|
رد: وين العيب ؟
اقتباس:
بما إن الوالد قريب منك وعلى إطلاع فلا تذهب بعيدا لدي موضوع للنقاش كنت سأشارك به في مسابقة الحوار لكن سامح الله مدير المنتدى ( سد نفسي ) عن المشاركة به سأنتظر المرحلة القادمة للمسابقة وجدولة الموضوعات ومتى وجدت لموضوعي مساحة طرحته ويهمني تواجدك رفقاً بالقوارير يا بو فهد |
رد: وين العيب ؟
اعتقد يا ابو فهد لو خصصت يوم واحد بالاسبوع للخروج بمفردكما (انت وزوجتك)
تسهرون على البحر او في منتزه او تناول العشاء في مطعم فاخر (او حسب الميزانية) والتزمتوا بهذا اليوم كل اسبوع رايح تعيش الرومنسية انت وكل ثمالي يحلم بالرومنسية والشموع والانغام الموسيقى الحالمة لكن طاقها في البيت 24 ساعة و7 ايام بالاسبوع وما تبغها يضيق خلقها معاك وتكرهك وتكره الساعة اللي شافتك فيها خصوصا اذا كان البيت مليان اولاد (ورعان) اليوم الاسبوعي مهم رايح تسولفون وتتذكرون اي ذكرى حلوه مرت عليكم كأول لحظة شفتوا فيها بعض بعد الخطوبة وما دار فيها من اثاره وخوف وفرحة....الخ ولو استخدمت كلمات رقيقة وسميتها بأسماء دلع واهديتها كل شهر هدية رايح يكون العمر كله عسل يا ابو فهد بعد كل هذا رايح تحدد العيب فيمن...!! |
رد: وين العيب ؟
اقتباس:
أذكر وأنا صغير وساكنين في القرية يجي الوالد من ( الوادي ) في المغرب وهو مهدود الحيل وشقيان وإليا صلى المغرب دخل البيت ودخلنا معه ولقينا الوالدة الله يغفر لها ويرحمها حاطة ( منقلها ) حول مجلس الوالد اللي إعتاد يجلس فيه وحاطه في طرفه دلة القهوة وبراد الشاهي وحليب بقرتنا ( شعيلة ) , وكان الوالد يمد رجوله من التعب وكانت الله يرحمها تأخذها وتحطها على طرفها وتكبس أقدامه وسيقانه و ( تصقع أصابعه ) من دون ما يطلب منها وإحنا حولهم متجمعين , والوالد مرة يسولف ومرة مستمع . كبرنا الحين وسرنا أبهات ويوم أتذكر ها أشوفها قمة الرومانسية ومن دون ورد ومن دون شموع ومن دون حبيتك في الصيف وحبيتك في الشتاء الآن الرجل منا يدخل البيت ويتمدد برجوله ما يسمع إلا بنت الحلال تقول له لم رجولك بغيت تعرقلني . |
رد: وين العيب ؟
ابا فهد السلام عليكم ورحمة الله وبركاته فيما اراه ان الحياه اكبر معلم وكل مافيها عبر ومواعظ والامثله كثيره منها من حب له حجر اشتاله إذا حصل الرضاء دامت المحبه كلاً يلصق قرصه على كيفه ثم ألاترون أن فى ذلك نصرة للضعيفات فى الزمن الماضى بعد جلب الماء فالقربه وتضوية الحطب وتلقيم البقر فالمجره معلم + معلمه ، طبيب + طبيبه ، خادم + خادمه تكفون لاتنثرونها |
رد: وين العيب ؟
موضوع جميييييييييل وشيق جدآ ولي عوووووووووووده |
رد: وين العيب ؟
بارك الله فيكم جميعاً
يالفعل كان موضوعاً شيقا |
رد: وين العيب ؟
اقتباس:
تقولين ليه اقول الاناثي هم الاساس في المطالبه بالرومنسيه انا اقلك لان الرجال من كثر مشاغله واعماله لم يعد لديه من الوقت متسع لمشاهدت الاتراك ومن شاكلهم ( شاكلهم هذي متعوب عليها ) فهو يعيش الحياة كما هي لايحلم مثل الحريم تشاهد الرومنسيه بالتلفزيون هاثم لاشافت الرجال داخل مع الباب يشيل في الرز والسكر ( المقاضي ) " ( رسائل الزوجات الغراميه لازوجاهم عباره عن رسائل مقاضي) " شطحه خفيفه " قامت تقلب في الاكياس هاه وش جبت لي معك تبغى سنكرز وشكلاته عشان بس تقعد تاكل منها لين صارت الواحده من القعده قدام التلفزيون واكل الحلى والشكلاتات مثل البرميل ماغير تتقلب في البيت ماتقدر ترفع كاسه من الصعيد لين تجلس من كثر الشحوميات والدسوميات وباقي تدور رومنسيه . والي يزيد الطين بله تبون شغالات عشان تكمل يسير تتفضون للحش في خلق الله والاكل والنوم والرجال الله لايهينه يجيب اكياس ويخرج كل صبح بزيها يرميها بالزباله . الا غلطانين وستين غلطانين اركدو وكلو واحمدو الله على العافيه وبطلو طلبات لا يوجد من المقومات ما يساعد الرجال على تبنيها والعمل بها . |
رد: وين العيب ؟
اقتباس:
الم تسمع بالقول لكل مقام مقال نحن هنا بامر وانت تتحدث بامر اخر عندما اقول فلان ذيب اقصد ان به من صفات الذئب ويمكنك البحث عن الصفات الحميده بالذئب لتعرف مدلول الكلمه . بينما قولي هنا يعني انني اشبه من يبحث وراء الاوهام والحب والغزل من الرجال بانه ذئب لايأخذ من الغنم الا الطارفه واعتقد هذه صفه من صفاته والطارفه او المجنبه هي من تبحث وراء اوهام تجدها لدى من يستطيع ( بيع الكلام ) يعني يعطيها من الرخيص ويأخذ ......... كمل انت |
رد: وين العيب ؟
اقتباس:
بصراحه منطق عقيم وتفكير اعووووج وثقاهه مستهلكه من طبيعة ردودك لاتريد حل انما تريد استهزاء وسخريه والترفع عنها مطلوووووب اين العيب في وجود عقليه مثل عقليتك هو العيب |
رد: وين العيب ؟
اقتباس:
خايف اعك معك واسمك يخوف صراحه ويجعل من يحترم نفسه يفكر الف مره قبل ان يرد وان شاء الله اني محترم . تقولين اعطته اعز ماتملك وهل كان ذلك بلا مقابل او لا هو تعب وشقي ويمكن جمع وبعدين خطب وهي تشرطت وشافته من ورى ستاره لايكون مو حلو ولا فيه اعاقه وبعدين وافقت وسوى زواج وتزوج على سنة الله ورسوله من الاخير بقوه داخ السبع دوخات عشان يتحصل على من ستشقيه ان لم يهدها الله . بعدين انتي عارفه فيه بعض الشعوب المرأه هي من تخطب الرجل وتدفع المهر وتسوي البيت ولعلك تعلمين ذلك ان كان لديك خادمه بالبيت فسأليها تجدين لديها الجواب . نفسي افهم حاجه كلكم تقولون ليه الرجال مايقلها احبك واموت في دباديبك اليس لديكم عقول تفكر واحد متدين ومتعب نفسه ومسوي زواج هذا كله مايعني انه يرغب بهذه الانسانه ويريد الارتباط بها بقية حياته الم يرضى ان تكون ام لاولاده الم يأتمنها على بيته وحياته اليس هذا حبا واي حب انه الاندماج برضاه مع شخص اخر وش تبون بعد يسلم على رجليكم كل صبح ويقول تروني احبكم اتقو الله في انفسكم وفي الرجال ولا تحملونهم اثار الغزو الفكري والنفسي للاعلام المرئي والمقروء . نجي لامثالك وساضع المثل واعلق عليه فكلا يستطيع ان ينظر من الجهه التي يراها اصح : عندما يحب الرجل إمرأة فإنه يفعل أي شي من أجلها ( كلام سليم ليه لانه حبها بينما هي لاتفعل شيئ ) في الحب الرجل مهاجم والمرأة مدافعة ( نعم هي الطبيعه البشريه تتجلى هنا فمن يحب يهاجم كل شيئ عشان لايفقد مايحبه بينما تنعكس الطبيعه هنا لدى المرأه ) حب الرجل سطر وحب المرأة صفحات ( سطر لانه يكتبه بشكل واضح مفهوم عكس المرأه ) قوة الرجل بدماغة وقوة المرأه بدموعها ( صحيح ولكن هي دموع التماسيح فكم من امرأه بكت فقط لتحصل على ماتريد كونها تعرف مدى تأثير ذلك على الرجال ) . خاطب في الرجل عقله وفي المرأة قلبها ( كل موضوعنا هذا دعوه للمرأه للابتعاد قليلا عن التفكير بقلبها وعمال عقلها قليلا لتعلم كيف هي الحياه وانها ليست مجرد حب فقط فهناك امور اخرى قد تكون اكثر اهميه ) مهما تكن المرأة ثرثاره فإن الحب يعلمها السكوت ( الي قاله مخدوع فالمره لايمكن ان يسكتها سوى الموت ) يبلغ الحب القمة متى ماتنازل الرجل عن كبرياؤة ( هذا الي تدورونه تبون رجال لاكبرياء عنده تقودونه زي ماتبون بس وراكم يدربي راسه ) خاب رجل قادته امرأه وربي وضعكم يحير . |
| الساعة الآن 10:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by