والوضع فيما بيننا شبه فله
 

هذه القصيدة تخاطب شريحة كبيرة من أفراد المجتمع

وبالذات مجتمعنا السعودي الذي تكبد خسائر فادحة في سوق الاسهم

لن أطيل عليكم ولن أتحدث عن مضامين هذا القصيدة فهي كما قيل ( تعبر عن نفسها )

أترككم الان مع النص





[POEM="font="Simplified Arabic,5,white,bold,normal" bkcolor="transparent" bkimage="images/backgrounds/22.gif" border="groove,10,gray" type=2 line=0 align=center use=ex num="0,black""]أرفع شعار المجد في قمة طويق=للمنتدا ورجاله المسفهله
أللي لهم منزال بين المعاليق=خلف الظلوع العوج مثل الاهله
من دون موعد جمعتنا المواثيق=عيال عم- أصحاب- ربع- وأخله
كلامنا عفوي ولا فيه تدقيق=والوضع فيما بيننا شبه فله
نستانس وفوق الوناسه ترازيق=ندق باب الرزق من دون ذله
ما فيه باس نروق الوضع ترويق=يعني على ما قيل خذها تعله ‏
نبغا نشوف السوق صوره وتعليق=ما همنا لو زادوا الطين بله
اللي معه خبره وفكره وتطبيق=يقول... وأنا بوصف السوق كله
ياسوق يامحلق بمن فيك تحليق=وقف دخيلك بس طالبك لله
صاروا رجال السوق مثل المعاليق=واللي تعلق من يفك العلق له
لاصار متعلق بهامور بطريق=علقه من راسه وادينه ورجله
في سوق مايعرف رجال مطاليق=مايعرف الا لعب تاجر وشله
تلعب علينا لعبة الطاق طربيق=كم واحد سيفه علينا يسله
واحنا بحب السوق صرنا مصافيق=أكثر من العبسي وحبه لعبله
نطلع ونرجع له بطق ومطاقيق=واللي دخل طيب طلع بلف عله
يارايح للسوق مع فكة الريق=ألعبد ماله غير رزق كتب له
خذها نصيحه تنفعك حزه الضيق=نصيحة فيها شفا كل عله
لشتدت الازمه وجت نشفة الريق=بل اللسان بذكر خالقك بله
كبر وهلل لمرحن المخاليق=واستغفر الرحمن من كل زله
واطلب من الله كاشف الهم والضيق=اليا انعقد فالصدر هم يحله
وأعلم يقين الرزق لو هو تفاريق=بفضل ربي درب رزقك تدله
وابعد عن اللي يمحق المال تمحيق=درب الربا اللي (عزة اهله أذله)
كم واحد لسوق الخنا بالقدم سيق=من دون ما يدرك حرامه وحله
يغمى عليه من الشياطين ويفيق=وابليس لو ينسى دقايق يقله
ويحمله ذنب الربا فوق مايطيق=ولناس لن تبكي على ما حصل له
ولاهو بماخذ منه كاس ولا ابريق=رايح وتارك كل شي بمحله[/POEM]


طبعاً هذي القصيدة قيلت قبل فترة ولكني ما نزلتها في وقتها والسوق الحين زين لكن ما يمنع من طرحها لان أكثر الخاسرين ما بعد عوضوا خسايرهم .
تمناتي لكم بوقت ممتع مع كتابات أبو عبدالله

رد : والوضع فيما بيننا شبه فله
 

سلمت يمينك والله يعوض على الخاسر

رد : والوضع فيما بيننا شبه فله
 

الله يعوضهم

وبعطيك الف عافية على الطرح

رد : والوضع فيما بيننا شبه فله
 

سلم راسك يا حسن

والله يعوض على كل مسلم تورط بهذا السوق المقرود

رد : والوضع فيما بيننا شبه فله
 

الله يعافيك يا فتا ثمالة
والعوض عند الله

رد : والوضع فيما بيننا شبه فله
 

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وابعد عن اللي يمحق المال تمحيق =درب الربا اللي (عزة اهله أذلـه)[/POEM]

ما شاء الله عليك يا سنا الهجرة
الله يطعمنا الحلال

رد : والوضع فيما بيننا شبه فله
 

الله يجزاك خير يابو هبه

ومشكور على مرورك

رد : والوضع فيما بيننا شبه فله
 

صح لسانك أبو عبدالله..

والعوض من الله ..شوف جاك الجماعي يبغى ركاب:d

ليتك ذكرت اللقب في ثنايا الأبيات الأولى ( أقصد : ثمالة ـ ثمالي )

رد : والوضع فيما بيننا شبه فله
 

صح لسانك ياخالي

والشعر منك له مذاق اخر غير كل الشعراء

والسوق سوق فيه سايق ومسيوق

رد : والوضع فيما بيننا شبه فله
 

والله إنك شاعر بحق وحقيق.تسلم لي رأسك يا شيخ . بيض الله وجهك

رد : والوضع فيما بيننا شبه فله
 

صح بدنك يا بو عبدالرحمن

الله كريم وانا أخوك وتراني أعتبرها توصية منك

أنا راكب من زمان فالباص وكنت أبي أنزل لكن الحين بواصل الين راس اللحيان

رد : والوضع فيما بيننا شبه فله
 

ياهلا ويا مرحبا بالصقر شيهان بيض الله وجهك وانا خالك يوم ان تشيد بشعر خالك



[POEM="font="Simplified Arabic,5,white,bold,normal" bkcolor="transparent" bkimage="images/backgrounds/3.gif" border="groove,10,teal" type=0 line=0 align=center use=ex num="0,black""]اليا شهد لي صقر ماني بفرحان=الا بطير من الفرح من محلٌي
الشكر لك مليون يالصقر شيهان=ياللي على كل الصقور امتعلٌي[/POEM]

رد : والوضع فيما بيننا شبه فله
 

سلمت ووجهك أبيض أخي المبرد
ومشكور على هذا الإطراء

رد : والوضع فيما بيننا شبه فله
 

نسيت أقول لك يابو عبدالرحمن ان هذي القصيدة كتبتها قبل أن أنتسب لها المنتدى أو في بداياتي هنا ولم أعدل عليها نزلتها مثل ماهي وبكل صراحة كنت ناوي أنزلها في منتدى آخر
لكن مالله كتب ،،،،،،،،

طبعاً والهدف من إنزالها هنا كنوع من التوثيق وإكراماً لقراء هذا المنتدى ممن يحب الشعر

يمكن في يوم من الايام تكون وثيقة تاريخية لحقبة من الزمن تحكي معانات ناس ألمت بهم كربة من كرب الدنيا ،

يتذكرهم من يأتي بعدهم من الاجيال

مثل قصة الشاعر مبارك المرجان الذي نتذكره الان ببعض من أبياته

وقصتة هي :

أنه حدث في سنه من السنين جوع قاتل عصف بالناس وكانت تلك السنه مشهورة وسميت باسماء كثيره حيث سميت :
سنة الجوع
سنة السلاق
سنة سحبه
سنة جوع البطن حيث ان الرجل يأكل صاعا من العيش ولا يشبع ، وكانت تلك السنه قحط وجدب والبادية في ذلك الوقت يعتمدون على الله ثم على نتاج مواشيهم من حليب وسمن وصوف ويبيعون من صغارها ويتغلبون على مشاكلهم بذلك البيع ، فلما جاءت هذه السنه مات فيها اكثر دواب البادية ، اما الحاضره فكانوا حالهم افضل لوجود نخيلهم لكن قد مستهم ايضا هذه السنه فبعض منهم يعمل لغيره ، ومن لديه امسك على مالديه رغم انه قليل ( الحمدلله على مانحن فيه اليوم ) فقام كثير من في البادية في تلك السنه بالنزوح لخارج الجزيرة العربيه واتجهوا للعراق وسوريا والاردن وفلسطين لوجود الخيرات هنالك الوفيره وكان مبارك المرجان من اهل الاسياح اجير عند غيره وبسبب القحط لم يستطع ان يستمر بالعمل لان الذي يعمل عنده لايستطيع ان يدفع له( بمعنى يعمل ويكد دون أي مقابل) فقال مبارك قصيدتة الشهيرة والتي تتناقل الى الان وهي شبيهه ألى حد ما بمن أرهقتة الأسهم السعودية_ يقول :


[POEM="font="Simplified Arabic,5,white,bold,normal" bkcolor="transparent" bkimage="images/backgrounds/9.gif" border="groove,10,teal" type=0 line=0 align=center use=ex num="0,black""]دايـم نـكـد وكـدنـا ما كسـانـا=كدت وزا يالله مع الكره نعـتــاش
نـبـتـت لحـانا ما لحقـنا هــوانا=وعزي لمن نبـتـت لحاهم على ماش
نبي نغرٌب كان ربي رشـانـا=والا نطش بمصر من عرض من طاش[/POEM]
وهنا يتجلى اليأس وقلة الحيلة.

وكأن التاريخ يعيد نفسه مع بعض الفروقات طبعاً

رد : والوضع فيما بيننا شبه فله
 

الله الله الله
ياسنا الهجررررررررررررررررررة
والوضع فيما بيننا شبه فلّه
والله صح لسانك مليون ولا يكفون

دمت بخيروعافية

أخوك/خلف بن عبدالعزيز الثمالي

رد : والوضع فيما بيننا شبه فله
 

صح بدنك أخوي خلف


وألف ألف شكرك على تشريفك الدائم لصفحاتي المتواضعه