|
رد: السيرة الذاتية
تصدق أنك أول مره تقول كلام ينطعم ؟.
أنت من اللي قرا عليك حتى سرت آدمي يكتب كلام هادف يرمي فيه الناس من ورا الجدار ... |
رد: السيرة الذاتية
ترى الناس ماسرنا يسيرون خلفنا
وان نحن قلنا ستوب على طول وقفوا هذه حالي يامنيقيش بهالمنتدى وانت من ورائهم ومن كلامك يبدو ان لديك بوادر انشقاق والانظمام لحلفنا المبارك |
رد: السيرة الذاتية
اقتباس:
ولكن ما علينا متابعين ..ومنصتين .. وعسى الختام يكون خيرا إن شاء الله .. وأتوقع -صراحة - إنك تخبصها خبص ..! ما أدري ليه فاقدين الثقة في مخاوي .. فيه حلقه مفقودة ما أنا بفاهمها !! ويصدق بك قول القائل : ياليتني لا طحت ..لا طحت ..لاطحت ******* ما أطيح عند اللي يسره مطيحي وما أظن أحدا في هذا المنتدى يسره مطيحك !! |
رد: السيرة الذاتية
سهيل حليفي المبارك /لا تتصور ان كل من بالمنتدي اصدقاء لي فهناك اربعة خامسهم منقاش ودهم اطيح طيحة اسد في قفص صياد ماهر ولوسألتني اقول اثنان من المعتزلة واثنان من الغير قدرية
اما المعتزلة فانهم ابو سيفين وابو هبة او مايطلق عليه ابن سلمان وهم اعتزلو لاسباب لا بعلمها كثير من الناس اما الغير قدرية فهم ابانركي وسنأ ومصطلح الغير قدرية اي انهم غير قادرين على المناكفه التي برع بها منقاش وهناك مجموعة( برا وبعيد) اي المجموعة الصامته وهم الشيخ عبدالعزيز وابو عادل والحاج وواثق وغيرهم كثير وهم باستثنا واثق سلبيون |
رد: السيرة الذاتية
قال مدير البنك للمخاوي وش رأيك ياشيخ بالاسهم فلم يكمل المدير الا وقاطعه المخاوي بصوت سمعه السكرتير لا لايمكن الا الاسهم هذه بها شبهه
ضغط المدير الجرس وجاء الهندي ووقف امام المخاوي ايش فيه يشرب قال ( قهوة مر) وهو اسم من اسماء القهوة بالشمال ترجم المدير للهندي ثم انحنى الهندي امام المخاوي وذلف قال المدير أي شبهه ؟ شفت هالملف ؟ قال ايه قال هذه كلها فتاوي مشايخ تجيز التعامل بالاسم فمط المخاوي برطمه الفوقي وقال منهم ؟قال خذ ؛الشيخ فلان تعرفه؟قال لا ثم سرد عليه اسماء كثيرة وهو يقول لا ارتفع ضغط المدير وقال ياشيخ اجل انت ما تابع قنوات تفسير الاحلام قال لا قال المدير كلهم مشايخ تفسير احلام ومشهورين جدا0 بداء المدير يدغدغ احلام المخاوي بالارقام فقال هالحين عندك كاش 150 مليون ولو صفيت ديونك الي على الناس و ان حبيت ترى البنك مستعد ان يشتريها بخسارة بسيطة وهي بحوالي 80 مليون أي 230 مليون نفتح لك فيها محفظة والبنك يعطيك 230 مليون أي تلعب ب460 مليون 0 لم يتردد المخاوي بالقبول قائلا الله يطول اعمار هالمشايخ سهلو على الناس اعمالهم لم يخفي المخاوي سعادته وهو يرى مدير البنك يستقبلة عند باب الصالة المخصصة له ليجلس على الكرسي الدوار والموظف المسؤل عن حسابه يسهب بشرح العمليات التي تمت بالامس وكم نسبه الارباح لانه لا مجال للخسارة وشهق شهقة كادت تقضي عليه عندما سال الموظف هالحين كم راس مالي بعد سنه من دخولي السوق ؟ واخبره الموظف 1309 مليون ريال قال الحمد لله ذهب المخاوي لاول مرة الى خارج المملكة ولما عاد الى الوطن استمر بالذهاب للبنك وفي اليوم الاسود عندما جاء للبنك لم يستقبله احد فسأل السيكيورتي وين المدير قال بالمكتب قال قلة الشيخ المخاوي يبيك لم يجد الموظف ولا القهوجي وبعد نصف ساعة قال اروحله بالمكتب اشوف وش السالفة فلما اراد الدخول منعه السكرتير وقال ممنوع فدف السكرتير وقال اذلف ودخل وقال بصوت عالي وش السالفة انا ماني جاي اشحذ علشان سكرتيرك يمنعني قال المدير يالمخاوي اجلس فقال ماني جالس علمني وش السالفه قال انت ماتسمع الاخبار قال لا قال السوق انهار رد انهار ؟ قال نعم قال وشلون انهار حس ان المكتب بداء يدور فمسك الكرسي وساعدة احد الموظفين فقال المدير اعطه كاس ماء فتح المخاوي ازارير الثوب للسماح للهواء بتبريد قلبه الذي اصبح كذئب جائع في قفص صغير قال بعد ان التهم الكوب الثاني خلاص مابي اسهم ابي راس مالي ومسامحكم بالباقي انا رجال قنوع واساسا ماني مقتنع بمشايخكم الله لايبارك بهم قال المدير يالمخاوي هالحين مالك عندنا شيء والبنك يطلبك 5 ملاين وابي احاول تخفيضها الى 3ملايين تم نقل المخاوي الى المستشفى الذي مكث فيه 3 ايام وبداء يحسب حساب كيف يسدد البنك فلو باع كل مايملك يالله تسدد او ماتسدد البنك عاد المخاوي للصفر وهاهو بينكم يتسكع بين الاقسام وقد سجل في برنامج حافز وزهمو عليه امس قالو فيه وظيفة مغسل موتى تبيها والا شلنا اسمك من البرنامج وهو يسألكم (اوافق والا ارفض )واللي يعزني يشير علي |
رد: السيرة الذاتية
أنا ما أعزك ولا عمري أعزيتك , لكني أبي أشير عليك تقبل الوظيفه الجديده لأنها ملابسه لك وتبي تحصل من وراها كم قرش أن بعت جثث الموتى على أهل السوق السوداء .
قصتك هي قصة خطوات الشيطان , لكن من يدري ربما الله رحمك حتى تتوب وابتلاك وانت حي حتى يكفر عنك في الدنيا قبل الآخره ... |
رد: السيرة الذاتية
يرفع كلام هذا الخبل لأهميته ....
|
رد: السيرة الذاتية
اقتباس:
الحقيقة ان وقع هذي الصدمة قوية ولا يتحملها الا الجمال الساحلية اللي مثلك يالمخاوي لكن بما إن الله سبحانه وتعالى أنجاك من هذي الكارثة ولا سويت مثل هذاك اللي شفناه عند الاشارة فـ من العقل والمطق إنك تقبل بهذي الوظيفة لأنها باب رزق وانفتح لك وأخاف ان سديته ما عاد تلاقي باب غيره على الاقل إدخل معاه الين الله يفتح لك باب غيره وبعدها صك الباب والا كسره بكيفك أما مسألة القدرية فـ بما أنك أحلتها الى هذا المفهوم فنحن سنحملها من هذا المحمل ونعتقد فيك ما ألبست نفسك به من سوء فهم لبعض المسطلحات ونقول بأن عدم مناكفتك يا المخاوي ليست عجزاً .. ولكن كفانا عن ذلك شيخ الشيوخ ومطرطع الشروخ منقاش المناقش اللي حتى من مابه عليك جا يرفع موضوعك بعد ما راح في دهاليز المنتدى >>>> وسلامت الربع |
رد: السيرة الذاتية
عاد المخاوي للصفر وهاهو بينكم يتسكع بين الاقسام وقد سجل في برنامج حافز وزهمو عليه امس قالو فيه وظيفة مغسل موتى تبيها والا شلنا اسمك من البرنامج وهو يسألكم
(اوافق والا ارفض )واللي يعزني يشير علي ************************************************** ******** أحلى ما في موضوعك !! هذه العبارة السابقة ..والتي ترمي إلى أهداف ٍ عدة .. وفي اتجاهات مُتفرقة .. وأنا صراحة : لن أخدعك زي الشيخ منقاش ..اللي يبي دمارك !! وأنصحك بعدم الموافقة على هذه الوظيفة ..رغم أهميتها وعظيم ثوابها ..لأنها أبعد ما تكون عن مستواك ومؤهلاتك .. وأنصحك بأن تبدأمن الآن في تجميع (ذود)من المزاييييين الإبل بحيث لا يقل عددها عن خمسين (لتشارك بها في فئة الخمسين ..) وستعود بإذن الله شيخا مشهورا ومعروفا ..وقد طالت رقبتك .. رقبة منقاش ..فتصبح : أنت الشيخ ..وهو المخاوي !! |
رد: السيرة الذاتية
حراااااااااام لبذوا خفانا ..الله يبذ خفاهم ..
كل ما شغلت قناة من قنوات الشعر ..نبي شوية قصيد وعلوم رجااااااااااال .. طلعت لي ناقة قيمتها 1000000مليون !! ناقتي ياناقتي ..لا رباع ولا سديس .........!! (سبحان الله ..توافق خواطر عجيب !! ) بين ردي ورد أخي سنا الهجرة !! كلنا جبنا طارئ البعارين !!!!!!!! والفرق بين الردين ثوان ٍ معدودة ! الظاهر إن أخي سنا (منبطه )كبده مثل سهيل ..من البعارين .. |
| الساعة الآن 09:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by