|
ابو دبا ينتظر الترحيب بفارغ البطاطا
هذا انا ابو دبا بحراشيفي وجلدي وطولي وعرضي أسلم عليكم يا بشر رغم انكم تلحوني وتقطعوني وصلة وصلة وتاكلوني وأحيانا تاكلوني بجلدي .
فأنا فجل بن خيار بن بقدونس البرشومي نعمة من نعم الله عليكم ما يجحدني الا بطران وانا تروني شايب تعديت السبعين سنة احبكم واحشم فيكم الله لا يحرمكم مني على المفطحات ولا جنب هاك السلطات وانا من قبيلة برشوم اللي تضرب بجذورها في قبيلة النباتات الشهيرة وقد دارت بيننا وبين قبيلة شجاري جبل حروب طاحنة استبسل فيها فارسنا بصل أمام فارسهم عرعر وانتصرنا عليهم ومات فارسهم وعيونه تدمع من ريحة البصل. وانا يا عيالي ماتت قرينتي قوطة بنت فلفل حار وعقّبت منها كوسة وحماطة ودبا . كوسة أخذت جزر بن كرنب وحماطة داخلها السمار إلى الآن لم يكتب لها نصيب والا دبا أنا افداه من ركيب في ركيب ورا الباميات يوم شفته داشر زوجته زهرة بنت ليمون وهذي قصيدتي في امه قوطة : [frame="2 60"][poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""] يقوله فجل يوم القدر حل = وامضى بقوطه من ثلاثين عاما جابتلي الكوسه وحماطة تدلدل= والورع دبا مع خواته يتامى ربيتهم في وقت لا عنه تسأل = لا ما ولا زرّاع وقتٍ عداما ياما فجل يا ناس هل العبر هل = يبكي على قوطة من الشوق ياما ما في القِوط قوطة جميله لها دل = مثلك يا قوطة ما لقينا حراما بعدك فجل يا قوطتي كم تململ= بعدك يا قوطه ما تزوج وصاما[/poem][/frame] وسلامتكم |
سالم وغانم يابو دبا وعسى الله يعطينا خيرك ويكفينا شرك
حاول انك تشوف لك قوطه ثانيه اخيرا حياك الله |
هلا والله بالفجل
انا اقول شايفك فين البارح ناشب في حلقي الله يرحم قوطتك فيه عندنا صلصة مطلقة ان كان تبغاها علمني |
مرحبا بك ابو دبا انت وعيال عمك خضار كلهم
كنا في اثنين وصرنا في ثلاثة رحم الله زوجتك قوطة ورزقك الله بغيرها ليه ما تجرب تتزوج من عائلة الفواكه وتاخذ البرتقاله |
مرحبا بك ابو دبا انت وعيال عمك
|
هــــــــــــــــلا بك
مفيد ومستفيد بإذن الله ,, حيَّـــــــــــــــــــــــــاك ,, |
بيض الله وجيهكم يا من رحبتم بي خلف والمصرقع وابوتركي وعثمان والامل
وابقاكم الله ياولدي يامصرقع انا كبير في السن شويه لو ابتزوج كان امديني تزوجت من يوم ماماتت قوطه والا أنت ماقصرت يوم شفت لي صلصه لاكن ياولدي كيف تروح تقول للناس اني تزوجت وانا ما قلت لك تم عموماً ياولدي والكلام للجميع انا شوفوني واقف بشوني على الباب ماجيت ابتسلى جاي في علم خطير جدا جدا وابغيك وانا بوك ولا هانوا اخوياك تجيب لي اثنين وهم سلمان بن عباد وبن داخل قول لهم شي رجال اجنبي علينا ياثماله يبغيكم في علم خطير جدا والا ترون الوجه من الوجه ابيض وسلامتكم |
مرحبا بك يأبو دبا والله يحييك بين اخوتك .
|
البقا بك ياوليدي يابو عادل تكفى وانا ابوك ناد لي سلمان بن عباد وبن داخل
وانا والله لا أزعقر في اذنك انا ياوليدي واقف على العتبه ولا ابدخل حلالكم يا ثماله لين هذولا الاثنين تجيبونهم لي |
يا عم فجل كيف تقول ماتزوجت صلصة وانت متزوجها مسيار والا ما تبي احد يعرف. s65.gif s65.gif s65.gif
ما عليك من احد وولدك فول مدمس اللي جايبه منها وين يروح ترى برفع عليك قضية في محكمة الفلج حتى تعترف بورعك . s9.gif s9.gif s9.gif |
يامرحبا يامبجر
حياك الله يافجووووووووووول
ودنا كان نقوم بالواجب لك نرحب بك ونكرم سبالك 0 ونخطب لك واحد من اللويزات ( كوسه ) لكن طلعت مبجر والظاهر انك كنت فالعضاده والا اش خلاك تكبر لين تصير بها الكبر 0 بعدين الكلام اللي وصلني عن المسيار صدق اللي كماك يستحن ويدعي لنفسه بحسن الخاتمة وان الله يسهل له يماني جيعان يريحك من التعب النفسي اللي أنت عايش فيه وحياك الله يابو دبا |
ياولدي يابن داخل الله يوفقك والله انك من آل داخل الناس الطيبين أحسب انك ياولدي جيتني معك بسلمان بن عباد الله يطول عمر ابوه عباد اللي ماتجي منه الزاهقه وانا ياولدي يامحمد قالوا لي انكم من خيرة الرجال في ربعكم ابرسلكم على رجال عندكم عدليه ووجهيه هذا الرجال وانا بوك سوى جريمه
ماقول نقص وبس ابرسلكم عليه انكان عنده خاتمه ياعيالي فهو يبشرني بها ونقعد للمذهب وانتم ثقيف اهل المذهب النظيف ابعلمكم بقصتي في وقتها اما تحكمون لي عليه والا احتكمت له وان كان شفتم ان المحاكم العرفيه حرام اصلحوا اللي انكسر وان كان قال لكم غريمي ماعنده خاتمه وفراش حق ونقا لاكن اعطني معك مويه لاجيتني ياولدي انا ظامي ومعي سكر والشوف قليل شوفني اتعزب عند الدكه زعلان ما بدخل وانا مضيوم لين اشوف هي ويش تمطر به |
ابشر بالوفى
ابشر بالوفى من غير فتشة
خذ منا معدال سدة كيس ................... وأنا حطيت لك صلحة محمد وعلي كيسين كيماوي وكيس .............. وسطلين موية 0 وان شفتها قليلة زدناك أهم شي عندنا رضاك0 |
ياولدي يامحمد لاتخش وانا بوك في العميق وتتريق عليه انت لا سألت عن مشكلتي ولاعرفت الرّجال غريمي ولا قلت ابشر ياعم فجل انا وبن سلمان
نبي نروح للرجال ونشوف هو عنده خاتمه والا لاء حرام ياولدي عليكم انا اليوم لي اسبوع على عتابكم ياثماله ماقلتم ويش اللي مزعلك ياعم فجل ومخليك ماتقلط خاف الله ياولدي واعطني المرّة الجايه معك صابون ابغسل ثوبي الله يخليلك ورعانك ياوليدي |
يا عم فجل
الأوله ما شنيناك
حياك الله عند رفاقتك وانت رجال طالب مذهب من اهل الديرة والطارف منهم سداد ان كان لك دعوة تخصها سمها واحنا نقالت عاني ووجهية وان كان لك شرهة على المنتدى واهله حطينا لك مسد شرهه وانت لارضيت تقلط ولا رضيت تجيب العلوم اللي في صدرك انماهو خذ معدال عن الطارف من الرفاقة لكن لنا منبوبة ان كان ولينك معك شرهه ماهي مسعرة عند القبايل وفرجت علينا العربان ترى مااحنا مخلينك لا تقول مانبيتوها عليه عند المعاديل |
ياولدي يامحمد للعلوم مداخل ومخارج وانا بوك ان كنت منكور من غريمي فهو مايبي يبشرني بالحق وان كان يخبر ان فيه شي فهو يبي يبشرني هاك الساع ياولدي ان جات البشاره فانت حوّاش عقال بعد ماكنت وجهي ومن المرضويه ان كان حبيت لاكن ياولدي كيف تعقل عن غايب وتعطي عقال من راسك دون فتشه وليا فتشنا العلوم واصبحت فاضيه ابشروا بمحكمة فاهه ياثماله لاكن اول اعطني بشارة الحق من غريمي
عسى الله ياولدي يامحمد يوفقك ويصلح لك عيالك اعطني ياوليدي معك ناموسيه الصهيب اكلني |
ياأبو دبا
أنت تخوض وتروض فالعلوم
ان كان لك دعوة نصها وعلمنا باللي دعوتك عليه نبي نروح له أنا وبن عزاب ان قر بها خير وياكرم الله وان انكر أخذنا منه معدال وطلبنا منك معدال وافرش فراشك وارضى وهو يرضى والبينة على المدعي واليمين على من انكر بس ترى لنا فاهه ومحكمتها على يدين ثقيف لن مابدى لك شي ولا تقول بعدين صادرة حق ماتعود الحق 0 انبها عليك من ذحين |
ابو دبا
عاد وش تبي زود هذا خامس الضباعين بن داخل وخامس السواعدة بن عزاب من قدك ياعم |
علومك زينه ياولدي يابن داخل ولاهان بنك المعلومات ولا بن عزاب
وبالنسبه للدعوه وانا بوك وتفتيش العلوم على الفراش وابشروا بالعقال اللي على قد الدعوة ودام انك تزهلت وانا بوك انت وابن عزاب وتقول انك انت واياه تبي تروحون لغريمي وجهيه ها ترون غريمي رويعي الغنم ان كان وانا ابوكم بشركم بالخاتمه فحنا طرحنا المعاديل وتباطينا بها وسط المجلس وان كان كما قلت لكم رويعي الغنم عيّه وناحش عن المذهب فلا والله الا ماجا فجل وهو يبي يعود على ربعه الا بسدحة غريمه وسلامتكم على الله هيه لا تحيرون عليه ياعيالي انا مابقعد منصب خيامي في هاذي التبجه اللي قدام حلالكم يا اهل الوفا ولاينسى الطارف منكم يجيب لي معه حبوب السكر وفقكم الله يا عيالي |
بشر بطيب النبا
الأوله رويعي الغنم من شعب في شعب
والله يعينه على الشقى اللي هو فيه لكن ماخبرت عنه عوجه والظاهر انك متحامل عليه وودك تنقص مقداره واليوم انت مانصيت لنا علم نروح له به ان كان عندك دعوى تنصها اعطنا اياها ونشوف رداده وان كان تبي معدال يقعد معك في دعاوي مابتبديها الا على الفراش اعطني معدال والمعاديل بيدين بن عزاب وخلنا لن لقينا عنده ثمره أخذنا منه معدال ولن ماثمر لنا قبلنا عليه برفاقتنا وان ماعود للمذهب شرفنا عليه بكبار ثقيف وعرافهم وقطعناه 0 |
يابن داخل:
مساعيك بين العرب هذولي طيبة والله يثيبك عليها لكن ان سمحتوالي انت وابو دبا عندي وجهة نظر في الموضوع ولاتقولون هذا متعرض تروني فاعل خير وبنية خير. وجهة نظري ياوجيه الخير انتم تعرفون افضال راعي السواني على ابو دبا وهو ان كان منصف ماينكرها وفي نفس الوقت هو(اعني راعي السواني ) له فضل كبير على رويعي الغنم خاصة يوم تحف الوقوت مايسقي غنمه الا من عند راعي السواني اللي يشد القتب وينحش ثيرانه ويسقي حلال الرويعي والأهم من هذا الكلام كله ترون راعي السواني هو عاقلهم الاثنين (رويعي الغنم وابودبا) بودي تدخلون راعي السواني في الموضوع وترونه باب ويمكن تنحل الأمور بصلحة والشر مايمتنى وفكروا ان طاب لكم علمي خذوه وان ماعجبكم انا مالي صلاح بس زي ماقلت لكم فاعل خير وودي العلوم ماتصل الجيز المعدي ونفتضح بين القبايل والله يوفقكم . |
ياعيالي إتقوا الله فيه انا اليوم لي أسبوع منصب خيامي قدام حلالكم ياثماله
رحّب بي الطارف لاكن مايدخل الخايف هذا غريمي عندكم سوى جريمه اوله في صديق لي ولاهي غريبه يزيد يسويها في عمكم فجل اللي وصل عمره حوالي الثمانين شوفه قليل وسكره كثير أقول لكم اعطوني معكم مونه وانا ابعطيكم حقها ياعيالي وانتم بس تعاقبون على عمكم فجل وتسدحون في العلوم هذا بن داخل عسى الله يهديه يزكي فرويعي الغنم ويدس فيه بعد ماعلمت له باسمه لاجاب لي خاتمه من عند الرجال ونتفاتش العلوم على معاديل ولا خلاني اسكت ما اعلّم باسم غريمي ذالحين راح ينبهه وهذا انت ياوليدي يا بوعادل جايب لي راعي السواني اللي أنا مالي علاقه به انا ما اعرفه ما أعرف الا رويعي الغنم والله ما فرقته لين يقولون العرب بيض الله وجهك يافجل اسمع الكلام يابن داخل والكلام للجميع ماعندي معدال الا بعد بشارة حق من رويعي الغنم تجيني بها هي عجلوا أنا ورايه ورعه يتيمه حماطه انا افداها حاطها عند خالتها بقله بنت فلفل حار الله يوفقكم يا عيالي |
تكفى يابو عادل
مادام هذي هروجك
اعطني نهارين والا ثلاثة ويجيك مني رداد والمذهب عامر بيننا وابشر بعلم غانم وانت يابو عادل تكفى تلمح لي رويعي الغنم لن مرك والا شي خله يمر عليه وقله بن داخل يبيك ضروري قطفوا منه عاني ويبي يشوف وش عندك من ثمرة وان تعذر فالمجي خذ لي معه موعد ولا تعلمه بصاحب العاني بلكي يتشرد منا لا عرف العلم |
علمك غانم يابو عادل
تدري مر على راعي السواني واقطف منه لزمه
وقله هذا عاني يزينك زينه ويشينك شينه تجيب لنا رويعي الغنم للمذهب بعد انهم صدقان ليش نروح لطوالها وانت ياعم فجل عود بيتك ويجيك من وفى لين بابك اما لقينا الرجال مستصيب وحطينا لك مذهب وواسيناك عليه والا جبنا لك معدال وروح خذ دويانك وريح بالك 0 |
علمك غانم يابو عادل
تدري مر على راعي السواني واقطف منه لزمه
وقله هذا عاني يزينك زينه ويشينك شينه تجيب لنا رويعي الغنم للمذهب بعد انهم صدقان ليش نروح لطوالها وانت ياعم فجل عود بيتك ويجيك من وفى لين بابك اما لقينا الرجال مستصيب وحطينا لك مذهب وواسيناك عليه والا جبنا لك معدال وروح خذ دويانك وريح بالك 0 |
يالالالاله يالالاله يالالاله=يالالالاله يالالاله يالالاله
ماني معوّد ياابن داخل مع دُرَيبي=لين آخُذ الحق المصفّى من غريمي وان ماحصل مذهب ينومس ياحبيبي=والله لاخُذ حقي بالسيف الصريمي عجّل ياوليدي أنا مابقعد فها التبجه |
صباح الليل يادبجه
قصدي يادبا اسف يابودبا اقول جيب معك دقيق فينو نص كيلو ونص كيلو ثاني من دقيق دبي |
سلام ياثماله =كلي خاتمه ومذهب وانا ابن شداد - لكن وش تدورون عندي - لانا كبير رويعي الغنم واختم لكم ولا انا والي امره - الرجال كان حليف لي وبيننا عيش وملح وعلوم زينه حتى تكلم عليه نهار بعد صكيت غنمه من طرف واديه وقال لي روح ياللي مرغك حمارك فليحان- الرجال ناقز رويع الله لا يختم للناس ولا يكف حلاله عن براشيمهم وخضرهم وقطرهم ولا حتى عن حمى ثماله - دوروا لكبيره واطلبوه يختم لكم - وانا قبلك يا رفيقي يا دبى منقوص منه - غنمه طبت واديه واكلت الدبى والخضره كلها - وانتم يا وجيه الرفاقه - يا ابو عادل يا ابن داخل لا تدورون للرجال روحوا لكبيره هو اللي يختم لكم عنه لكن قبل تروحون لا بد تعرفون النقص اللي جا على ابن عمنا دبا - ما يجوز تروحون للرجال وانتم ما تدرون وش النقص .
|
في خبر عاجل على قناة الجزيره تقول المذيعه جمانه نمور انه وصلهم هذا الخبر للتو = في هوس البحث الحثيث عن الناقص رويعي الغنم اعلنت وكال تاس ان الرويعي اخ للأرهابي اقزوز منسم فمن يطالب بالعداله من الرويعي فعليه بذلك ألأقزوز - انتهى الخبر .
وقد لفت نظري الكلمات- الخبر للتو - وكالة تاس = اي ان تاس هو تيس باحدى اللهجات- وتو هي الكلمة التى يطرد بها التيس . فمن اراد تركيع الرويعي فعليه بالأقزوز وهو المصوراتي معه قبل فتره . |
امس العصر رحت اتمشى وادور نحل واتصيد في الجبال اللي فتهامة وقابلني رويعي الغنم يدور له عنز والد قعدت ورا الغنم وعلمت للرجال بعلوم ابودبا وقلت الرجال طلاب خاتمة ويقول منقوص منك يارويعي وان فوضتني انا ابعقل عنك بس تجلس مجلس الحق قال لاتكلمني في هذا الموضوع الين اول شي تصفون لي حساباتي مع ابودبا وعياله ناس اخطوا عليه وراحت عندهم سمانة غنمي سنتين والله مااعطوني فيها لاكثير ولاقليل وراعي السواني شاهد ان كان عنده ذمة ولا يغل النور واسألوه ثم بعدها يجيكم مني جواب لفجل ودبا وعيالهم الآن وش رايك يابودبا تبي تحاسب الرجال ؟
بعدين لقيته زعلان مرة قال هذا لوفيه خير ماحطوه مخلل لكن يبيها شردة بعد اكل سمانة غنمي راح يتخبى في البرطمان وسط الملح لكن والله لاجيبه لومن بطن سندوتش الطعمية . هذا العلم وسلامتك يابو دبا وش عندك للرجال؟. |
أفا ياذا العلم
يالالالاله يالالاله يالالاله=يالالالاله يالالاله يالالاله
عود لدارك والعن ابليس يافجلي 8888 جايك من العراف علم يبا يجلي أنا ليا مديت في طرقتي رجلي 8888 أورد الضميا وتروى من النجلي |
يالاللاله ياللاله لاله=يالاللاله يللاله لاله
أنا لقيت الراعي اللي في مكانه نصيت له علم ابن دبّا من لسانه وقال مانقبل على المخطي حصانة وانكان يشهد ماقبلناله شهادة الظاهر ان المشكلة فجل ابن دبّا اللي على الفلجان والنعمة تربى واصبح مخلل في مواعين المربى ولايسلم حق مشروبه وزاده |
يالاجواد خافوا الله - قيمة السمانه عندي انا وحسابها عندي - اما دبى فانا اللي اعطيته السمانه هو وعياله حتى انتفخ - ثم جات غنم الرويعي واكلته عساها بالذيب. بعدها جاني الرويعي يطلب الحساب وقلت حاسبني في دبايه واحاسبك في سمانتك وابى قليل الخاتمه - وبقيت الدعوه معلقه.
خلاصتها يا رفيقي يادبى اترك الرويعي تراه سفله وقليل مذهب دور الحق عند غيره من اللي يعطون الحق وياخذونه مثل رفيقنا منسم . |
وش العلم ياجماعة
انا زوجت ابو دبا صلصة ولا عاد ادري وش صار لين جاتني صلصة تبكي تقول هذا الشيبة امتحني ولا عنده ما عند جدتي انما هو وانتم جايين اعطونا معكم سويق ومعروكة انا ذبحني الجوع على ها الدجة مدري الدبجة باي عمو فجولة اجريك ما وجعوك من الدبجة |
عالم منسمه ومنتهيه ، رياجيل راحو فيها والسبب هو اقزوز منسم
|
يا مصرقع دعوتك اللي تدعي فيها وهي الخطاء اللي على اختك صلصه خله اخر شي لحيث ان الدعوة الاوله ما احد صدر منها بنتيجه نبي العلوم تصلح مع بن دبا وبعدين ناخذ الحق منه لخيتك صلصه .
يا رياجيل يا مرضويه حلو موضوع الرجال واحكمو له |
يابو دبا
العلم وراه علوم وسد الشفا نقادة
اليوم جاتك علوم من ابو عادل وعلوم راعي السواني ماتسقي ضميان والرجال على قيس علوم ابو عادل اللي جابها من عنده له حساب وله تكليم وله حق المماطلة واليوم ان كان انك مقر ومستعرف انك اكلت أنت وعيالك سمانة غنمه سنتين ولا حاسبته عطنا الحساب ونبا نحط عليك لراعي الغنم طيبة خاطر فالمماطلة سنتين وبقية العلوم يمكن نسويها وان كان انك منكر البينه عليه واليمين عليك 0 هاثم نحنا نبي نقعده معك مقعد الحق ولا نبي نسمع من علومك ولا شي لين نغلق البايت وبعدين انت ياراعي السواني خلك محضر خير الصلح ماينكره لا مع عاقل ولا جاهل واماانك تقول ان قيمة السمانة عندك ليش ماحاسبت الرجال من وقتها لن كنت صادق والا شرفت عليه برفاقته وعيال عمه بن تايس والا بن عنيز والا بن طلي وقلت لهم الرجال له عندي حساب ولي حساب عند وخلو يجيني نتحاسب 0 اليوم علومك كلها ياراعي السواني ماتقضي لزوم الزم ماك في سماك 0 |
اهبوا اهباكم الله هي هذا وانا رحت بس اطير الماء سويتم البطيط اللي مايتسوى وانت يامزغور يامصرقع انت والمزغور الثاني اقزوز منسم ليه ماتقعدون حواليه يسير لابغيت ارسلكم تجيبون لي مقضاه ياعيالي انا تروني احبكم وابجاودكم والصبي منكم ابعطيه حماطه انا افداها ارب ان الله يرزقه منها
بالنبق الصالح اما انت يابن داخل تراني داخل على الله ثم عليك انت وبن عزاب انكم تجيبون لي الخاتمه من عند رويعي الغنم اللي يدري عنه ابو عادل بس انه يلحف عليه ويدري عنه راعي السواني طيب ليه ماتجيبه ياراعي السواني وانت منقوص منه زي والا تلحف عليه انت الثاني بهاذي المراوغه وتقول سفيه وجاهل وهو يرعى له في ميه من الغنم قتال قتلى كما هذا ليش تغطي عليه وبعدين الدبا اللي انعدم عليك ماهو دبا ولدي الله يخليه انا شوفني يابن داخل مزهب البندقه عجل عليه في العلوم والا ابسوي اللي فراسي يكود اان امي فاصوليه مامرّرت راسي ولا دفلت في فمي تفاححه ولاحلقني خالي جرجير ولاحنّكني عمي عنب خذوها منّني وانا فجل تكفى يابن داخل تراك ابن الحموله=وابن عزّاب الوفي مثلك أمين جيبوا لي الراعي بعرضه ثم طوله=والله يوفقكم فدنياكم ودين خذهامن فجل يابو عادل حطيت للراعي يابو عادل عنانه بالدعاوي من مخلّل لي سمانه عندكم حقي ترونه اصبح امانه لا تحط لدعوتي دعوه رداده العباطه يابو عادل ماتكبا خاف ربك في فجل من بعد طبا والسمانه في ركيبي ماتعبا مابسلّم في دمن مخطي العراده دخيلكم ياعيالي لا تلعبون بي وانا شيبه مبجر والا انتم ياهذلاك روحوا حطوا سمانتكم في الركيب الثاني حتى تلقون الفجاجيل زينه |
اسمع يابن داخل ترى رويعي الغنم الغنم ماعنده دعوه ولوكان عنده دعوه كان
امديه بدا ويلقى وفا لاكن الرجال اعطاها ابو عادل يبيها سداده وكيديه صفوا جنابي اول مايكون وابشروا بالوفا بعد صادرة حقي ومن حلالنا يا قبيلة برشوم |
ما شاء الله عليكم
ظننت الردود كلها ترحب بالضيف ـ أبو دبا ـ وقلت ستحصل مشكلة من الأعضاء الجدد!!!فنقلت الموضوع لمنتدى الاستراحة .. |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by