|
حاجة غلط
صباحكم ورد وفل وياسمين ويا هريان ياعيال عمي
اليوم خلصت اختباراتي ونطلت بالكتب طول ايدي كنت يوم الجمعة معزوم على الغدا عند صاحب صاحبي بن سلمان وهو مخاوي منقاش قال تجي يا مشتاق تتغدى معي وأذوقك طباخ وفعايل المعزبه وبالمرة تشوف وش لك عندي من مفاجأة جيت بعد صلاة الجمعة ووقف سيارتي وادخل مع البوابة الا وهو طالع لي حياك الله حياك الله يا مشتاق نبي نقعد في بيت الشعر وادخل وسلام وكلام قلت لا تاخذني في دوخة علومك وش المفاجأة قال عازم فؤاد ومرته شيري جايه معه عندها مؤتمر لسيدات الاعمال في شارع عسير طبعا ما تعجبت لاني اعرف الرجال صاحب طلعات تودي ورا الشمس المهم قال الحين ام العيال تجهز في الغدا نبي ندخل المجلس جوه تسلم على ضيوفي بس انتبه لا تفشلني تقعد مبقبق عيونك في حرمة الرجال لا قعدنا على السفره عيونك في صحنك قلت يعني ماهي متغديه جوه عند عيالك قال الله من غشامتك هذا بروتوكول و غداء عمل كنت أهز راسي وأدخل أسلم وشوي وهو مقلطنا على سفرة تسر الناظرين صينية مكرونه بالمشاميل وصينية سمك محمر وصينية محاشي وسلطة جرجير وسلطة حارة وعاد الشيء الأهم جايب لنا من فواكه الرياض تعرفون الموز توه ينزل وهذا موسمه زي البرشومي في الطايف وكله بقرش بس الفرق انه ما فيه شوك تربعت وهات بالخمس والله يكثر خيره سؤالي فيه شيء غلط على السفرة ؟ من يقدر يدلنا عليه ؟ |
رد: حاجة غلط
في إعتقادي الشيء الغلط اللي تقصده إن الموز فاكهة الرياض
تكفى قول صح |
رد: حاجة غلط
ما يبي لها ذهانة
أكيد تقصد رجالين أجانب وحرمة على السفرة |
رد: حاجة غلط
يالربع مالكم ومال حرمة الرجال
الشيء الغلط ماجاب لكم مفطح لانه يعرف بقدر الرجال اللي عنده |
رد : حاجة غلط
أنا اللي في ظني والله لا ياثمني وجود سلطة جرجير وحرمة على السفرة
|
رد: حاجة غلط
اقتباس:
|
رد: حاجة غلط
اقتباس:
اقتباس:
اقتباس:
الضيف من أهل مكة وهذا قدره اقتباس:
اقتباس:
|
رد: حاجة غلط
اقول اقطع واخس يابو نسافه اكبر غلط ان بن سلمان عزمك
وان كان فيه شي غلط فهو ما خرج عن وحده من ثلاث 1)المكرونه بالبشاميل وليس المشاميل والا انا غلطان يمكن بسبب قلة الخبره 2) صواني وخبز مافيه 3) تاكل بالخمس اكيد مافيه ملاعق |
رد: حاجة غلط
اخس يابو نسافه
|
رد: حاجة غلط
اقتباس:
الثلاث كلهن غلط وبعدين العازم مخاوي منقاش وبن سلمان ما يعرف لعلوم الدنفسه |
رد: حاجة غلط
اقتباس:
يمكن الله يفتح عليك لا تنسى تجيب شهادة ساته وتعطيها المشرف يمكن يكرمونك بشماغ وتفتك من اللي على راسك |
رد: حاجة غلط
الشي الغلط يالشين انه عززمك ومااعزمني
ولا وش يبي بخشتك تترزز عنده |
رد: حاجة غلط
اقتباس:
لو عزمك لازم يعزم أخوك وخل اللي في توقيعك يستر بطنه أنت هنا في مجلس المشتاق ما أنت في مدرسة المنسم حاولوا تروا ممكن أطجها في اي لحظة وتروح عليكم |
رد: حاجة غلط
طيب ممكن تقول ما فيه غداء عمل على سفرة
يعني كيف يكون بزنس على سفرة قعادي |
رد: حاجة غلط
طيب
طيب كيف الحال ؟ |
رد: حاجة غلط
ايوه عررفت الشي الغلط
اللي يعززم بيدق على مشتااق حاارس العمااره وبالغلط دق عليك انت لانه تعررف تشاابه اسمااء باكستاانيه وانصدم وتفجأ يووم درى انه انت فماحب يصررفك ولاكن خلاك تجي بشرروط لانه يعررفك رااعي طعاااااااااات ولا تقدر تمسك نفسك خصووصاا مالك في البروتوكول والبزنس لا وشيري موجوده بعد |
رد: حاجة غلط
اقتباس:
حاول تبعد شوي يمكن تجيبها شيء على السفرة |
رد: حاجة غلط
مشتاق اه منك يامشتاق انتا نفر بواق والله ما اسامحك في قيمة الفيزا اللى خسرتها بسبب هروبك من عندي وذهابك الى الرياض تغسل الصالون لبن سلمان وانت كنت معزز مكرم سواق عند اميره من امراء نساء العالمين اسمها زهور الريف
ما ودي اناظر في حرف واحد من كلامك يابو نسافه لكن بحكم اني ست بيت وفاهمه طبخ بقول الغلط مو علشانك على شان الشباب اللي مضيعين وقتهم معاك الغلط يا اهبل يامشتاق في السفره سلطه حاره وهي مالها خانه وش تبي بها من غير رز والسبب انكم يابو رفق كلكم مشفرين على السلطه الحاره حتى مع العصيده هيا قول غلط ثم اسطرك بكعبي مثل السطرات اللي انت خابرها ايام ما كنت دريول عندي |
رد: حاجة غلط
هلا والله ببنت عمي
تصدقين توني حسيت بالدجة من صدق قاعدين ندربي روسنا ورا ابو زيوت شعر وفي الأخير سلطة حارة ألا والله بعد فداغة المخاوي وإلا سلطة حارة مع مكرونة |
رد : حاجة غلط
بما اني انسان متزن في كل تصرفاتي وماعلي ملاحظه الا شوية لحسه قابله للزياده والنقصان مع تقدم العمر ويالله حسن الخاتمه بعد الميه
الغلط ياناس معروف ما يبي له جدال الا وهو اني دخلت على هذا الموضوع من اصله عساكم والا ماني قايل اصلا حتى الدعوه عليكم حرام |
رد: حاجة غلط
اقتباس:
مركزة في شغلك طيب قولي لي لو كنت راعية مطبخ صدق كم قرن فلفل عليها ؟ |
رد: رد : حاجة غلط
اقتباس:
أشوف باقي فيك شيء ما خلصت |
رد: حاجة غلط
قفلة
أشكر كل من شارك وتداخل على الموضوع وتفاعل معي لم أعمد للهزل في الموضوع بقدر ما رغبت للوصول لفكرة ( تبون تقولون ليتك ساكت ) قلت عن سفرة المخاوي أنها سفرة تسر الناظرين إلا إن فيها شيء خطأ من عادتنا البحث في العيوب والأخطاء فقط نحتاج لمن يقول أن هناك عيباً وهذا ما قلته فذهب كل منا يبحث في العيوب وكل يرى من زاويته ويسميه لم ننظر للجانب الحسن في الصورة التي أمامنا إلى هذا الحد نجد هناك من يسيرنا ؟ تصبحون على خير |
رد: حاجة غلط
وربي انك فاااضي
بعدين انت تسال وتقول فيه شي غلط مافيه حاجه في الحيااه ينسال عنها وما احد يبيلها اجااابه يااحلالاه ياانبيله مدهش وانتفك بين عيووونك |
رد: حاجة غلط
يسعد صباحك مع كل أيامك يامشتاق اجبرتني على المشاركة تعرفيني احب الوجبات المنوعة
في اعتقادي انك اكلت بالخمس ونسيت الملاعق وش سويت جبت العيد بس اعتقد انك ما اخذت بوصايت معزبك راحت عينك من شيري وراحت خمسك مع امسك |
رد: حاجة غلط
اقتباس:
يا حلالاه يا الدريل اللي في توقيع ابو تركي اشبكة على 110 وابدا اشتغل في راسك |
رد: حاجة غلط
وين فؤاد وشيري
|
رد: حاجة غلط
الشي الغلط الوحيد ان احنا قرين كلامك اللي كله غلط
|
رد: حاجة غلط
يابن سلمان طبعك وشعارك دايم الكرم والنت رجال كريم ومن بيت كرم
بس لي طلب عندك إذا عزمت مرة ثانية تكفى لا تنساني احب مثل هالجمعات |
رد: حاجة غلط
اقتباس:
|
رد: حاجة غلط
شكرا يالمشتاق وانا لي سنة وانا مستهتر فيك واقول مايفهم وغبي طلعت افهم من كفلاك بني ثمالة وانا يوم شفتك قلت الله يهديك يبن سلمان جايب هالباكستاني تجرجره والموضوع فيه شيري لكن طلعت عند غير الضن فيك
|
رد: حاجة غلط
اقتباس:
|
رد: حاجة غلط
تدري وش الغلط .. انك تدور عن الشي الصح بس عن طريق الغلط
وبهذا وقعت في الغلط بالغلط فكان الصح اللي تبحث عنه غلط وانا بعد شكلي داخل بالغلط |
رد: حاجة غلط
أنت تقول:الموز توه ينزل وهذا موسمه زي البرشومي في الطايف وكله بقرش بس الفرق انه ما فيه شوك
تربعت وهات بالخمس والله يكثر خيره أصلا الموز ما في شوك |
| الساعة الآن 02:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by