|
تهانيكم للمشرف الجديد
البارحه , ليلة الخميس كنت في مناسبه جمعتني الصدفه فيها بناس ما أبغي أشوفهم ,, لكن ويش السواه أذا طاح الوجه في الوجه وطاح قياح في اللي على بالكم ؟؟ , والمناسبه كانت قرى ابن عزاب (صاحب موضوع القوارير ليش تخربشونها ؟؟), ( وبالمناسبه اللي يبغي منكم السعه , ويبغي السلامه وراحة البال ورضى مرته عنه يمسح ببن عزاب البلاط ولا يطرويه والا يمدحه في مجلس من المجالس حتى لا يعر بكم وينطرد الواحد فيكم من الحرمه مع الباب ويلحقه على مقفاه قبقاب وكم فرده من الشباشب)...
مالكم في طوالها ,,,, تلاقى في المناسبه محدثكم الشيخ منقاش مع ابو عبدالرحمن وابو عادل وخلف عبدالعزيز وابن داخل وابو أمجد وابو تركي وحسن عابد وبنك المعلومات والمبرد ومطربن حميد وعوض النتيف ودخيل بن رابع والشيخ الأقشر والزول (الطباخ) والبنقالي (القهوجي) وساري الليل والمروح رويعي الغنم والمشتاق واعضا كثيرين غيرهم ما أعرف أساميهم لكن من سحنهم ولحن هروجهم عرفت أنهم مسلمين .. المهم , كنت قاعد في زوه محتبي بعمامتي ومتلثم بصمادتي واتسمع على ثرامد الجماعه اللي ذكرتهم لكم وخاصرهم من عيفتهم وعيفة علومهم , واثر القشران يتشاورون في منقاش ويتطالبون من شانه.. كنت ألتفت عليهم واقول : تبون تسكتون هالحين وتفكوني من دوختكم والا توجبوني ألقط الليله هالشون واحطها على دومة اللي ما ما يسكت ... كانو يرشون شويه ولا تشوف الا عيونهم تلاقط فيه ,, ويطالعون مره في بعضهم ومره في الشون اللي كانت في يدي وأخبط بها في الفراش حتى يظلي الغبار له عجاجه (أبغي أفجعهم واقطع نياط قلوبهم) .. كان ينط عليه الملقوف أبو أمجد ويجي جنبي ويقول : يا شيخ منقاش , رفاقتك قاصدينك وناخينك توافق تستلم الشرافه العامه على كنفيوتر ثماله بدال أبو عبد الرحمن , وصاحبك ساري الليل يسير مساعد لك بدال أبو نايف .. رديت عليه وقلت : وانت ويش منقزك يبو أمجد من بينهم وعاير عليه كما يوم تعير حبة القليه من المقلاه في سط النار ,,, رد عليه وقال : يا شيخ منقاش , سم بالرحمن وتعذبل من الشيطان , واقطع طاري المقلاه والقليه والعياره في النار , نعوذ بالله من النار,,, يا منقاش ربعك يبون يتشرفون بك ويحطونك شيخ كنفيوترهم ,,, أنت موافق والا لا ؟؟.. رديت عليه وقلت : موافق ولا آني موافق ,, يعني موافق أن كان تعطوني معاش تفرقونه على الجماعه كل شهر , وقبلها ناخذ موافقة باقي أعضا المنتدى ,, وبدون هالشرطين لا.. خفى عني شويه وشفته معهم وهم يتخافتون بينهم , ثم ما طول وعود عليه وقال : مدها يا منقاش ,, ترى جماعتك الحاضرين يقولون تم ويبون يعطونك على تعبك في الشرافه عشره آلاف,, ريال ينطح ريال ,, ويصبح أسمك الشريف الشيخ منقاش ... والزبده , أنتم يا رفاقتي اللي ما حضرتم وجماعتكم ما عبروكم ويش رايكم في اللي سواه رفاقتكم ؟؟, أنتم موافقين على رايهم الغانم والا معفكين وناوين تركبون روسكم وتتركون مصلحتكم ؟؟. |
رد : تهانيكم للمشرف الجديد
لا حول ولا قوة إلا بالله
هذه النهاية منك يا منقاش ياللي تنحاش!!والله عشنا وشفنا.. قال أيش ؟ قال مشرف على كنفيوتر ثماله !!! أولاً : تراك مطلوب في المحكمة ...مطالبك كثر!!!والحقوق عليك كثيرة! سب وشتم...وتعيير الناس... ثانيًا : الجماعة سيتم اتخاذ قرار من قبلهم بطردك من ربوع ثمالة وحتى كنفيوتر ثماله ممكن يقررون طردك منه!!! |
رد : تهانيكم للمشرف الجديد
يحق لك يبو عبدالرحمن تعارض رغبة ربعك وتحرمهم من منقاش
يحق لك بعد بعت أنت وابو عادل وخويكم راعي النحل شريط فخر ثماله وتحسبون ما عندكم أحد.. وينكم يا عزوتي ؟؟ , وينكم يا شراب مقطوع وابو نشقه والعمده ؟؟, وينك يا قضام العظام ووينك يالاقشر ووينك يالمعتم بالشر ,, وينكم عن كنفيوتركم اللي خطفته عليكم العصابه وانتم رقود ؟؟. |
رد : تهانيكم للمشرف الجديد
يا لطيف ألطف . يا أرض انهدي وابلعي منقاش
يا منقاش واش تضمن لنا ان حطيناك على كنيفرود ثمالة. تعمل فينا مثل سواة ضيوفك يوم أكلتهم الحمير.ويوم ذبحت الثور وووو.وتحسب ان كنفورد ثمالة سرديحي ومرديحي. لكن أنا معاك في ان تترشح .من أجل حاجة في نفسي.سأقولها لك بشكل سري. |
رد : تهانيكم للمشرف الجديد
الشريف منقاش الثمالي
السلام عليكم ورحمة الله وبركاته اما بعد ياسعادة الشريف : حفضك الله ورعاك لاتستغرب معارضة ابو عبدالرحمن لك لانه يفكر ان الدعوه على كيفه مايدرى ان العالم كله يمشي بالديموقراطيه وبرنامج الانتخابات العلنيه والنزاهه المطلقه في هذا الجانب ولله الحمد موجوده بشكل كبير في وطننا العربي يعني بطريقتهم رايح تفوز يامنقاش برياسة المنتدى بنسبة 99,99% وانا قائد حملة الانتخابات والراعي الرسمي شركة بن داخل للمناحل والعسل الصافي يعنى حط في بطنك بطيخه واربع حبات شمام بعد واعلن موعد الانتخابات كفايه ابو عبد الرحمن متريس المنتدى مده من الزمن وذراعه الايمن بن سلمان يحدر ويسند بك يامنقاش ولاانت مكيفه |
رد : تهانيكم للمشرف الجديد
كفو والله بالشيخ منقاش
وانا موافق بس ان كان تخليني مشرف معك ابشر اصير ذراعك اليمين لكن تطيرني من منصبي وانا عليه اقساط باقي ما سددتها والتزامات نافعتني فيها هذي الوظيفة لا والله معصي أي ( كلا) راح اجيب المكنسة وانت عارف الباقي |
رد : تهانيكم للمشرف الجديد
تستاهل والله كل خير يامنقاش
ترى حنا معك وان ماجات بالطيب تجي بالعلم العطيب مافيه أحسن منك لهذا المنصب بصراحة الرجل المناسب في المكان الناسب ولا هو نقص في حق ابو عبدالرحمن ولكن لكل زمان دولة ورجال آن الآوان لك يابو عبدالرحمن انت ومعاونيك أن ترحلوا عن القيادة بس تكفى يامنقاش اذا صرت مديركبير نبغى فزعتك نبغاك توظف وراعيننا ااي هايمين بهالشوارع ونبغى مدرسة ومستاصف ونباك تجيب لنا التالافون والكرهب وتوفر لنا جميع الخدمات وان كان لقيت حواليك مناصب ووظائف شاغرة منللي طلعوا منها ابو عبدالرحمن وربعه لاتنسانا وابو تركي هذا اللي يتشرط عليك أترك منه وشيله من منصبة تراه امتحنا وبهذلنا |
رد : تهانيكم للمشرف الجديد
نحن الشيخ الشريف منقاش حفظه الله
المبرد , أبو أمجد , أبو تركي , ابن وافي : السلام عليكم ورحمة الله وبركاته الاوله أشكر اللي أنتخبوني شيخ للكنفيوتر حق ثماله ,, والثانيه الله لا يشتكر للي ما أنتخبوني وانا رايح أسير مشرف عام غصبا عنكم , وبعد : أنتم تعرفون ومثلكم سيد العارفين أنكم ما حطيتوني بدال أبو عبدالرحمن وانتم بدون عقولكم ,,, لالا , سلامتكم ,, أنتم ما انتم مجانين ولا أنتم حشاشين ,, أنتم يم حطيتوني بعقولكم وعقول نسوانكم , وتبوني أصلح لكم الكنفيوتر حتى يضحك على كنفيوترات كل القبايل الثانيه , وحطيتوني أنتم ما هو أنا اللي حطيت نفسي ,, ولا تحسبون حطتكم لي زي حطيطكم للبرشومي ,, لا ,, أنتم حطيتوني وانتم توقشون كما يوم تحطون خصل العنب والا تحطون الكرنب . وبعد حطتكم لي أبغي أحط منكم كم واحد أخليهم محطوطين والا منحطين يعاونوني ,,, ورايح اتقلع ناس من الشرافه واغرس بدالهم ناس ثانين .. أبو تركي ألله لا يهينه ينقل من العام وينحط مستشار للمستشار العاشر عشر لمستشاري المشرف على المنتدى العام ,, وابو عبد الرحمن يترقى ثلاث تكات وينحط معاون لمستشار المعاون الخامس عشر لنايبي حق الشبكات العنكبوتيه ,, وابو نايف يحال للتقاعد ويعين مساعد لنا في بغداد حتى يتبغدد علينا من هناك ويتعرف على مثلث الموت ويساعده في هالمهمه ولد أم محمد . وابو أمجد يترقى وينحط قهوجي في مكتبي واذا غاب ينوب عنه عريسنا ابن عزاب , وابو هاشم يتعين مغسل فناجيل .. وابو عادل يتعين خوي يوسع خواطرنا نحن الشيخ منقاش بكم بيت شعر والا يهك علينا ببعض سوالفه ,, وخلف عبدالعزيز ينحط بواب , والرمه رويعي الغنم فراش يعني كناس , وابن داخل سواق طلبات للمساعدين ولا فيه مانع أنه ينوب عن أبو عادل أذا غاب ,, وما عندكم أحد سباك , وابن وافي نماك . وتعين زهور أن كان ما قفصها عزرائيل وريح البلاد والعباد منها مشرفه على منتديات الشعراء والأدباء الثملان( حتى لا يقولون الصهاينه أن المره مهضومه عندنا) , ويعين أبن سلمان مساعد للمساعد الخامس والخمسين لها ,, أما الشعراء الأعضا اللي ماهم ثملان فهم مشرفين على أنفسهم ولا لأحد شرافه عليهم مكرمين معززين .. ويعين المشتاق مسعول 24 ساعه عن حماري يضرمه ويروشه وياخذ بخاطره .. ويعين بنك المعلومات مشرف عام على المشتاق ,, ويعين العمده على وظيفة حلب الحمار ويعين ابن عواض مساعد له .. أما النتيف .... ,, وحسن عابد يعين على تقديم الدعوات لأجتماعاتنا لأنه أثبت في الدعوه الأخيره أنه خير من يفركش الدعوات .. وراعي السواني يتعين سجان ,, والشيخ ألأقشر مساعد لنا ينوب عنا في حالة نومنا أوالنهار اللي نكون متعكنين فيه والا ما لنا جدى نشتغل ,, أما أبو الخير فيطرد شر طرده وان عاد شفته يعرج على المنتدى لكسر كراعه واخليه ما عاد يشوف خير ... |
رد : تهانيكم للمشرف الجديد
المعذره يا رفاقتي وانا جاي أمشي سقط مني بعض القرارات وهاكم أياها :
وبعد , نحن الشيخ منقاش الشريف : ما نسيناك يا مبرد نسيك الموت ,, وقررنا تعينك سواق خاص لزهور الريف وقت دوامها في المنتدى حتى تدق على راسك , وان كان ما ودك بهالوظيفه روح مع أبو نايف لمثلث الموت تشتغل معه مساعد لولد أم محمد .. كما قررنا أسترجاع صندوق القبيله اللي لطشه أبو عادل ,,, وقررنا تجريد أبو عبد الرحمن من كل ما له علاقه بالمنتدى حتى ما نخلي عليه الا سرواله , ونستعيد منه بيت الصقور اللي في ألأعرج لأنه (البيت) تابع للمنتدى ونبغيه في المستقبل مكان تعقد فيه جلسات وكشتات ألأعضاء ويكون منتجع خاص تحت تصرف شريف الشبكه الشيخ منقاش ... |
رد : تهانيكم للمشرف الجديد
أنا مالي كلمة وأنا مرؤوس من أبي عبدالرحمن
لو الأمر بيدي اوقفتك عن الهذاري هذه ليومين متتاليين وإن زدت زدنا واللوم على من فز من مقعده ورشحك وأنت لو تعلم وش يهدفون له هم يعرفون بزكايب الذهب اللي عندك ويعرفون أن عندك بنات طالعات لخوالهن الشقر وكل واحد منهم يتميلح بيحط نفسه رجال ويبي يقلد بن عزاب , يحسبونها مرجله وما يدرون أنها نزوت شيطان . تهادى ولا تتمادى |
رد : تهانيكم للمشرف الجديد
لا هنا ولا بقا يا منقاش
حشمتك من حشمة الرجاجيل اللي ليلة زواج بن عزاب قاعدين معك وانا رجال تراني ما اندس عن الرجاجيل , ان كانك شجيع فانا شجيع وعدني من اليوم خصمك ومنافسك على الاشراف على المنتدى دامها الدعوة رشح نفسك انا ارشح نفسي وعندي برنامج انتخابي يسدح بعشرة من مثلك تفع ريال ادفع مقابله عشره واعلن من الان استعدادي لاي من اعضاء المنتدى اللي يبي يتزوج يبشر بمخيام مدالنظر في عرض نصف طوله مفروش بزوالي وكهرب وماطور وشعار وصف على راسه حسن بن عابد واللي يبي سيارة يبشر يروح لصالة الثمالي ويتنقى الفورد اللي يبي وحسابه واصل وعلاج واشتراكات ديسل انتخبوا ما عندكم أحد ليصبح عندكم أحد |
رد : تهانيكم للمشرف الجديد
منقاش وما عندكم أحد
ذكرتوني بسالفة الرجال اللي جالس على طعامة وحوله ثنين من الرجال قام واحد منهم يغسل يده , وقال الثاني إن فلان يغسل يده بياكل معنا , رد عليهم وقال لا أنت ولا هو . هاه ثنينكم تفلحوا الله ودوروا لكم مكان غيره |
رد : تهانيكم للمشرف الجديد
أماااااااااااااااااااااااااااااااااااا بعد:
غبت عن المنتدى أسبوع واحد واستفردت وفردت عضلاتك وقمت تصدر قرارات يامنقاش الغشاش . أبشر بمن يخلي علومك طشاش. لعلمك المنتدى اشتريته من المالك الأصلي أبوعبدالرحمن وأنا اللي أقرر وقد قررت مايلي: ــ يجرد منقاش من كل شيء ونبقي له على حماره فقط . ــ يطرد منقاش مع حماره ولايطلق صراحه الا على بعد (100) كم من المنتدى. ــ تفرض عليه الاقامة الجبرية بمنطقة صحراوية تحت خيمة باكستانية ويجلس بين الشمس والفية. ــ يبقى الأعضاء والمشرفون كماهم ويبقى أبوعبدالرحمن بكامل صلاحياته مديرا للمنتدى وسحبت منه صلاحية استضافة منقاش أوتجديد العضوية له. ــ يكلف منقاش بالقوة الجبرية بإحضار شركة نظافة على حسابه الخاص تقوم بتنظيف آثار الحمار . ــ يعهد لأبي عبدالرحمن بتنظيف كل مقالات وكتابات وخواطر( وركب) منقاش الغشاش البكاش. ــ يعامل اسم(منقاش) فيمابعد على أنه (Virus) ويتم التعاقد مع شركة برمجة لعمل برنامج لمكافحة فيروس منقاش بحيث تتصيد هذا الاسم ولاتبقي له أثرا بالمنتدى. والله الهادي الى سواء السبيل. |
رد : تهانيكم للمشرف الجديد
اقتباس:
ايش مسعول حماري أيش دخل أنا ياخذ بخاطر حمار مال انته اصلا على قولة بدو أنته والحمار بكرامة راسين في بشت كيف أنا دخل راس في بشت مال أنته |
رد : تهانيكم للمشرف الجديد
اقتباس:
أنا لو بلى الله ودي أكون ساقي حتى إذا حلب العمده الحمار أجي وأسقيك حليبه اللي على العادة تشربه على الريق . حسبي الله على بليسك خليتنا نغلط على العمده . اللي أستغربه حلم الاداره عليك وسبحان مصبرهم لكن الامل في الله ثم مكنسةأبو تركي |
رد : تهانيكم للمشرف الجديد
هنا الشيخ منقاش الشريف
السلام عليكم ورحمة الله وبركاته , ومبروك عليكم مشرفكم الجديد منقاش , وبعد : ابن سلمان , ما عندكم أحد , ابو عادل , الشيخ مشتاق , بنك المعلومات : مشكورين اللي عبرتم عن رايكم , وهذي التيمكراطيه , يعني ما فيه عندنا حجر فكري ولا تكميم للافواه ,,, لكن أن كنت منقاش لصرها لكم واوريكم النجوم قايله على أقوالكم , لكن قدام وبعد شويه , بس خلوني أتمكن ... وبعدين خذوا في بالكم أنكم انتم خمسه من عشرين الف ثمالي وثماليه لهم حق التصويت ..يعني أن قلتم تم ما زدتم في النسبه وان عارضتم ترون معارضتكم مثل طقعة النمله اللي ما أحد دري عنها ,,, واما الأخوان الصامتين مثل ابن داخل وابن عزاب وابو هاشم والمستعين بالله والكافت فصمتهم كافيهم لأن السكوت علامة الرضى .. والخلاصه , كل كلامكم لا يقدم ولا يأخر , أنما المهم العمده الجبان ما عاد له ذمر , أذا كان طيب الباقي بسيط ولو غاب عن عمله بنك المعلومات موجود وما هو مقصر .. |
رد : تهانيكم للمشرف الجديد
أبو عادل
تم تنفيذ بعض القرارت التي أشرتم بها... وباقي القرارت في طور التنفيذ... |
رد : تهانيكم للمشرف الجديد
ماتخسي يامنقاش ياخراط اصلا من يوم ادعيت انك طرحت الاباتشي بالبرنو دريت انك اكبر نماك
استدراجي لك كان لاهداف امنيه بحته لكي اجليك واعريك امام الجمهور واكشف نواياك السيئه وتوجهاتك الانبرياليه واطماعك الصهيونيه انت واتباعك ومعاونيك ومن ساندك وشايعك في توجهاتك المقيته يابو عبد الرحمن لي طلب عندكم خلوا راعي المكنسه يحتاش بها منقاش بس تكفون خلوا حماره في المنتدى يبقى جسدا له نهاق عسى الله ان ينفع به ويكون خير خلف لهذا السلف |
رد : تهانيكم للمشرف الجديد
اقتباس:
لا وتزيد عليهم المستعين بالله والكافت صدق فيك ابو امجد |
رد : تهانيكم للمشرف الجديد
الله الله الله كل العالم ضدك يامنقاش اقول ماباقي معك الا تستخدم الفيتو ضدهم
انت عندك توقيع فخم يشهد بانك شيخ الشيوخ ويدلك على التصدي للعدوان على شخصية عالمية مثلك اللهم انصر منقاش اللهم ولي عليهم خيارهم واكيد منقاش منقاش منقاش منقاش اذا طلع على المعاش يحتاش الاوباش ويوديهم الكراش بدون فراش |
| الساعة الآن 08:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by