منتديات بلاد ثمالة

منتديات بلاد ثمالة (http://www.thomala.com/vb/index.php)
-   منتدى الاستراحـة (http://www.thomala.com/vb/forumdisplay.php?f=10)
-   -   أحسنوا الظن في مخاوي منقاش (http://www.thomala.com/vb/showthread.php?t=14880)

منقاش 08-18-2007 11:05 PM

أحسنوا الظن في مخاوي منقاش
 
يا اخواني مخاوي منقاش ما هو أقشر بالمره , أحسنوا الظن به , الرجال يجي منه في بعض الحزات هبة ريح كما يوم يجي منه تمر قبل رمضان والا كم تنكه زيت زيتون في شوال ,, وهذا كلام عن خبره وتجربه مضبوطه وعن معرفه سنين بعد سنين ,,
يعني الرجال ما هو زي بعضكم اللي ما يصلح لا طبله ولا طار , وأن كان له شبيه أقدر أشبهه لكم به , أشبهه بالذباب اللي فيه جناح داء وجناح دواء ,, واذا تبون برهان على كلامي أعطيكم أياه .
وخذوا مثال قريب ما مضى عليه شهر واغلبكم يعرفه : وللي ما يعرفون أقول أنه حصل مني كبوه كما كبوة الجواد ونبوه مثل نبوة الهندواني وسويت شوية حركات نص كم ورطني فيها سويد الوجه رويعي الكلاب , وبعد أنكشفت حركتنا القرعاء أتصل عليه أبو عبدالرحمن وقال : يا منقاش وين اللي من أذانيك تسمع ؟. رديت عليه : خير يا مشرفنا , لا يكون أنك ترقيت واصبحت مشرف أخصائي أنف وأذن وحنجره ؟ , قال لي : أسمع يالأصنج وكبك من التريقه , أنت رجال سويت حركات مش ولا بد ولا نبغي نفضحك أنت والرويعي , وترى المشرفين أجتمعوا وقرروا طردكم لكن طرد مشرف , يعني أن من سياستنا في المنتدى السترعلى أمثالكم , من أجل كذه نبغيكم تعترفون بخطاكم وتعتذرون وتطلبون الخروج من المنتدى وتغادرون بستر ومصونه , كما لو أنها أستقاله منكم حتى يسير جزاكم أخذتوه بيمناكم أوكما يقول المثل ألأنقليزي بيدي لا بيد عمر .
تشاورت أنا ورويعي الكلاب ولقينا ما لنا مجنابه ولا حيله الا ننفذ , وفعلا نفذنا وبلعناها معترضه وقلنا مرحبا يا غصيبه .. لكن ما تضيق ألا وتنفرج , وعلى يد من ؟. على يد خاين ما كنت أحسب يجي منه خير بين ثماله .
على يد مخاوي منقاش اللي شفع فيه عند أبو عبدالرحمن ونجحت شفاعته , ولا تسعلوني ليش قبل شفاعته ؟ , ممكن طمع من المشرف العام في تمر مخاوي ,, ممكن تقدير له على أساس أنه ضيف على المنتدى ,, ممكن الثنتين سوا ,, ممكن دهن له السير بتنكة زيت زيتون من اللي أحيان يرسلها عليه ,, الرجال (مخاوي)تجي منه هذي الحركات واكثر منها لأنه بلصجي بنمره واستماره ولا يمشي الا باللف والدوران .
ولا تستغربون اللي قلته لكم عن الذكورين , هذا الزمان بكى منه الذيب كما قال المستعين وكل شي وارد فيه , وان تبون الكلام اللي يجمد عليه الشارب أذا صافحكم أحد في هالأيام عدوا أصابعكم لا يكون انلطش بعضها .
الخلاصه : قبل يومين جاني رساله على البريد التكروني يقول فيها أبو عبدالرحمن : يا منقاش من أجل عين تكرم مدينه , وترى تقدير لمخاوي منقاش وتقدير لتمره وزيت زيتونه عفينا عنك وقبلنا عودتك لكنفيوتر ثماله , شكرته في نفسي وشكرت التمر وزيت الزيتون أكثر منه .
وهالحين هذا الشيخ منقاش بشحمه ولحمه عود عليكم كما يوم راح عنكم, وسلامتي أنا واياكم والمسلمين أجمعين , وشهر رمضان مبارك على الجميع , ومن العايدين قبل الزحمه وكل عام وانتم بخير..

الحجاج بن يوسف الثقفي 08-18-2007 11:24 PM

رد : أحسنوا الظن في مخاوي منقاش
 
والله اني قلت افتكينا من الاقشر منقاش
لكن ما اقول عير الله يصبرنا عليك
وخويك افلح منك
ان شاء الله على بدايت رمضان يوزع تمر ويكسب اجر فيك وفي الضعوف

admin 08-18-2007 11:47 PM

رد : أحسنوا الظن في مخاوي منقاش
 
يا جماعة الخير.من يقطع لسان منقاش ..وله منصب كبير في كنفورد ثمالة..
بدأ المنقاش يتجاوز الخطوط الحمراء ويتطاول على رفعة القوم .
دخيلكم .رحيوا العباد والبلاد منه.
والله يسامحك يا بن عزاب .فين الخبر السار الذي كتبت موضوع فرح به الجميع .بموت وهلاك منقاش.

فؤاد طرطشلي 08-18-2007 11:52 PM

رد : أحسنوا الظن في مخاوي منقاش
 
دا البدوي ابو حمار
هو سبب المصايب دي كلها
شيري لمن شافته قالت شوف الزفاته اللي هوه فيها
وكمان تبغى تصير مثل البدو
وأثاري التوب التعبان كله من زيت المخاوي له
ناس تعبانه أف من القرف دا

سنا الهجرة 08-19-2007 12:19 AM

رد : أحسنوا الظن في مخاوي منقاش
 
لا تكفون الا لسان منقاش

تروا ما يونسكم الا لسان منقاش اذا كثر الهواش

يا أخوان أنا اشوف ان منقاش مهضوم حقه

بالله وش يجي عادل إمام بجنب منقاش

بس هذي الدنيا فرص>>>>>>>>>>>>>>>>

ومنقاش ما توفق في قناه تتبنا موهبته

المستشار 08-19-2007 12:54 AM

رد : أحسنوا الظن في مخاوي منقاش
 
حياك الله يامنقاش وحياّ الله علومك

مخاوي منقاش 08-19-2007 02:30 AM

رد : أحسنوا الظن في مخاوي منقاش
 
يافؤاد ابغى ارفعك بعد فضايح شرم الشيخ لكن شيري تجرجرك بين الحفر وللمعلومية يلوح في الافق مشروع تحالف بيني وبين منقاش والمشروع بمباركة وجيه الخير مثل ابوعادل والظاهر ان منقاش داز عليهم000لو اني ما امن غدره000
اشكر للاخ ابو عبد الرحمن تقديره لشفاعتي وانا ماشفعت الا لعلمي ان الاستراحة تحتاج واحد قليل ادب وملكع مثل منقاش
سناء الهجره 000الا وش رايك تسوي قناة وانت شاعر الشعر هاليومين هو اللي قايم سوقه ومنقاش اذكر انه قالي انه لقى مع ورث ابوه كتاب حشر الجن ويبدا يفك السحر ويقرا الطالع وزود على هذا يفسر الاحلام وتتركون المنتدى اللي مايوكل عيش

@ بن سلمان @ 08-19-2007 03:17 AM

رد : أحسنوا الظن في مخاوي منقاش
 
منقاش دجا مبرورا
انا ابي اتغاضى عن اللي راح وابي اغمض لك عين وافتح لك الثانية وابي اشوف تجوز عن سواياك الاوله والا تعود على طير ياللي
مخاوي منقاش
الظاهر انك تصرف تمر العام الماضي واللي اعرفه ان الناس الحين يخرفون والمصانع ما تنتج تمر السنة هذه الا من نصف رمضان , اتق الله لا تغش المسلمين

الحجاج بن يوسف الثقفي 08-19-2007 03:26 AM

رد : أحسنوا الظن في مخاوي منقاش
 
هيا يابن سلمان
خلك مفتحها زين على منقاش تراه داهيه
والا مخاويه ماعنده الا الدجه

متكحل بكتشب 08-19-2007 07:43 AM

رد : أحسنوا الظن في مخاوي منقاش
 
اقتباس:

المشاركة الأصلية كتبت بواسطة اقزوز منسم (المشاركة 115302)
والا مخاويه ماعنده الا الدجه

اقزوز منسم :26:

منقاش 08-19-2007 12:44 PM

رد : أحسنوا الظن في مخاوي منقاش
 
أخواني واخواتي :
أقزوز منسم : خلي مخاوي منقاش ينفعك , وانا رجعت غصبا عنكم ورايح أنكد عليكم عيشتكم .
آدمن : حرام عليك يا شيخ أنا حليفك من زمان ولا جاك مني ما يوجب الشرهه , وترى أبيع اللي في المنتدى كلهم من أبو عبدالرحمن الى آخر واحد فيهم ولا أفرط في صداقتي معك , وترى أن جاني تمر من قليل الخاتمه مخاويني ما تبي تخطى منه .
طرطشلي : ما تسكت يا ملطشة شيري تحسبها ما تبي تدري عنك أنك متجوز عليها شيريه ثانيه بالمسيار .
سنا الهجره : صحيح ما يعرف الرجال الا رجال مثلها , أشكرك على شهادة الحق اللي شهدت بها وقهرت قلوب ناس على بالي .
المستشار : أبقاك الله وابقى علومك , ومشكور على حضورك .
مخاوي منقاش : ومن قال أني أتنازل واتحالف معك , يا شيخ أتحالف مع كوندليزه رز والا أتحالف معك , رح دور واحد من مستواك أنت وبن عزاب وابو أمجد وتحالف معهم .
ابن سلمان : نفسي تحالف معي وتترك الشورديه اللي ما تنفع أحلافهم , ومخاوي لا تحاول فيه وهو ما يبي يعطيك تمر وانت من أهل الرياض .
متكحل بكتشب : وراك كنك ما تشوف وتاركني ورايح للاقزوز اللي ما عنده سبايك .

المبرِّد 08-19-2007 03:49 PM

رد : أحسنوا الظن في مخاوي منقاش
 
منثاش اشوف الخير معاك ما ينفعش. اتهام خطير للمشرف بالرشوة.
اشوف تعجلوا بالعفو عليك

مخاوي منقاش 08-19-2007 06:47 PM

رد : أحسنوا الظن في مخاوي منقاش
 
راع اكتشب / اشوف الطيور على اشباهها تقع انت والخبل قزوز تعجبون بكلام بعض بس اهمس في اذنك(اذا مانت ماليها كتشب)انتبه من قزوز تراه يوديك بداهية واسال منقاش عن قصتة مع قزوز يوم مسكوهم الهيئة (الله لا يفضحنا بالدنيا والاخرة) والسبب المنسم ولا منقاش تراه مايخلي من الدلاخه والدليل على ذلك اني ما القيت موقف مره عندالسوبر ماكت وقلت لمنقاش انزل وجب حليب خالى من الدسم واعطيته الفلوس (عمره مارد الباقي) وراح وسأل الهندي قال عندك حليب سالم من الدسم طبعا الهندي مافهم وقاله لا يحسبه نوع جديد وجاني قال مافيه 0
ابن سلمان /ذنب الكلب دايم عوج لا تحاول معاه وبعدين الي ما يعرف التمر ارسله حجف ويقول هذا ايه من ايات التمر العظمى 0
طرطشلي / انتم يالحضر ماتخلون اللعانة ولوي الكلام ولا وش معنى كلامك (الزيت اللي على ملابسه من زيت خويه) وضح كلامك ترى المنتدى فيه ناس انجاس يؤلون الكلام وسلملي على شيري0
يامنقاش اترك الحركات العرباويه قدام الشعب تقول لا ورى الكواليس تترجى تبا لك0
سنا الهجر / ماله رفيق احذرك 0خذ الحكمة من فم ابن سلمان

أبو علي 08-19-2007 09:04 PM

رد : أحسنوا الظن في مخاوي منقاش
 
مخاوي منقاش : راعي كرم وعلوم رجال يشهــــــــــــــــــــــــــــد بذلك اعداءك ( منقاش) وامثاله انك كريم ، والكريم يشهد له حتى اعداءه والمؤسف انك في هذا الزمان تكرم وتعرف بعدها الرجال اذا اثمر فيه الكرم به انعم واكرم واذا تمنقش مثل الخبل منقاش اللي ما يعرف انك اكرمته ياكل في التمر ويسب وكنه ما يعرف علوم الرجال لكن يقول الشاعر : اذا اكرمت الكريم ملكته ،،،،،واذا اكرمت اللئيم تمردا .

يا مخاوي منقاش حول التمر للي يحبك مثل ابو عادل وابو امجد تراهم رجال ومن شيوخ ثماله وما عليك زود ، اترك من اللي ما يعرف قدر الرجال .
منقاش مات اعلنوها شفته بعيني ، اما المتحدث هذا حرامي سارق الباص وورد حق المرحوم منقاش وتخبرون انه سرق الرقم السري حق مخاوي صح يا مخاوي ؟....

@ بن سلمان @ 08-19-2007 10:30 PM

رد : أحسنوا الظن في مخاوي منقاش
 
لا حول ولا قوة الا بالله
بن عزاب انا ما ظنيت ان ال2 يسوون كذه
الحمدلله كنت افكر والان هونت
اجل الى الان تقول ان الرجال مات
يا مثبت العقل

محب الجميع 08-20-2007 12:39 AM

رد : أحسنوا الظن في مخاوي منقاش
 
يا سبحان الله صحيح يوم قالو القرايب عقارب والدليل منقاش ومخاويه شيطانهم قايم بينهم
بس اكيد كانت الاخوة ماهي على نقا زي ما يقولوا البدو

مخاوي منقاش 08-20-2007 02:19 AM

رد : أحسنوا الظن في مخاوي منقاش
 
يابن عزاب اولا انت رجال علومك غانمة بس اسمع كلام ابن سلمان الركاده زينه ولا قالو الناس راسك ماهو عليك المسه انت عزيز وانا كذبت خبر موتته من اول ترى منقاش كلمني وهو مبسوط من دعاية الموت
ثانيا:-ماعليك زود وساقيتنا مانقدر نعدلها والي ذكرتهم يستاهلون عيوني 0
محب الجميع /ماكل القرايب عقارب بعضهم اسود على بعض وفيه فرق بين الخوي والقريب (ام بلابه الشيطان)

الحجاج بن يوسف الثقفي 08-20-2007 06:03 AM

رد : أحسنوا الظن في مخاوي منقاش
 
مخاوي سلامات ترى والله ارسلك الشراب اخليه يغمك بريحته
والا منقاش ماعليه مدمن


الساعة الآن 07:09 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by