|
رد: ياااااداااار الكــرمـ ( إهداء للمخاوي )
يارجال لايهيلك الامر انا استميل ابو تركي ولا فتاويه ترفضها حتى حمير منقاش وبعدين مااستفتيه الا بالاشياء التي توديه بستين داهيه لانه من النوع اللي يفرح اذا ساله احد والمثل يقول حط بيتك وبين اهل الطائف مطوع
اما القصيدة فقد شكرتك مرة بس جزاك الله خير ماهو كل شوي متصل علي وش رائيك بالقصيدة وانا اعدك لو تهجو منقاش لاتكفلن يك وبذريتك مؤنة مئة عام لا تجوعون خلالها ابد هاه وش قلت ولا تتسرع بالرد وفكر وشاور الشيهان وابو عبد الرحمن |
رد: ياااااداااار الكــرمـ ( إهداء للمخاوي )
أفا يا مخاوي .. صدق ما عندك خاتمه
الحين اللي ما يعنيهم الامر كانت رودهم اجمل وارقى من ردك وانت المعني بالامر .. أنا لو اعرف بيتك كا جيتك بالعجرا ماهو بس اتصل فيك .. لكن ما عليه هين هين .. يالمخاوي وبعدين شكل أهل الطائف .. تعدهم نوع من العذاب لك من كثر ما شفت منهم على شان كذا تحط بينك وبينهم مطوع على قولتك أما من ناحية عرضك .. الحقيقه انه عرض مغري .. لكن خليني استشير فخامة الشيخ منقاش إن كان وافق .. يصير لي خمسن سنه وله خمسين .. ان كان الله طول بعمره خمسين سنه قدام وان كان ما وافق .. فـ اسمح لي لا عروضك ولا عروض بوش لمن يأتي براس صدام أيام زمان يا لطيف !!.. تخليني اهجو شيخنا اللي ما تلاقون مثله ولا في الاحلام. |
رد: ياااااداااار الكــرمـ ( إهداء للمخاوي )
الله يسامحك يا شاعرنا الكبير يا سنا الهجره , كم قلنا لك , لا تلاغي واحد ماهو كفو يأخذ ويعطي مع شروايه وشرواك من الرجال .
يا سنا لا ترد على المخاوي , لأنك متى ما رديت عليه رفعت من قيمة أسهمه في سوق ألأسهم السعوديه اللي ما عمر أحد ربح فيها . يا سنا ما جا كفى , وأنت رجال راعي وفى , والمخاوي ضوه طفى , ولا عنده غير هرجة القفى , وقلة المزى , والزود في الغوى . أتركه لا ترد عليه , يقطع ويخسى .... |
رد: ياااااداااار الكــرمـ ( إهداء للمخاوي )
هذا مثل ياسناء سمعتة من واحد يمني يوم كان اليمانية يشتغلون سقا وخدم وانتم مستعبدينهم نسال الله العافية 0
ولا بيني وبين اهل الطائف الا المعزة ويكفي ان منكم رجل بالف رجل اسمه المختار الثقفي والذي انشاء جيش في البصرة لتتبع قتلة الحسين رضي الله عنه حتى قتل جلهم وخاصة شمر ابن الحوشن عليه من الله مايستحق من اللعنات علما انه قال في اخر حياته انه كان طامعا بالملك وقد رفع شعار يالا ثارات الحسين وهذا هو التاريخ يكرر نفسه فمنقاش يرفع شعار معادات المخاوي طمعا بالاشراف العام فانتبه له وراقبه بذكاء وخبث ودهاء وعساك تقواله |
رد: ياااااداااار الكــرمـ ( إهداء للمخاوي )
الله عليك يا المخاوي .. انا اشهد انك جبتها .. واختصرت علينا الطريق في فهم اللغز المحير بينك وبين الشيخ منقاش أثاري منقاش ناوي يكمل مسيرة جده المختار الثقفي .. للقضاء على بقية شمر ابن الحوشن وحق له ان يفعل . |
رد: ياااااداااار الكــرمـ ( إهداء للمخاوي )
أني ابو نقشه مختار ربعه , اللي نوى يقضي على كل سلالة ابن الحوش .
|
رد: ياااااداااار الكــرمـ ( إهداء للمخاوي )
كفوووووووووووووووووووووووووو يابو نشقه .. قول وفعل .. يا ويلكم يا آل حوشن من منقاش المختار |
رد: ياااااداااار الكــرمـ ( إهداء للمخاوي )
ما عليك زود يا سنا , وكثر الله من أمثالي وامثالك , والمثل يقول ما يقوم الساس ألا حصاه .
أما أنتم يا ثماله , فترونكم وصلتوها عند بدر الدجى مرابط الحمير ,,,,, وهو كل ما جاكم جيز معدي وبلصكم بطفيسه سرتم عليه مثل الكرب المثنى ؟.. يا ربعي , المخاوي شوفوه أمس شقر عصاكم , وأخرب عقلاكم قبل جهالكم , وهذا أقرب مثل مشرفكم العام سابقا ابو عبدالرحمن اللي أوجبني المخاوي أنزله من الشرافه بعد ثبتت عندي أنه دهن سيره . والمخجل اليوم أنه أصبح شعاركم يكيلون له في المديح , طمع في الحشف اللي يرسله أحيان عليه وعلى غيري وأرميه في وجهه أذا كان ماهو من الفارع والنقاوه حتى لا أدخل على نفسي والا على ربعي شبهه. حسبي الله عليه , أخرجني عن طوري. |
رد: ياااااداااار الكــرمـ ( إهداء للمخاوي )
اسم المذهوب (شمر بكسر السين وتسكين الميم ابن الجوشن )ياجهلةوهو ثقفي ايضا والمختار اشتهر بالكذاب 00
وانا ماسبق وان قلت لكم بكم العجلة وثقيف بها من الشجعان مالا تحصية الكتب وارجو ان يكون لديكم ثقة بالنفس ماهو كل ما ذكر ثقفي شجاع تطامرتو وكل يقول هذا جدي السادس والثلاثين اصلح الله احوالكم |
رد: ياااااداااار الكــرمـ ( إهداء للمخاوي )
شكلك تدور تمر مثل ماقال الاخ صادق يا سنا لكن لا تنساني
صح لسانك ملايين والمخاوي يستاهل |
| الساعة الآن 07:18 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by