رد : سؤال مهم جدا؟؟؟؟؟؟؟؟؟؟؟
 

يا ثماله تعرفون منقاش والرجال اللي شرواه ( وهم معدومين في هذا الزمان) ما يلا بشون الجاهل والحرمه لأجل كذه ما أحب آخذ واعطي مع زهور حتى لا تنتقدني الرجال طوال الشوارب .
لكن رايح أفشي لكم الليله سر من ألأسرار اللي كنت متكتم عليها

والعلم وما فيه ترون زهور عجوز شمطاء بحق وحقيق شفتها بعيوني الثنتين , ويوم شفتها (بغيت أخلع) كان ما بقي من سنونها ألا نيبانها خارجه برى فمها من طولها .
وهذا السر الخطير عرفته بعد أسرت ابن عزاب بمعسول لسانها واستغفالها للمغفلين من أمثاله وبغى الرجال يتجوزها على عوايده اللي تخبرونها .
ثم رحت أنا واياه ومخاوي منقاش نبي نخطبها له وطلبنا من وليها النظره الشرعيه , ويوم بدت علينا حسبناها أول مره جدة العروس .
سعلنا وليها وقال هذي جدتي زهور أحدودب ظهرها وطلعت سنونها وغارت عيونها ولا بقي يرف فيها ألا قلبها , لا تقولون بكره غشيتنا بها , هذي هي الحاضره الناظره زفت في مويه , وترون مهرها بيتين من الشعر وحبة مني على راس من يبلش فيها ,.
كان ابن عزاب ومخاوي منقاش يفزون وينهضون ويتناقزون مع الطاقه من الدور الثاني ولا شالهم ألا أسعاف البلديه لأنهم يا دافع البلا ماوقعوا ألا في برميل الزباله مغمي عليهم.
وما بين أني تنحنحت وطلبت من ولي زهور يفكنا منها بلشه ويسمح لي بالخروج ألا وقد عمال البلديه البنقاله قد حملوهم .
ثم أني لحت البنقاله وطلبتهم يصفطون بالقلاب في طواري أول مستشفى , وباقي الحكايه مايحتاج أقولها لأنها معروفه ولا تحتاج روايه .