محاورة العرابي مع العصيمي مباشره!!!!
محاوره مباشره جرت بين {بعيدالنظر} والشاعر العلم الداهيه: د. حمد العصيمي . بتاريخ 14/2/1428 هـ اي يوم أمس الأحد ونزولاً عند رغبة البعض هنا أحببت جمعها ومشاركتكم بها أتمنى أن ترقى ولو إلى القليل من تطلعكم وذوائقكم . . . . عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام من هاجسٍ مايختلف نهجه عن الناس=الا أنه اليا بدا يبدي على النهج الحضاري ماكل من كبر حظه يفرق الفضه من الماس=ياتاجر السوق ياكم فيه من بايع وشاري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مرحبا يا العرابي من صميم القلب والراس=قلطت ارحب لو المشراف به شعار غاري غاب العرابي ثلاث شهور من طنجه لمكناس=واليوم ينشد عن المكبوس والرز البخاري[/POEM] عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يبقيك لو ما آنته حريص وصادق إحساس=ماكان يمديك متبرمج على عشرين طاري غاب العرابي وعاد وحصّل المسجد به أجراس=والله يعلم من أخلف نهج مسلم والبخاري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا ادري انك معك سكر وتاكل زين لا باس=لكن مرات نبلش فيك في وقت الطواري ما فيه في مسجد العباس يا كود ابن عباس=والمسلمين الف واحد بين كتاب ٍ وقاري[/POEM] عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياكبر قلبك وياحسده لو الارياق يباس=تحلف على الما لو الظامي عن اللي فيك داري اللي تعجّل بناها من جهل وآمست بلا ساس=جهله مسريه واصبح ما تذريه المذاري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انته كما الكهربه وليا لمستك لمسة الماس=يفور دمك وانا صاحبك ها الحينه وضاري ترى البنوك اربعه والباقيه من حول الافلاس=ما باقي الا عليها يصدر الامر الوزاري[/POEM] عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]آخر زمانك تغش أهل الذهب وتبيّع نحاس=ضرّوك بالغش تال الوقت وآنته ما آنت ضاري بعض الأوامر عرفناها حبر من فوق قرطاس=الذيب لو تنشده يعرف معاليق السواري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اخر زمانك تحسب الراك يقطع مثل الامواس=وانته عرابي شريف وفيك طبع من المطاري ما شفت فا الوقت مثل الفاس واللي يطبخ الفاس=ان كنت تدري عن المعلاق والا منت داري[/POEM] عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الأوله منك فيك كليب سبة موت جساس=ياهل عيونٍ تحب الكحل وتهل العباري مات العتيبي وعاش ولايزال العرق دساس=يذكر وينسى ويتحلّم على شري وخاري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الاوله جتك مني لين سدت فيك الانفاس=والثانيه دونها ادرى يا ابيض الشارب واداري احسن من اللي لو يدور لها مخرج ومدساس=ما هو بلاقي بعد راحت يدورها عواري[/POEM] عبيدالله العرابي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماعاد يمديك راحت ماتجي من بعد الأرماس=ألا أنك تحب تصبح يا اصبح الوجه إنتحاري ماينكشف راسها ورجولها في ضافي لباس=ياما أقرب اللحم يابو شحم من حد الشباري[/POEM] د. حمد العصيمي [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حنا نعبي لك الاكياس وانت تشيل الاكياس=وليا اظلم الليل جيت تقول وين عظيم ساري اثرَْك يا بوسعيد ليا احتمت زبدتك هلاس=وتسوي السيف الاملح لو من غصون الشجاري[/POEM] |
رد : محاورة العرابي مع العصيمي مباشره!!!!
قواك الله بعيد النظرومحاورة قوية مع شاعر معروف
|
رد : محاورة العرابي مع العصيمي مباشره!!!!
اقتباس:
|
رد : محاورة العرابي مع العصيمي مباشره!!!!
ما شاء الله , شعراء مفوهين وخصمة قوية من الشاعرين . لنا - نحن المبتدئين - درروس كثيرة في هذه المحاورة . بارك الله فيك يا عبيدالله وبارك في صاحبك .
|
رد : محاورة العرابي مع العصيمي مباشره!!!!
مشكور أخي الكريم ـ بعيد النظر ـ
على هذه المشاركة ..ونقل هذه المحاورة عساك على القوة |
رد : محاورة العرابي مع العصيمي مباشره!!!!
بيض الله وجهيكم مافيكم حيله الله يعطيكم العافية |
رد : محاورة العرابي مع العصيمي مباشره!!!!
محاورة على مستوى طرفيها وتستحق النقل
بيض الله وجيهكم الاثنين . |
رد : محاورة العرابي مع العصيمي مباشره!!!!
مشكور على نقلها ، بيض الله وجيهكم
|
رد : محاورة العرابي مع العصيمي مباشره!!!!
اخي بعيد النظر لا املك إلا ان ابدي اعجابي الشديد بشاعريتك ولا تستغرب مثل هذه المحاوره بين اثنين في مستواكم انت والدكتور حمد العصيمي . اشكرك على نقل هذه المحاوره والله يعطيك العافيه
|
رد : محاورة العرابي مع العصيمي مباشره!!!!
بيض الله وجهك يا بعيد النظر
وبيض الله وجه الدكتور حمد ونتمنى نقرأ له قريبا بيننا |
رد : محاورة العرابي مع العصيمي مباشره!!!!
بعيد النظر صح لسانك وسلمت يداك على ماقلت ومانقلت.والشــــــكر موصــول للشاعر الدكتور حمد العصيمي
|
الساعة الآن 09:02 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by