منتديات بلاد ثمالة - إهداء إلى( أبي متعب حفظه الله)

منتديات بلاد ثمالة (http://www.thomala.com/vb/index.php)

- واحة شعراء المنتدى (http://www.thomala.com/vb/forumdisplay.php?f=14)

- - إهداء إلى( أبي متعب حفظه الله) (http://www.thomala.com/vb/showthread.php?t=58641)

إهداء إلى( أبي متعب حفظه الله)

السّلام عليكم ورحمة الله وبركاته
طرح أحدهم هاذين البيتين :ـ
أول قرارات الملك عفواً عظيم=زاد الرّواتب والبشر يبغونها
أنت الكريم ابن الكريم ابن الكريم=وانت البلاد وعزّها وركونها
وطلب منّي أن أكملها حتى تصبح قصيدة وقد قلت:ـ
[poem="font="Simplified Arabic,5,black,bold,normal" bkcolor="transparent" bkimage="images/backgrounds/1.gif" border="solid,3,silver" type=2 line=1 align=center use=sp num="0,black""]

أول قرارات الملك عفواً عظيم=زاد الرّواتب والبشر يبغونها
أنت الكريم ابن الكريم ابن الكريم=وانت البلاد وعزّها وركونها
وانت الزّعيم ابن الزّعيم ابن الزّعيم=والصّقر وابن الصّقر حمت ابطونها
حنّا على المكره مع المنشط نقيم=بـ ديارنا ونبايعك دندونها
بايعك ظنّي من تلاشى اصبح رميم=من قبل بيعة حيّ منّا يمونها
لجل انت بالفصحى وبالخط الفهيم=قلت الدّيار ارجالها يبنونها
بيّنت حتّى كيف يبنون الحريم= بعض البنا المشروع حول حجونها
من دون تترك لبسها ذاك الحشيم=أو بعْلَها أو طفلها وصحونها
قلت اكتبوا وتحاوروا كلا(ن) كليم=فيما أفاد الدّار واعلا حصونها
سهّلتها وراحت سهاله يالصّريم=واستسهلت ياسرع ما اعجب لونها
وابن البلد تعطيه مايمسي عديم=يدعي بحفظك ماتهل مزونها
بينك وبينه وبين اخوه اللي مقيم=لقمه عليها الملح ماينسونها
هلّت دموعك لجل طفل اصبح يتيم=روّح ابوه بيوم لجل عيونها
واصبح شهيد وردّ الارهابي الأثيم=اللي نوى الفتنه وماسك شونها
ولياك ابوه وصرت له أبّ(ن) رحيم=من بعد رحمة ربّنا في كونها
تنظر بعينك صوب زمزم والحطيم=حجّاج بيت الله تقوم بعونها
وليا حصل للمسلمين امر(ن) عظيم=من كف يمناك المؤن يلقونها
ياعلّها صهيون في وسْطْ اورشليم=تجلى بعهدك لاحِقَه بصهيونها
يكفي التّواضع منك يالأب الحميم=تكفي ابتسامه منك جت لضعونها
والختم صلّوا اعداد ماهبّ النّسيم=على النّبي عدّ السور تقرونها
[/poem]

وسلامتكم