منتديات بلاد ثمالة - عضو في ضيافة مجلس الشعر

اقتباس:

1- ماهي علاقتك بالشعر ؟!!

متذوق لاااكثر ولاآقل.. + كتابات خجوله غير قابله للنشر فقط لسلامة اذواقكم:D

اقتباس:

2- من هو شاعرك المفضل ؟!!

كثير والله : بس على راسهم

بدر بن عبدالمحسن .. مروان زاهد .. احمد علوي

اقتباس:

3- اعضاء في منتدى " ثماله" تثق في ذائقتهم الشعريه ؟!!

للاسف مااعرف احد المنتدى ماادخله كثير واذا دخلته

مااشارك غير بالرياضه والتصميم .. العذر والسموحه منكم :)

اقتباس:

4- بيت شعر يحضرك دائماً ؟!!

يقول أبوي إن صرت كنّك على شوك
وعيّا صباحك يجلب الشمس يمّك
أصبر مصير الشمس تطلع و أنا أبوك
و أمي تقول صادق كلامه و أنا أمّك

اقتباس:

5- قصيده تُعدّها من أروع القصائـد ؟!!

مرثية ناصر القحطاني ( الذاهبه )

اقتباس:

6- هل لك محاولات في كتابه الشعر ؟!!
وان كان ( نعـم ) شرّفنـا ببعـض إبـداعك ؟!!

نعم

المعذره غير صالحه للنشر لخصوصيتها:D

اقتباس:

7- هنا لكَ مساحه بلا حدود وحرية بلا قيود
أمتعنا بقصيدة على ذوقك ؟!!

القصيده للمبدع احمد الصانع بعنوان / بلاد الحلم

:

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شي ودِّك فيه ولا يمكن يصير ..!

/

اختار ياسرالكاسر