|
رد: اكتب اجمل قصيدة قرأتها
وهذه من طرائف ابن جدلان
جاء يوم من الأيام وصله رجل لمشوار وسيارته ددسن قديمه يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي فأضطر الشاعر / بن جدلان أن يوافق لأنه يبي يرد الجميل فقال : يا راكب اللي دركسونـه دركسـون,,,ومكينتـه تحـت كبوتـه مكيـنـه وسويكه سويك والطبلـون طبلـون,,,ويسـاره يسـاره ويمينـه يميـنـه وان كان كفراته برجستونٍ برجستون,,,واللي ماهي زينـةٍ ماهيـب زينـة يمشي على الهون لا مشوه بالهـون,,,وإن كنهـم شاحطينـه شاحطينـه ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ ويقولون كان معه مرسيدس من الأولات وقابله في الخط سيارات مرسيدس من التاليات اللي مقصوص خشمها من قدام (الفنس) و يوم شافها تعدته هو وموتره قال: وخري يالفنس عن سمح الاقبالي,,,,,,لعنبوا ذاالوجه وجـه الفلبينـي ماضهرتي غير في جيلنا التالـي,,,,,,في غلا المعزا ورخص البعاريني ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق. يوم حضروا كل الضيوف قال أبن جدلان للمعزب : انا عندي قصيده فيك ودي أقولها. قال المعزب: تفضل يأبن جدلان: يوم خلصت القصيده!! حب المعزب يمزح مع أبن جدلان قال له: ماودك تقول قصيده في السلقه!! قال له أبن جدلان: القصيده كانت في السلقه. بس يوم شفتك قلت أنت ولا السلقه!!! ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي : قال بن جدلان : على جناح الباميه وقّع الفـول,,,,,,,,,والكوسة الخضرا تحب البطاطه الوقت غدار أقول في وقتي اللي معك ما يكتمل = الوقت غدار و الدنيا قليلة حلا من شاف و جه الغلا يضحك بوجه الملل = و الله ان يخلي لزومه و يتلقى الخلا آهات روسنا شابت و دنيانا على زمة صباها = و امتلينا آهات من بعد الطموحات الصعيبه كثرة الآهات من كثر الجروح اللي وراها = كل جرح منه آه و كل آه من شيبه هوى النفس عز الله ان آخر هوى النفس الاقناع = مهما يكون النصح و العذل و اللوم لا واهني بعض العرب يكبر بساع = و يزود علوم و يزتاد بعلوم و حنا كبرنا غير في بعض الأوضاع = و الله ما كنا كبرنا و لا يوم ياحبيبي يا حبيبي و اتحاشا منك كلمة يا حبيبي = لأنك أكبر من مجال الحب كله و المحبه الحب دخلت في الحب تصنيفه ورد أعتبار = وأجتزت كل المراحل .مرحله. مرحله غلطان توي دريت أن المحبه دمـار = تأثر على حاضر العاشق ومستقبلـه سويت مثل العرب الأفغان في قندهار = أن حاربو مشكله وأن عودوا مشكله |
رد: اكتب اجمل قصيدة قرأتها
يا مصيبة سهيل من آفة الأخبار بلغوا صادق الراوي وقولوله شايب المنتدى لِهْ حِشمه ومقدار لا حضر كلهم قاموا ووقفوله لا يصدق رواة الكذب والفجار هذي رواية ٍ ما هي بمعقوله كان به علم صدق وما علاه غبار وين منقاش شيخ الحزب نادوله يجتمع حزبنا ويواجه الأخطار يعلن الحرب حرب ويقرع طبوله قائد المعركه منقاش لا تحتار بإذن رب السماء والأرض محلوله معركه طاحنه بارودها والنار شوف منقاش داس الجمر برجوله يعرف إن المعارك والعلوم كبار جمّع الملح والبارود ف حثوله صفّ صفه معه نخبه من الشعار طاروا مع السما والبدر وصلوله ثم حطّوا خلال بعينه ومسمار لين طاح متساوي ثم أخذ طوله الثريا بعد موت البدر تختار واحد (ن) من حدانا مثّل الدوله كان منقاش والله يستحق الجار شيخ مطنوخ في فعله وفي قوله وإن سهيل العتيبي يلفت الأنظار نجم ما فيه نجم ٍ يشبه لزوله يمكن تقول صادق ف آخر المشوار شايب المنتدى اللي ماخذ ٍ دوله وإن تغلّت نقول إن الحياه أقدار تاخذ الشيخ أبو سيفين وأدعوله |
رد: اكتب اجمل قصيدة قرأتها
(( فنجال وعلوم رجال )) هذا سلمكم الله جندي شغال خفير عسكري على بوابة في دائرة عسكرية في مكة المكرمة , الجندي اسمه حسن المطيري وكان مستلم خفارة وجاه في ذاك اليوم ولد عمه واسمه الحميدي وكان الحميدي رجل كبير في السن وحسن كان في عز شبابه المهم قام حسن كعادة ابناء القبائل بواجب الضيافة للحميدي وفي اثناء ذلك حضر الضابط المناوب ولم يجد حسن واقفا في خفارته رغم انه في نفس المكان ولكنه كان جالسا ، فدار الحديث التالي بين الضابط وبين الجندي حسن المطيري : الضابط : اشبك سايب الخفارة وقاعد ؟؟ حسن : لقد حضر ابن عم لي وانا اقوم بواجب الضيافة نحوه الضابط هو ابن عمك مايدري ان هذا مكان شغل ؟؟ حسن : ان هذه من عاداتنا وتقاليدنا في اكرام الضيف وليس للضيف مكان او زمان عند العرب الضابط : هيا سيب القهوة وروح امسك الخفارة فقاطع الحميدي الحديث وقال انا منصرف وعندي بعض الاشغال (يبي يقصر الشر ولا يريد لحسن المضرة ) فذهب الحميدي ونار حسن متأججة لما فعله الضابط الذي لايعرف سلوم القبائل فجاشت قريحته بهذه الابيات التالية : يالحميدي كان طاري لك طواري سل سيفك واسرج الصفرا الاصيلة الزمان الشين شفناله شواري وان عصانا الوقت مابالوقت حيلة نصبر لصكات دنيانا جباري حكمة ماعندنا فيها وسيلة كن في قلبي مثل زرق الشباري شب في جوفي مثل حام المليلة يوم اميز سلطة عيال الحواري كيف نرضاها وحنا من قبيلة نمتثل لامر المولد والبخاري لامرهم ننصاع بنفوس ذليلة وربعنا راحو مثل برق الحباري واصبح المقلط لبياع البليلة وان سكتنا ليت تاكلنا الضواري خذ يمين الشرع مافينا عقيلة والختام اعمار خلق الله عواري من يموت بعز خير من الفشيلة فرد عليه الشايب بهالقصيدة : ياحسن ليتك بما في القلب داري كان ماشبيت في راس الفتيلة راح وقت السيف وحزام السواري يوم كلن ساعده تشفي غليله عقب صوت الخيل جا صوت البواري وكل شي جابت الشركه بديله والفرس ماتلحق الجيب السفاري وارد اليابان يومٍ فر ويله والدبش ماعاد له بالسوق شاري ياخذوها منك باسعار قليلة والجمل لو صاحبه جوعان عاري ماتساوي قيمته ثوب وفنيلة تحسب انك شيخ لاقالوا مطاري راح وقتك ياولد وش تعتزيله يعتزي من راجع البنك العقاري تاجرن كل العزاوي تستويله ذاك شيخ شيوخ لو اصله بخاري دام معه فلوس مايوجد مثيله والزمان اللي تبي ماله مواري راح مع جدي وجدك لا تخيله مالك الا الصبر يالنجم الزهاري عقب نورك حال من دونه مخيله والختام اللي يريد الله جاري مايموت الادمي والله كفيله م / ن آخر مواضيعي توقيع » سهيل2012 وداعا من سهيل وسامحوني وإن طالَ الغيابُ تذكروني أودعكم وقد ذرفتْ دموعي وأنتمْ يا رفاقي ودعوني |
رد: اكتب اجمل قصيدة قرأتها
وهذه قصيدة للشيخ تركي بن حميد العتيبي في وصف القهوة يا ما حلا يا عبيد في وقت الاسفـار جذب الفراش وشب ضـو المنـاره مع دلة تجـذا علـى واهـج النـار ونجر اليـا حـرك تزايـد عبـاره النجـر دق وجاوبـه كـل مـرار ما لفه الملفـوف مـن دون جـاره في ربعة ماهيب تحجب عن الجـار لامن ولد الـلاش مـا شـب نـاره وأخيـر منهـا رقعتيـن بالأسحـار لا طاب نوم اللـي حياتـه خسـاره تلقاه فـي يـومٍ يضيعـن الأفكـار يومٍ على المخلوق ما أطول نهـاره وقم في قصير البيت حشمة ومقـدار لو جار فإدمح له ولو بـه خسـاره ترى النبي وصى على الجار لو جار خذ الحذر يا عبيـد عقـب النـذاره رافق قوي الديـن حفّـاظ الأسـرار ينفعك في يـومٍ يجـي بـه كـراره ترى الهوى والغي هن شر الأشرار ومن داس عار الناس داسوا لعـاره جنب ردي الكـار مـا فيـه تعبـار ما فيه مـن فعـل المناعيـر شـاره واسلم ودم بالخير يا طيـر غيمـار وصلوا على المختار ما غار غـاره |
رد: اكتب اجمل قصيدة قرأتها
ياوجودي وجد من صفق على ماضي شبابه بان شيبه والسنين اللي يبيهن خالفنه غرته خضر السنين وراح عمره ما درى به وغوته وارفعنه لين سج وحولنه ياوجودي وجد عودن لا عيال ولا قرابه ما جداه الا يون ويردف الونه بونه ما لقي فزعة رفيق ولا دعاةٍ مستجابه كل ما أمسى له بظن خيبت الايام ظنه هذا وجدي في غياب اللي نزح والله جابه صح فرض الله فرض وسنة الرسول سنه |
رد: اكتب اجمل قصيدة قرأتها
ياللي بسطت الارض تحت السموات ياللي القضا في يدك زينـه وشينـه يامن لوجهك ننحني كـل الاوقـات وكتبت رزق الادمـي فـي جبينـه ترحم سليل المجد رجـل المهمـات اللي رفع شان العرب فـي سنينـه اللي رسم تاريخ فخـر وبطـولات وعـز وحمـاس كننـا عايشيـنـه هذاك (( فيصل)) لاتداعو بالاصوات تقدم علـى كـل المراجـل يمينـه وقالوا ان فيصل مات واقول مامات من شاف خالد شاف فيصـل بعينـه نفس الشجاعه والنظر والطموحـات متـورث ٍ عزمـه وحزمـه ولينـه ياخالد الفيصـل لاشفنـاك بالـذات كـن المليـك الفيصلـي شايفيـنـه يامير لك في شدة الوقـت وقفـات تاطا علـى وجـه العـدو وتهينـه يامير لك في ميلـة الوقـت مـدات تقضـي مطاليـب الفقيـر وتعينـه ياميـر ياميـر الشيـم والمـروات المجد ماحـدٍ حـال بينـك وبينـه عن مدتك تقصر يديـن ٍ طويـلات من طاولك يفشـل وتقصـر يدينـه وامارتك مارت جميـع الامـارات وصارت تفاخربـك مدينـه مدينـه عروسـة ٍ كسيتـهـا بالجنيـهـات وراحت تمخطر بالرضا والسكينـه وشاعر ورائد فكر ومنيـن ماجـات تشيلهـا شيـل البـحـر للسفيـنـه شخصية ٍ تحكي بها كـل الامـات يكفيك شر اهل الحسـد والضغينـه تزهابك حروف الشعر والعبـارات هـذا الصحيـح وكلنـا خابريـنـه والشاعر اللي ماصخر فيك الابيات ماعاد ابي شعـره ودينـي ودينـه واقبل يابو بنـدر سـلام وتحيـات ومشاعر ٍ هاضـت وكانـت دفينـه ومن قال فيصل مات تـراه مامـات من شاف فعلك شاف فيصل ابعينـه |
رد: اكتب اجمل قصيدة قرأتها
سلامي سـلامٍ يدفعـه صـادق التقديـر من أبواب حث النفس في فعـل واجبهـا سلامي على نجد وعلى المجمعه وسديـر وسلامي علـى ديـرة تميـم ومضاربهـا وسلامي سلام الود لتميـر وأهـل تميـر أهل وقفةٍ لا زال يحكـي الزمـان إبهـا وبعد السلام الله يمسـي الجميـع ابخيـر علومـي معـا نظـم القوافـي برتبـهـا دعاني مساعد والحقيقـة مساعـد غيـر معرفة مساعد عـام الأول ظفـرت إبهـا انا اريدحامل مسك , ماريـد نافـخ كيـر ومـن نظرتـي هـذي معرفتـه كاسبهـا رعى الماقف اللي من زحم به لقى التوقير ورعى السمعة اللي من عرفها يشيد إبهـا زبون الضرير اللي عليه الزمـان إمغيـر ورعى كرمةٍ حتى الصواني تضيق إبهـا وهذا طرف حايل , وهـذا فقـار بعيـر وهـذي يقلّطهـا , وهـاذيـك يندبـهـا بشبهه شط النيل , ما هـوب جمـة بيـر ينقـص بهـا الميّـاح دلـوه وجاذبـهـا اله نظرةٍ منهـا عقـول الرجـال اتحيـر وإذا عوّدت للمعرفـة .. جـاك بأطيبهـا وأنا والله إن ماني بمستغرب اللي يصيـر لحيثـه مـن رجـال عـزازٍ مناسبـهـا تميم الزحول اللي لـدرب العلـي تسيـر ولدهـا الشجاعـة والكرامـة لشايبـهـا أهل سطوةٍ يشبع بها بطـن ذيـب وطيـر وأهل هيبةٍ يآمن بهـا اللـي يلـوذ إبهـا تواريخهم من قبـل عنتـر وقبـل الزيـر بطـولات والله يلعـن الـلـي يكذبـهـا على صفحة الأمجاد سطّر لهـم تسطيـر وفناجيـل فرسـان المياديـن تشربـهـا ومدحي تميم .. أطلق لساني .. وله تبرير كبـار البخـوت اللـي كبـارٍ مناصبهـا لأجل دعوة مساعد لذا اليوم أحث السيـر ما غير أنظر الساعة وأسابـق عقاربهـا وساعة وصلت تمير .. كنّي من أهل تمير لقيت الرجال اللـي تضاحـك حواجبهـا تمنّيت تسقيهـا المخاييـل كـل عصيـر وتمنّيت يصبح جوّها .... مثل جـو أبهـا هـــاتـــوا الــمـــصـــحـــف000000000 هاتوا المصحف وخلوني اقـرا سورتيـن وامتنع من ضيقةٍ جاتنـي عقـب العشـا ذكر ربي والتعـوذ مـن ابليـس اللعيـن اتخذها لـي عويـنٍ ليـا ضـاق الحشـا لان ربي مـدرج الكـون رب العالميـن بيـده ارزاق الخلايـق ويفعـل مايـشـا هازم الاحزاب مهلك جنـود المشركيـن وبامره ايسير المطر في السحاب اللي نشا وفي الصراط يمر ربي بخلقـه اجمعيـن وكل عبـد مـره امـا بـرك والا مشـا الله الي خـرت اجباهنـا لـه ساجديـن وان غصبنا نسجد لغيـر ربـي لاحشـا فـيالله انـا طالبينـك وباسمـك نستعيـن ياعوينٍ ترجي النـاس عفـوك واتخشـا نسالك ياخالق العرش نصـر المسلميـن وانك تشرح خاطـر زاد همـه واحتشـا لو تهل العيـن شـي يكنـه مـن سنيـن سيلت وادي حنيفـه معـا وادي الرشـا ويعذلونه عالـمٍ فـي الزمـان مرفهيـن همهـم بـس الغـدا ياكلونـه والعـشـا فوالله اني مااتطـرق طريـق الجاهليـن والله انـي مااتسمـع لواشـي لاوشــا والصلاة اعلى محمـد شفيـع المومنيـن عـد مانبـت السنـا والخزامـا والنشـا يـــــــــا ضـــــيــــــــف 00000 الليل شكله يجذب الهـم ويخيـف وفيـه الثوانـي والدقايـق ثقيلـه حل الظلام وقربت حزة الضيـف ضيف يشارك وحدتي كـل ليلـه ياضيف قبل اتزورني قولي كيف القى لصداتـك وفرقـاك حيلـه ياضيف جياتك عذاب وعجاريـف وابغى اتخلص منك بائيت وسيلـه ياضيف منك ادموع عيني ذواريف وعسفتني عسف المهار الاصيلـه وشليت قلبي شلت النـود لريـف وشبيتنـي شـب الزنـاد الفتيلـه لاجيت تفتح لي ملفـات لرشيـف وتكشف لي اجروح الزمان العليله عذبتني وانا ادمي قلبي اصخيـف وشليت حملك والجمل 0مايشيلـه ياضيف بشرني عساهـا تخافيـف ياخوفتي لو انك راعـي طويلـه من ميلة الدنيا ومن سطوة الضيف انـا جويـر آلله ونــا دخيـلـه |
رد: اكتب اجمل قصيدة قرأتها
ويـــن الـــخــوي اللــي علــى بالـــي000000000000
ياحظ كثر العنـا وشهـو علـى شانـه ووش هو مصيري معك في وقتي التالي من ضيقة الصدر كني وسـط زنزانـه لي عام واكثر وانـا متغيـرٍ ن حالـي نفسي على الخايـع الممطـور ولهانـه وعن زحمة الناس ودي بالخلا الخالـي تغيب عنـي همـوم القلـب واحزانـه لاغاب عـن تغطيـة لرسـال جوالـي وتوانـك الجيـب للمطـراش مليانـه لكن وين الخـوي اللـي علـى بالـي اللي آصول الصداقـه معـه منصانـه ماهوب مـره رخيـص ومـرةٍ غالـي بينـي وبينـه صـداقـة ود وميـانـه وان ماتهيـا قطعـة الفرجـه اِلحالـي مادام نفسـي علـى المنهـاج نشطانـه بهدي لها جُل وقتي وارخـص ريالـي واقطع فجوج الخـلا واشـوف حيانـه واسج في كـل خبـتٍ مابـه ازوالـي الخبـت عنـدي ولا السـوده وشيبانـه خص ٍ لياجيـت روض نبتـه اشكالـي وسمعت طير الحمام ايكوسـر الحانـه وشمس العشي مالت وخالفني اضلالي وارتاح لارخى ظـلام الليـل جنحانـه وجريت جمر المناره تحـت معمالـي اسج واسري بفكـري واطلـق اعنانـه يحلالـي الليـل والتفكيـر يحـلالـي افكـر بصنـع رب الكـون سبحـانـه ويمضي بي الوقت وانـا دالـه سالـي يومٍ ن بعـض الاوادم صخـر السانـه لمجالس اهل الخنـا والقيـل والقالـي زين له ابليس عرض افـلان وافلانـه يبهت ويهتـك عسـى مافالـه ابفالـي صحيح بعض المجالـس مالهـا خانـه والبعد عنهـا بجـو الوحـده اشوالـي تغيب عنـي همـوم القلـب واحزانـه لاغاب عـن تغطيـة لرسـال جوالـي |
رد: اكتب اجمل قصيدة قرأتها
حداياهذيل مع العتبان عـداد مانـادى المنـادي مـن طرفكـم ياعـتيــبـه سلام من ربعي هذيل اللي لها قـدر(ن) وهـيــبه مـد الوفـا مابينـنـا ياصحابـنـا مـاهـي غريــبـه والله يـدوم افراحنـا وافراحكـم فـي كـل عـيـد ابا انشد العراف عن ورع(ن) صغير وعود شيـــبه العود مشتال الولـد والـورع عـوده جـوف جيـبـه عود(ن) ليـا منـه فقـد ورعـه خسـاره مـن يجيبـه واللغز ماهو صعـب ياهـل الفكـر واراي السديــد الرد من عتيبه عـداد همـال الخيـال اللـي يخيـل شـرق والا فالمغـيبـه حياكم الله في محل الطيب والتكميل وعلوم(ن) عجـيبه حنـا عتيبـه نحتمـي الميقـاف يالهـذلان ونسـد الطليـبـه نـرسـي كـمـا تـرسـي الجـبـال وفالمـواقـف مانـحـيـد لغـــزك يقــص الـراس فـي وقـت اللــوازم والغـصيـبـه والا القلم يكـتب به الــتاريخ واللي ما درابه قد دريـبه وان كــان ماصبـنـاه مافـيـهـا بـخــوص ولا غــلـيـبـه الله يحيـيـكـم ولـيــل(ن) جـابـكـم لـيــل(ن) سـعــــيـد هذه حداية للشاعر صالح بن محمد بن رويجح المطرفي الهذلي الملقب ب(دكتور الحداء) ســـــــــــلام رديـــــــــــــــة تــــــــــــشرفــــــنا لـــــيا مـــنا نـــــــهجنــــــا للــــــصاحب اللــــــــي عــــن لـــــــــــزومه ما نــــــــصد ولاســــــهـجنا أنشهد أنــــــــــه يـــوم طــــــــــق الــــــباب فــــــزينــــا وابـــــتهــــجــنا لـــــيلة فـــــرح نــــفرح بــــــــها وتــــــــعيش بـــــــيــضان الـــــقـلــوب حـــــــنا هـــــــــــــــــــذيل اللي كـــــما ســـــرب الـــــــذيــاب الــيا نــــــــهجنا تـــــاريخـــــنا تـــــــــقـــراه بـالتـــــفـصـيـل مــن واقـــع حــــــــــجــجــنا مــاتـــــــلـتـــقي فـــــي عـــــــلومـــــــنــا نــقــص وزود الــيا هـــــرجنا وأمــــــــة مــــــــحمد مـــــــا عــــــــليها زود فــي كـــــــل الــــــشعوب حداية الشاعر محمد السناني لقبيلة الشيوخ من حرب يوم الخميس ليلة الجمعة بتاريخ 9/4/1428هـ سلام للي قدم الدعوةوجينـا مـن ديرنـا //////// ليادعانا راعي الواجب لماجوبه حضرنـا يستاهل التكميل شيخاً عن لزومه معتذرنا //////// جسر العلاقة بيننا مبني على الضلع الزبين جينا على بيرق ولد شيخاًشهرنا واشتهرنا ///////// ليا دعانا الماقف الغصاب مايقصر نظرنا حنا رجال جهينة اللي تعرف العالم خبرنـا //////// من سابق الأيام عند جهينة العلـم اليقيـن هذي حدايه من جزءين ومااعرف لمن هي له ولااعرف الردّ عليها : سلام والطيّب يحسب حساب ربعه وتحسبله مادام سلم الطيب يجري في دمه والعز سبله واللي تيّمم للصلاه ويمّته من غير قبله ماينغفر له ذنب لين يتوب ويحلف اليمين والثانيه صح ان مال ابناادم الا ماكتبله لو كان اشوف الوقت بين الناس يشد حبله بغيت اباري له وراع السبل ماله غير سبله واليّنها تبعد حصاة رزاح بين الطيبين وهذي حدايه من جزءين عباره عن ترحيبه ولغز ومااعرف ردّها : منّا سلام ومنك عذر تقول للشعار انا ماني بقاصد ولا نوديك النجوم اللي تحاربها مريكا بالمراصد ولانوديك البحور اللي لها امواج ً تناصد اسبح على جال البحر ولا على سطح النجوم والثانيه وش بنت تمشي لالقت محصود حاصد ولها رفيق بجنبها واصحى العلوم الها مفاصد يشهد لها التاريخ لايعصدك دون العلم عاصد بنتن لها بطن وظهر يحسب لها وقت اللزوم وهذي حدايه للشاعر صالح بن رويجح الهذلي وعلى جزءين الاول مخومس والثاني مروبع سلام من شاهز نشى برقة من القبلة مشى ومع الرشى مابات ليلة ورمشى وتقال عين الذيب برقة والبرق يقفاة الرعد ينهل بالماء والبرد من كل حد من الاحد لين الاحد ويسيل من غربة وشرقة ومن السماء والسيل ماء مايدحم حدود وحمى مايدحمة غير العمى والضلع عد الضلع وارقة هذاك حنا يوم جينا حروة الي محترينا فازعينا للرجال الطيبينا رحمة الله والسلام عينت بنت ام الرسن وظروسها الي سوسن ماعاد يبقى غير سن السوس نابة ناش عرقة الله يعوظها بدل ظرساً بظرساً في المحل وان ماحصل والزين عيى يكتمل لاعاد نتعب فوق طرقة الصبح تبشر بالسعة لاراد ربي واقلعة لايعدم الباقي معة ترتاح من همة وحرقة حنا هذيل نقول هاك افهم وعلم من وراك العلم جاك احرص ولايبدي خفاك الطيبة مسك الختام |
رد: اكتب اجمل قصيدة قرأتها
سلام الله خصوص لكل شاعر يخدم الذوق من حده لحده سلام الله على بحور القصايد وسلام الله على جزره ومده وسلام الله على الموروث كله على الطرح القديم ومستجده وعلى الذوق الرفيع بحد ذاته وعلى عطره وريحانه ونده وانا من حقي الشرهه واعاتب على كل الرجال اعتب بشده يقولون الهجي شعر الشجاعه به الشاعر يصد اللي يصده واقول الهجي من عطر الزواحف وغدد انكان بالاشعار غده واذا قلنا فتامين العداوه واشد أفه على قتل الموده هبوط الشعر مافيه اضطراري هبوطه من هبوط اللي يعده عويذا من التاعمل بالقرافه وفقر الذايقه واسباب عده وتحكمه السذاجه والتطفل تحسبك صف ذاتك ونت ضده يموت الذم مايخدم قضيه يثير الانتباه ولايشده لان الشعر ياشاعر رساله تخدم المجتمع وتنال وده رخيص الشعر من عمله رخيصه بها المليون مايقضي مسده ينزل من شموخك ونت شامخ دخيل الله شموخك لاتهده ترى اللي ينحسب فن التعامل الى منك بليت بذاك عده راع المترديه لامن خصرته كأنك صافعه من فوق خده دع المترديه تلقا النطيحه وباب(ن)جاك معه الريح سده لانه بالادب ماله علاقه بري(ن)منه ويدينه بشده فرزدق مات ماخلد مكارم ورحل بعده جرير بدون رده على عروق الشجر تطلع غصونه وعرق الادمي من عرق جده اذاكان الفتى شهم ومهذب يقولو عرق ماخذها بيده كذلك عكسها نفس الطريقه مضويها مضويها لجده وخلاف الراي للراي المعاكس مجرد راي مايفسد موده |
رد: اكتب اجمل قصيدة قرأتها
انـا اللـي مـن ليالـي لاغفيـت ولاهـدالـي بــال
دعتني فـي سبيـل الفضفضـه جولـه فضائيـه هجوسـي ياهجوسـي ودنـا ناخـذ لـنـا تـجـوال عـلـى ضــو الفـتـن والاضطـرابـات السياسـيـه حوالـيـنـا وحـنــا ماعلـيـنـا ولاهـــو الـنــا فـــال ومـاكـم فــي سمـاكـم يـادعـات الديمقراطـيـه اثـــارات الـشـعــوب بحجةالتـغـيـيـر والـتـبــدال ووتـنـحـي وحتـجـاجـات وتــفــرق ونـدمـاجـيـه وفوضـى ونتفاضـه وعتصـام وهجـولـه وخـبـال وهـيـاط وبلبـلـه واخـبــار مسـمـوعـه ومـرئـيـه احـد يرحـل وحـد لـو مارحـل سيـوره المـرحـال مصـيـره ينـتـزع بذينـتـه مــن فــوق كـرسـيـه نهايـات الطغـاه مـن المـواعـض تـنـذر الاجـيـال وقـعـتــم يـامـلــوك الخـنـبـقـه والخنـفـشـاريـه حقايـق تخجـل التاريـخ لـو يطـرح عليـه سـوال واجابـه مـن الـى فـي سـلـة التـاريـخ مرمـيـه نهايـت هـم مـاهـو ذات اهمـيـه وذات اشـكـال واهـم مــن الاهمـيـات والــى اقـصـا الاهمـيـه نشـوف الضـلـم عيـنـك ونحيازالضـالـم الفـعـال وقـضـيـتـنـا تــخـــدر بـالــدويــلات الـربـاعــيــه تهز البيت الابيض صاقطـه مـن مسـرح العمـال يحـوس الكنجـرس لوبـي مهـجـن لعنـبـو حـيـه تعـارض سرسريـه رايهـا يمشـي بـدون جــدال وعربـنـا مايـسـاوو عنـدهـم قـطـعـة خـواجـيـه ودحنـا خـوات ونبقـا خـوات ليـن يحلهـا الـحـلال ويبـقـا الـخـافـي الاعـضــم وربـعــه بالعـلانـيـه نقـول النيـه النيـه ومـن لـه حيـلـت(ن) يحـتـال مـن النـيـات للتمـويـه والنـيـات ملـويـه ملـويـه وامر من الامر ان احل مـن بيـن الشيـاه محـال وغــدت بـيـن الحـويـا وبـيـن غـريــه دويـسـيـه ومـر الذيـب يومـن امتـلا سمعـه مــن الـمـوال واكــل غـريـه وحـــط الـحــوي بـجـنـب غـريــه وطالـة عيـن نصـرلله وحـرض حـزبـه المحـتـال ومستـر جنـبـلاط تـمـوت فـيـه احــزاب درزيــه يعيش الشرق في حالـت ولاده يالطيـف الحـال عسـى الله يجهـض السيـات بصـدور الكراهيـه خـروج رويبـضـه يـنـذر ضـهـور الاعــور الـدجـال وطـيــر البغـبـغـان يـمــوت واحـلامــه رمـاديــه عـسالله يرحـمـه عــز الله انــه قالـهـا ولاعــال يعـرف عـيـال عـمـه زيــن يـامـال الحساسـيـه ليـا حـل الزنيـط بقـوم سـاواهـم مــع الاطـفـال هبـيـتـي ولـعــن الله ابـــو جـــدك يالرخـامـيـه عيـون مكسـره صـارة تبحـلـق بالـزمـان الـتـال عيـون(ن) يـامـالا عـمـا الـدجـاج المغنطيسـيـه وكرمت اللئيـم وماتـت احساسـه وشـاخ ومـال وعطيـتـه ورد واهـدالــي بـهــا رمـلــه تـرابـيـه رضيت الهـم مـن بـاب التواضـع راف(ن) بالحـال ولقيت الهـم متغطـرس علـي وشايـن(ن) فيـه واقـدر ثـورة العقـل الحلـيـم لـيـن صـبـره طــال واديـن رويبضـه فـي مـصـرع الــروح الرياضـيـه عـلـى طـريـا النـوايـا ونـمـا الـنـيـات والاعـمــال تـحـت حـكــم الـتـذبـذب والتـقـلـب بالمـزاجـيـه كليـنـا حبـحـر الدنـيـا وفلفلـهـا عـلــى مـاقــال وحـنــا يــاهــل الـنـيــات نحـسـبـهـا طبـيـعـيـه عسـى الله يرحـمـك يانـمـا الاقــوال والافـعـال وعلـى الدنـيـا الـعـوض يانـمـا الاعـمـال بالنـيـه كثيـر القـول ميـر البلغـه الــي تحتمـيـه افـعـال بوسط القول مامن اقولـت(ن) ماهـي حقيقيـه اداوات التمـجـد شــي فــي مـتـنـاول الانـــذال توصـل لاخــر القـمـه وهــي طبـقـات سفلـيـه نـعـرف ان العتيـبـه بالنهـايـه تـفـضـح الـجـمـال ولانبـغـا انتفـاجـا فــي حــوادث مـثـل هـاذيــه نعـرف ونـدري ان الكلمـه اللـي بالهـوى تنـقـال تـرعـرع بالـهـوى وتـعـيـش جنـسـيـه هـوائـيـه تمـوت الكلمـه الـلـي بالخفـيـا مـاوراهـا رجــال ويمـوت الحقـد فـي حـضـن القـرافـه والانانـيـه نصيفـة مجتمعنـا رايـح(ن) فيـهـا مــن الـعـذال تـصـاريــف الـلـيـالـي بـالـقـلــوب العـنـفـوانـيـه كفانـا الله مـن شــر البقايـاومـن غـثـات الـبـال ومـكــر ارويـبـضـه لاجـاتـهـا حـــالات نفـسـيـه قصيدي ياقصيدي عيش شامخ والطموح جزال ولاتـبـرا القصـيـد الـلـي مـعـه دورات شـهـريـه تعـيـش بهالـزمـن وتقـابـل المطـنـوخ والبـطـال ولاتستـبـعـد الحـسـنـه ولاتسـتـبـعـد الـسـيــه اذا جـتـك الـجـزال اجزالـهـا المكـيـال بالمكـيـال ولــو تـدبـل لـهـا المـكـيـال مـربـوعـه ومثـنـيـه ولاجـاك الهـزيـل اتجاهـلـه يلـقـا عمـيـل هــزال وتـجـار الرخـيـص وســوق فـرقـنـا ومقـاضـيـه وعفا لله عن خطاه وما سلف لاجات من رجـال ولاتـنـظـر لـهــا لاجــاتـمــن حــــرز الـزقـاقـيـه وتبقـا النيـه النيـه وصلـى الله علـى المـرسـال وصلـى الله علـى مـن قـال النيـه هــي النـيـه |
رد: اكتب اجمل قصيدة قرأتها
حميد تركي السنااااااااني
|
رد: اكتب اجمل قصيدة قرأتها
محمد بن حمد بن محمد بن ناصر بن عثمان (الملقب لعبون) بن ناصر بن حمد بن إبراهيم بن حسين بن مدلج الوائلي البكري العنزي 0
*ولادته ووفاته .. ولد في بلدة حرمة إحدى بلدات سدير في عام 1205هـ {{ لم يكن ابن لعبون بدوياً كما ذكرت بعض الروايات بل من حاضرة نجد ومن قلبها }} ثم ارتحل مع أبوه وعمه من بلدة حرمة إلى بلدة ثادق إحدى بلدات المحمل ونشأ بها الى أن أكمل عامه السابع عشرة ,,,,,,,, ثم إرتحل إلى الزبير استقر بها قرابة اثنين وعشرين عاماً إلى أن نفي منها ثم ارتحل إلى الكويت وعاش بها قرابة عامين إلى أن توفاه الله في الكويت عام 1247هـ بوباء الطاعون { الكوليرا } الذي اجتاح العراق والكويت في ذلك الوقت وهلكت فيه حمائل وقبائل وخلت من أهلها منازل وبقي الناس في بيوتهم صرعى لم يدفنوا ,,,,و عمره 42 سنه وليس له عقب. رحمه الله ,, * نشأته وتجلي شاعريته تجلت شاعرية ابن لعبون قبل ولادته فقد ذكر أن والده الشيخ حمد من لعبون رأى حلماً رواه لزوجته - وكانت حاملاً- وفسر ذلك الحلم بأن الله سيرزقهم ولداً 0 وسيكون شاعراً وجاء ذلك الولد وسمّي محمداً تيمناً باسم جده . ومرة ثانية تأكدت شاعرية الطفل محمد عندما رأى في المنام بحراً يشرب منه وجاء لأبيه يحكي قصة ذلك الحلم ، ففسره والده بأنه إما علم غزير أو شعر، وصدقت نبوءة الأب فكان البحر شعراً ينهل منه الابن 0 نمت موهبة الشعر عند ابن لعبون ورعاها والده الشيخ حمد الذي كان لا يترك فرصة لصقل مواهب ابنه وتعليمه وزرع الثقة في نفسه إلا وينتهزها ، فقد كان يأخذه إلى مجالس الرجال والأمراء من آل سعود وغيرهم ليسلم عليهم وليتعلم كيف يتصرف الكبار ويتحدثون ، وخير دليل على ذلك ما ذكره الشيخ حمد أن ابنه محمد قال شعراً في الأمراء ومنهم عمر بن عبدالعزبز آل سعود ومدحهم بقصائد كثيرة ولم يصلنا من شعر الصبي ابن لعبون سوى أبيات قليلة . وكان ولعه بالشعر والأدب منذ كان صغيراً و كان من أميز أبناء جيله ثقافةً لأنه كان حافظاً للقرآن متقناً للخط متذوقاً للشعر العربي الفصيح وشعره شاهدٌ على أنه ملمٌ بالمعلقات وبشعر المتنبي والمعري وغيرهم ,,,,,,,من فطاحلة الشعر العربي الفصيح ولغته دليل على أنه ذو قراءة للتراث العربي الفصيح وكذلك مطالع قصائده التي يحاكي فيها الشعر الفصيح في بكاء الأطلال ,,,,, وقد أبدع في الناحية الغزلية وأصبح زعيم هذا الاتجاه بلا منازع ..وأصبح بحق أمير شعراء النبط والمبدع المجدد لهذا الفن استحدث فيه من العروض والأوزان مالم يكن معروفاً في الشعر النبطي العامي وأصبحت قصائد ابن لعبون تراثاً تتناقله الأجيال ويقلده الشعراء ويتغنى به المغنون . وكانت مرثيته الخالدة لملهمته { مي } بعد وفاتها بعد أن كانت عائدة من الحج في أرض الحجاز من أشهر تلك القصائد والمرثيات المغناة .. *سبب رحيله من ثادق الى الزبير نشأ ابن لعبون في عصر اشتداد الدعوة الدينية بعد قيام الشيخ محمد بن عبدالوهاب ،,,,,, وكان في طبعه ميالاً إلى اللهو والبطالة ،,,,,فلم توافقه تلك البيئة ,,,,,,,في مجتمع شبه مغلق في وسط جزيرة العرب فما أن بلغ 17 حتى ترك ثادق مسقط رأسه في المحمل من نجد في تنقلات وترحال إما رغبة منه أو رغماً عنه ، ففي هذه السن المبكرة هاجر الى الزبير و كان في حالة خوف وجلاء من استقراره في بلدة لها وجهاء وزعماء من قومه , و استقر بها قرابة اثنين وعشرون عاماً حتى نُفي إلى الكويت، ثم سافر الى البحرين ، ومنها هرب عائداً الى الكويت حيث أمضى بقية حياته حتى مات ,,,,,,,, { صادق على ذلك الدكتور عبدالعزيز بن عبدالله بن لعبون } أما رحيله من الزبير إلى الكويت فكان لأسباب ظاهرها اللهو والتشبيب وباطنها العداء السياسي المستحكم بين ابن لعبون وابن زهير كذلك الفقروضيق الحال ثم زواج محبوبته مي بعد أن يأس من الزواج منها فكانت هذه الأزمات النفسية كافية لخروجه من الزبير التي طالما أحبها وتغنى بها . **وللاستزادة راجع : (ديوان النبط مجموعة الشعر العامي في نجد} خالد بن محمد الفرج و {طرائف الكلام في شعر العوام } لعبداللطيف بن سعود البابطين {{ مرثية ابن لعبون الخالدة }} سقى غيث الحيا مزن تهـــاما *** على قبر بتلعات الحــــــــجاز يعط بهاالبخَتري والخــــــزامى *** وترتع فيه طفلات الــجوازي وغنىت راعبياتالحـــــــــــــماما *** على ذيك المشاريف النوازي صلاة الله منيوالســــــــــــلاما *** على من فيه بالغفــــــران فاز عفيف الجيب ما داسالملامــــا *** ولا وقف على طرق المخازي عذولي به عنود ما يرامــــــــــا *** ثقيل من ثفيلات المــــــــراز أبو زرقا على خده علامــــــــا *** تحلاها كمانقش بــــــــغازي عليه قلوب عشاقه ترامـــــــــى *** تكسر مثل تكسيرالقــــــزاز ألا يا ويل من جفنه على مـــــــا *** مضى له من لذيذ النوم جازي تكدر ما صفا يا ما ويامــــــــــا *** صفا لي من تدانيها المجازي ومن قلبهإلى هب النعاما *** يجرونه على مثل الخـــــراز ليالي مشربي صفوالمدامــــــــا *** وثوب الغي منقوش الــطراز مضى بوصلها خمـــسة عواما *** وعشر كنهن حزاة حـــــازي بفقدي له ووجدي والــــــغراما *** تعلمت النياحةوالتعــــــازي وصرت بوحشـــة من ريم راما *** ومن فرقاه مثل الخاز بازي عذولي في هواها بالملامـــــــا *** يعزيني وانا ما نيب عازي وكل البيضعقبه لو تســــــاما *** فلا والله تسوى اليوم غازي سلينا لا حلال ولاحـــــــــراما *** عليهن الطلاق بلا جوازي حياة الشوق فيها والهيامــــــــــا *** وجعد فوق منبوز العجازي وخد تم به بدر التمامــــــــــــــا *** وقد منهيهتز اهــــــــــــتزاز فلا ابي عقبها لا زاد ولا مـــــا *** وجزت من الهوىوالغي جازي وخضت بحور ليعات تطــامى ** خلاف الخل ما ادري وين ابا ازي نكيف الهم في قلبي ترامـــــى *** وجيش البين بالغزوان غازي أريده وانكسركسر السلامى *** بسيف جرّده ما هوب هــازي على بخت الدهر ليته تــعامى *** وخلاها وليته ما يـــــــــوازي وليتي ما حكيت بها ويامـــــا *** بكيت لها وفيقلبي حــــزاز اظل هايم دوم دوامــــــــــــا *** همومي فيه تنحازانحــــــياز أباح الله يا من بالملامــــــــا *** يسلم يوم ترزاه الروازي اسلَّم له ولا رد الســــــــلاما *** عزيز من عزيزات عـــــزاز وصلاة الله مني والســـلاما *** على قبر بتلعات الحجــــــــاز |
رد: اكتب اجمل قصيدة قرأتها
ياعلي صحت بالصوت الرفيع
-------------------- يا مره لاتذبين القنـــــــــــاع يا علي عندكم صفراً صنيــــــــع ------------------- سنها يا علي وقم الربــــــــاع نشتري ياعلي كانك كانك تبيــــع -------------------- با لعمر مير ما ظني تبــــــــــاع شاقني يا علي قمرا وربيـــــــع ------------------- يوم انا آمر وكل أمري مطــــــاع يوم أهلنا وأهل مي ٍ جميـــــــــع ----------------- نازلين ٍ على جال الرفـــــــــــاع ضحكتي بينهم و انا رضيـــــــع ----------------- ما سوت دمعتي يوم الــــــــوداع هم بروني وانا عودي رفيـــــــع ----------------- يا علي مثل ماتبرى اليــــــــراع طوعوني وانا ماكنت اطيـــــــــع ----------------- و غلبوني وان قرم ٍ شجــــــــــاع دون مي الظبي و ام الوضيــــــع ---------------- و الثعالب و تربيع الشــــــــــــراع راس ريع ٍ دخل في راس ريـــــــع ------------- مستطيل ٍ و وديان ٍ وســــــــــاع |
رد: اكتب اجمل قصيدة قرأتها
هي الأمور كما شاهدتها دول ::: من سره زمن ساءته أزمانُ وهذه الدار لا تبقي على أحد ::: ولا يدوم على حال لها شانُ أين الملوك ذوي التيجان من يمن ::: وأين منهم أكاليلٌ وتيجان وأين ما شادهُ شدادُ في إرمٍ ::: وأين ما ساسهُ في الفُرسِ ساسانُ وأين ما حازه قارون من نهبٍ ::: وأين عادٌ وشدادٌ وقحطانُ أتى على الكل أمرٍ لا مرد لهُ ::: حتى قضوا فكأن القوم ما كانُوا وصار ما كان من ملك و من ملكٍ ::: كما حكى عن خيال الطيف وسنانُ كأنما الصعب لم يسهل له سببٌ ::: يوماً ولا ملك الدنيا سليمانُ ياغافلاً وله في الدهرِ موعظةٌ :::إن كنت في سنةٍ فالدهرُ يقظانُ وماشياً مرحاً يلهيه موطنهُ ::: أبعد حِمصٍ تغرُّ المرءُ أوطانُ تلك المُصيبةُ أنست ماتقدمها ::: ومالها من طوالِ الدهرِ نسيانُ |
رد: اكتب اجمل قصيدة قرأتها
الله !!
يوم أذكر وأتذكر ما فات من أيام .. كر وفر .. وسواليف وعلوم مع حسن عابد وشرواه من الطيبين من أعضاء وهوامير المنتدى .. أين أنت يا حسن ؟؟ أهرمت شياطين شعرك ؟ أم مليت يا أبا علي .. |
| الساعة الآن 12:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by