|
عادة زهور الريف بالورد تهديه = يوم العرب قالوا عساها عساها
السلام عليكم ورحمة الله وبركاته
انشاء الله جميع اعضاء المنتدى بصحه وعافيه هاهي زهور الريف تعود من جديد متشوقه لكل اسم ومسمى في هذا الصرح الشامخ بالرغم ان التقارير كانت تصلني على مدار الساعه عن كل ما يدور هنا ولكن ليس من عايش الحدث كمن سمعه هذه هدية العوده امل ان تنال اعجابكم وللحديث بقيه وتقبلواتحيات اختكم الصغيره زهور الريف [poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"] يالله ياللي كل مخلوق يرجيه =ياللي خلقت لكل عله دواها تكتب لنا الجنات في يوم ما فيه =حيله ولا ناس(ن) ندور رجاها واللي غوى فالدرب يالله تهديه=وترد ناس(ن) ماشيه في غواها الحلو يالاجواد محد(ن) محليه=وأهل الحلا دايم تميز حلاها عزا لله إن الزين زينه يكفيه=وإلا المهبل ما ندور رضاها ياللي تجيب العلم ياللي توديه=خل الهواويه تذوب فهواها هذي صروف الدهر والدهر ما فيه=رحمه لناس(ن)خاينه لشركاها الطيب لأهل الطيب والنفس تصخيه=البوق لأهل البوق واللي كماها ياشين بعض الناس لاجاك طاريه=وقالوا تنومس بعد حطت عصاها ياليت هو شاعر حتى نداويه=بالكية اللي تتعبه مابراها لكن خسارة لو تعنيت وادعيه =في معركة ماهو بداير رحاها والعيد قالوا بينات(ن) عصاريه=من قبل تكتب فالمحاكم قضاها محضوض يامن راح للشرق ناصية=ماضاق صدره من سكن في قراها ديره بها الإحسان والطيب تثنيه=والحقد ماله طايره في سماها ليل إلهنا ياناس محلى مساريه=تلقى به النفس الهنيه هناها لن كنت بايع طيب وان كنت شاريه=في ديرة الماليز كل(ن)شراها قضيت فيها الوقت مااحلى لياليه=ونسيت هم النفس واللي عناها ماخير منها غير بيت(ن) وبانيه=في وسط مكة ثم طيبه كماها عادة زهور الريف بالورد تهديه=يوم العرب قالوا عساها عساها عادت ترجع كل واحد لكرسيه=اللي كره فرقاي واللي بغاها[/poem] |
صح لسانك يازهور
زهور عودا حميدا والحمد لله على السلامة
وفيتي وكفيتي واثقلتي لكل واحد ميزانه علومك مافيها الا العلم الزين واللي ينوبه شي الله يعينه |
مرحباً ألف يازهور
أخوك خلف |
زهـــــــــــــــــور الريف
الحمد لله على السلامة .عودا حميدا |
عــادة زهــور الـريـف بـالـورد تـهـديـه...يـوم العـرب قالـوا عسـاهـا عسـاهـا عـادت تـرجـع كــل واحــد لكرسـيـه...الـلـي كــره فـرقـاي والـلـي بغـاهـا هلا والله بصاحبة السمو لقد استبقتي الاحداث واحرقتي المفاجأة كنت قبل لحظات اكتب موضوعا بعنوان زهور الريف تعود اليكم حتى تبقين في الذاكرة ولو بالاسم لاني رأيت بعض المشاغبات عندما تركتي الفصل قمن من فوق كراسيهن واحدثن بعض الاصوات النشاز .وياهلا ويامرحبا فيك ومن طول الغيبات جاب الغنايم |
الله حيها وحي نباها
تحية والحمد لله على السلامة وينك يا بن عزاب والمبرد من الأبيات اللي فيها [poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"] ياشـيـن بـعـض الـنـاس لاجــاك طـاريـه=وقـالـوا تنـومـس بـعـد حـطــت عـصـاهـا 10 يـالـيـت هـــو شـاعــر حــتــى نــداويــه=بـالـكـيــة الـــلـــي تـتـعــبــه مــابــراهــا 11 لـكــن خـســارة لـــو تعـنـيـت وادعــيــه=فـــي مـعـركـة مــاهــو بــدايــر رحــاهــا [/poem] اللهم لا شماته نسمع ونسلم وأعتقد إن بن سلمان يلحقه من المطر رشاش ولعي يا نار في رأس الفتيلة ولعي تحياتي للعموم دون استثناء |
مشتاق ياحبك للفتنه وياكرهي لها وبعدين ماشفت الا بن عزاب والمبرد ولو اني اول مره اشوف هذا الاسم مدري وين كان محفوظ.. وتقول رشاش ماظنيت إن سحابة مثل زهور الريف ترشش لا بالله برد وصواعق ...... منها رجوم بعيد عني انا وإياك ومعنا كم واحد جعلها الله امطار خير وبركة من هلحين دور لك مكان ذرى لا تظلل بمنخل مثل بعض الناس تراني اعزك واغليك وموصا عليك من سابع جد ؟؟ |
الحمد لله على سلامة الاسفار وان شاء الله رحلة سعيدة
|
زهور الريف /
اما انا اقول عسا مارديتي تدرين ليش , أصلاً على البال مثل mbc وبعدين بحكم سطوتي وعلاقاتي هاتفت مدير عام الحركة الخارجية بمطارات المملكة الدولية وبحث في كل القوائم اللي ذلفت للشرق وقال ابد ما عليها احد بهذا الاسم حتى ولا عليها اسم ثمالي , اللي يمكن نربطبة الموضوع هو ان عليها اسم شغالة سريلانكية كفيلها ثمالي وطريقها ماليزيا وعندها خروج وعودة 15 يوم . والحمدلله يقول وصلت ........ |
الخسارة فمن ضاعت علومه.يا عائلة الاجواد
مشتاق : انت فيه خلاص برشومي .عندي في شغل بناء حجر. بن سلمان : سمعت أن السريلانكية رجعت بلادها،ما أدري وش السبب s72.gif |
الخوف قطاع القلوب
والنعم يالمبرد الظاهر ما عندك بناية حجارة ولا شيئ أنت حاس بفزعة عليك وأنا متأكد إني من اللي يفزعون تدري على أي شيئ على إرجاعك للثلاجة مكانك الطبيعي يالمبرد تحياتي يالمبرد اليوم وغداً مثلج أما أنت يا أبو مهند فالمعزة والله للعموم دون استثناء وأنا ما احب الفتن بقدر ما أحب تحريك المشاعر والمزاح وأظن ما أبنساك جايك في الطريق |
الاخ بن داخل
الاخ خلف بن عبد العزيز الاخ عثمان الثمالي الاخ حسن عابد اشكركم من اعماق قلبي على المرور والمشاركه الجميله اما انتم ياشباب المشتاق ابو مهند بن سلمان المبرد سلامات اش فيكم تضاربتوا وسيتوا هوشه ودوشه تروا الامور بسيطه يمشتاق مافيه داعي تصحي احد اللي في بطنه لحمه نيه تصحيه من المغص وانت يا ابو مهند ترى كل واحد من الشباب عارف مقعده على اي درجه سياحي والاافق والا((((( درجه اولى مع زهور الريف))) اما انت يالمبرد ما ادري اش فيك عصبت شوي شوي على عمرك ما ودنا نخسر عضوا من المنتدى باقي عاد انت ايها الصاحب القديم بن سلمان صارت زهور الريف الان شغاله ما قلته يوم خطبتها واعطيتها الشعبه السوداء مهر والا هذي ردة فعل على ضياع زهور منك بس مقبوله منك مهما كان انت اكبر مني سن ولازم احترمك خصوصا انك واصل ماشاء الله وتعرف مدير الحركه واكيد انك راعي حركات مادامك تعرفه بس ودي اعرف كيف بحثت عني لايكون قلت له ابحث باسم زهور الريف ههههههههههههههههههه |
s71.gif بيض الله وجهـــك يازهور الريف .. يشهد الله اني متابعك منذ مبطي ومعجب بوقفتك ان كنت رجل فانت ونعم وسبعة انعام وان كنت بنت فيعلم الله انك بطابور رجال فديت راسك والله |
[grade="00008B FF6347 008000 4B0082 0000FF"]عــادة زهــور الـريـف بـالـورد تـهـديـه...يـوم العـرب قالـوا عسـاهـا عسـاهـا
عـادت تـرجـع كــل واحــد لكرسـيـه...الـلـي كـــــــره فـرقـاي والـلـي بغـاهـا [/grade] ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ [grade="00008B FF6347 008000 4B0082 FF1493"]الحمد لله على السلامة .عودا حميدا والله نورت المنتدي ولا عليكي فأحد هذه زهور الريف والنعم فيها . [/grade] |
الحمد لله على السلامة .عودا حميدا
|
الحمد لله على السلامة .عودا حميدا
بصراحة المنتدي ماله طعم بدونك أنتي الشمعه عساك على القوة |
حبيبتي زهور
الحمد لله على السلامة ياليت كان عندي علم بسفرك كان إستقبلتك بالمطار لني كنت هناك لمدة شهر قبل البارحه كانت رجعتي نورت المنتدي . تقبلي تحيات اختك |
أشوف الفراش قام يتساقط على اللمبة الله يستر وش نهايتها معك يا زهور
|
هلا وغلا والله بك يااخي راعي البعارين عزالله انت اللى ونعم مرتين وعلى فكره ترى اهل البل من ارجل واشجع الرجال على مر العصور
اشكرك من اعماق قلبي على هذا الاطراء ام مشعل الله يسلمك والمنتدى منور بك وباللي زيك ولاتخافين على زهوره يكفيها دعمك ومساندتك انتى والاحباب امثالك السحر الله يسلمك وهذا من طيبك النهر الجاري اذا كان انا شمعه فانت نهر تسقي كل الارواح بفيض مشاعرك العذبه واحاسيسك الرقراقه ام عبد العزيز هلا والله حياتي والله لو كنت اعرف انك هناك كان تشرفت بلقائك لكن خيرها بغيرها يشرفني التواصل معك دائما اه منك يالمشتاق اه من عينك الله يكفينا شرك بس قاعد تعد اصدقائي وصديقاتي ياخي شف لك شغله غيري تسلى فيها |
المشتاق اقلك ترى الفراش يجي على الضؤ والفراش على الاقل جميل الشكل والا انا غلطان مو مثل الجعران اللي يجي على الدمنه انتبه لحالك زين ترى سيفي مابعد سليته ،،،، وخلك من التناقز اللي ممكن يجيب حتفك يابطل فلا تكون انت البدايه ان شاء فهمتني |
ابومهند ماهوعيب يوم تحطنا نسوان
وزهور جيتي يوم الله جابك الان انا والعياذ بالله من المرض .............. معي بدي قارد يعني الله يخارجك مني على خير وبعدين وين الخمس ميه اللي طلبتها منك |
ابو نسمة قصدي اقزوز منسم صدقني انك فطين وذهين محدٍ اكتشفها غيرك وبعدين انت منت بمنهم انت اقزوز منت بكنداسه والنسوان وش فيهم تراك اخطيت واترك الاخوات يدافعون عن انفسهم عند ك زهور الريف الكل يخطب ودها ويتلصق منها عاثت في المنتدى اصلاحا شرد من شرد واسرت من اسرت واللي يبيها تطلق سراحه يجيب لنفسه كفيل وبعض العرب لو شفته ينطنط بالكلام ترى الثقّاله برجله والخرص بخنفرته لا تغرك علومه المزهرفه تراه مرهون وفدوته بيضه يجيبها كفيله ... علم ياصلك ويتعداك لن ماهجدت لاحذف بك من راس الفرعة ماتوقع الا باللحيان ويشيلك سيل جرموز مرورا بعتام وماتقر الابالسويمة خدمة توصيل مجانا على فكرة بغيت تنسيني الله يطحن شيطانك بمطحنة زنجبيل على شان يقعد يعطس ويتلهى بعطاسه عن الصلح بين الناس قبل يومين كنت بالبزايع اتصيد بعض الطيور المهاجرة بالنبيله ويوم صدت قمريه جيتني وقلت نبيها ندي وجبنا الشيول حق الونش على شان يحفر المنداه شفت معك ترمس حاط به ثلج ودجاج مبرد قلت لك ليش ودك تمسي هنا وهذا تبيه غدا باكر قلت لا الدجاج قلك انه طفش من الثلاجة ووده يتمشى شوي قلت لك انتبه ترى الدجاج ادنى ماسيحة ماسمعت كلامي اخرتها خاس ورميته بالرقب |
لا وكمان كمل وخش في المدير العام s5.gif
خش في عبي صرنا اصحاب وانا مدري s9.gif وبعدين على فكره انا منسم ماني غبي s2.gif ارفع البندق ياولد والله ان كان ماتهجد لا ارجدك بماصوره فيها سلك تبن يفقع عينك ويشلخ خشمك ايلين تعرف ان الله حق وعلى فكره تروا هذاك المبرد s2.gif مشتق من اللي المبرد للمكينه ولا حد يفهم غلط االلي يصب في البير ويبغاله فصل عشان يهجد ومشتاق حبيبي انت فين فين كفيل حق انته s7.gif وبعدين انا مدري وش الموضوع اللي تكلمت فيه الله يرج ابليسك في خلاطه ياوجعان s2.gif |
الله يسلمكم جميعا
اشكر كل من تفاعل مع هذه القصيده المتواضعه سواء بالقراءه او التعليق ايا كان وهذا يدل على ان هناك من ينتظر زهور الريف اشكركم من اعماق قلبي |
| الساعة الآن 07:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by