سالفه حماطيه للرجال الراشدين فقط
 

سالفه حماطية للرجال فقط
الرجاء ايضا ان لايقرأها مرضى القلب والضغط الجوي والحالات النفسية والعصبيه ومن هم دون الخامسة عشر والسيدات .
هذي السالفه من سوالف الاولين أبغيها اول قلطه لي في المنتدى وان كان ما حطيتوني بسببها ثمالي والا متبرز فلا عدالة عندكم ولا خير في منتداكم .

القصة : هاك السنيه قبل يعرفون الناس السيارات لا في بر ولا بندر ولا بحر او جو كان عندي زامله- حمار كرمتوا – وكنت متمعني فيه وفي بردعته وتبعه وشداده ورشمته – هذا غير الجلاجل والخلاخل( الدنادش) اللي تملى الوادي موسيقى وانا عابر رايح وجاي – وهاك اليوم كنت مصبغ ثيابي ومحتزم بدسمال ومعتم بعمامه مصبوغه والغرزه من الريحان والبعيثران والدوش والشار تضرم دابه من كبرها والكده -(طيبنا زمان)- تفوح من ثيابي من مسافه ومنتعل بنعال مشغول وحاط السحكل على جنبي وفيه الغليون والتنباك – لكن مشكلتنا هاك الايام ما نلبس سراويل نحنا وباقي القبايل ونعتبر السروال للمرأه وعيب وشق جيب وفضيحة ما ترقع على الرجال يتسرول ويتشبه بالنساء .
ركبت يومها حماري بهاك العصريه وسيرت على أهل اوديه حوالينا – وعلى طريقي شفت شغل في جرينين متلاصقة – جرين فيه كدن و دياس والثاني فيه ذرى - وكانت الجرينين مليانه بالمذريه واللي يديسون- حوالي ثلاثين رجال مفتولين السواعد الواحد منهم يمشي التيس على ذراعه– وما كان مني الا ان ميلت عليهم ابغي استعرض حفلتي ومتعاطي فصاحه وقاله وطاله ومدة ذراع لكن عندي عقدة خوف من الثيران اللي فيها قرون من بعد نطحة ثور وانا صغير- وتوسطت الجرينين عكس اتجاه الريح حتى لا يجي السفو والتبن على ثيابي– رديت بصوت يسمعه اهل حي في زمانكم - سلام يا وجيه الرفاقة والعواني – اختلطت الاصوات بالترحيب – نزلت ومسكت زاملتي بخطامها ووقفت متكي عليها وعلمت لهم واستعلمت منهم والعمل ماشي لا يتوقف لان الرجل منا كان اذا تكلم يتكلم بصوت يعلى على جميع الاصوات تسمعه من بعيد – ختمتها وقلت- عن خاطركم يا ربعي انا عجلان - والحقيقة ما انا عجلان لكن بدأت ارتبك وافقد اعصابي وركبي تتناطح واتوتر من رؤية ثور خبتي من اللي يديسون عليها عليه عيون وقرون يا ساتر وعرض خشمه يجي شبر ونفيخه يحرك القصيل والتبن وثيابي من بعيد.
ها ثم احبيت استعرض امام الحاضرين بركوب الزامله بالقفزه الحره الجانبيه بعد انطلاقها في الجري – غزيت الزامله – الحمار- بالخلال حتى جرت وكررت وانا مقفي - خلفي طيب – ابغي الانظار تركز عليه وتنشد يمي - ثم سقت نفسي بقفزه على ظهر الزامله- ويا ليتني ما استعرضت – زاد العيارشويه وانحشت على راسي في الجنب الثاني وتعلقت بواحده من رجليه في تبع الحمار واستحبني وصاح الصائح وتقدمه الناس يريدون انقاذي وفك رجلي من التبع فهرب منهم مذعورا الى وسط الدياس والجرين والتبن بين الثيران _ وهم يطردون والحمار يسحب فيه وانا معلق بكراعي ومفرفر وسط التبن قدام اللي يسوى واللي ما يسوى.

هذا نصف القصه وباقيها مع الزامله والثور الخبتي والمذريه واهل الدياس نكملها في المره الجايه – لا تفوتكم ترون الموضوع يبي يكبر ويطول ويعرض وترون العلوم تبي تعود من جرف في دحديره ولا تنتهي الا على يد كبار ثقيف ....

يا راعي السواني
لحظة شوي لا تخلي الغروب وراك
اسعدني اتواجد على متصفحك

نحن بانتظارك

اخويه الفاضل بن سلمان اشكرك عل تصفحك للقصه اللي مليانه بالعبر والدروس- وياليت لي امر ونهي على وزارة المعارف كان قررت تدريسها في المناهج الدراسيه بدل موادهم اللي ما فيها الا خرطي . الغروب وعدة السواني جايتكم في دروس مقبله وانا ترا ما اسوق على الثيران من العقده اللي عندي من نطحة الثور وانا ورع . سلامي لشخصك العزيز وللوالد الكريم ولعمك ابو شرف عميد شعراء ثماله ورئيس منتداهم الادبي.
اخويه الفاضل المشرف الفني باقي السالفه يبي يجيكم - بس شدوا حيلكم على ما قالوا اخواننا في مصر - السالفه مخالفه وتبكي ويندى لها الجبين .

اشكرك اخي ابو مهند على الثناء - المفردات الغريبه ستشرح معانيها استجابة لاقتراحك وذلك في نهاية السالفه - واستخدامها مقصود وليس عفويا- اكرر شكري .

راعي السواني /
دامها فيها ثيران وبقر اقدر اجزم وين عشت
وعلى ذكر مناشفنا الدراسية يمكن يقرر لها فصل في التربية الوطنية حتى يكون الرابط كبير بموروثاتنا والتي هي جزء من الهوية

تنطح عل عفوا تصبح على خير

اللة يرجك ياراعي السواني

والله ماضحكت على شئ في المنتدي ضحكي على هال القصة

كلام قبيلي وسلوب سرد الاولين في العلوم

ياشيخ الله يسعدك قول امين

تكفي لا تجيب الا من هال القصص يابن عمي

وشكرا

كويس لقينا مسانده
من راعي السواني ورويعي الغنم ومصرقع
سلام

راعي السواني
عودة على مصطلح حماطيات !!
بودي ترجمة لغوية لها
سمعت كثير عن هالسوالف الحماطية , ويبدو انها مفردة مشتقة من الحماط , وهي الشجرة العملاقة والتي تضرب بجذورها قاع الارض , وتعانق فروعها عنان السماء , وتمتد جنباتها في كل الاتجاهت , وقد يكون لها بداية دون نهاية .

اذكر من قصيدة حماطية اللي سمعنيها راح عليه يذكرلي صاحبها
المهم اني اذكر منها بيت /

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="0,0" break="breaklines/13.gif"]
يابو شعور تجبد الما من البير = واذا فردها ما تعدى الاذاني[/poem]والسؤال هنا هل للجبد علاقة بالسواني او بالغروب
غروب الماء ماهي غروب الشمس

وطابت أيامكم

أخي العزيز بن سلمان - اشكرك على اهتمامك بما كتبت - اما اجابة الاسئله فلنبدأ من الأخير .
الجبد يطلق على رفع الماء من البئر بايدي الرجال او النساء او الصبيان فردا او جماعة قل الماء او كثر بالحبال بانواعها والدلاء وغيرها بواسطة محالة او بدونها من مكان ثابت او بالسير في المجره وغالبا لايتعدى غرضه ري انسان او حيوان ولفترة محدوده .
السواني تطلق على رفع المياة بكميات كبيره ولاوقات طويله وغالبا تتم لري المزروعات وكانت تستخدم في رفعها وسائل متعدده في آن واحد وهي الحبل الذي يسير على المحالة والمقاط الذي يسير على الدراجة وكلا الحبل والمقاط مربوطين من جهة بالغروب وهي ماعون يخرز من الجلد سعته تزيد او تقل عن نصف برميل ومن الجهة الأخرى بالقتب على ظهور الدواب التي ترفع الماء بسيرها في المجره جيئة وذهابا - الآن تستخدم المضخات في السواني .
الحماطيات مشتقة من الحماط وهو شجر التين _ويطلقونها على الكلام والسوالف التي تضعف مصداقيتها او رفعة معانيها وفائدتها قياسا على قيمة التين في اشباع الجائع مقارنة بانواع الزاد الرئيسئه التي تقدم في الوجبات الرئيسيه من مشتقات الحبوب والالبان واللحوم - بمعنى - ما من تغدى معروكة مله وسمن وعسل وملحقاتها كمن تغدى تينا .

اخي العزيز ابو هاشم - امين على الأخيرة ولا على الاولى - وان ما اخليك تفطس والا ما اكون ابن شداد .
اخي العزيز اقزوز منسم - وش تقصد - والله ان كنت ابن شداد لركبك على زامله وادخلك انت واياها ورويعي الغنم وكم واحد من اللي في المنتدى في نفق مليان سيارات مسرعه...

تحية لكم
#

# أخي الكريم : آمل منك عدم خروج مشاركتك عن الموضوع (تحرير المشرف العام)

يا متعبني ومغلبني - من قرصه الداب خاف من الحبل - ومن توقى سلم - وانا يقابلني مية رجال ولا يقابلني ثور .... وشكرا على حبك للحمير وركابها ...

حبظلم
 

# نرجو مراعاة الأدب في الردود

يا ابو تركي ترى فيه أدب في قلة ألأدب واذكرك بنزار قباني .... وترى فيه قلة أدب في عبارة نرجو مراعات الأدب .... والذي حصل من خوي انه نط من على السور ورد التحيه وتهيض بقافين ورديت عليه بأطيب منها والبادي اظلم ...
الصحيح حذف الرد الغير مناسب مع عباره لطيفه لأبن شداد وخويه _ المهم الرجاء التزام ألأدب عند حذف قلة ألأدب ... وشكرا ....
بقي ان اقول انه مهما جاء منكم يالمشرفين فانتم اليد العليا لفضلكم على اخوانكم من قومكم وانتم مثل المجتهد الذي ان اخطأ فله اجر وان اصاب فله اجران - لكن ذلك لا يمنع من احتجاج العضو من امثالي وفي النهاية لا يصح الا الصحيح _ اكرر شكري وتقديري اقولها من قلب صادق يكبر فيكم نبلكم واريحيتكم في خدمة بني عمومتكم ..

أحبتي الكرام:
نذكركم ـوأنت أهل للذكرى ـ (رحم الله امرئ قال خيرًا فغنم أو سكت عن شر فسلم )

أخي الكريم : يا متعبني : آمل مراعاة حسن استخدام الألفاظ ،وعدم خروج مشاركتك عن الموضوع.
أخي الكريم : راعي السواني : نذكرك بعبارة : (قولوا للناس حسنا)

وفقنا الله وإياكم لكل خير،،،

لا فض فوك يا ابا عبد الرحمن لقد قلت حقا حقيق بنا اتباعه - والموضوع هو خلاف اسري بين اخوه ومتوقع كل يوم - وسيظل منتدانا صافيا لا تكدره الدلاء - شكرا لك ولأبي تركي والمشرفين الآخرين وتحية لكل الأعضاء والقراء المحترمين .

يا راعي السواني في قصتك عبره لكل اوغاد القبيله .

رد : سالفه حماطيه للرجال الراشدين فقط
 

تكرما من المشرفين نقلها للأستراحه .

رد : سالفه حماطيه للرجال الراشدين فقط
 

يعطيك العافيه

رد : سالفه حماطيه للرجال الراشدين فقط
 

اشبك ياراعي والله اني اقرأ
فالقصه وجالس اتخيل شكلك
وكأنك لابس عمعمه ملفوفه على راسك
ولونها برتكاني ولابس ثوب لونه بني والناس يشوفونه
من بعيد يحسبونه ثوب ملون وهو بالاساس ابيض
بس رايح بني من زود (الغسيل)
وماسك عصا في يدك وجالس تقصد براسك كله
ولو تعدي من جنب احد مغما عليه ذاك الوقت
صحي من ريحتك اللي كلها (طيب)
(بس الله يعينه اذا فاق من الغيبوبه بيقضي عمره كله مدمن)