تعــــــــالوا
 

[poem="font="Simplified Arabic,5,darkblue,bold,normal" bkcolor="transparent" bkimage="" border="groove,8,firebrick" type=1 line=0 align=center use=ex num="0,black""]
تعالوا نفتح الماضي ونقرا موجز النشره=تقارير الحياة اللي نسجلها ونمحيها
على صفحات ماضينا يذوب الصخر من حره=وتبقى راية الذكرى ترفرف فوق أراضيها
وهذا المشهد الأول بدا من أول السهره=على لمة عيال صغار تحضرني اساميها
طفل فتح على الدنيا وشاف أشياء من صغره=يشوش كل تفكيره حياة منغمس فيها
يبي يرسم معالم درب باقي مابعد مره=يبي يمشي دروب(ن) يدري انه ما يدانيها
طفل يجمع حروف منثر بالظم والكسره=يألف له جمل... عقله عجز يدرك معانيها
سأل أمه متى أكبر؟ أبويه بس هالمره!=أبي أعرف وش الأشياء ومنهو اللي مسويها
وليه الضرب والتعذيب ليه العيشه المره=وليش الناس تهدم دارها من عقب تبنيها
طفل يكبر وهو مشدوه... وش فالناس منغره=يبي يعرف دعات الظلم ليش الناس تحميها
طفل من قبل سن الرشد حس من البشر غدره=مشاهد من حياة الناس يبداها وينهيها
طفل يقتل بدون أسباب نفوس اطفال منكسره=دول كانت من أول عامره بيدت بمن فيها
وناس احياء بلا مأوى وناس تموت منتحره=وناس أشلاء بدون إخلاء وناس العمر يطويها
وناس تعاون الظالم على المظلوم وتسره=وناس بتخطف اللقمه غصب من إيد راعيها
وناس تموت لجل تعيش تنسى ظلمت الحفره=وناس بدون ماتدري بدت تخلف هقاويها
حياة من المشاكل ما أحد يعرف لها جره=تضيع الرجل فيها ماتميز وش مواطيها
قصص تنحت صخور العمر للذكرى وللعبرة=سنين العمر مدري ليش تطوينا ونطويها
عبر والمعتبر لابد ما يلقى لها دبره=ليا منه تدبرها بحاضرها وماضيها
(سري) آسف نسيت اسال جماهيري عن السهره=وهل جازت لكم والا أجمع اوراقي واواريها
إذا السهره من أولها مشاهد كلها حسره=بلاش نكمل الباقي تعبنا من مآسيها
ولو هذا هو التاريخ ما نبغاه بالمره=ودنيا هذا أولها يبي ينعاف تاليها
هموم الماضي واحزانه أنا مالي بها قدره=كفانا احزان نجمعها ونعجز لانجاريها
نبي نحيا لحاضرنا ونعمل من أجل بكره=ونبعد عن نفوس الناس شيٍ صار مشقيها
[/poem]

رد: تعــــــــالوا
 

يعطيك العافية سناء الهجرة
طفل يحمل مثل هذه التساؤلات لا شك هو كبير من يومه وهو قادر على تحمل الأجوبة
لكن ما أخشاه هو أن تكون الأجوبة حيرى عند أبويه
وفي الأخير لا يجد جواباً كالعادة غير ( تصريفة ) .

رد: تعــــــــالوا
 

الله الله ..يا سنا الهجرة

لا فض الله فاك .. ولا حرمنا قصائدك..

عودتنا الكلمة المتميزة ... والفكرة المتأنقة ...والقصيدة الفاخرة ..

رد: تعــــــــالوا
 

ما شاء الله تبارك الله وصح لسانك ياخالي على هذه الرائعه

ياسلام على دقة الوصف والتصوير الخالي من المبالغه
واقعيه جدا واسلوب راقي وابيات مليانه بكل ما تعني الكلمه

ابداع من مبدع

رد: تعــــــــالوا
 

رد: تعــــــــالوا
 

رد: تعــــــــالوا
 

رد: تعــــــــالوا
 

رد : تعــــــــالوا
 

لله درك على هذه الشامخه ياسنا الهجره
جزاله في الالفاظ لا تخلو من قوة المعنى
ونفس عميق
احييك على هذا الابداع واقول انك شاعر من الدرجه الاولى
ولاتحرمنا من جديدك
تقبل مروري

رد: تعــــــــالوا
 

رد: رد : تعــــــــالوا
 

رد: تعــــــــالوا
 

الابداع ليس غريب عليك
ماشاء الله عليك
كل مشاركة تثبت فيها انك شاعر جميل ومميز
تقبل احترامي واعجابي

رد: تعــــــــالوا
 

رد: تعــــــــالوا
 

نبي نحيا لحاضرنـا ونعمـل مـن أجـل بكـره
ونبعد عن نفوس الناس شـيٍ صـار مشقيهـا
يبعد الله الشقا
صح لسانك ياخال
عزالله انك تنومس

رد: تعــــــــالوا
 

رد: تعــــــــالوا
 

تقول تعالوا وجينا ولقينا بياض الوجه
صح لسانك

رد: تعــــــــالوا
 

رد: تعــــــــالوا
 

كلام يجمد على الشارب
أشهد انك ابدعت وقلت اللي ماقاله غيرك
صح لسانك.

رد: تعــــــــالوا