|
فنجااااان
[poem=font="Arial,4,#000000,bold,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
تزعق طرب والا بلتك الهواجيس=ياللي جفت عينه لذيذ النعاسي . . جرب ودن دلالها والمحاميس=وقرب لها صفر الدلال الملاسي ونجر ٍ ليادقت تشادي الكنانيس=واجراسها تنهم على البعد ناسي اتذكره في حالكات الغلاطيس=انه نسى خلاق عرش متواسي وقرب لها المبرد وفي طارف الكيس=بهارها وقنادها اللي اساسي واحمس على صالي جمرها المعابيس=حب اليمن اللي هجره اليباسي ولاعرقت بدموعها اللي محابيس=مثل اليتيم اللي طوته المآسي حرك شوي والعارفه يعرف يقيس=لاهي بلا نيه ولاهي حماسي ودقه بنجر وخل عنك المعاميس=من بعد ماتبرد يابو عزم قاسي ولقم بها ملمومة ٍ خصرها ميس=والياخذت فوحين يابعد ناسي ثم زلها فــ... مبهراتن بتأسيس=فنجالها يطرد قديم العماسي ثم صب فنجان ٍ لقرم النواميس=عضيد جنبي محزمي تاج راسي ابو حسام ان جا نهار المقابيس=ياقف كما تأقف جبال ٍ رواسي وثم صب فنجان ٍ لفرخ القرانيس=ابو يزيد اللي بعيد المراسي اخوي خوة صدق ماهي تباليس=الشاعر الشهم الحكيم الحماسي ومن بعدها عطني ذهاب العواميس=فنجال يذهب ما بقى من عماسي ياللي ذخرتك لليالي المفاليس=اجلس تقهوى بعد ماتحب راسي . كانك تبي تطرد جهام الهواجيس=ياللي جفت عينه لذيذ النعاسي[/poem] |
ولاعرقـت بدموعهـا الـلـي محابـيـس==مـثـل اليتـيـم الـلـي طـوتـه الـمـآسـي
النادر صح لسانك ماقصرت ماقصرت والنعم في ابو حسام وابو يزيد |
النادر
من طول الغيبات جاب الغنايم صح لسانك والنعم فيك وفي أخوانك سلم على عماد البيت |
صح لسانك ..أبا عماد
لا عدمناك ...و لا عدمنا قصائدك وتواجدك معنا... |
بيض الله وجهك ووجيه من ذكرت
وصح لسانك على هذا الأسلوب المتميز. |
صح لسانك أخي النادر
|
اقتباس:
واقعي صح بدانك ولاهنت كل الشكر لمرورك العذب النادر |
اقتباس:
ابو هبه مامن غيبه لكني ما اعرف ارقص ولا لي بحفلات الهشك بشك عموما صح بدانك ولا هان راسك وصل السلام ولك منه مثله النادر |
اقتباس:
مشرفنا الغالي صح بدانك لاهنت..... تلقانا بين الايادي انت آمر النادر |
اقتباس:
ابو عادل ووجهك ووجه من يقراء ويسمع التميز الحقيقي هو ان اجد من يقراء بالشكل الذي تقراء به انت النادر |
اقتباس:
النادر ليس أنتقاء في ما كتبت ولكن نبذه من جمال ما تشرفت بقرأته لله درك لقد صغتها صياغة يعجز عنها الكثير الله يخليك لهم ويحفظهم لك والنعم فيكم جميع صح السانك وعلا شانك وبيض الله وجهك ولا هنت يالقرم |
اقتباس:
ابو تركي صح بدانك ولاهنت النادر |
اقتباس:
شقران لك ماتشاء في الحذف والاثبات مثلك اذا هطل اعل شكرا لك على الثناء وبيض الله وجهك وماعليك زود النادر |
ابو عماد
صح لسانك يالقرم والعذر والسموحه لم يكن لي علم بالقصيده الا من بن سلماان يووم امس ولكن كفييت ووفييت وماعليك زود والرد في متصفح مستقل واعذر اخيك الصغير عن القصووور تحياتي |
ابو يزيد بيض الله وجهك ماكتبتها اختبر شاعريتك اعلم انك من النفس مكان النفس دمت شامخا النادر |
| الساعة الآن 07:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by