يامصطفى !!! والله إني كنت أحبّك يامصطفى ، الله لايبارك فيك يامصطفى ، ويخرج ثم يطل بجزء من راسه ويقول أُفّوووه الله لايبارك فيك يامصطفى وأخذ يردد ذلك مراراً إلى أن إختتمها باللعن !! ونحن فينا من مااات غيضاً وفينا من مات من الضحك على البدوي ومصطفى 0 يقول المهم إن إحنا تماسكنا أعصابنا إلين أنهى مصطفى المهمّه وبدأ ينقل أكياس اللحم إلى السيّاره ويوم خرجنا وإذا بصاحبنا معه عنز يُمكن أن تُسجّل في موسوعة قنس كأكبر عنز مُعمّره في التاريخ ، يقول تذكرت فيها بيتا لأحد الشعراء زار فيه ورفقاه أحد البخلاء فذبح لهم شاةً كبيرةً في السن لم يستطيعوا أكل شيء من لحمها بل إنها أفسدت المرق الذي طبخوا فيه الرز فخرج من بيت معزّبه وهو يردح قائلاً : ــ [poem="type=1 font="bold medium tahoma, verdana, arial, helvetica, sans-serif""]بيض الله وجه من عشّانا ذبح لنا جدّة غنم خلق الله[/poem] يقول الراوي إن خوينا الزهراني لم يتمالك نفسه يوم شاف ذبيحة الرجّال اللي عايف حسيلنا معها وهو ينفك عليه بما يمكنكم إدراكه ولاتصلح روايته ،،،،،،،،،، والله يعينك يامصطفى |
رد: Re: فنجال .. وعلوم رجــــــال .. !!
اقتباس:
على قول القايل (( ابببببببببببب )) |
رد: فنجال .. وعلوم رجــــــال .. !!
تسجيل حضور للعلوم والسوالف الغانمة
بهذه القصة الطريفةللراويه عبدالله عابد الوقداني http://www.youtube.com/watch?v=m7EuJ...e_gdata_player |
رد: فنجال .. وعلوم رجــــــال .. !!
اقتباس:
البدوي صاحبنا حواره من الشعل ..! |
رد: فنجال .. وعلوم رجــــــال .. !!
اقتباس:
إضافة رااااااااائعة جدا يا أخي عزيز .. أضافت للموضوع بعدا أدبيا جميلا .. شكرا لحضورك ومرورك .. |
رد: فنجال .. وعلوم رجــــــال .. !!
دامها فالحيران مابعد وصلنا للمفاريد فخذ عندك هالسالفه
هذا واحد من ربعي الخاصين يقول كان له صاحب شايب من اهل الكويت يقنص معه من سنين ويوم كبر قصرت رجله عن الروحه والجيه واستاهن ودخله الوسواس كل ما راح لدكتور قله انت مافيك الا العافيه واللي معك اعراض كبر السن ولازم تتأقلم معها ,الشايب داخله الوسواس القوي ويقول لعياله انا معي عين ومحسود وابيكم تودوني لواحد يقراء وعياله كنهم ماهم مقتنعين الين لزم عليهم يكلمون خويي ابو خالد اللي كان يقنص معه واشتكى له وقاله يابو خالد يذكرون عندكم واحد بالزور يقراء وقرايته زينه (والقاري هذا قاري بدو يعني من جنبها اذا ماكان يقراء لشي ثاني) المهم انا بخلي عيالي يجيبوني لك وابيك توديني له لزم الشايب على عيالة وجو لابوخالد واكرمهم وذبح لهم وكان ايامها ايام ربيع وابو خالد باني له خيمة قدام البيت وجالسين فيها وقبل العشاء ماسوالفهم الا عن القراي وسوالفة مع الممسوسين واللي بهم بلا والشايب مركز تركيز غير طبيعي . المهم جاء وقت العشاء وقلطهم ابو خالد فالبيت وكان لابوخالد واحد من اخوانه مدمن شراء يشري اي شي وكان شاري له حوار لقاه فالسوق امه ماتت مدري فويطر ماتغذي ولدها وباعوه اهله وشراه وحاطه فالحوش ويرضعه بالمرضعه والحوير والف الصوت ويجي عليه المهم بعد تعشو رجعوا للخيمه وكانوا شابين نار الجو بارد وفاتحين في رواق الخيمه من يمة الشمال منفس للهواء يطرد الدخان وباب الحوش شمال غرب من الخيمة ودرفة الخيمه شرقيه والشايب جالس تحت الفتحه اللي فالخيمه لابغى يقوم قوموه عياله لو يبي يروح الحمام ودوه مالكم بطول السالفة الحوير لفى الباب مفتوح والصوت يجي من الخيمه والنور والصوت يخرج من الفتحة الشماليه اللي فالخيمه ويدخل الحوار راسه مع الفتحه ويقوم يشمشم فالشايب من عند اذنه والشايب غافل ولايمديهم يطردون الحوار الا والشايب يوم قام يركض تقول ابو سبعطعش مافيه من الوهن شي ويقطع الشارع وعياله وراه (عود ماغير حوير ...عود يا يبه والشايب منطلق ماينلحق ولا لحقوه الين قضى بنزيمه وتعب ويعود على عياله ماقلت لكم اني فيني بلا وانتم ماصدقتو شوفو وشا اللي سواه فيني ذا الليل يوم بس سمع عن القراي وقرايته) |
رد: فنجال .. وعلوم رجــــــال .. !!
اقتباس:
وفيت وكفيّت .. علوم غانمة وسواليف طيبه حبكتها يا أبو سيفين صح ! كذا ولا بلاشي !! وأعان الله سهيلا .. بالكاد افتكيت من أخي الحاج سلام .. إلا وأجدك في المواجهة .. ! وعلى طاري طيب الذِكر مصطفى .. وعلومه .. هذا مصطفى سلمك الله جاه ضيف من جماعة العربان وأراد أن يكرم سباله .. ويدسم شواربه وراح للمجلبة ( الماقفة ) يبي يشتري الخروف الزين السمين .. وكل ما وقف عند خروف وسامه من راعيه قال : بـــ 1000 تركه وراح للي جنبه .. كم يا ولد .. قال راعيه بـــ 1200 تركه وراح للثالث كم يا راعيه ؟ قال : بــ 1500 عصب مصطفى وزعل وراح .. قال واحد منهم : وين رايح ؟؟ قال لهم بصوت ٍ عال ٍ : ( للجحيييييييم ) .. بلهجة مصطفى !! قال البدوي : أبك القحيم اللي أنت تباها لو تطبخ لحمها يومين ما نجح ! وقد تذكرت قصة مشابهه لما سبق .. يقول راويها : واحد حضرمي ناسب له ناس من القبائل المعروفة .. وذاك اليوم يجونه أرحامه في البيت .. ويوم شافهم وهي تلزمه الراعة .. ولكن وش يسوي ؟ لا بد أن يكرم أرحامه .. ويقدم لهم ما يليق بهم ويجمله معهم .... بتّل الرجال .. وعلى سوق الجِمال .. ويسوم الحشو .. بكم الحاشي يا ولد ؟ قال راعيه بـــ 5000 آلاف ريال ! هوّن .. قال أذبح لهم حسيل .. أرخص !! راح سام الحسلان .. لقاها من ثلاثة آلاف ريال ... هوّن منها ... عوّد على الخرفان .. لقاها من ألف ونص .. ومن ألف ثلاث .. وأهونها من 1000 تركها .. وعلى التيوس .. ولاها من ثمان مئة .. وزود هوّن أبو حضرم .. وعلى سوق الطيور !!!! ويشتري له ( ديك ) بعشرين ريال .. وياخذه على البيت .. ويدخل المطبخ .. ويحضّر السكين .. والديك يفرفر .. وهو يذبحه ويقول : (( فرفرّ ما تفرفر يا فرفور ... من ناسب الأجواد يفعل هكذا .. !!! ) . |
رد: فنجال .. وعلوم رجــــــال .. !!
اقتباس:
صح لسان الراوية الوقداني وسلمت يمينك على حسن الاختيار الموفق وبالصوت والصورة ...... |
رد: فنجال .. وعلوم رجــــــال .. !!
اقتباس:
نفهم من كلامك يا شاعرنا النادر إن فيه عندك سواليف للمفاريد .. ما شاء الله عليك أيها النادر .. مقانيص وسواليف وهبة ريح ووناسة ! عطنا من ها العلوم الطيبة .. ولا هنت . |
رد: فنجال .. وعلوم رجــــــال .. !!
اقتباس:
بارك الله في الجميع على هالسوالف الزينه والسنعه- وعلى راي ابو سيفين يوم يقول {فيه بعض اهل المناطق يعيبون على من ياكل لحم البقر}وهذه سالفه من اياها يقول واحد تعينت قبل مده هناك وصاحبت مجموعه من اهل الحجاز وتعرفنا على جزار يذبح حسلان وناخذ منه بين فتره واخرى ويوم واقفين عنده يوزن لنا من لحم البقر وجانا واحد من المنطقه وقال هذا من ياكله- قال تجادلنا معه شويه قام عصب الرجال علينا ولعنا ولعن البقر واللي ياكل لحم البقر -قال عاد مادام وصلت للعن مسكناه وجات الشرطه وحولوه للمحكمه وجاه نصيبه -بعدها رجعنا للجزار قال انتم وش سويتو فيه -قلنا ليه وش في الرجال -قال من بعدها يجيني ويطلب لحم حاشي ويقول {حط اثنين كيلو حاشي مع احترامي للبقري} |
رد: فنجال .. وعلوم رجــــــال .. !!
اقتباس:
ما قصرت يا أبا عبدالله على ها الاضافة الجميلة والطريفة .. وكما اسلفت أخي الشيخ .. فقد عشت في العاصمة ما يقارب الــ 7 سنوات ما شفت ثور هناك أبدا .. مع العلم بأنني عندما أصل لأي مدينة جديدة من مدن بلادي الحبيبة والتي أزورها لأول مرّة .. أول معلم سياحي أبحث عنه - دائما - ( أسواق البل .. وشبوك الحلال .. والحشو .. وجميع عطايا الله ) .. واسال عن أسعارها وأنواعها .. وما يطيب لي خاطر لين اشوفها و... وبعدين ابحث عن بقية المعالم والأماكن السياحية ... وما دام إن الحديث عن الحلال .. هذي قصة حقيقية حدثت لواحد ..... اشترى له ماعز ( مصرية ) من الطايف .. وطلعها عندهم بالديرة .. وراعيها معودها على الخضرة والبرسيم .. ويوم جابها في الديرة وهو يعطيها من ها العلفان والتبن واللخيخ ... لكن عافته .. وعيّت عنه ! كلم راعيها وقال له : لازم تعودها شوي شوي .. لين تتعود على المرعى والتبن و... ومر عليه واحد من الجماعه ( من الملقف) وعلمه بالسالفة ... قال ها الملقوف : ياخي محلولة ركب للمعزى : نظارات خضرا .. وتشوف كل شيء أخضر وتأكله !!! ولن أكمل السالفة .... لانكم عرفتوا تكملتها ... والله يا بعض الناس إنه هبيلة إمعه !!!!! |
رد: فنجال .. وعلوم رجــــــال .. !!
اقتباس:
|
رد: فنجال .. وعلوم رجــــــال .. !!
اقتباس:
صااااااااادج ... بس ما هي زي ثيرانا !! |
رد: فنجال .. وعلوم رجــــــال .. !!
يقول الخليفة علي بن أبي طالب ( رضي الله ) عنه :
" من كانت فيه دُعابة فقد برئ من الكبر " ففي الضحك تجد نوعا من الغبطة التي لا تتلاءم والحسد .. وقد تعجبت جدا من أهل مصر الشقيقة .. ومن سافر إلى هناك يؤيد كلامي .. شعب يضحك مع جنوبه .. وفالينها على الآخر .. مع العلم لو تفتش جيوب الواحد منهم ما تجد 5 جنيه ! بينما عندنا هنا الواحد شايل في مخابيه ( بلاوي متلتلة ) وزعلان وشايل هموم الدنيا !! وهذا ديدننا ... وحياتنا .. والله إني أوقف في الإشارة .. وأخشى أن أنظر لمن حولي .. وإن استرقت النظر لرأيت أغلب الوجوه متجهمة ( كالحة ) عابسة .. حاملين هموم الدنيا .. عكس إخواننا في مصر ... يقول الراوي واحد مصري راكب في الطيّارة وبجواره واحد من جماعة بني عرب مفتول الشوارب سأله المصري : الأخ من فين ؟ قال البدوي : من جحر الضب ّ الأعور ! قال المصري : الله .. ذي منطقة حلوه جدا .. عشت فيها سنتين !! المهم / سمعت إن المصري يراجع طبيب الأسنان .. له شهرين والله أعلم ! وأخيرا هذا البيت قرأته وأعجبني .. ( الحر لامنّه تبرقع ضاع * وأنته لامن تبرقعت ضعنا ) |
رد: فنجال .. وعلوم رجــــــال .. !!
بسم الله الرحمن الرحيم
(( قصة الملقوووووووووووف )) هذه القصة لا أجزِم بصحتها .. رواها أحد الشيبان لنا زماااان منذ ما يربو على ثلاثين عاما .. وإن كانت من نسج الخيال .. فقد حبك الشايب ( رحمه الله ) أحداثها .. وأبدع في روايتها .. يقول الشايب : هذا واحد ٍ من الملقف لقي ثلاثة أشخاص جالسين بجانب جدار .. وكل واحد ٍ منهم معه حصاة ( حجر ) ويخبط بها على صدره ويقول : أنا أستــــاهل !! أنا أستــــاهل !! أنا أستــــاهل !! فسألهم من باب اللقافة والفضول : ماذا بكم أيها الرجال ؟ وماذا حلّ بكم ؟؟ فلم يُعِيروه اي اهتمام .. واستمروا في عملهم ... وفي اليوم التالي عاد إليهم .. ( ولاهم على شغلهم .. ) ما تغيّر شيء !! فكرر السؤال : علموني .. وش السالفة يا الربع ؟ سلامات !! فلم يُجبهُ أحدُ .. واستمروا .. يخبطون في صدورهم .. وبصوت واحد .. أنا أستاهل .. أنا أستاهل ... وفي اليوم الثالث مرّبهم .. وطرح السؤال المعتاد .. ولكن ما أحد يمّه !! فماذا صنع الملقوووووووف ؟ أخذ له حصــاه .. وجلس جنبهم .. وقعد يخبط في صدره ويقول : أنا أستاهل .. أنا أستاهل .. ! وفجأة ! تكلم أحدهم قائلا له : أنت ما تستاهل ! قال : ليه ؟ قال : لأنك ما سويت مثلنا ... لكن إذا تبي تعرف قصتنا وما حدث لنا .. قوم أنا أعلمك .. قحص الملقوف زي الذيب الأشهب .. وتبع الرجال .. الذي أخذه بيده إلى مُرتفع قريب وصعدا سويّة .. إلى أعلاه .. ومن قمة هذا المرتفع قال استعد .. وتمسك في أذانيك لأنني رايح أصفقك على ظهرك وبعدين تعرف وش اللي صار لنا يا أبو لقفه !! وما هي إلا ثوان ٍ إلا وصاحبنا صاكه بأقوى مامعه من تحت ( قلّته) ألا وهو طايح في هاك البستان الجميل والجنة الخضراء اللي ما توصف .. خضـــار وثمار .. وفنجال وعلوم رجال .. وبينما هو يتجول بين أنحائها وجد هاك الشايب الأبيض صاحب اللحيَة البيضاء الطويلة .. والذي رحب به في هذه الأرض الخضراء .. ووضح له التعليمات وأعطاه النصائح قائلا : كلْ واشرب وانبسط .. لكن ما لك ومال خلق الله .. لأتسأل أحدا عمّا يصنع .. ولماذا ؟ دع الخلق للخالق .. واترك ( اللقافه ) !! هز رأسه أبو لقفه وقال للشيخ : طيب .. إن شاء الله أكون عند حسن ظنك .. فهل يلتزم أبو لقفه بهذه النصائح التي أسداها له الشيخ الأمين على هذه القرية الخضراء ؟ أم يغلب الطبع التطبع ؟؟؟ .. .. .. .. .. .. .. .. .. .. تابعونا في الحلقة القادمه - إن شاء الله - وفالكم طيب . أعلاه :بقلمي ( الحقوق محفوظة لمنتديات بلاد ثمالة ) سهيل 2012 |
رد: فنجال .. وعلوم رجــــــال .. !!
حسب معرفتي بالملاقيف ما اظن انه يستطيع التزام الصمت ومنتظرين نهاية القصة ياسهيل |
رد: فنجال .. وعلوم رجــــــال .. !!
اقتباس:
صح لسانك أيها الحاج سلام .. ولا فضّ فوكَ ! نعم لن يستطيع التزام الصمت .. يقول المسعودي ( رحمه الله ) : الطبع غالب للتطبع كيف أغير مستحيل ................ انتظروا الحلقة الثانية - إن شاء الله - بعد قليل ....... |
رد: فنجال .. وعلوم رجــــــال .. !!
اقتباس:
من زمان وانا أسمع مقولة (( من راحم الاجناب يصبر على ذبح الادياك )) واثرها لحضرميّك ؟؟ ولأن الشيئ بالشئ يُذكر يقولون إن فيه واحد من حددانا تزوّج له شاميه ، وكل مازاروه أرحامه قدّم لهم مايبيّض الوجه من جذعان الطايف المعروفه ، وكل مرّه طبخه غير وبعد العشى مسامره ومجالسيّات وموانسه تسر الخاطر وبعد خمس أو ست سنين أبدت له زوجته رغبتها في زيارة أهلها تبي تشوفهم ويشوفون عيالها ومن محبّته لها شرى من الهدايا مايجمّله ويجمّلها مع أهلها وركب سيّارته ولا دروا أرحامه ذاك اليوم إلاّ وهو عند الباب وفرحوا به وببنتهم ورحبوا به وقعد فالليل ينتظر كرامة أرحامه (( خوال عياله )) والرجّل يفرح بطيب خوال عياله مثل فرحه بطيب عيال عمّه ويمكن أكثر 0 ما أطول عليكم جا وقت العشا وجاب راعي البيت السفره وحطّها بوسطهم ثم غاب شويّه وإلينّه جايب طُرشي ووزّعه على السفره قال خويّنا شكل العشى سليق ، وتأكد له الأمر يوم انحطت صحون الليمون المخلل ، وبعد شوي وهم يحطون صحون صغار فيها عسل قال لا والله إلاّ تكلفوا طبخوا سليق ومندي في وجبه وحّده الله يهديهم ، لكن تغيّر عليه العلم يوم حطوا صحون الجبنه ولايمديه يفكّر وهم حاطّين صحون الحلاوه وضربات متلاحقه لم يعد يستطع معها التفكير إلاّ بعد أن رحّب به معزّبه وإذا بضِيْفَتْهُمْ نواشف 0 وبعد العشى حبّوا يسوون له جو مثل جو المجالسيّات وبدو يجرّون موّالات شاميه ، ويوم جا الدور عليه قال أنا ما أعرف لطروقكم هذي لكن أبجيب لكم ردحه مثل اللي عندنا قالو له تفضل ، قال : ــ يا ارحمانا يقطع نباكم 000 يكّالة الحنبص ترانا 0000 ماناكل الحنبص كماكم 0000 لابد من حزّه تَجُونا 0000 ونقدم الحنبص عشاكم 0 وسلامتكم |
رد: فنجال .. وعلوم رجــــــال .. !!
اقتباس:
وعلى طاري الردحة والعلوم الغانمه اللي قالها عاني الشوام .. ذكرت قصة قديمة حصلت لمصطفى .. يقول الراوي : مجموعة مدرسين يدرسون في هجرة ومعهم واحد مصري مدرس رياضيات اسمه ( مصطفى الشرقاوي ) .. انعزموا للعشاء عند أهل الهجرة ذات ليلة .. هاثمك كشخوا السعوديين ولبسوا مصطفى ثوب من ثيابهم وكملوها بالغترة والشطافه ( العقال) .. ولاه ما تقول ألا سعودي ! وصلوا عند جماعة الربع وقلطوا .. ودار الفنجال وعلوم الرجال .. والقصايد .. وتعرفون الجماعة يرددون آخر البيت .. مع هزة الرأس تجاه الصدر قليلا ) .. ! يالله ياربي عليك التسانيع ( ييييييييييييع ) وإن ضاقت البيبان بابك وسيعي ( إييييييييييييييعي ) كريم يابرق ٍ نخيله ورى الريع ( يييييييييييع ) ونخيّله في أسناع وادي النقيعي ( إيييييييييييييعي ) وهكذا ! وشوي ورى الدور واصل مصطفى ... قالوا الربع بصوت ٍ واحد : يا الله يا مصطفى .. اتحفنا يامصطفى .. الدور عندك .. قووول .... تفاجأ مصطفى وقال : ياقمااااعه ما عملتش حســـــابي ( قالوا البدو : آآآآآآآآآآآآآآآبي ) أنا ما عنديش أصيييييييييده ( قالوا : إيييييييييييييييييييييييده ) كمل يا مصطفى كمل ..كمل !! |
رد: فنجال .. وعلوم رجــــــال .. !!
اقتباس:
بدأ أخونا يتجول في هذه الجنـّة الخضراء .. ويتأمل في عظيم صنع الله .. يأكل من الثمار اليانعة ويشرب من المياه النابعة الصافية .. وبينما هو في هذا الحال إذ وجد رجلا كبيرا مفتول العضلات عريض المنكبين بارز الأنف جاحظ العينين .. يصعد إلى أعلى شجرة توت عملاقة فاجأها خريف العمر ! وقد يبست معظم أوراقها .. وهذا الرجل العملاق يتسلق جذعها .. ويتنقل بين أغصانها المتهالكة .. بخـُطى متثاقلة .. ويعود بورقة ٍ واحدة ٍ فقط .. ويحمل هذه الورقة إلى مكان بعيد .. ويضعها في كيس كبير .. ثمّ يعود أدراجه ... ويصعد مرةً أخرى إلى أعلى الشجرة ويقطع ورقة يابسة جديدة .. ويهبط أرضا .. وإلى نفس المكان ويضع الورقة هناك ويعود .. وهكذا عمله طوال اليوم ! ما تحمل صاحبنا هذا الموقف وصاح في الرجل قائلا : أنت خبل ! وش ذا اللي مسويه ؟ هشْ غصون الشجرة بيدينك ولا بالمحجن ( المهش ) ألين تسقط جميع الاوراق اليابسة .. ثمّن اجمعها في الكيس مرة ٍ وحدة .. وريح نفسك من ها التعب ! ما سمع كلامه الرجل ..واستمر في عمله .. في صمت .. وشوي ورى أمين المزرعة الشايب الأبيض أبو لحيه بيضاء معه .. قال : وش سوّيت يا الملقوف ؟ قال أبو لقفه : شوووف المهبول هذه كيف يسوي ؟ قال الشايب : لا يكون كلمته ! قال : هيو الله كلمته ونصحته .. قال هذي فرصة .. وباقي لك فرصتين ! انتبه لنفسك .. لا عاد تتلقف .. إن كان تبي تعيش في ها الجنـّه معززا مكرما ... اترك اللقافة ! فأجابه : طيّب آخر مه .. ما عاد أتعودها .. تبتْ .. تبتْ ... وفي الحلقة القادمة - إن شاء الله - تطالعون موقفا جديدا لأبو لقفه ! لا تروحوووووووووووون بعييييييييييييييد .. وفالكم طيّب . |
رد: فنجال .. وعلوم رجــــــال .. !!
افهم منك انه باقي ثلاث حلقات ثنتين للقافه والثالثه لنتيجة اللقافة اللي بتخليه رابع اربعه
شفت وش سويت بنا خليتنا نتلقف على السالفة هههههههههههه متابع وابا اتوب عن غيرها |
رد: فنجال .. وعلوم رجــــــال .. !!
يعطيكم العافية
|
رد: فنجال .. وعلوم رجــــــال .. !!
اقتباس:
لا تحرق علينا الفلم ! |
رد: فنجال .. وعلوم رجــــــال .. !!
اقتباس:
الله يعافيك .. مروركم أسعدنا . |
رد: فنجال .. وعلوم رجــــــال .. !!
عجل يا سهيل بارك الله فيك ترى طالت السالفه الا اذا ودك تسوي منها فلم مكسيكي .
|
رد: فنجال .. وعلوم رجــــــال .. !!
بطريقتي بعيدا عند الديابيج اللغويه او العصيدة الشعبيه وسموها بكيفكم منهجية جديده للسوالف ان شئتم وتروها من صماصيم الدماغ قصة قديمة وصغتها بطريقتي وطازه على قول السودانين حااااااااره يازول
[poem="type=1 color=blue font="bold medium tahoma, verdana, arial, helvetica, sans-serif""]لي صاحب امس المساء جاب لي علم=يقول والعهده على راوي القول فيما مضى قصة واذا ودكم حلم=معرض سوالف كلها هول في هول الذيب خاوى له حصيني على سلم=يتناوبون القنص دول باثر دول وماجاب واحدهم يقسّم بلا ظلم=بين الثنين وجايب الصيد مسوول وابطو وهم بين القرى رزقهم هلم=مره دجاج ومرةٍ كبش مفتول ومر الزمان وليلهم دايما بلم=والناس ضاقت والقرى همها ذول وجابو كلاب وعينوا حارسٍ ولم=وضاقت على حلف الفلس عرض وطول الين نادا الذيب وهو جايع ٍ شلم=يابو الحصين اقرب..تسمع لذا القول سن الزمان اللي ضحك بان به ثلم=والموت يالحصني بدا يعزف طبول تعال صارعني واصارعك ومن سلم=ياكل خويه مابها غدر وخمول قال الحصيني ذا المسا اجيبلك علم=والا تصارعنا انا وانت لاحول واخذ شوي وجاه يعدي وهو كلم=(قم صارع الكلبين) (انا باشغل الزول)[/poem] |
رد: فنجال .. وعلوم رجــــــال .. !!
اقتباس:
وراك مستعجل يالحاج سلام الله يهداك .. الجماعة شوشوا علانا .. أبو سيفين من جهه .. والشاعر النادر من جهة أخرى .. حتى نسيت ما أدري وين وصلت ! |
| الساعة الآن 02:08 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by