رد : حق امي .. يا خوالي
 

حياك الله يامخاوي الحرامي منقاش وماعليك زود وانت راعي الاوله والثانيه واللى بعدها


المهم خوينا منقاش انا بشهد عليه غيابي ولا بتنشد عن العلوم ولوكان اخر دقيقه في عمرى قبل الشهادتين ابشهد على منقاش ثم اتشهد واموت وانا مرتاح الضمير

الرجال حرامي بدون فتشه

ومن يقول غير كذا جانب الحق والصواب وانشدوا راعي السواني ورويعي الغنم وابن ابي محمد عنه ياما لطش من حقوقهم نهارا جهارا

انا مازلت اناشد الاحرار في هذا المنتدى بالوقوف الى صف الواد ابن البلد فؤاد الغلبان ماتت امه وماكول حقه والناس ضده

وانت يابو عبدالرحمن اتق الله واحكم على منقاش وقلبك قدك وان كان فيه ذنب عساه في رقيبتي عنك

رد : حق امي .. يا خوالي
 

اسمع يالمشاكس/ انت مثل الحمار( مع احترامي للحمار )تحتاج للتكرار علشان تعرف الدرب وتعترف اتي رجال واما موضوع الرضاعة فسبق ان قلت ان لدي شهود عدول بالاضافة الي شريط فديو واكبر دليل ان الوالد فؤاد اعترف بذلك في عدد من المجالس الخاصة وسالت احد العضوات(نحتفظ باسمها) شيري عن هذا الموضوع فقالت نعم يس ماهي متاكدة من العدد 5 او 4 /اما تطاولك على ابوعبد الرحمن فهذا غير مقبول لدي اطلاقا ولولا عدالتة ما استكان لة منقاش واطلق علية الالقاب الرنانة التي يسيل لها لعاب الرعاع كامثال ابن سلمان ولكن ياجبل مايهزك ريح0
اقول ايها القاضي بحكم علاقتي القديمه مع ابو نقشة فكل اسرارة محفوضة لدي والرسول الكريم صلى الله عليه وسلم قال في اخر الزمان اناس يشهدون دون ان يستشهدون وانا منهم فشهادتي جاهزه (وقابلة للانحراف180درجة اذا تدارك الغبي نفسة ولحق الموسم قيل ماينتهي الرمان)وشهادة المخاوي عند ابو عبد الرحمن تعادل 10 رجال من امثال (بلاش نكسب عداوة احد وابو عبد الرحمن عارفهم وهذا الاهم)

رد : حق امي .. يا خوالي
 

سجل هذه عندك يا قاضي
الرجل يعترف بنفسه انه افاك وان ذمته قابلة للانحراف

رد : حق امي .. يا خوالي
 

مايبغا لها تسجيل شهادة يابن سلمان
نهار العيد بين من عصر
الرجال من يوم فاتح حلقه للرمان والبرشومي
وش توقع شلة حراميه
هو وخويه واحد يسرق وواحد يشهد
والعلم عند الله ان الرمان والبرشومي مسروقه
والتمر برضه مسروق والعوض على الله

رد : حق امي .. يا خوالي
 

لا حول ولا قوة إلا بالله

يبدو أن وجود الشرطة امر لا بد منه!

رد : حق امي .. يا خوالي
 

الاخ ابن سلمان عندي لك عرض نصيحة من اخ لك لم تلده امك تعال نعمل حلف مادام انك من سكان الرياض واول فوائد هالحلف ابي اتغاضى عن تعريتك لي قدام اهل الاستراحة وانا متسدح كا(؟)وقولك اني ملط الا من السروال ولم البسه الا من باب العيب والا الحياء والشيمة والدين تاركها بمطار الرياض ورايح لم سواحل اليونان ولولا الحرايق ما رجعت هذا الي فهموه الناس وجاني خبر انك تنسق مع منقاش للحصول على بعض الامور الي يعرفها سمي العيروالصلح خير وهذا الكلام لا يدري بة الخبيث وتراه مشغول باسماء التجار اللي يوزعون الصدقات برمضان واذكر انه عد علي مره 25 من تجار جدة مسجل اسمة عندهم ويلقب بشيخ الفقراء غير ابن دريوش وابنا السيد وغيرهم من اتقيا الطائف الذين نذرو انفسهم لخدمة الفقراء 000
الاخ مشاكس اقول ركز على قضية فؤاد ترى الرجال يودونك بالدواهي وهذا انذار000
اخوي ابو امجد تراك الوحيد الى احترمه بهالمنتدى ومعك مجموعة عارفين انفسهم والباقين الله يخلف0
ابن سلمان / فعلا الصريح واللي لديه شفافية ماحد يبغاه ويحارب واللي يلف ويدور ويضحك على خلق الله (تعظيم سلام)

رد : حق امي .. يا خوالي
 

نعم حنا من سكان الرياض بس ماني قايل لك اني ساكن شرق الرياض على ش عبدالرحمن الناصر خلف مدارس الفلاح الاهليه للبنين فيلا 23 لاني ما ابيك تجيني ولا ابي اليوم اللي اتعرف عليك فيه
اما منقاش متفق هو والتكرونيات مع بسطات الزكي واللي يديرها في الطائف بن عزاب انهم يجلسون على اطراف البسطات وياخذون الزكاة من المزكية ويرجعون يبيعونها على اصحاب البسطات ويقول منقاش انه العام مدور له 30 كيس رز مثل تدوير تجار الاسهم
وانتبه تراه محتفظ لك بصور لك من حقة سواحل اليونان ولا تستغرب انه ينشرها لك
( ملاحظتك يبدو لي انها من قلبك والصراحة والشفافية جميلة ومطلب لكن بشروط )

رد : حق امي .. يا خوالي
 

ترى يابن سلمان منقاش الى جاء للرياض مثل الكلب مادري الا هو عند الباب ولا يطق الباب الا بعد مايتاكد اني طالع علشان يفتح له نواف الباب وان شالله ان جاني ابي ادعيك بس تتفرج على المدح والنفاق ومن يوم ياصل الطائف يتصل ويقول الله لا يبارك فيك معدتي اوجعتني من الاكل ومرة وصلتة المطار وقص البوردنق وقلتله يالله تصلي واعلنو عن الرحلة قبل مانخلص من الصلاة بدقائق ومن يوم سلمت قال الله لا يبارك فيك انت وصلاتك بغت تفوتني الرحلة والطامة الكبرى اذا سالوه وين سكنت قال بالشيرتون0

رد : حق امي .. يا خوالي
 

اقول ان بينك وبينه شي عليك بكبير هبرته ابن ابي محمد رجال كمله ولا يرضى الناقصة
وابشرك تكالبت عليه الدعاوي
يقولون ادخل حماره على حماره لكرداش معشر وبغت تسقط