آخر السّالفه
 

السلام عليكم ورحمة الله وبركاته
تذكرون الهرجه اللي دارت في (( خارجة )) المسيد وسرْيَتي فالعلم اللي تِزَهلت به إلين بديت على الشيخ والدكتور وهم على راس البير يردحون ضحى من النّهار((حروة )) السّاعه ثلاثه ،ثلاثه ونص ((ودوب)) رحّبوا بي العرب ومقبل علينا وحده من (( بنات بخنق )) وعلى راسها (( بقشه )) فيها قرصين واحد (( فطيره )) والثاني ((خميره )) وإيد فيها (( غوريّه )) وإيد فيها (( سطل )) سمن وعسل و(( زبديه )) وينقز ورعين كانوا يلعبون في طرف (( المجرّه )) ويتناولون القهوه اللي معها ويحطونها في فيّة الحماطه وينادي الشّيخ على العرب اللي فالبير ويطلعون ويحطّون القهوه ونتقهوا ونعيّن خيرقال هذي ((قداعه)) والغدا عن ساعه ، ويوم جيت أبعلّم لهم بعلمي قال ياولد (( إقهر زملك )) ماهنا علوم إلاّ بعد الغدا وواجبك فات ويكلّمني وهو يلتفت ((يم)) اسفل الرّكيب ويوم إلتفت ولين عندهم راعي من أهل الشّمال (( يعالج )) له في ((خيال )) ويستاذن الشيخ من ربعه وقال أنا أبسبقكم أنا والضّيف للبيت وانتم الحقونا ولاتأخرون عن الغدا ونعوّد (( نضوي )) للبيت والشيخ قدّامي يردد حياك الله يامرحبا (( من ممشاك إلين ملفاك )) ونقلط عنده في (( مربّعه )) وينادي لنا بالقهوه ويجيب معها هاك ((الصِفري)) اللي يتلامع ويوم جات السّاعه ستّه وهو يقوم يذّن للظهر ويجونا باقي الرّبع ونصلي ولين الرّاعي داخل علينا بصحن على راسه (( يتعكعك به )) ويتناولونه إثنين من الرّبع وينزّلونه من على راسه وليا فيه ذاك الجذع (( اللي ماجا جذع ولا راح جذع ))ويلحقونه بصحن رز قال الله يحييك قم سنّع غداك واعوّد على هذيك ((الردّادي )) وآخذ نُص الذبيحه واحُطها على الرّز وينقز الشيخ ويتناول له ((فقره )) ويرميها على الصّحن((ويهولي )) على الصّحن يبيزيد واحلف عليه قال اقلط حيّاك الله على غداك (( عقال عشاك )) ويتوخّر هو وربعه قلت الأوله والله مايقسم لي غير ماحصل، والثانيه والله ماحُط إيدي إلين تجلسون عوّد قام الشيخ وجاب صحن رز ورمى عليه باقي اللحم وجلس الشّيخ والدكتور واثنين شيّاب من ربعه معي والباقين جلسوا على الصّحن الثّاني ولابقي إلاّ الرّاعي حلف الشيخ إنّه مايُحط إيده إلاّ بعد ((يصدّرون )) الرّياجيل واعوّد أقعد ونتغدا ونكرّم لمعزّبنا 0
قال الدكتور ياولد تراك أخطيت علينا وانت لك واجب قلت ماحصل كفّى وانا رجّال (( مشطون )) لكنّي جايكم في علم قالوا عطنيّاه 0
قلت ماهي إلاّ سلامتكم لاشاهر ولاعلمٍ ظاهر من وادينا والله هادينا ، العلوم سارّه قارّه ، لاخلاف ولامخالف ، ولامريض ولامتميرض ،الدّيره حافّه ،والبيار جافّه ،والفرج قريب ومن رجاالله مايخيب ثم هدّيت لهم علومي كلّها وعلّمتهم عن نِِشدة الجماعه عنهم وانهم يبشّرونهم باللي يرضيهم 0
قال الشيخ حيّاك الله وحيّ علومك وعسى الله يسلّمك ويسلّم ربعك ومن قد العلوم اللي عدّيتها فانا من يمّي مابي والله لاشرهه ولا كرهه لكن الرّبع يعرفون اللي بيني وبين الرجّال اللي قدّامك من حلف واليوم اشوفه مبتعد وجيت أنت يالحاظر النّاظروحطّيت وسمك على حلاله وتقول إنّه وامرك وانا خٍفت إنّه لحقه وحده من الثّنتين ،ولا إنك متسادي مع أهل البلصه وانا ما اتكلم عن حاضر وتراني مانشدته عن شي ولاطراني نِشدته ، عوّدت رديتها يم الدكتور وقلت له أنت خابر العلم وأبغيك تعلّم الشيخ وما كمّلت هرجتي إلاّ وهو قايم ومسلّم على راس الشّيخ قال الله يهديك والله ماجاني إلاّ العلم الزّين لكن أنا رجّال أوّل ماجيت للجماعه ماعرفهم وما حبّيت أبدي باسمي إلين أعرف وش هم من رجال ، وبعد عرفتهم حبّيت أبدي للعربان بعض علومي وناديت الرجّال هذا واستفزعته واعطيته لقبي الحقيقي وهو تراه ماهو إلاّ كاتب ودكتورك هو أبو سيفين وأنا صاحبك اللي ماتغيّر ،قال أنا ((تفلّطت )) لي في إيمين إنّي ماأرجع إلين يرجع الدّكتور وإن كان لحقه خطى يعدّلون المخطي ، لكن مادام هذا عِلمك سلّم لي على الجماعه وقُلّهم مايصير خاطرهم إلاّ طيّب وخابرهم يفكرون في طريقه مايحنث فيها الشّيخ في إيمينه ، ويمكن إنّهم سمّوا الراعي مشعان وخلّوه يبدي حتى يقدر الشيخ يرجع 0
هذا علمي وسلالالالالالالالالالالامتكم 0

رد: آخر السّالفه
 

سالم وغانم يا حليفي الجديد يبو سيفين , وترى الغليم (الصبي) اللي شفته يعالج في الخيال هو الرمه مخاوي منقاش .
وزين أنك أكتشفت اللي أكتشفته وعدلت الدكه للخارجه حتى يكون علمك من أوله صحيح ومليح , وبيض الله وجهك بياض يريع ويبدي مع كل ريع بعد أقنعت حليفي الدكتور بالمعواد لميقافه . وبلغه أنه ثبت لأبو نقشه أن اللي كتب في المنتدى قبل أيام وأدعى أنه الدكتور مشعان (في غيبة الدكتور) كان دكتور مزيف وحرامي ونصاب , وتراني بعد هزأت أبو عبدالرحمن وجهته يطرد الدكتور المزيف حتى لا يشوه سمعة حليفي عميد الدكاتره .

رد: آخر السّالفه
 

رد: آخر السّالفه
 

رد: آخر السّالفه
 

حياك الله يا بوسيوف
لم اتابع أوائل الموضوع فعجزت عن فهم تواليه.
ما الذي يجري يا مسلمين ؟
لكن مازالت تتكشف لي موهبة في القصص تشبه
موهبة الدكتور مشعان .

رد: آخر السّالفه
 

رد: آخر السّالفه
 

رد: آخر السّالفه
 

رد: آخر السّالفه
 

اولاً ماعندي إلاّ سيفين ، ولا ني قايل من هو أبو سيوف 0
أمّا سؤالك عن أوّل الموضوع فهو على الرّابط : ـ

http://www.thomala.com/vb/showthread.php?t=44662

وأشكرك على ثقتك في الدّكتور مشعان وخليفته ابو سيفين 0

رد: آخر السّالفه
 

كثرة الأقواس قطعت الأنفاس
يبي لكثير منها توضيح
يقول مجنونها بارك الله فيك
دام للمنتدى عطاءك
وأنا شرحه

رد: آخر السّالفه
 

رد: آخر السّالفه
 

رد: آخر السّالفه
 

ابن سلمان ، ومجنونها أشكر لكما مروركما وانتظر إضافاتكما المعهوده ولو إن ربع حملة المليون مايتركون فرصه للموضوع يشاف 0 ((وعلى ماقيل عوّدت حليمه لعادتها القديمه ))

رد: آخر السّالفه
 

كلام زين ياشاهين ، وبقدر سروري بما تضمنته المداخله من إطراء إلاّ أنّي حسيت إنك تكلم شايب عُمره فوق التسعين حسبي الله على ابليسك 0

رد: آخر السّالفه
 

رد: آخر السّالفه
 

رد: آخر السّالفه
 

مبروك يا حليفي يبو سيفين , شوف أبو عبدالرحمن يوم شاف العين الحمراء وقف الدكتور المزور , وأمتثل أخيرا لأمري بعد هددته بالتنزيل من الشرافه , هذي ألأوله .
والثانيه , بارك لأبو نقشه على ألقابه الجديده القديمه , لأن واحد منها ذكرني به رويعي الكلاب والشيخ سلام في منتدى الفطريات , وهو لقب الركن .
والثاني ذكرتني به الله يذكرك بالخير بمعرفك الجديد وهو لقب أبو ثلاثه سيوف .
يعني من اليوم ورايح تقدر أنت والا غيرك تخاطبوني وتقولون يا فخامة الشيخ الركن ابو ثلاثه سيوف الشريف منقاش , أو خلطها بشويه (حسب المقدره ما ودي أشق على أحد) من باقي ألقابي اللي بكثر الرز .

رد: آخر السّالفه
 

رد: آخر السّالفه
 

رد: آخر السّالفه
 

أقول مسّاك الله بالخير ، وعلى قول واحد يتبدوى مرّه قابلناه فالبر يقول ماريتوا لنا طرف عنز مضرع 0
((وللشباب)) آمل إيضاح الخطأ في العباره 0
**********************

رد: آخر السّالفه
 

رد: آخر السّالفه
 

أحس صبري بدا ينفذ .
وبعدين معك يبو عبدالرحمن ؟.
يعني لابد يشتكي عليه أبو سيفين حتى تلغون عضوية الدكاتره المزيفين وتردون على الرجل أساميه وأوسمته وأكاليل الغار اللي حصل عليها ؟....
الله يهديك , ويكفيك شر نفسك .
والمختصر المفيد : شوف شكاوي حليفي وحلها على وجه السرعه .

كاتبه : الشيخ الركن بدر الدجى وعرعرة المنتدى ......

رد: آخر السّالفه
 

ترى اذا ما تعدلتوا معايه... بطبخكم طبخ واضع مع كل واحد بصلتين متوسطة الحجم مفرووووومة وفصين ثوم مهروسة وجزرتين وحده مهروووووووووسه والتانية مقطعة علشان اللي يجوع ياكل منها ونضع شويه بهاراااااااااااااااااات وفلفل حار لأن بعض الاعضاء يحب الرز المفلفل مثل رز البامبوي الهندي وترى يمدحون البستمي ابو حبه طويلة احسن من ابو سيوف وابو كاس وابو بنت وابو بنتين.
زمان كانوا يعزموني على رز يسمونه رز ابو قوطه دحين لا ابو قوطه ولا ابو بصله.
والله يخلي البخاري

رد: آخر السّالفه
 

رد: آخر السّالفه
 

شكل عيونك هذي المرّه زهري ، وبعدين ترى رويعي الغنم بدا يسوي حركات نص كم ويبسحب البساط من تحتك 0
تصوّر يقول لي ياحليفي !!!!!!!!!

رد: آخر السّالفه
 

رد: آخر السّالفه
 

مزوووووووح تجي وتروح اش فيك زعلان ترى انا المسالمين ما احب اصوات السيوف تصقع في بعضها البعض.

رد: آخر السّالفه
 

ويعافيك أبا عبيده

رد: آخر السّالفه
 

الله لايجيب الزّعل ويديم المودّه ، بس حقون جدّه منين يجيبون (( إنا )) هادي 0