رد : طرد الخفاش في قضية فؤاد ومنقاش
 

يا بنتي يا زهور ترين ما معكم يالنسوان بحق وحقيق الا الشيخ منقاش , واذا ما تصدقين قولي لأي واحد فيهم يا حرمه وشوفي كيف يثور ويظهر الحقد اللي في قلبه على النسيونات .
أما أنت يا مشتاق وبقية الربع ترى ما تحتاجون ألا شدة حزام كما اللي سويتها في مجلس فضيلة القاضي وتظلوم شريد من يوم تسمعون الصوت كما الفيران اذا شافت البس .

رد : طرد الخفاش في قضية فؤاد ومنقاش
 

ما اقبح منقاش اذا ابدى ضعفة 00يوم انك مانت قد المواجه ليه تطول لسانك وقبل يومين طلع تقرير ان اقوى امراة في العلم السيدة ميركل رئيسة وزراء المانيا وانا اقول ما دريو عن زهور وخرشتها منقاش

رد : طرد الخفاش في قضية فؤاد ومنقاش
 

والله ان كان تبي الصدق يامخاوي منقاش البنت هذي ماهي سهله

انا شاعر بس والله ما اتجراء احوم على علومها وانا الشيهان

كيف منقاش اللى ماعنده ذيك الهرجه

الحقيقه ان الرجال انخرش منها خرشه ولاخرشة بعض العرب من كندليزا رايس

ترى انا خويك ابو امجد بس مالي حيل اخرج وادخل مره ثانيه ماهو كسل بس من عيفة منقاش

رد : طرد الخفاش في قضية فؤاد ومنقاش
 

والله العقل الراجح ماهو عقول بعض الناس يالشيهان وابو امجد هاليومين مريح بس ميزته يطلع بالوقت المناسب كثر الله من امثاله

رد : طرد الخفاش في قضية فؤاد ومنقاش
 

ياناس لاتكبرون الهرجه

منقاش غلط يوم حقر البنات في مجلس القاضي والرجال يمكن ماكان يقصد ممكن العادات والتقاليد هي اللى اجبرته

بعد اليوم عاد لرشده واعترف انه في صف البنات على الحق اشوف ان الهرجه منتهيه

كان ودي انه يقول ان الكلام اللى قاله في مجلس القاضي كان غلطه ويعترف بالحق الله يهديه الى رشده

رد : طرد الخفاش في قضية فؤاد ومنقاش
 

يا بنتي يا زهور : فشر من قال أن النسا ما هم شقايق الرجال , وهو فيه رجال يجمد على كلامه الشارب ما وراه حرمه جمدت شاربه ؟.
وبعدين يا بنتي شوفي اللي ساير في زمانك .
الشبكه ووراها النسوان ولو عند الرجال علم ما سمحوا بها , والزفاف اللي يكلف مبالغ ويخلف أكوام الرز واللحم في المكبات وراه النسوان والرجال طراطير يدفعون قروش ويتدينون ويملون كروشهم وبس .
والدقاقات اللي تكلف ساعتهم أكثر من ألفين ريال واغلبهم تكرونيات وراهم النسوان , والرجال يدفعون وهم يضحكون ولو طلب منهم مسكين مية ريال صعروا فيه وتكلموا عليه ..
يا زهور ما بقي من الرجال الا منقاش وابن فنحاص وراعي السواني والباقين حريم نسوانهم واولهم مخاوي منقاش ورويعي الكلاب والمشاكس .

رد : طرد الخفاش في قضية فؤاد ومنقاش
 

يازهور ما قلتلك الرجال ما ينفع معاه الكلام الطيب شفتى السب بالنسوان وانهن سبب البلاوي وانتي شاعرة وتفهمينها وهي طايرة نصيحتي لك وللشاعرات امثالك لا تستسلمن فهو يعتبر محاسن الاخلاق ضعفا وشراستها شجاعة والبخل اقتصاد والكذب فذلكة واستغفال الناس ذكاء00قاتلة الله انى يؤفك

رد : طرد الخفاش في قضية فؤاد ومنقاش
 

مساء النور على كل الحظور من الشيخه زهور

والله شوف يامنقاش كلامك فيه كثير من الصدق وهذي اول مره تقارب الصدق

الحريم لهم دور مهم وهناك رجال كثير ودهم باللي صاير من باب الاستعراض وفرد العظلات ومافيه احد احسن من احد والفلاينه ماهم احسن منا

الهروج اللى قلتها كلها ما انزل الله بها من سلطان وان كان الحريم طالبوا بها والرجال رضيوا بها

ولو مالقيوا الحريم رجال تنفذ ورغبانين ماطلبوا والا مافيه احد يكره الفشخره حتى كبير الخنفره

المهم يامخاوي منقاش ترى انا شاعره صح والنسوان يطلبون كل شي من باب جلد ماهو جلدك اشويه واذا راعي الجلد مستشوي وش علينا منه

الرجال يناقش ونحن ودنا نناقشه بالمنطق وان نطق بغير المنطق منطقناه صح

رد : طرد الخفاش في قضية فؤاد ومنقاش
 

رد : طرد الخفاش في قضية فؤاد ومنقاش
 

بكرى تطلع علينا ان منقاش فقير ويعول قبيلة ثمالة ويحتاج للمساعدة طمعه يخلية يعمل اكثر