|
يعني ما نويتم تتركون في حالي ؟.
يا أخوان كلكم وبدون أستثناء ,,, أنت يا شاعرنا الكبير يا سنا الهجره , وانت يا مشرفنا الكبير يبو عبدالرحمن , وانت يا زيد الخير ياللي ما يجي من وراك الا كل خير, وانت يا أقزوز متبسم وفكرن متقسم , وانت يا مخاوي منقاش يا زفت يا سبب كل البلاوي (ويخرب بيتك على قول عمدة حارة الشبيكه وسوق الليل) .
يا وزوز يبو بزبوز , يا ابن سلمان يا بطران , يا متكهل بكتشب ولابس في واحده من رجليك شبشب وجاي وثيابك عليك تخبخب , يا مدهش يا مفشفش ياللي دايم ترمش ومخك معشش , يا غضنفر ياللي كل يوم بسيارتك عند أهل البنشر , يا رويعي الكلاب ياللي قاعد للناس على سدة الباب. يا أخوان , يا أخوات , :::: السلام عليكم ورحمة الله وبركاته , وكل عام وانتم بخير بمناسبة قرب حلول النصف الثاني من عامكم الهجري , وبعد / أعلموا هداكم الله وكفاني الله شركم أن سيادة فخامة الشيخ الشريف الدكتورمنقاش دام ظله بغي يطوي صفحة الماضي ويترك اللدح والمزح الزايد اللي يعده العقال مثلي نقصانن في العقل .. يا جماعه , يا ناس , يا هوه , أنا رجال كبير ولا كبير الا الله وودي أثقل شويه ,,, وفوقها أني كنت مشهور ومعروف بالفكر وطيب الذكر وبالعقل والحكمه , أو على الأقل قولوا أني خدعت الناس واغتروا بي أزمان وركبتها في روسهم على كذه , لكن جاء منتداكم لا عاد من منتدى وكشف أوراقي وفضح المستور ونسف السمعه الطيبه اللي بنيناها أثنين وثمانين سنه ,,, سنه ورا الثانيه , واليوم راحت عليه كلها فطيس في يوم وليله , ولا أقول الا حسبي الله عليكم وعلى الساعه اللي عرفتكم فيها وعرفت هذا المنتدى وما فيه من خزى وزرى وقلة جدى. واليوم يا طوال الشوارب وانتم يا طوال العضايب كل شي قد أنتهى , ويا فصيح لا تصيح بعد طاحت الفاس في وسط الراس وبعد البحر كذب الغطاس , ولا ينفع البكاء على اللبن المسكوب ,,, حصل ما حصل وهذي نتيجة مرافقة رفقاء السوء أمثال المخاوي واضرابه ,,, ولا أقول الا الله يجعلك يا مخاوي منقاش بثور أسباني والا ثمالي خنفرته شبر وظهره عرضه متر وسنامه أربعه فتر وعيونه يتطاير منها الشرر يطردك في حلبه من الحلبات والا في برحة ابن عباس والا في جلان الفير (حقت راعي النحل خوي كونتليزه رز) ويشتالك يا بعيد الذكرعلى قرونه الأثنين ويرمي بك سما وتروح فوق فوق السحب على قول محمد ولد عبده وتعود نازل وتنثبر ولا توقع الا على قلة راسك وينشب فيك واحد من قرون الثور ولا يخرج منك الى يوم البعث . يا ناس لا تمتحنوني , يا ناس تروني داخل عليكم تخلوني في حالي , ولا تنبشون عليه كل ما غبت عنكم ونويت أرتد شي من عقلي وابطل الثرمده كما يوم بطلها مهدي منتداكم ابو أمجد اللي ترك خويضكم ورويضكم وخفضكم ورفعكم في القيل والقال اللي ما تكبونه عنكم ياللي ما أنا قايل . وختامها (زفت) , يعني لو تحبون منقاش من جد , ولو فيكم خير من جد كان وقفتم صف واحد وقلتم بفم واحد كلام واحد , قلتم بالفم المليان أسمعوا يا صنجان , ما تبقى من زمان قررنا تنزيل ابو عبدالرحمن ولا نرضى بمشرف عام على منتدى الثملان الا الشريف منقاش , وهذا هو مربط الفرس ومدفن الكلب اللي أن تحقق بقيت معكم في المنتدى وان ما حصل تركتكم ورميت عليكم بمية حجر .... |
رد: يعني ما نويتم تتركون في حالي ؟.
وين توقيعي ما أشوفه يا مشرفين يا خونه , يا قطاع الطرق ؟؟؟.
|
رد: يعني ما نويتم تتركون في حالي ؟.
وش ذا الامتحان!!
كل ما قلنا منقاش غاب..وإذا عاد إن شاء الله يرجع لعقله!!! أنت ما أنت فاكر الوسام الذي منحناه لك يوم وصلنا 100.000 مائة ألف مشاركة. وش حصل للمنتدى !!!وبعد ما سحبناه منك ..رجع المنتدى لوضعه الطبيعي!! والآن تريد أن تكون في مقام المشرف العام...أظن كل الأجهزة تتفجر!! |
رد: يعني ما نويتم تتركون في حالي ؟.
تستاهل الإشراف أيها الشريف
ماللشرافة إلا شريف مثلك |
رد: يعني ما نويتم تتركون في حالي ؟.
أي شرافة يا بو لقافة
حتى يلتم المتعوس على المنحوس ماللشرافة غير المخاوي وإلا المتكحل بكاتشب أما أنت يا حافظ ومدهش يالله نرضى بكم أعضاء في المنتدى |
رد: يعني ما نويتم تتركون في حالي ؟.
أما مشرف عام هذي كثر منها يا منقاش
خليك في الشيخة وكثيره عليك أما الاشراف للي يفهمون فيه ترى الاشراف ماهو سوالف قلال المهره الاشراف يبيله واحد حازم وسطه شوف حتى بن سلمان تخلى عنه وبعدين انت ما قد سمعت عن المثل اللي يقول ( الرجل المناسب في المكان المنناسب ) أنت في الشيخه ما كماك لكن الاشراف ما هقيت ان عندك شي تقدمه ومع ذلك ان كان ابو عبد الرحمن يبي يتنازل عن منصبه لمدة شهر على شان نجربك ماهي شينه على الاقل تنضف المنتدى من بعض الناس اللي ماني قايلهم |
رد: يعني ما نويتم تتركون في حالي ؟.
يقولون الماء ما يروب ومنقاش ما يتوب
ويموت الجندب وعينه في الرمادة هي أنبسط يا مخاوي منقاش وتشفى |
رد: يعني ما نويتم تتركون في حالي ؟.
السلام عليكم ورحمة الله وبركاته
يالله لاتمسيهم الا بالخير والخيره وقصرص الفطيره لان قرص الخميره يجيب الحموضه مثل كلام منقاش تصدقون اني دقيت الرقم السري غلط وقلت اخس على مخك يابو امجد ينسى مفتاح المنتدى و بعدها قلت يا الله ياكريم انك تجعل مفتاح الجنه اخر هروجي في الدنيا مالكم فالطوال عذرت مخي يوم طلعت لي هذي الرساله (أهلاً بك يا الشيهان.آخر زيارة لك: منذ 4 أسبوع 12:10 AM ) وقلت الحمد لله انه كتب لي عمر ثلاثين يوم حتى اشوفكم مره ثانيه وبعد كذا قلت يابو امجد لاتحب الدنيا والله مابها خير ولو ماعشت هذي الايام ماكان شفت اللى شفته هذي اليله منقاش يطلب الولايه وطالب الولايه لايولى بل يولي من حيث اتي صحيح ان المفاهيم تقلبت على روسها وصارت الرياسه ضرب من التياسه ماتجي الا بالدمقراطيه والا القرامطيه وكلها مالها من دليل ومايقول بها الا المهابيل يابو عبدالرحمن منقاش متصهين من يومه ولو يتلون بمية لون مثل الحربا والا نانسي الجربا لاتصدقه |
رد: يعني ما نويتم تتركون في حالي ؟.
يا مرحبا بك يا شيهان
من طول الغيبات جاب الغنائم.. ذكرتني بصورة موجودة في الأرشيف ..يعطيك العافية!!! http://www.thomala.com/swr/swr-n/hrp1.jpg |
رد: يعني ما نويتم تتركون في حالي ؟.
يا هلابك يابو أمجد
وينك يا رجل تعال يا شيخ شوف الشيخ منقاش ما كفاه الشيخه يبي يصير والي هذا كله لانك غبت شهر عن المنتدى كيف لو غبت سنه تلقاه استغل موضة التخصيص واشترى المنتدى باللي فيه الا من رحم الله مثلي ان شاء الله ( لانه بعيده عليه هذي العلوم ) |
رد: يعني ما نويتم تتركون في حالي ؟.
اللهم لا شماته يامنقاشوه العدو والصديق صار ضدك ودايما الي يكبر اللقمه يغص واللي يلبس ثوب ماهو ثوبه يصير مضحكة للي يسوى وللي مايسواش وياشين السرج على(؟) واشد الشماته ما تلقاه من الاصدقاء فهذا سناء يقود الحملة وينطلق الشيهان من وكره لينقض على هذا الطماع الاشر الذي لم يجد الا الرجل الطيب ابو عبد الرحمن والذي لا يملك الا هالمنتدى وتنافسه علية 0
اشغلتنا عن الترحيب بالنائب الاول0 تبا لك من منقاش0 |
رد: يعني ما نويتم تتركون في حالي ؟.
منقاش : أشوف الجماعه ردوا توقيعك عليك , وكذه أنتهى الموضوع ويادار ما دخلك شر ..
ابو عبدالرحمن : ليش التشاؤم والتطير؟, أحسنوا الظن فيه وجربوني أمسك مشرف عام حتى لو كان فتره قصيره مثل لو تقولون خمس سنوات .. ابن سلمان : صح لسانك ,, وتراني متعاطف معك ومقهور ليه يطردونك من الشرافه ؟ , لكن يبدو أنهم حفظ لماء الوجه قالوا لك سويها على نفسك مثل شغلتهم مع الشيهان المسكين ... شبلي ابو الونات : أعاهدك يا شبلي أن أستلمت الشرافه أن أول أثنين أطردهم واكروتهم مع الباب هم أنت وصاحبك المخاوي خويت أنت واياه في فم كلب مغلوث ... سنا الهجره : يا سنا لا تحكم عليه وانت ما شفت وجربت أشرافي ,, وبالحرام من حزامي لو أستلمها أني كان طردت من الميه تسعه وتسعين من هالأعضاء حتى ما يبقى الا أنا وانت ورويعي الغنم ويمكن أبقي المشاكس لأنه تاب ومن تاب تاب الله عليه وعود من حزبنا .. مدهش : ترى نهايتك تبي تكون سوداء , وتراني ناوي أقدحك بعين وانت تسوق في الجيب حقك , وعين من بعد ,, يعني أرسلها عليك من الطايف للرياض بالأيميل , وشوفها جايتك في ظرف عشره أيام تزيد يوم والا تنقص يوم ... الشيهان : حياك الله يا ابو أمجد , والله لك وحشه ,, وليتك تدري أني كنت ناوي أعوضك أنت وابن سلمان في طردتكم من الأشراف واحطكم الأثنين مشرفين كل يوم أثنين على منتدى الشكاوي والمقترحات حتى أرفع من معنوياتكم المنهاره ,,, اللهم لا شماته , من يشوف مصيبة غيره تهون مصيبته ... مخاوي منقاش : يا ناكر الجميل وايادي منقاش البيضاء عليك ,, أنت يا قليل الخاتمه ويش مكسبك يوم تناطح صخره مثل منقاش ؟. |
رد: يعني ما نويتم تتركون في حالي ؟.
نعم لشــــــــــــــــــــيخ الشـــــــــــــــــــــــــريف منقاش لا لا لبو عبدالرحمن تستاهل الشرافه يالشريف |
رد: يعني ما نويتم تتركون في حالي ؟.
شيخ منقاش سامحك الله ليش تجيب سيرتي بالعاطل مع هناس العاطلين (باطل) والله ما بتستاهل انك تكون مشرف الحق لله اللي يستاهل انه يكون مشرف هو مخاويك |
رد: يعني ما نويتم تتركون في حالي ؟.
تهبا يامنقاش
يابوعبدالرحمن مقروع منقاش وخويه قليل الخاتمه ماغير يطاقعون ويهايطون علينا يابوعبدالرحمن انا كان فيه نيه للتنازل مالها الا الاقزوز المنسم والله لخليهم يمشون على العجين مايلخبطون واجيب الدوريات اللي فاكرها والقوات الامنيه واجيب المصرقع |
رد: يعني ما نويتم تتركون في حالي ؟.
اقتباس:
تأكد من الرقم المطلوب وشكراً لا تثورها في الهوا |
رد: يعني ما نويتم تتركون في حالي ؟.
ياوزوز/ شوف انا عديت سنه قبل اربع ايام وعمري ماطالبت اني اكون مشرف عام علما اني استاهل واستحق وكفو لها وهي تحوم حولي وعمري ماغازلتها ماني مثل بعض الناس تعدوا مرحلة المغازلة الى التحرش ومحاولة الاختطاف والاغتصاب لاكن العاقل يبقى عاقل ولن تجد للمخاوي منافس في هذا المجال جيث انه يملك رؤية استراتيجية بعيدة المدى ومن سار على الدرب وصل000
|
رد: يعني ما نويتم تتركون في حالي ؟.
ولك خيو مخاوي سوي لك تصويت وان شاء الله راح تفوز والله يا اقزوز منسم ومنقاش الي يدعي الشرافه لياكلون هوى سير ونحن من ورائك يا مخاوي منقاش |
رد: يعني ما نويتم تتركون في حالي ؟.
تهبا ياوزوز انت ومخاوي المفش
انا وبس الاقزوز وبس |
رد : يعني ما نويتم تتركون في حالي ؟.
ردلي حقي من أمي وخد صوتي
تاكل حق أمي أصوت للبدوي مخاوي |
رد: يعني ما نويتم تتركون في حالي ؟.
اقتباس:
على شان كذا طال عمرك انا اقترحت على أبو عبد الرحمن يتنازل لك لمة شهر بس على شان عمليات التنظيف بس رويعي الغنم هذا مدري وش محببك فيه ترى ما عنده سالفه |
رد: يعني ما نويتم تتركون في حالي ؟.
دخيلكم لا تروحون بعيد..
هب هب..يعني لازم ننتبع و نشوف كل مشاركة.. الواحد يغفل عنكم شويه..وتقلبونها فوق تحت!!!! |
رد: يعني ما نويتم تتركون في حالي ؟.
اقتباس:
لا انتم راضين تعطون الشرافة لمنقاش ولا انتم راضين تردونها لي بعد طردتوني |
رد: يعني ما نويتم تتركون في حالي ؟.
ابو عبد الرحمن/باسمي ونيابة عن عموم الامم المستضعفة اطالب بعودة الاشراف لابو هبه والا سترون مالا يسركم وهذا رجاء اعنمدو تحقيقه حالا شاكرين تعاونكم
|
رد: يعني ما نويتم تتركون في حالي ؟.
الله يبارك فيكم جميعا ابو عبدالرحمن ومخاوي منقاش وخالي يابعد حالي سنا الهجره والصديق العزيز بن سلمان وكل الحاضرين الا منقاش يسلم من هذي الهرجه
عموما يارفاقه منقاش طقاع مصيف كل ما اقبلت الصيفيه طلع لنا بهرجه اطم من اللى قبلها والرجال لن ما خاب ضني انه عنده ملحق مفروش ياجره صيفيه وحتى يجذب الزبنا الثقال بالمال جيران بن سلمان يقوم يطلع له بهرجه تبعثر شهرته في ارجاء الطائف لفرة شهرين الى ثلاثه حتى يضن القادمين انهم ساكنين عند وجه من وجيه الطايف ما يدروان ان القفا فيه حرام وبعد ما يحقق هدفه ويمتص القروش يندحس في خرابته مستغل السبات الشتوى والى صيفا قادم يحلو له النعاس |
رد : رد: يعني ما نويتم تتركون في حالي ؟.
اقتباس:
وانته كلامك كثير يامنقاش وكل هذا على ماش والمفروض نقيل ابوعبدالرحمن للمعاش ونضع المتكحل قاهر الاوباش. |
رد: يعني ما نويتم تتركون في حالي ؟.
الشيهان/كلكم ياهل الطايف كذا 000 وانا ودي اخذ رايك بهالي كل شوي طالع لي واحد مسوي عم زعيم المشاكس ودحره الله وهالحين متكحل والبقية ماسكين سرى تكفى يالمساعد اكفنيهم ولك مني عمرة معتبرة
|
رد: يعني ما نويتم تتركون في حالي ؟.
اقتباس:
اما المشاكس ماعليك منه خطامه عندى ولن ما اذعن علمني ولالك هم واما المتكحل بكتشب هذا اخوا غاسل وجهه بمرق يعني مافيه طب الا المجلاد وانا شخصيا الى هنا حدي الدنيا ضهر عليها وكثر الهرج (القتل) وسجن الطايف يشكي الضيق من القتله ماهم في حاجة واحد زياده |
رد: يعني ما نويتم تتركون في حالي ؟.
الشيهان/ بارك الله وان دخلت السجن كفالة عيالك من طقطق الى السلام علي على الرغم من غلا الاسعار والقادم اشد بس ابيك تنجز لنا سناء رجال يسوى السجن من اجله والي بين القوسين مافهمته لعل الجهبذ يفسرها
|
| الساعة الآن 02:55 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by