لبشة كمايرى نفسه
 

[POEM="font="Simplified Arabic,5,firebrick,bold,normal" bkcolor="transparent" bkimage="images/backgrounds/15.gif" border="none,4,gray" type=2 line=0 align=center use=ex num="0,black""]أنا صنعت الشعر قبل الذي قبلي=أغراضه افرّها في ساع واحصيها
أعفس بيوته واركّبها على ذوقي=وان عصلجت قافية بالغصب نثنيها
سوا كذا أوكذا لازم أركّبها=وافرح من اعماق قلبي يوم اسوّيها
قالوا لي الوزن قلت الوزن مالي به=الوزن للّي يعقّدها ويلويها
الوزن خلّوه للسّكر وللشاهي=ماهوكلام الرجال اللي محلّيها
أنقي الدّمح وارسلها لقرّائي=وامّ القرون الخطيرة ماندانيها
كذا شروط السلامة والحذر عندي=بيت القصيدة سلامة حال قاريها
اللي تصيب الهدف واللي حماطيّة= وان كان دردبتها عارف مراميها
واللي مؤمّن على ذوقه وتفكيره=وش ضرّته لوتبهذل مع معانيها
شعري كذا مختلف واخلف مجالاته=في وصف جندب رمادة يمترغ فيها
والاّحنان الجمال الهايجة والاّ=عذوبة مياه جبرة يوم نشريها
والاّجمال الغراب وزين نبراته=اللي تهز المشاعر لويغنيها
الله يبارك لكم في كثرة انتاجي=العشر الأوراق يوميّاً أملّيها
والنقد مرفوض في عرفي وقانوني=والاعتراضات لاأقبلها ولا ابيها
مافيه شاعر كفو يقدر يقابلني=كل الشعاعير اجنّبها وانحّيها
أحتحت ابيات من راسي لرجليني=خمسين سارح بها وميه مضويها
وش رايكم عاد في لبشة وهيضاته=اللي تدغدغ مشاعركم وترضيها[/POEM]

رد : لبشة كمايرى نفسه
 

صح لسانك ياللبشة
عز الله ما خليت للمشتاق مع الدمح شيء
من اول كنت انا ملقبة شاعر الدمحاء
واليوم يشرفني البسك اياه
تعيش وتدمحنا

رد : لبشة كمايرى نفسه
 

ياسلام كفو كفو يالبشه

شاعر جزلـ بحسب الانتاج الله يقويك ويديمك

رد : لبشة كمايرى نفسه
 

بيض الله وجهك يالبشه

حتحتها كلها لين مابقى بها حته مع اختها

لكن هذا نهج وحي الرجال اللي نعرف نهجه


تحياتي


النادر

رد : لبشة كمايرى نفسه
 

يثنيها ويلويها ويمترغ فيها عزالله انك قلت اللي ودي اقوله
صح لسانك ابو اللبايش

رد : لبشة كمايرى نفسه
 

ايوه هذا الكلام اللى نبيه

بلا معاني بلا مباني بلاخرابيط

اصلا وش جابوا اللي قلبنا من معانيها
خلونا مع الحماطيات يازين اللى يسويها

وهذا البيت لامس بنيات قلبي ياخي ياحبي للتحدي واللي يحدون الشعرا مثلك يالبشوا

رد : لبشة كمايرى نفسه
 

لبشة
من حقك تشوف نفسك باللون اللي تبي
ومن حقك اختيار النهج اللي تجده يناسب شخصك
لكن اترك لنا حرية ما نحب
لا تمارس علينا عبث ( ابي العب والا اغلس )
تحياتي لحضورك

رد : لبشة كمايرى نفسه
 

لبشه
اثرك نقاد الله يخارجنا ولا يبتلينا

رد : لبشة كمايرى نفسه
 

رد : لبشة كمايرى نفسه
 

بن سلمان
مشتاق شاعر له أسلوبه
أنا ماني زعلان من اللقب بل يشرفني أن أحمل (لواء الدمح) بس امنحوني لقب شاعر وبعد
كلمة شاعر حطوا أي لقب يعجبكم.

رد : لبشة كمايرى نفسه
 

بدر العجمي
شوف أنا مبسوط من كلمة شاعر اللي قلتها تبقى شغلة جزل وغير جزل
هذي ماتفرق عندي
شكراً على المرور.

رد : لبشة كمايرى نفسه
 

النادر
مشكور سيدي ومن اليوم وطالع أبشروا بالحتحتة
أما الانتقاد فلا وألف لا ااااااااااااااااااااااااااااا.

رد : لبشة كمايرى نفسه
 

لبشه حبيب البي اولا ابارك لك اسم شاعر الذي حصلت عليه من قبل الاداره لان هذا ماتستحقه فعلا وثانيا اقول لك صح لسانك
اخوك خوووووووي الموت

رد : لبشة كمايرى نفسه
 

أبو الثعالب
وش تقصد؟
اللي أقوله من شعر ماحد يقدر يقول زيه هيا أهجد.

رد : لبشة كمايرى نفسه
 

عقبالي انشاءلله باسم شاعر وياليتك دام علاقتك طيبه مع الاجداره تتوسطلي عند بن سلمان
يعطوني اسم شاعر تكفى ترى تكفى تهز الرياجيل بحق الاخوه يعني

رد : لبشة كمايرى نفسه
 

زهور الريف
أنتي الوحيدة اللي أنصفتيني بردك والوحيدة اللي فهمتيني
بالله اش يعني أقعد أوزن واضيع وقت في عصر السرعة
أول شي من اللي يقدر يوزن حروف الهجاء ؟ أتحدى أطلق شاعر يوزنها
اذا جابوا وزن لكل حرف نجيب شعر موزون وفي النهاية هوه كلام xكلام وكل واحد يعرف يهرج.

رد : لبشة كمايرى نفسه
 

ماعندكم احد
انت حر قول اللي تقول وسوي اللي تسوي والمجال مفتوح للجميع ولك عليه ماأنتقدك ولا أغلس عليك
واللي تعرف ديته أقتله ومن قال لك اني أغلس خذراحتك أناضد التدخلات مني وضدي .

رد : لبشة كمايرى نفسه
 

حسن عابد
الا كلمة نقّاد لاأسمعها منك لأني ضد النقد وبعدين شعري شي يخصني عجبك اقراه ماعجبك سيبه
اش صاير يعني؟

رد : لبشة كمايرى نفسه
 

محب الجميع
اتفق معك فيك كل اللي تقوله العبرة بالمعنى والوزن سيبك منه
أكتب وقلبك قدك وأنا أول من يشجعك .

رد : لبشة كمايرى نفسه
 

قصيده من عيون اللبشات
يحق لك ياعم عطوك اللقب وجيت تدربيها درابي
اقول ياكثر اللي متوهقين في هالقصيده مادروا إنها اعجبتني ليه؟؟
مدري.
لكن أبوقف المحاوره خلاص مابعد هالمعلقه حوار

رد : لبشة كمايرى نفسه
 

خوي الموت
طبعا أنا شاعر مافيها شك والدليل القصيدة العصماء هذي التي سوف تكون نقطة تحول في منهج الشعر كافة
وصح لساني عليها معك حق أهم شي يكون للشاعر منهج معين ويكون مقتنع به.
وبالنسبة للإدارة أناشدهم من هذا المتصفح بمنح لقب شاعر لأي عضو يطلب ذلك بشرط أن يبقى لقب
(شاعر الدمح) لي لوحدي والبقية يأخذون من الألقاب ماطاب لهم.
اشكرك بقوة على مدحك وثناءك .

رد : لبشة كمايرى نفسه
 

الحمدلله خلصت من الردود وسددت حقوق الناس .
بيض الله وجهك يالبشة.

رد : لبشة كمايرى نفسه
 

بياض الوجه لك على حرصك اعطاء صاحب الحق حقه
وسواد الوجه انك تتعدى على لقب ما هو لك حتى وان كان جاك من جهة ادارية لان السبق لي وبامكانك تدور لك غيره من الالقاب ولا تظن انك خلصت الردود توني ابدا معك ولا تستغرب اني ما بقف هنا
راح الف وادور معك وكل يوم اجيك بمعرف جديد الين استرجع اللقب اللي اخذته مني بل انتزعته مني :22:

رد : لبشة كمايرى نفسه
 

هب هب هب.واش ذا العلم واش خلت واش خلت
صح لسانك مليوووووون

رد : لبشة كمايرى نفسه
 

بالتفاهم تنحل المشاكل كلها
أنا ماعمري سمعت انك شاعر الدمح ولاني خابر أحد سبقني على هذا اللقب . هذا شي والشي الثاني انك فتحت باب ماتقدر تسكره يمكن كل شويه وطالع واحد ينسب اللقب لنفسه لكن برضه
نتفاهم :
أقترح عليك نسميك شاعر الحماطيات وانا شاعر الدمح وبكذه تنتهي المشكلة وترى ماحد معترف فينا الاثنين ان زودنا الدبكة حذفوابنا مع باب المنتدى
أعتقد كذه حل منصف فكر فيه كويس وترزق الله واحنا كذلك لايغويك ابليس ونخسر كلنا.

رد : لبشة كمايرى نفسه
 

المبرد
صححححححححححححححح بدنك
وانا مااخذت شي مجرد لقب اسعى للحصول عليه وهو حق من حقوقي
بس الناس يحسدون الأعور على كبر عينه.
دخيلكم يامسلمين خلونا نتهنى احنا مالحقنا اصبروا علينا شوي.

رد : لبشة كمايرى نفسه
 

الظاهر انك تقصد مشتاق
ان ماخاب ظني
ومن زمان قالوها عدوك صاحب صنعتك

رد : لبشة كمايرى نفسه
 

ياجماعة خير
حلها عندي
نحط لبشه شاعر الحماطيات
ومشتاق شاعر الدمح
قولو تم تكفون والنتيجه كلها متقاربة