رد : جايكم بخبر (سري ويفتح بيده )
 

والله انك رهيب ياابن ابي محمد تشرتح في العالم وتقول سامحوني
شكلك جاك ازمه من سوق الاسهم عشان نازل قلت خلوني اتسامح
من الجماعه الله يرج شيطانك
لكن تبغى الجد وابوالجد انت صاحب شهامه وقلب كبير
شكري لك ولاخلاقك العاليه
تحمد الله المنسم راضي عليك
ورويعي هذا يبغاله شغل كل شوي وهو ناط في الدوريه
الحق يابرشلوني خذلك دوريه واطرد المشتاق ورويعي

رد : جايكم بخبر (سري ويفتح بيده )
 

يا منسم بطلك من الكلام الفاضي ,ألدوريات كانت سبع واعطيتك واحده, وبذيك بنت الذي كلام يجمد عليه شارب رويعي الغنم أن ما بلعت العافيه وتعذبلت من الشيطان لا أسحب سيارة الدوريه منك واخليك تبطل المجعصه على ألأعضاء المساكين ...

رد : جايكم بخبر (سري ويفتح بيده )
 

يا أقزوز أنت رجال دوبك رجل في الشرافه ورجل في ألأخره , خليك عاقل واكبر من كذه ورد سيارة الحكومه على ولد الحكومه رويعي الغنم ..
وترى أن ما رديتها أنا شاهد عليك أنك أخذت المفتاح منه وقلت له أنك بحاجه لها تبغي توقفها جنب الأستراحه تهوبها على الحراميه المشلحه مثل أبو عادل وبن عزاب وبن سلمان وبن داخل وبن سلمان وابو عادل وبن عزاب وبن داخل وبن سلمان وبقية شلة حسب الله ...
عيب , عيييييب , وشق جيب .. خليك على قد الشرافه والثقه اللي منحك أياها المواطنيين وابو عبدالرحمن.....

رد : جايكم بخبر (سري ويفتح بيده )
 

المنسم ابشر بسعدك ياعمي
هذاها زهور تحوق في الاستراحة من السمانة وتعبي في خيش
وبن عزاب يحمل على ظهره ويودي السيارة وموصيها تخلي سمانة بن داخل لحال
يقول انه ما ياكل الا عسل ورايح ينبت فيها الزنبخ ووده يخليه لحاله
وش يبي بالزنبخ عاد مدري هذه اللي تايهه عني

رد : جايكم بخبر (سري ويفتح بيده )
 

والنعم فيك يالمشتاق ما راحت الايام اللي قضيتها تحت كفالتي بلاش
وهذا المنسم ما يقصر معك شوف ما شاء الله استراحة
وهندامك زان ولسانك كنه يبي يعتدل
وسؤالك عن الزنبخ اقول لك انه يجفف ويطحن ويعطونه للمريض سفوف
وهذا ابن ابي محمد الله يشافيه
ويعافيه احيانا تمسكه صخونه وتغطه لين يغيب عن الوعي والياه
ما يعرف وش يقول واحيان تسمع الرجال وتقول ماهنا احسن منه وانت تسمع
يوم قام يهذري بالربق واربطوهم في الاستراحة ثم يوم بداله عقله وهو يتعذر عن سواليفه وحظه ان خوياه ناس كرام مثل ابو عادل وبن داخل وابو هاشم وعمك اقزوز والا بن عزاب ما ودك بكشمته
الا اقول هذه 500 ريال عطها عمك عربون الاستراحة يو الخميس

رد : جايكم بخبر (سري ويفتح بيده )
 

احمدوا الله ياشلة حسب الله ان ابن ابي محمد عقل
والا انا متاكده انه لو عصب رايح يكرر مشكلة ابو غريب وياكثر الضحايا بعد كذا
اما المنسم هذا اللى مشخص في الدوريه وهو سارقها انا عارفه انه مثل العسكري سعيد اللي في طاش ماطاش قولوا له ابشر تراني ارسلت مشتاق وحوق الاستراحه ودمنة بن داخل صحيح قلت له حطها على جنب .................. واعطاه مطرقين وقله وصلها للمنسم يقلون موصوف له علاج منها يعالج التنسيم لانها من العسل الاصلي


خطوط حمراء نتجاوز عنها بين اعضاء معروفي الهوية الشخصية
بن سلمان

رد : جايكم بخبر (سري ويفتح بيده )
 

يا مشتاق والله انك تذكرني بالعبيد ايام الرق ، ما انت باكستاني مصمر ما في وجهك خير عساك والله في ايدين قسم الترحيل ومن ثم في الباص الاصفر ومن ثم على بريمان وشهر لين تروح وبعدين على كراتشي تحوق عن البقر ........................

زهور هيه بلاشي مزح ثقيل (خلينا نمشي في الخط سوى) انت الكل في الكل وما خلينا قدام بن سلمان اعدا تريه يحب الشماته عليه .

ابن ابي محمد ما ني مسامحك وابشتكي على اللي على بالي قريب .


كذه يابن عزاب من غير محرم
اخبرك رجال تخاف الله

رد : جايكم بخبر (سري ويفتح بيده )
 

تبارك الله وعيني على نفسي بارده, وليمت الحاسدون من الأعضاء الذين ليس لديهم شيء , وليمت مرتين ذلك الذي ليس لديه الا واحده مثل المشرف اللي على بالي ..




http://a99a.net/uploads/d04ea361aa.gif

http://a99a.net/uploads/753665ff2d.gif

رد : جايكم بخبر (سري ويفتح بيده )
 

وش بك سلامات يارويعي الظاهر بديت تدخل الديوان
لاتحط راسك براسي راجع مشاركات
بديت تخرط وتنظم يالله حسن الخاتمه لك هذا السفتي وكثير عليك ياتعبان
انا اول مره اشوف دجاجه بسفتي
http://a99a.net/uploads/d04ea361aa.gif