رد : دلوني على مكان وسر هذه الصورة
 

وفا من وافي يبو عبدالرحمن , وحكمت بالعدل على قليل الخاتمه .
هيه قم يبو أمجد ونفذ , وسلم على راس عمك الشيخ منقاش والا قول عاصي وتشوف وقتها الشد السفري وطابور ألأضافه والتوقيف هذا غير الزياده في أدوات البنا من سمنت وغيره حتى تعرف قيمة الشيوخ.
وترى بلغني يبو عبدالرحمن من رويعي الغنم أن أبو أمجد يوم دري عن الحكم قال : أنا ما أعترف ببو عبدالرحمن شيخ على كنفيوتر ثماله ولا أعترف بحكمه ,,, قال له رويعي أنطم واقصر لسانك يا قليل الخاتمه , وبعدها أنفجع وسكت والله أعلم ويش في نفسه ...

رد : دلوني على مكان وسر هذه الصورة
 

أبو عبدالرحمن
يجب عليك منع مربي الدواب البائدة
من دخول الموضوعات الحساسة لأنه ربما يدعي
في بقية الفضلات أنها تخصه هو دون غيره
ويدعي أنها آلت إليه بالورث الشرعي من حماره البائد
الذي هلك على يد ثور هائج في أحد الأودية
عليه آمل أخذ الحيطة ودمتم

رد : دلوني على مكان وسر هذه الصورة
 

اولا يابو عبد الرحمن انت رجال طيب النيه واخذت العلم على اوله واحسنت النيه في هذا المخرف منقاش شيخ الاوباش

لكن علمك على متمه يابو عبد الرحمن وابشر من ناحية البوسه الله ما اهونها خصوصا عندنا يالعرب خذ بوسات على اللى نحبه واللى نكرهه

لكن لي شرطين
اول هام الشيبه المخرف هذا منقاش اللى مايتسماش يعترف على وجيه القبيله انك شيخ الكمبيوتر ويتاسف عن غلطته يوم حاول يطيح بك ويتولى منصبك

ثاني شرط يثبت لنا منقاش ان هذي الصوره ماهي صورة جرة عكنته ولاتقول لي كيف

بسيطه بحكم ماتعلمته في مادة الادله الجنائيه ان الاثر يقارن ويطابق مع الاداه المستخدمه لاثبات او نفي التطابق

ومن هذا المنطلق ارى ان يتم تشكيل لجنه من الاشخاص اللى ترضاهم انت يابو عبدالرحمن ويقومون بسحب منقاش برجله في نفس الموقع واذا اختلف اثرعكنته عن اللى في الصوره فعلى الحق وابشر بتنفيذ حكمك والا

رد : دلوني على مكان وسر هذه الصورة
 

بيض الله وجهك يا بو أمجد وسلمت من العيب
بس كثير ما يعرفون العكنه وش هي ليتك توضحها
انا سمعت ان منقاش دايم يلقي للحمى يجمع كبى بضم الكاف عشان يطحنه ويخلطه مع التنباك

رد : دلوني على مكان وسر هذه الصورة
 

يبن داخل وانت يبن سلمان لا تدخلون عكاكينكم وعضاريطكم في شي ما يخصكم
ابو أمجد راح لرفيقه الشيخ منقاش واعتذر منه وسلم على راسه وطلبه العفو بحضوري
ثم رد عليه منقاش وقال : طيب ليه ما أعتذرت في كنفيوتر ثماله كما الرجال ... رد عليه ابو امجد وقال : حلمك يا شيخ منقاش , وهذي جهله من جاهل وخلي عذرها غطه في سفل (يعني بيني وبينك) .
قاله الشيخ منقاش : هيه روح عفا الله عنك بشرط أنك ما تنكر في كنفيوتر ثماله اللي سار بحضور رفيقنا رويعي ..

رد : دلوني على مكان وسر هذه الصورة
 

اسمع يارويعي الشر

انت خلك على طرف العاقد ومالك ومال اللى في وسط الجله

منقاش رجال عدواني ماهو في حاجتك تدافع عنه والا تشهد له

واصلا كلامك هذا في غيبة من شيخكم راعي السواني هو راعي العلوم الغانمه والا انت ومنقاش الله ربنا وربكم

عموما بن سلمان رجال صاحب خبره في الحمى ويعرف شعابه وهضابه وانا راضيه يكون واحد من اللى يجرون منقاش برجله وان كان اخذتوا بن داخل ماهي شينه وراعي السواني كذالك رجال راعي حق ومستحق وريس اللجنه ابو عبد الرحمن ويوثق الحدث بالصور حفظا للواقعه

اما اللى مايعرف العكنه يتخيل منقاش وهو مسحوب برجله ووجهه الى السماء وقفاه الى الارض وما لامس البطحاء هي العكنه وسلامتكم من كل سحبه

والله شكل بن سلمان رايح يخمس بك يمنقاش في البطحاء ههههههههههه تستاهل انت اللى جبته لنفسك

رد : دلوني على مكان وسر هذه الصورة
 

ابا امجد
ابشر بسعدك ان صيرني ابو عبدالرحمن من اللجنه

رد : دلوني على مكان وسر هذه الصورة
 

أجل ان تقبل شوري يا منقاش
تراك ان طحت في يدين بن سلمان مانت مرحوم لكن احسب حسابك انك مجرور على عكانينك في اي لحظة وبدون سابق انذار
#

رد : دلوني على مكان وسر هذه الصورة
 

ماعندكم احد

نصيحه جيده شكلا ولكنها ناقصه مضمونا

#

رد : دلوني على مكان وسر هذه الصورة