|
معاهدة المقرح
بسم الله الرحمن الرحيم
السلام عليكم ورحمة الله تعالى وبركاته اخوان اخواتي السلام عليكم وش العلم كل شويه سلام المهم العلم لكم خير حسب ماوردني من اخبار عاجله ان بن داخل يعرض عليه اعادة المعاهدة مرةً اخرى للوقوف وجها لوجه هذا برنامج ضد كل من 1\زهور البطحاء قصدي زهور الريف 2\الباكستاني الوجعان مشتاق 3\نابغة زمانه بن سلمان اللي بيرتقي مع النادر في الاماكن المرتفعه(النصله) 4\ثعلب الليل بن عزاب حسب ماوصلني بالحرف الواحد الثاني الثالث وهييييييييييييييه ومعهم كمان المصرقع بدون رقم لانه ماينفع لا في سارحه ولا ضاويه قال ايش قال اسير حليف لزهور الله يرجك يامصرقع ان ما اخليك تصفر وبدل مصرقع تصير مطرررررررررررررررقع s65.gif وانا بثقتي في بن داخل وان الرجل يربط من لسانه فانا الاقزوز المنسم وانا بكامل التنسيم قررت مايلي 1\معاودة الحلف والتعاهد مع بن داخل بشرط هجاء السابق ذكرهم حتى العدد4 تكفى كلهم اربعه 2\اضافة عصا على حرف الصاد في مصرقع ليصبح (مطرقع) 3\توقيع بن سلمان على تعهد بعدم الصعود للعوالي وحده النصله وجاي 4\اجبار زهور الريف على تسديد الخمسميه حقتي اللي عندها s5.gif 5\في حالة عدم تنفيذ ماسبق ذكره فوق على بن داخل اتباع الجاي اسفل أ\ارغام زهور الريف على الزواج من بن سلمان قهرا وهذا اقل عقاب لها ب\ان يتكفل بن داخل بجميع مصاريف القرى(الزواج) وعمل صيوان في الفرشه تحت حوطة عيال بن عويض ج\ترحيل الباكستاني مشتاق بدون عوده مع العلم انه بيجي عمره مره ثانيه وكننا ماسوينا شيء لكن اذا رجع سيكون تحت كفالة بن سلمان ويكون سواق الهانم زهور s71.gif الرجاء من بن داخل توقيع المعاهده والا والله لعلم زهور بكل شيء سمعت يابن عزاب |
احشررررررررررررررررررررررررررررررهم يامنسم
ولا أوصيك خلك (من ليس معي فهو ضدي) وعلييييييييييييييهم يامريض |
تعديل الوثيقة
حليفي المنسم اشم من بين سطورك رائحة البورة هل أنت يوم تهرج عارف وش عواقب هروجك ان كنت تبي تضعني في وجه المدفع معصي ثم معصي أما الباكستاني ابو نسافة على رواية المطقع معاك لين نوديه كشمير بلكي يحصل له هندي يذبحه ويريحنا منه أما زهور وماأدراك مازهور فإني اشجب واستنكر كل عمل تخريبي يمس بجنابها ومحاولة تزويجها من بن سلمان قسرا يعد عملا تخريبيا يمس بمعاهدة أجريتها معها وتم التوقيع عليها قبل أن تكبر وتترعرع بين جوانح المنتدى العابر القارات 0 أما بن سلمان فياحبذا رفع السكر عنده بلكي يهلل ويصرف نظر عن الغانية زهور وبن عزاب وما أدراك مابن عزاب فإنه ثعلب ولكنه أحول يبي يصيد ويصيده بن سلمان 0 ومن هنا أقدم لك شروط المعاهدة بعد الدراسة والمناقشة المتأنية 1 / يتم عمل تأشيرة للباكستاني على اقليم كشمير والا تدري حاول انه يروح أفغانستان ونطمن على عدم عودته 20/ زهور الريف لها حق التسريح والتمريح في المنتدى وسأكون انا سلما لمن سالمها حربا على من حاربها - ابعطيك ميتين وتكبها ) 30/ بن سلمان عنصر خطير من عناصر المقاومة المسلحة بالشعر يجب أن يتم قطع جميع وسائل الإتصال مع المشتاق حتى لا يكونا مدا شعريا 0 40 / بن عزاب يجب بتر جميع صلا حياته لما لمسنا فيه من مطامع سياسية في المنتدى وتعميم صورته على جميع المنافذ الحدودية لوادي السواعدة حتى لا يتسلل بأفكاره الهدامة ويكون جبهة معارضة للمد السويدي المتمثل في أبي عبد الرحمن 0 وعلى ذلك جرى توقيعي المقر بمافي بن داخل سمعت يامصرقع |
راح المنسم وطي
والله يا بن داخل ما خبرتك خطير لهذه الدرجة كفشناك تراه منسم أنت معك أطماع ودك تشبك شكمان الونيت القديم في المنسم منسم على اسمه ما تستفيد منه شيء لو فيه خير ما عافته الطير |
بسم الله وعلى بركة الله
اولا \ مشتاق ابونسافه وش دخله في الموضوع حقي انا قلت معاهده مع بن داخل ثانيا\يابن داخل انت اللي طلبت المعاهده ثالثا\اذا انت موافق على المعاهده الخير واهله ماتبغى فكه من جحا غنيمه انا رجال منسم شوف المصرقع شرد لعمته زهور يدور ودها انت فاكر وش قلت انت وبن عزاب يوم خرجت زهور من المنتدى ترى والله اعلم وعليه وعلى اعدائي وراح يكون المستفيد الاول هو زهور لكن بدري على كرتتها ان ما اخليكم كلكم واولكم ابوعبدرحمن وصاحبه ابواسم انجليزي s65.gif تتمنون رضايه وودي طيب بسيطه اخيرا سوف اطبق البنود الاخيره من المعاهده والتي لم اكتبها وسوف يكون هناك موضوع عن هذه البنود وكل واحد s72.gif باقي ابودبا عمي اللي معطيني بنيته حماطه اباخذله حقه منكم امابن عزاب واعلا الدنيا السلام وسوف ترون اسمه من المطلوبين لزهور الريف |
وتقوووول اني خاين يا منسم
بان على حقيقتك وخل عمك بن داخل ينفعك فقد قال الشاعر/ مدري ايش نخلي الشوارب شقلبية ونشوف والعلوم هذي كلها راح توصل لزهووور ويا ويلكم واولكم بن داخل شكله خايف من زهوووور عشان كذه قاعد يطلب ودها لكن معصي ماهي زهووور اللي تضحك عليها يا بن داخل وأما بن سلمان منهو عشان يتزوج زهوور ولا شفناه يرد رد واحد وبعدين يا منسم حماطة لي ولا راح تاخذها الا على جثتي وعمي فجل واعدني بها وقاعد يضحك عليك يا اهبل |
أنا عارف انك طيب يامنسم
أخي ورفيق دربي الا في طريقي لزهور
تحية طيبة أعلم انك تحمل بين جوانحك قلب طيب ولا يمكن لواحد مثلك بلغ منه الطيب مبلغة أن ينسى جميع المواقف الطيبة من لدنا حيال شخصكم الموقر أخي المنسم لقد تنازلت لك عن ثلاثة ممن كنت اعتبرهم أصدقاء لي وهم // بن سلمان / المشتاق / بن عزاب وقد أبديت لشخصكم المنسم أني على استعداد تام لمساندتكم في جميع ماتقدمون عليه من هجوم بري وبحري وجوي على الثلاثة الذين حل عليهم العقاب 0 ولكن ان يصل بك الأمر للتعدي على المصونة صاحبت اليد الطولى الغانية زهور التي طالما أزهقت انفس العشاق ورمت بأحلامهم البنفسجية في مزبلة التاريخ 0وتركت لي الباب مفتوحا كي أوثق ماتعاهدنا عليه إبان ترعرعها في هذا المنتدى 0 فليعلم الجمع من الرواد والقراء والكتاب أني أعلنها صراحة أن من تسول له نفسه الأمارة بالسوء التعرض للست زهور ولو بالهمز واللمز أني سأقف له بالمرصاد وسأكون لها عصا لاتعصى وسأضرب برجل من خشب على كل عابث ولها أن تأمرني بما تريد ومن هنا أعلنها لك يامنسم أنك إن لم توافق بما أقوله فسوف ألغي جميع ماتعاهدنا عليه سابقا وسأقيم معاهدة الفرشة مع المشتاق وبن سلمان ومعاهدة العويجاء مع بن عزاب وسيكون البند الأول ولأخير ومابينها النيل من قزوز ومحاربته على جميع الجبهات والإستعانة بأبي عبد الرحمن لقطع جميع منافذ الدعم عن المنسم وضرب جميع قواعدك المساندة من المصرقع وفجل والنصر والعزة لله فليحسأ الخاسؤون بن داخل |
هههههههههههههههههههههههههههههههه
s2.gif s2.gif s2.gif s2.gif s2.gif s2.gif تستاهل يا منسم خلك لوحدك وهذا بن داخل طار عليك s2.gif s2.gif ارجع لعقلك وانتبه لنفسك زهوووور لوحدها بـــ 100 رجال فما بالك معها انا وبن داخل رحت وطي |
يامصرقع
يامصقع
هات وش عندك من عروض مغرية لي أنا وزهور حتى ننضم لتحالفك الوجعان بس تدري أشوف رد المنسم على ماكتبته وبعدين انظر في أمرك أقول ترى المنسم حبيب بس معاه نعرة ومو عارف كيف يخارج نفسه والا انت مرجوج الله يزيدك لين مية وثمانين وبعدين تنقلب وتريحنا |
اولا /يامطرقع انت شكلك بتشتغل سواق عند الهانم بدل الباكستاني
اعقل واقضب ارضك لا والله اوصي عليك بن عزاب اخليه يركك بدعوه تقلب عيونك الحول ياهبل زهور تراها قاعده تحدربك وتسندبك بكيفها وانت مفهي s57.gif لكن ان ماخاب ظني انك ناوي لزهور على نيه خبيثه والله اني اعرفك زين |
بن داخل
انا والعياذبالله من الهم وش قالولك خبل اصدق كلامك اني طيب وجنحاني حلوه يابن داخل ان رجال ماني غراب زي اللي في بالي s57.gif المهم العلم وما فيه اني هالمره ابمشي معك بدون اي بنود ان عجبك ياهلا ماعجبك بالطقاق اللي يطق راس مصرقع وعمته زهور ام كرته ولكن سوف يكون هناك بنود جزائيه انا اللي اكتبها تبغى والا لا شوف مصرقع لا يغويك وتروح في ممشاه ابغى اسمع ردك عجل عليه بالرد وانت جاي جيب معك اتريك عشان اوديه لعمي فجل وانا رايح |
ULH K;AT KUVT
والله ياغراب البين مايجي منك خير
سمعت يامصقع وبعدين بدون شروط ايوه بس تراني صاحي لكل الا عيبك وان كان ماانت مصدق اسأل المطرقع تراه خطب حماطة والملكة البارح وكبك من اللفلفة عند فجل ترى مطقع جالس بالنيمس يتحراك بس اقلك عندي لك شور يمدحون زهرة بنت كرنب عم فجل يقلون زينها يهول وشاطره الله يامخلل تسويه تاكل رجلينك عليه وبعدين من انت حتى تشرط فيه على بالك انك مطرطع أقول لك ان كان معك لف ودوران على زهور علمني من ذحين والله ياغير أستقدم الباكستاني حارس شخصي لي وحرمته بدقارده لزهور والمطعطع يرعى الغنم بداله لين نربيك ياذيب الغادي وبعدين عمك فجل تراه نصاب ماجاب سره لاحد حماطه زوجها كل الرفاقه وياخي يادمك كل ماتذكرت تحرشك بالماي فرند بتاعتي (زهوره ) يافقلبي عليك حقد بس خايف تطلع بعبع وتضربني أقول اتفقنا والله يامعيفني منك |
يا أقزوز ...كنت أسميك أقزوز...
والآن حق لي أن اسميك منسم! تراك منت قد تهديدك ...وترى صاحبك الانجليزي...صاحب مشاكل... كل يوم يرفع لي أسماء ويطالب باتخاذ القرار المناسب...(طبعًا اسمك يوميًا ) أما الأديبة الرائعة ـ زهور ـ فلم يحصل مني ما يكدر خاطرها..أو بذكرها إلا بكل طيب... فأرى منك ومن عمك بداية في التطاول على الإدارة...بل حتى وصل الأمر بالاتهام بالسرقة ...عشنا وشفنا... فأخبر عمك المخرف ...متى ما رأيت اسمي في ثنايا مشاركتكما ...فسوف أترك الأمر لـ أبو انجليزي يتفاهم معاكما مباشرة... |
يابو عبد الرحمن هدي اعصابك
ترى هذولي الشله معروفين شلة حسب الله من المنسم شبيه حمار جدي الين ابو دبا اكل ابو يمن الفجل اصلا هالمخرف من فين له فلوس لو كان عنده خمسين الف مثل ما يقول ما كان زوج بنته حماطه الخبله للمنسم اللى مرمي في تشليح النهدي وعلى فكره ترى حماطه كانت معنا في المدرسه وفصلوها من سنه ثانيه بعد تقرير طبي يقلون عندها صعوبات تعلم وراثيه واضنها من ابوها اللى قاعد له شهر طايح في الساحه لاهو راضي يقبل كلام الرجال ولاهو اللى فارقنا بيني وبنك فيه واحد من اخوان صاحبتي يشتغل في مكافحة التسول وتقلي ان اخوها يقول انهم مسكوا البارح اثنين يشحدون واحد في الحلقه والثاني في الصناعيه ويقلون ان اساميهم فجل واقزوز منسم بس انا سويت نفسي ما اعرفهم وحبيت ابلغك |
ابوعبدالرحمن وش فيك طرت فيه
انت اخذت فلوس عمي وسكتنا وهديت العشه حقتي وسكتنا كمان تخلي ابواسم انجليزي يضربني هذي قويه هذا عشان انا مسكين وعلى باب الله الله يسامحك لكن شوف لا تخليني اقدم معروض لمدينة الملك عبدالعزيز اطلب فيه ادارة المنتدى وبعدين افصلك انت وصاحبك بس عشان انا طيب وحبوب ابسامحك هالمره s65.gif وعفا الله عما سلف بس انتبه صاحبك يزعجني وبعدين انا وعمي احسن اثنين في المنتدى s9.gif وبعدنا انت وصاحبك لا تقول له يتفاهم معي مباشره خله يتفاهم معايه تسجيل s2.gif ابوعبدالرحمن تعوذ من الشيطان ولا تحط عقلك بعقلي |
يابن داخل العلم لك خير
اليوم جاني رجال ويقول انك انت وابوعادل زليتوا على عمي لكن شوف كل شيء وعمي ابوحبيبتي حماطه لا تتعرضون له تراني اقشر اذا وصلت للمشاعر s5.gif وبعدين البنود هذي اللي بقولها تراها في مصلحتك ياجدي انا رجال احب افيد واستفيد وبعدين وش يعني الماي فرند هذي قاعد تتمصخر عليه ياشينها منك يابن داخل نصيحه تروا زهور ناويتلكم على نيه ماهي طيبه قد اعذر من انذر وتقول بالاخص المدير العام وبتغير قليل في التشكيله حقت المنتدى الادبي لا تقولون اقزوز ماعلمنا |
المقرح
النصلة حوطة عيال عويض الغراب شعب الفود الحلاة غار المرصعة ودي اعرف وين هذه المعالم |
نهار اطمع
نهار اطمع فيك ونهار اعافك ياقزوز
تراك ماخذك فجل لعبة وانا عندي سر لك من اول مابغيت اقوله لكن يوم شفت انك مضحوك عليك من فجل وعرفت ان فجل قليل خاتمة حبيت اقوله حماطه اللي قاعد يمنيك بها تراها أول شي كان يتورى لك فيها كنها مصفرة لكن من يوم عود الديرة وبدة للشمس غدت سوداء مايطالع فيها كما الفحمة والثانية اللي سمعته والله ياولدي ما شفت بعيوني لكن يقلون الكعتان نقبتها وغدت مزببه والله مافيها طمعة 0 واناقلت لك من اول شي وحده يمدحونها ( زهرة بنت كرنب ) عم فجل يقلون فيها من الزين شي يهول غادية كما القشطة ودبها على وجه زواج لا تفوتك وتقعد تحرى السوداء حماطة تندم بعدين 0 والثانية ان كان عندك شيمة وتستحي مني زهور لا عاد تهرج فيها تراني بديت اغرز والله يا واحد يلمس كرتتها ولا قناعها ليجيه من علم ما كان يصدق به توحي والا لا 0 وعلوم فجل كلها فواضي لا تمشي في طرقة المطقع وسلا متك 0 |
يابنك
هذي المعالم معالم بلدي الغالي
بس منها معلم واحد يصلح لك لا يصيدك فيه المنسم تصير مثله |
وش العلم
|
بسم الله وش العلم ياعيال كلكم على المنسم انا تعاهدة تروني مع المنسم واللي يغلط عليه تروه يغلط عليه انا حبيت الرجال هذا من يوم شفت اسمه |
ابو خالد
دامك طلاب فزعة ابشر باللي يبيض وجهك ويبشر المنسم قولوا بس بتلابيب من ابدا |
بن داخل
والله يا علوم الفلس كل الشعراء اللي الحين في المنتدى يقولون انهم مرو على هذا الغار سمعت من يسولف على لسانك بقصة لك في الغار وهو في الاصل يسمونه غار الصرقعة لكن مع سيل الربوع انجرفت اللوحة اللي كانت على فمه ومشدودة بحبل شامي في الاثبة ثم جات تسمية المرصعة ونسبتها للقصة اللي حصلت لك وبتعلمنا بها ان شاء الله ...... وانا انتظرها |
استر نفسك
يابنك والله لن سترت نفسك احسن لك
القصة اللي صارت لي يوم جيتني ملكي مع ام الغريب وقلت لي يابن داخل ودنا نلقي الحمى وتعرفني باساميه وبعد ين لقينا وشربت من النجل لين مليت بطنك من عند الباثة ثم قلت ياولد انا جايك من اسفل الوادي ودي اريح شوية قلت لك طيب واخذتك لين عند الغار اللي مايتسمى بعد هذاك النهار وبعدين روحنا الحمى وياسعد من ستر على الاد الحلال في هذاك النهار وسلامتك |
من يماشي الجربا تبي تبدى به الحكه
|
بانت العلوم الله يستر
بن داخل وش سويت في المعاهده زهور ارسلت المصرقع عشان تبغاني اسامحها وش الراي يابنك |
لالا للتسامح
يابن داخل خاف من الله
سبحان الله رديت السالفه علي يقولون أنكم كنتم تقيلون بالحمير في الغار والا من وين جا اسم حمار القايلة الله يهديك بس وانت يالمنسم دام موقفك كذه قوي اياك تفكر في مسامح هذه العهور رضا بن داخل والا ما رضا كيفه انت اكبر من وضع يدك في بن داخل |
ذحين انت يا بنك وش دخلك غار الصرقعة
شكل اخذ قرض ورايح هناك وبعدين يا منسم يا كذاب ما هي زهوووور اللي تطلب رضا أحد ولا ارسلتني ولا أحد هرجك اصلا انا عارف انك تتمنى رضا زهووووور لكن بعييييده عليك خلك مع حماطة حقتك اللي بتاكل فيها اكبر مقلب هذا اذا لقيت فيها شي بعد الكعتان |
يامصرقع الله يرجك انت وعمتك المزهريه
لا عاد اشوف رقعة وجهك في موضوعي تسمع يابنك الملعومات عارف بتقول خطا لا اسمك كذه انت وابوخالد شطه مفللفله ماهو بارده اما وقفوا معي زي الرياجيل والافارقوني انا عندي سكر وضغط لا تجيبون لي جلطه اشم فيكم ريحة بوره الله يكفيني شركم |
ياواقعي انت الظاهر ودك انك تصير مستحيل
اصبر خلني اخلص من زهور واروقها s57.gif وبعدين اللتفت لك واعرف شغلي معك وبعد مااخلص منك استلم مشتاق والمصرقع واريحهم زيك انت وزهور قول انشاء الله |
يامنسم
يامنسم هدي أعصابك الله يهديك
بن داخل ماله الا المنسم على وزن مالك الا الهايفة بس تدري توني عرفت يامنسم انك أعقل المجانين لو شفت مصرقع وزهور جالسه تسحب فيه من شارع لشارع مره شوفني في سوق العبيكان وتوه يصل تقول توني خرجت مع السواق رايحه برج العبيكان وهات يامطريدي لين يتعب ويرقد فميدان السندي 0 تدري خلك بعقلك ازين لك واتركك من المصقع تراه متهور يمكن يتعرض لك بسوء 0 |
يالمنسم
تراني ماني منتظر منك اتوطى في بطن من الطارف وابي امسكه مع علباته وامعط به في الارض لين يشوف ان الله حق هي بسم الله هذه انت يالمصقع بم بم الا حتى تتعودها مره ثانيه طع طع زعره تتليسن على اسيادك والله ماحديفكك مني لين تستوي وهذا 1/2 كوب من الزيت وضع اللحمه والتقليب حتي يحمر وجهه وقفاه ذر قليل من الملح وشي من البهار تدرون ودي والله أحرقه لين يركد ذا المصقع خلوه على النار اصرف لا احد يهدي النار تسمع يالمنسم |
طيب ايها البنك
اذا ما ابلغ فيك مؤسسة النقد انك تعطي الناس قروض بفايده وبعدين اكتتابك اللي منزله ما احد اكتتب فيه لأنه خسران ورخي النار يا منسم وهيييييييييييييييييه |
المقرح
النصلة حوطة عيال عويض الغراب شعب الفود الحلاة غار المرصعة اين كمرة ابا عبد الرحمن عن هذه المواقع ليضيفها الى مالديه من مدخرات في البومه المصور لتبقى معالم مصدر فخر واعتزاز لابناء هذه القبيلة وشاهد عيان على ماوصلت اليه من رقي ارتقى الى عنان السماء |
ودك بغار المرصعه يابومهند
هياروح عشان يستلمك بن داخل ويوريك المعالم على الطبيعه |
اقول يااخ منسم
زبط علومك مع زهور ويزبط معك بن داخل وترى الرجال حليفي ويسمع كلامي وانت برضه تعز عليه وما ودي انك تخسر |
ياحسن روح لبن داخل وهرجه بالعلم اربه يصحي لعقله
ويعرف مصلحته |
كوكوكوكو0000
يا أقزوكوكو |
يامنسم
يا منسم والله مالي جدا فاللي يجون غار المرصعة
وبعدين لو نفك المجال لكل واحد كان شفت الطابور من ابو رماد لين الغار وبعدين نعطيهم ارقام وبالسرى وبن داخل وش يسوي الله يهديك وبعدين اسلك مع زهور وتلحق خير كبك من البقبقة |
البقبقه والله فيك ياخواف
الواحد مايمديه يقول عنك صاحب والله انك مثل شحمة المرقه ماتنصاد لكن هين ياولد عبدالله |
| الساعة الآن 04:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by