الدعاوي كثيرة وفي مجلس العراف ابا اطرحها لا ينسى الخصم الكبير انه قدم لي هديه مقابل اسكت على مصيبته والشاهد موجود رجال من ديار بيعدة يقولون له سعود العامر صور الهدية بجواله وعانوها في موقع من مواقع الشبكة وهذا دليل على ان الخصم يوم اني حركت الموضوع ليلة العشاء عنده وهددته بذيك الايام وما فيها جرى قام ادعى بالباطل لكن شهودي موجودين وعلومي تروها غانمة يالرجال الموامين ماني نصاب ولا حرامي ولا ارهابي كلاب رجال حالي حال نفسي كلكم تعرفوني ولو ماني امين ما زهور عينتني مستشار امني لها عانوني اطارد في الثلة الهاربه عن العداله ، ابن سلمان واشكاله . نسأل الله ان يوقعهم في يديه حتى اسلمهم ليد زهور في اقرب وقت .

تراك على فراشي يابن عزاب
وهذا عاني على ابو عادل في الغلط اللي طلع علي , انا تقول عني ارهابي وانا ليلي كله اكلا دونك , وما غير تكحت فذي القهوه لين صارت عيبتك هالكبر يا تابع .. ..

الله الله اللي يحمى في العار اصبح تابع انا رجال انصر المظلوم وادخل الدخيل وكلي علوم رجال وانت محشوم يا بن سلمان ما قلت لك ارهابي ولا عنيتك بالارهاب ولا تدخل شعبان في رمضان عانك تعديت حدودك ، وعانيك اللي علقته على ابو عادل في غير حق وما اشوفك تدور الا النشايب الله يصلح حالي وحالك بغيت ارضاك مرضوي لكن غيرت فكرتي فيك وما برضى غير رحيمي بن داخل الله يحفظه ويسلمه راعي العلوم الغانمة .

تبا لك يا ابا عادل وتبين بل تبات كثيرة لابن عزاب ,,, ألهذا الحد اوصلتمونا انتم وفراسكم ؟؟؟.
يا حسن يابن عابد لاعاد فراس ولا آل فراس ,,, اترك القاتل والضخيه واهل الدم ,, منكر رأيناه وشهادة طلبت واديناها ,, والباقي لا يعنينا....

بديت تهرب يا ابن ابي محمد بعد ما شفت ان الحق بيخرج الان تقول عودت تقول تبا تبا بعد ان الحقيقه خرجت .

يا ابا عادل انا بينت الحق واعلنتها صريحه الشهود موجودين وما انت مغلوب تمر على اليماني اليوم تراه مسافر عجل .

وخذ حقك بشكيه من شرطة السر خل الرجال يحظر يوم السبت الله لا يهينه ولا يهين صاحبه وان ما يعرف درب الشرطة صاحبه حسن يعرفه .

ظهر الحق وزهق الباطل اللهم نصرك يا كريم ،

يابو عادل
انا داخل على الله ثم عليك من بن عزاب حاولت اتصل فيه البارح من عورش ويالله مسك معي الخط ويوم طلبته طلبت رجال وقلت اني القابلة معزوم عند ال بركي ودخيل وهم ارحام وعواني , قال لان جات عيني في عينك انك ماتمسي الا مكلبش ولاني قابل منك دخله ولا طلبه ... وانا رجال لي اسبوع من شعب في شعب اتلاها البارح في العويجاء ويوم امسى الليل وانا انزل لارض قراح واجي ابفرش فراشي واليا بن عزاب مثل ابليس طالعلي بونيته الددسن الله لا يبيح شيطانه ولا يحلله واعود اطوي فراشي وادرع الوادي ما في رجولي ولا نعال والليلة لو تدري وين بايت والجوع ذابحني ماغير حازم بطني ... تكفى شوف لي دبرة ودي بالعشاء القابلة والهرجه مع الرجاجيل .

ترضاني لك وعليك
 

يابن عزاب انت رضيتني وانا والله دوبني دريت عن هذي العلوم كلها
لكن انا لي عليك ملا حظة وهي من كلامك ومن خلال تحقيقاتي في
كثير من الجرائم ومعرفتي ببعض ألفاظ المتهربين
أود منك الإجابة على هذه العبارة المأخوذة من كلامك(ولم يخطر يوم من الايام في باله اني اقتل فراس)وفيها عند معشر المحققين اعتراف ضمني الا ان كان انك يفوتك بعض العلوم 0 وبعدين لي علوم ثانية
ولو اني لي شك كبير في ولد ام محمد لجل ان سرواله مشقوق وعظمه مطقوق ولحمه مفتوق.وحله مكشوف من فراس وهذي توجب بأخذ الثأر
وله حق الدفاع عن عرضه المكشوف على عيون الملا 0

واحر قلباه0
تكفون ياربعي بن داخل وبن سلمان ترى العاني عندكم على الأربعة (عيال عزاب الإثنين وابن أبي محمد وحسن عابد) فراس لايمرس عليه المحال0
تروه ماتعداهم قبل اجيب الطعّة الكبيرة وانا حتى الآن ماسك نفسي وخايف الصبر ينفذ واروي سيفي منهم.

أما أنت يابن سلمان من يوم تلفي حلال آل بركي تراك زبنت ومحمي ولاأحد يقدر يتعرضك تعال والله يحييك وماجاك عندي وانت يابن عزاب مالك تعدي على ضيفاني وان كان لك عند بن سلمان شي يمديك .

يا ابو عادل يا ظلالي يا مفتري انت وشهود الزور حقينك ابن ابي محمد وحسن عابد ,,, انت بلسانك قايل لي قبل شهرين ان فراس قتلته بيدك وبعت اعضاءه وفروه الثمين ما عدا اسنانه تبرعت بها لواحد من جيرانك اول حرف في اسمه (ر) وتبرعت بذيله لأبن داخل وبعضو ما لشخص ما .
ايووووه والا لا =الا بلى ....