رد : وختامًا بعيد النظر & الشيهان محاورة على الهواء مباشرة
 

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلامي سلامٍ يطرب النـاس معنـاه=وفي حشمة أهل الدار أثنّي سلامـي
على الوعد جينا عاش من عز مبناه=ويارد على عد الروى كـل ظامـي[/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا مرحبا ترحيب يازين مبـداه=لراعي الوفى منا يصل باحترامي
وفيت الوعود ووافي الوعد نجزاه=بطيب النبا لامن مشى بالنظامـي[/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم البقا والطيّـب أجيـه وأنصـاه=لعلّك على الهقـوه بعيـد المرامـي
وفيت الوعود وهات علمك من أقصاه=ترى النار حيّه في مثانـي حزامـي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وصلت وترى درب الوفى ماتعداه=ياراعي البعير اللي فراسه خطامي
أنا مابغيـر فـي ديـار مسـواه=ولاني من اللي يعبرون المنامـي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيون الشواوي عند ضانه ومعزاه=وقالوا غنيمه يوم صلى وصامـي
تقوله ومثلك يذكر اللـي تناسـاه=ليا وقّعت بين اللحـم والعظامـي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيون الشواوي في مغازيه تبـراه=ولاقادته رجلـه لـدرب العدامـي
أقوله ومثلي يعرف الثلب برغـاه=ولو هو من اول فوق ظهره سنامي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا شك في علمي بدا حـك علبـاه=ولكن حلال القوم أبـت لا ترامـي
عسى اللي يهوز الضلع يقدر ويرقاه=تشيل القتب من شان راع المسامي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أظن العرابي صاده ابليس واغواه=عن الدرب جعله ياعرب للرحامي
لكنه يبي له شيخ من صبح يرقاه=يمده مع الحلتيت صبر وبشامـي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا بانت أعراض المرض نعرف دواه=وأظن الحرامي ماسرق لـه حرامـي
صحيبٍ تحبه كيـف تسعـى لفرقـاه=ترى بعـد هـذي ماعلينـا ملامـي [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هل العرف قالو تالي الطب عرقاه= ويشفى المريض اللي فخشمه عرامي
صحيب نحبه نبتسم في ملاقاه = لكن الصحيب يجي فعينه عسامي [/POEM]