اليوم سرقت موضوع بطران
 

قصيدة فتاة اجبرها ابوها على الزواج من شخص وكتب لها احد الشعراء هذه الابيات على لسانها فلما قرأها ابوها رجع عن امره وجعلها تختار من ترغب وهذه نصيحه لمن يجبر بنته من الزواج بمن لا تحب او لا تريد





يابـوي خلونـي علـى كيـفـي اخـتـار
يابـوي هـذا العـرس مابـه غصيـبـه

يابـوي لاترمـون قلبـي علـى الـنـار
وتصـيـر بـكـره ياجمـاعـه مصيـبـه

يابوي انا اللي عارفـه كـل الاسـرار
قلبـي وانـا ادري فـي دواه وطبيـبـه

يابوي انا مليـت مـن كثـر الاشـوار
والموت مـن شـور القريـب لقريبـه

يبه .. يبه .. يامكرم الضيف والجار
يـاسـيـدي يـاتــاج قـلـبــي حـبـيـبـه

لو شفـت دمعـي تالـي الليـل مـدرار
الـنـوم حاربـنـي وانــا لــه حـريـبـه

في خاطري هم .. وهواجيس وافكار
ماجابـت الورقـا مـن النـوح اجيـبـه

الله يعـيـن الــي مــن الـهـم محـتـار
اعيـش فــي دنـيـاي مـثـل الغريـبـه

الحلـم الاول مــات يـابـوي وانـهـار
ذبحـت حلمـي لـيـه .. والله عجيـبـه

يابـوي زاد الهـم ضاقـت بـي الــدار
صــارت حيـاتـي ياحيـاتـي صعيـبـه

وشعاد لو فـي غرفتـي ورد وازهـار
اشـوفـهـا يـابــوي مـثـلــي كـئـيـبـه

يـاتــاج راســـي لاتحـمّـلـنـي أوزار
تكـفـا طلبـتـك .. لاتـزيـد المصـيـبـه

قصيده جميله ونقل موفق
وقد تم نقله الى هنا لمناسبته اكثر

قصيدة صدق بطرانة
ويبدو لي قريت مرة انها لزهور يوم تقدمت لها وقبل ما تنهبل على بن داخل
بس ابوقف هنا لا يحوسنا رماد السنوات

موفق
 

اختيار موفق ياقزوز
وبعدين يابن سلمان ياحبك في نكأالجروح
ماخلصنا منك ومن حركاتك مع زهور
وهالحين تذكريني ترى الدم بيروح لين الركب
وبعدين اتشمت فيك مع أبو رماد

يابـوي زاد الهـم ضاقـت بـي الــدار

صــارت حيـاتـي ياحيـاتـي صعيـبـه



روعـــــــــــــــــــــــــــــــــــــــــــــــ ـــــــــــه


يعطيك العافيه أخـــــــــــــــوي اقزوز

مشكـــــــــــــــــور والله

قصيدة جميلة جدا ونقل موفق

وبعدين ياجماعة خلاص رماد السنين هبت عليه الريح وأصبح رمادا تذروه

الرياح

وكفانا الله واياكم القتل والدم للركب خلاص يابن داخل بن سلمان

عاد والعود احمد ورحبت به الزهور وننتظر عودة بقية افراد الفئة.

ابونايف شوف شغلات ابوعبدالحمن وصاحبه ابواسم انجليزي فكنا منها
احبك موت ياعسل بس عشان انت الوكيل s9.gif
واحد يحب يتمصلح

بن سلمان والله مالي الا الله ثم انت بن داخل راح في الرجلين مع زهور
ادع له ارب الله يرجع له عقله
مادريت عن بن داخل وزهور s65.gif
هذي ان شاء الله تشوفني انزلها في موضوع مستقل
ولا تتريقون على الوليه مهما يجي منها هذي قارورة ببسي وفاضيه

الامل والامر السامي وبوفهد
حبايبي الله يسعد لي هالطله قولوا اميييييييييييييييييييييين
ولا يحرمني من ردودكم اللي زي اللوز السوداني s2.gif
تروا احب امذح
وبعدين وش بلاكم على الرماده يجيلها رياح وتطيرها عنكم بعيد
والا اقول نشغل عليها المروحه احسن

سرقة....أظنك صاحب سوابق

ومشكور على هذه السرقة ـ أقصد هذه القصيدة الجميلة...

اقزوز والله انك حبوب


ويعجبني تنسيمك ..... لكن لو تعود لنا ... كلام كثير

هلا هلا والله يابوعبدالرحمن
من زمان ماشفناك
شكل الدراهم حقت عمي ابودباخلصت s2.gif
يامرحبا واحد وعشرين مليون
الامر السامي
انا لن ولم ولا يمكن ان اتضامن مع فارة العقمان

سرقة جميلة ياقزوز

تحياتي

أسرق ياحبيبي على كيفك أهم شي يكون الموتر بطران اللي بتشرد عليه


أخوك خلف

ابوخالد انت وخلف وحسونه
اهجدوا لا والله يجيكم شي ماتتوقعونه s65.gif

اقزوز وانا اخوك
خذ تكفى ذا الشماغ واسكبه زين
بس قدم الطاقية شوي وتطلع تهبل
وودي تسأل بن داخل عن الطبيب اللي صلح له اسنانه
ترى عنده صف الحين مسكت تقول صف السفايين اذا غنى لهم مستور

يعطيك الف1000 عافيه على القصيده المبدعه s71.gif

قصيدة جميلة

وموفق في السرقات من هذا النوع

مع خالص التحية والتقدير

أقزوز .. والله إنك منسم دايما
وأول مرة تكتب حاجة زينة .. يستفيدون منها الناس
والدليل إن منها فايدة ...

إنك ناقلها ..وماهي من تأليفك!!!

s2.gif s43.gif

بن سلمان ترى هذي بعد التجميل
انت بتعلمني في ابوضروس بن داخل ول يوم تشوفه في العزايم وهومتربع
على الصحن ماشاء الله عليه الله يجعلها بالعافيه s2.gif s9.gif
اشكر كل العيال اللي ردوا عليه واقول لهم ترقبوا السرقه القادمه اجمل من هذي
ابسرق سياره s2.gif لا تصدقون
ططططططططططططططططططاط

احسنت يابطل

صراحة جميلة جدااااااا

ويعجبني فيك الصراحة ( حرامي ويعلم على نفسه )

مو زي بعض المختلسين الجاحدين

وتحياتي لك

وش قصدك ياحنساء قصدي ياخنساء
مشكوره على المرور