زمن منقاش
 

besmallah:
زمن منقاش
لم يكن اليوم يومك يا منقاش , نحن الان نعيش زمن الاوباش
منقاش ذلك البدوي العفوي , ابواه لم يهودانه او ينصرانه , ولد وتربى هكذا على الفطرة , بينه وبين الوفاء للماضي علاقة حميمة يترجمها لنا حماره , واصبح وفائه لحماره مضرب المثل فتسمعهم يقولون اوفى من منقاش , منقاش هذا في زمن نركب فيه الطيارة لنسافر , ونقتني فيه السيارة في حلنا وترحالنا , ظل حماره هو مركبه , وهو صديقه وانيسه , اصبح نهيقه الصوت الذي لا تغفو له جفن الا عليه , اصبح المنبه الذي يستيقظ عليه , وامسى الونيس الذي يقطع سكون الليل وبحرك فيه بقايا من ذكرى .
منقاش وقع ضحية فتية اوباش , اوسعوه ضربا , انهالوا عليه ركلا ولكما , وهو يتوسل اليهم , بستجديهم الرحمة , ولكن هيهات له من منجد , حتى حماره لم يسلم من عبث اولئك الاوباش , احدهم قضم اذنه , والاخر سلخ له ذيله , ومنقاش لا يملك الا التوسل .
ان صدقت الروايات التي قرأت من ان بن عزاب وبن داخل ومن خلفهم افك عصبة محترفة الاثم والعدوان فتلك مصيبة والمصيبة الاكبر اذا خلي وحيدا دون تدخل او مؤازرة واضعف المؤازرة الشجب والاستنكار , الا ان ما يفرحني سماعي ان زهور الريف بصدد تكوين جمعية لمؤازرة منقاش وهذه بادرة ممتازة من لدن انسانة عرف لها وقوفها مع الحق .
ناصروا منقاش , ناصروا منقاش , ناصروا منقاش .

رد : زمن منقاش
 

وأنا ممن يشجب ويستنكر ما يحصل لمنقاش
نحن معك يا منقاش وليخسأ الضالمون
وأما بن عزاب وبن داخل فلهم يوم
وستدور عليهم الدوائر
وسمعت أن بن سلمان منظم معهم هو وابو عادل
وكان مكلفين حسن عابد بالمراقبة
وهم من تسبب في ضربه
بس حلوة يوم يصحى على صوته كانه منبه
يوقته الساعة 6 ص ويقوم منقاش يضغط على خشم حماره
ويعطيه غفوة وبعد خمسة دقايق يعطيه ايقاف

رد : زمن منقاش
 

رحم الله حالك يا منقاش
ترى ان ودك بدعوه والامطالبه ترى ريالي قبل ريالك
وانا اقول تدور لك احد من اهل الخير
وتضوي على ابو عبدالرحمن وتشوفون الهرجة معه وهو اللي
فاك لهم باب للسرمحة والدجة من اعلى الديرة لين اسفلها

رد : زمن منقاش
 

رد : زمن منقاش
 

لاتخاف يامنقاش
تم القبض عليهم والتحقيق معهم جاري
جاري والا جارك
نيااااهااااا

رد : زمن منقاش
 

المشتاق
العلم اللي ياتيك ان منقاش فاهي له بهرجة الله العالم انها ماهي زينة
وانها مهفرة مثل وجهة والله العالم ان بن عزاب ثبت فعلا انه كامن له
وليت ما قالوا ان ليتها تقف عند هذه
العرب ناوينه بقتله وعلى غير قبلة
مير خلك منه وتوحى من بعيد

رد : زمن منقاش
 

فالكم خير وفالك خير يا رفيقي يامشتاق
تطمنوا تطمنوا منقاش ما يرقدعليهاوخذوا العلوم
اليوم بعد عكني وعضاريطي وعلابيه هونت عني وحماري نسم ونهق خرجت من داري واحتجيت في حنكره أتنظر لأحد من خصومي بعد جاني لبهة علم انهم يصدرون علينا الديره كل يوم الخميس . وحد ما انا اغني حدايا وزهم مثل طيري طيري ياحمامه, طيري عبر السلامه , ومثل حداية حياة برشومي- يالله في ليله معا بنت الهنود , والا في بستان مويه جاريه - واتونس واتحكك واعرط جلدي من المشريه الا وصوت هاك السياره اللي مقبله .
اوقف الطرب والعريط واركز على الطريق الا والسياره اللي تهرهر مقبله وتشبه بالضبط سيارة العفنى اللي لعطوني ويوم قاطرتني الا وعضروطها اللي أعرفه . كنت اسمي واكبر واعطيها من بندقتي هاك الداخن في واحده من كفراتها الا وهي يوم عفطت وبنشرت.
الا وهاك المتاعيس الاربعه اللي خارجين منها واصيح عليهم ارفعوا ايدكم وهثنثل وكل واحد فيكم يقف على رجل واحده وردوا وجيهكم ياسودان الوجيه للشمس, ثم اثور داخن على كفره ثانيه حتى زادت عفطت مثل العنز وبركت على الارض . اطاعوني الماعز ماهم رجال وشفتهم من الفجعه اللي بهم ## لويخ في ثيابهم # # وملوخه سيقانهم واقدامهم , هاثم ثورت كم داخن عند رجليهم وهم يتفاغرون وينادون : نحنا داخلين عليك يا عم منقاش سوي فينا اللي تبي بس لا تقتلنا .
وحتى اتوكد واتركد انهم الهلافيت اللي لعطوني وهم ملثمين قلت لهم : أخرسوا يا جفار وابغي كل واحد فيكم يردد بصوت مرتفع أربعه شالوا الحمار والحمار ما شالهم , وبعد رددها كل واحد فيهم ألا وهو صوت خصومي اللي أعرفه . هاثم قلت لهم تمددوا على بطونكم في الأرض يا جفرات يا معزى , نفذوا وريحة لويخ الفجعه اللي خرج منهم أذوى بالمكان . تلثمت من الريحه واقتربت منهم ورميت عليهم حبل وقلت لهم هيه وانتم على بطونكم كل واحد فيكم يمسك روس اقدامه بيديه الثنتين . نفذوا وقلت لواحد فيهم قم يا عنز واربط ايدي خوياك في رجليهم وهم على بطونهم , وبعد نفذ طلبته ينبطح على بطنه ويمسك بيديه رجليه ونفذ ثم اقتربت منه وربطته ثم جبت سلاسل واربعه أقفال وربطت وقفلت على ايديهم ورجليهم , ثم ناديت على راعي السواني اللي جاب معه خياش لفهم فيها وشد كل واحد فيهم على حمار واخذهم لصفة تبن في مكان سري يبي يحقق معهم هو ورويعي الغنم ويعطونكم العلوم بعدين ..
هيه تطمنتم يا صدقاني . ومن متى يضيع حق ووراه طلاب ...
بس تنظروا من راعي السواني ورويعي الغنم نتايج التحقيق معهم حتى تعرفون من هم وويش يفيدون به الجفران.

رد : زمن منقاش
 

بيان رقم (1)من لجنة التحقيق
اولة بالوله تعتب اللجنه شديد العتب على الثرثار منقاش اللي علم عن وضع يد العداله على المعتدين , وهذا يبي يصعب علينا شويه مطارده الخبلان المحرضين والممولين والمخططين للجريمه , على كل حال سرا عليهم البارح في التحقيق ليل اقشر يا دافع البلا .
وثاني مره يامنقاش لا تبلم بكلمه وخلي المتحدث الرسمي رويعي الغنم يبلغ الثملان باللي يعترف به الغلمه وان عدتها رايح تدفل العافيه ويسيرمصيرك السجن معهم .
الثانيه : اللجنه ريسها راعي السواني والمحققين أساميهم سريه لكن منهم التكروني ومنهم التركي اللي ماتت مرته ومنهم الملتعن.
الثالثه : وسايل التعذيب انسانيه ولا تخلف تشوهات جسديه مثل التعليق برجل واحده وشل المتهم في البير على راسه, وتدخيل ثور ابو قرون له صفيرعليهم في سجنهم ( صفة التبن) , وتبخيرهم بشطه حمراء وتفقيع بيض فاسد في أذانيهم , وحميتهم على اكل البرشومي والماء وعلوم ثانيه كثيره ما هو وقتها .
الرابعه : اللجنه رايحه تكرم القراء وتسأل المتهمين عن اي سؤال تسألونه حتى لو كان عن قضيه ما للتحقيق بها علاقه.
الخامسه : قاضي القضيه اللي يبي يحكم في النهايه فيها هو أبن أبي محمد والرجال متعطش لعرض القضيه عليه ويقول اسرعوا نبي ندفنهم مع جريمتهم .
السادسه : اللي يكتب له منهم عمر بعد التحقيق واحكام القاضي سيتم سجنهم في مغاره في بطن عورش .

ناشر البيان عن اللجنه متحدثها الرسمي رويعي الغنم

رد : زمن منقاش
 

لله درك يا منقاش
صدق يوم قلت زمن منقاش
الحي يحييك والميت يزيدك غبن

رد : زمن منقاش
 

الا لي كلمة يا منقاش
انا اسمع لبهة علم على لسانك ان بن سلمان مع الا ؤبعة هذولا مدري وراهم وانا اعرف الرجال برا ما هو يم الديرة واخاف ان احد يتعزوا باسمة وتظن انه هو , الرجال حسادة كثروا من يوم صار مراقب وبن عزاب ميت من القهر عليه ودة يا خذه في دربه ووده بتشويه سمعته , ومثله من الرجاجيل اعرفه ما يمشي في العلوم الباطلة , تاكد تكفى بنفسك من الاربعة وتحقق من هوياتهم , انا اجزم يا بن عمي انه ما هو معهم بس فيه احد منتحل صوته .

رد : زمن منقاش
 

والنعم والله يا منقاش
صدق بطل
ما يروح حق ووراه منقاش

رد : زمن منقاش
 

يبن عمي يمشتاق لا تحرجني . الجماعه الي يحققون منعوني من الكلا م. وسعالك هذا الي
سعلته يبي يجاوبك عليه المتهرج عن اللجنه رفيقنا رويعي الغنم . تكفى عذرني ولا تكلف عليه .
يابن عمي بنك العلومات : اعرف انك انت وكل الرفاقه قلوبكم عليه .

رد : زمن منقاش
 

يا جماعه ما نبهنا عليكم . وهذا شوفوه التنبيه الثاني , لا أحد يسأل الثور المعمم الطقوع منقاش اللي بدوي حق عداوي وقتال لكن ما يفهم شي في التحقيق.
اللي عنده سؤال يوجهه لرويعي الغنم .
يا مشتاق أنت سألت عن بن سلمان واجيبك انه معهم ولا حالك بحاله.
سؤالك عن كيف يكتب هو والا غيره في النتتننرأنت حق ثماله ؟؟ الجواب : حمار منقاش مركب فيه كنفيوتر ولوحة المفاتيح @@@ونحن سامحين لهم يكتبون كأنهم مفلتين زي العاده الا العلوم اللي يم التحقيق حالما يتطرقون لها @@@@يعطيه رفسه وينمسح كل اللي كتبه .
أبن عزاب مع المقبوض عليهم وطلب من اللجنه وقال أنه جاهز يكشف لهم كل المعلومات بس بشرط أنه لا يرى التكروني ولا التكروني يراه ويخفف عنه شويه من التعذيب وتم الرفع والعرض بطلبه على رئيس اللجنه راعي السواني وحتى هالحين ما جاتنا الرداده .
أبن داخل من المقبوض عليهم ومستلمه من المحققين التكروني والملتعن من البارح , وبلغني أن من ضمن وسايل تعذيبه الزغزغه وتدخيل شعره @@@@ في خشمه .
الرابع تبي تعرفونه قدام شويه .
كذلك أزف لكم علوم زينه وابشركم ان شلة المحرضين والمخططين اعتقل منهم اثنين والبقيه في الطريق .

رد : زمن منقاش
 

اصبح وفائه لحماره مضرب المثل حلوة يامشتاق واستطيع اقول

وفي وفاء منقاش لحماره

مانت سهل من اليوم انت وكيلي في المنتدى واذا احتجت عمالي وعبيدي للتأديب والتخويف ابشر

رد : زمن منقاش
 

بيااااااااان هاااااااااااااام رقم (3)
كما وعدناكم يا ثماله بالشفافيه واطلاعكم من لجنة التحقيق اولا باول
اولا : اعترف الجناة الأربعه ان حسن عابد كان يصب القهوه ويدفع الفرقه ويحرض على الزله في اجتماع التخطيط للعدوان على منقاش .
ثانيا : اعترف الجناة ان خلف بن عبد العزيز كان حاضرا في تخطيط الجريمه وساهم بسهمه معهم .
لذلك صدرت مذكره عممت على القبايل رجال ونسوان وورعان والجماله والحماره ورعيان الغنم بالأبلاغ عن مكان تواجدهما ليسري عليهم ساري الليل ويجلبهما مكتفين للتحقيق ونتف أشنابهما حتى يعترفا وان عصعصا فينتف غزل رأسيهما وان عصعصا تقلع اسنانهما .....الخ .

أخيرا فيه حزيره نختبر فيها ذكاكم والحاسه السابعه عندكم : يا حجحجاكم الله من رابع المجرمين اللي قبض عليه . يعني ابن سلمان وابن عزاب وابن داخل مكبلين في الأصفاد في الصفه ومعهم المجرم الرابع اللي شاركهم في ألأعتداء على أطهر رجال في القبيله وجه الخير منقاش ,, فمن هو التعيس الرابع اللي دزه ابليس وسار معهم مخيس ؟؟؟.

رد : زمن منقاش
 

ما فيه غيره ابو تركي

رد : زمن منقاش
 

بياااااااااااان هاااااااااااااام رقم (3)
أولا : جوابك يا حسن بن عابد غير صحيح ,, حاول تقكر أكثر وتجاوب صح حتى أطلب من اللجنه تخفيف المرمطه اللي مقبله عليك أنت وخلف .
وين ثقافتكم يا أعضاء , حاولوا تعرفون من هو الرابع ولتقريب ألأجابة لكم التكروني يوم عرفه حلف أنه رايح يخليه يعترف أنه هو الهامور اللي لهط فلوس حيلة بطاقات سوا ولهط فلوس المساهمين في سوق ألأسهم .
ثانيا : البارحة فجعت لجنة التعذيب السجناء بأشباح واصوات في ظلام الليل وقام بأداء أدوارها التكروني الى درجة أن ابن سلمان يوم أصبح طلب من اللجنه يكتبون اللي يبون من أعترافات حتى يبصم عليها.
ثالثا : أعترف المجرمون بجرايم لو تعرفونها كلها ما عاد فرشتم لهم فراش مثل أعترافهم بسرقة دجاج وحمام وبيض أهل الديره وتبيض ألأموال وتبيض الطيور.

رد : زمن منقاش
 

يرويعي اليوم لقي أقزوز منسم حماري مربوط واقترب منه وسبه واعطاه كف على علباته , وارجع في قفايه واخذ البندق وارجع ابعطيه داخن والقاه فص ملح وذاب .
الظاهر أنه حاقد على حماري وحل للمشكله وش رايك تقبضون عليه وتسلمونه للتكروني والملتعن يسعلونه كم سعال ويعذبونه ترونه مليان علوم وبلاوي .

رد : زمن منقاش
 

والله الظاهر انك يبغالك ربط يومين ثلاثه ايلين تقول ..............
خلك على شحمه ونص

رد : زمن منقاش
 

اسمعوا يا لجنة التحقيق
بما اني متهم فمن حقي توكيل محامي عني وانا هنا من مربط الفرس مع بقية الفوارس اوكل ابن ابي محمد لسان حال حتى تنهي اللجنه تحقيقاتها , والله اسأل ان يظهر الحق .

رد : زمن منقاش
 

بيااااااااااااان هاااااااااااااااام رقم (5)
الأوله تشكر اللجنه اللي يتصلون عليها ويحرشونها على ناس لتلبيسهم التهم ونقول لهم لا توصون حريص .
الثانيه : ترى يا بن سلمان القاضي ابن ابي محمد تعكنن وشرهان عليك ويقول ليش تنشر طلبك قدام الناس وتحرجنا وتجاوز المحققين وتستغل الكمبيوتر اللي مركب على حمار منقاش في قضايا تشكك في العداله ويقول احذر لا عاد تكررها وكل ما عليك ورقة كيس سمنت واجرح اصبعك واكتب به عليها طلباتك وارسلها لنا . ومع كل ذلك فلن يخيبك وامر باطلاق سراحك بالنهار وتسليمك للجنة بالليل وبعد ينتهون وتعرض عليه القضيه يبي يخلي باله منك , اما المحامي عنك وعن غيرك فهو موجود معكم وهو حمار منقاش .
الثالثه : اذا هود الليل يكلف أبن عزاب وابن داخل بفصل كيبل الكمبيوتر من الحمار والكيبل شوفوه أسود متدلي من حمار منقاش .
الرابعه : أبشركم قبض على أحد كبار المحرضين على منقاش في ليل البارحة وفي سوق الليل ومن قبل ساري الليل الذي كتف المجرم بعمامته وجرده من كوفيته الطويله وسلمه للجنة والعداله وهوالمحرض العمده مروق المنقه .
والأخيره : وراكم لم تعرفوا رابع المجرمين المقبوض عليهم ولمساعدتكم من حروف أسمه ألأول حرف(ع) .

رد : زمن منقاش
 

[POEM="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]منقاش يتهيض من القاف بقوال =مثل الذهب والا صراف الريالات
يا ويل عدوانه ويا ويلهم ويل =من بندق في الخرج خرجتها بخرجات
حتى الحمار اللي معه ينظم أقوال =قافن تبي تسمعه بين من بعيد المسافات
بلغ كلامي يا نديبي لبن داخل وعزاب= وابن سلمان والرابع خوي الظلالات
تستاهلون اللي ضواكم يا قبيحين الفعال =عان الكتف في يديكم كلها والرجيلات[/POEM]

رد : زمن منقاش
 

اشكر للمتحدث باسم اللجنة بيانه وايضاحة
وحقيقة من حقي اعلن امام العامة وحتى في بيان والا تي الامريكان
يزعلون علينا ويقولون ما نعرف لحقوق الانسان
وما زلت اكد على توكيلي لا بن ابي محمد
كما اني ارفع لعدالة اللجنة اعتراضي على ما جاء في قصبدة منقاش حتى تنهي اللحنة اعمالها

رد : زمن منقاش
 

وين راحت هجوسي يبن سلمان . قصيده اتهيض بها وادخلها في الخنفيوتر ولا القاها . بذيك ان ما رديتها لا اخلي العمده يترك لكم استراحتكم وتجنون على انفسكم يا كراكيش .

رد : زمن منقاش
 

بياااااااااااااااااااان هااااااااااااااااااااااااااااااام رقم (6)
ألأوله : صح لسانك ولا فض فوك يا منقاش فقد فاجأتنا بمواهبك الشعرية عندما ضن البعض أنك لا تجيد الا أمتطاء صهوات الحمير ليس الا.
الثانيه : يا الله النصر من عندك على المعتدين ,,,,,,,,, مثل نصر السعودي يوم حرب الوديعه.
نبشر المتعطشين لآخر الأخبار عن العتدين على رفيقكم نظيف المظهر والمخبر منقاش العظيم , وتقول لكم اللجنه ألأخبار تثلج الصدور واليكموها :
1- المجرم الرابع في العدوان الذي تكتمنا على أسمه بعض الوقت هو شاعر ثمالي الذي سبق أن ترك المنتدى خوفا من التكروني , ولكن التكروني طاح فاله في ثفاله , لقد جن جنونه عندما عرف أن الشخص الذي أمامه ليحقق معه هو شاعر ثمالي الذي هجاه هجاءا أفقده لذيذ المنام ليالي وأيام , ولكن التكروني يقول لقد صبرت والصبر زين ومضمون فيه ثنتين تمسك رفيقك وتاخذ الحق وافي .
التكروني حلف مايخرج شاعر ثمالي من التحقيق ألا وهو لونه تكروني ومعترف بكل شي , والظاهر أنه أعترف أنه متصهين وحتى ماسوني ثمالي .
2- العمده مروق المنقه أقروا عليه الفاتحه على قول المصريين ومعه خلف عبد العزيز وحسن عابد واللي يحقق معهم ساري الليل وخبل بهم وحاطهم في صفة تبن مسجونين على حده واعترافاتهم خطيره على الديره والقبيله وطاحوا البعدا عنكم في ثفالهم .
3- تعلن اللجنه أن أبو هاشم مطلوب لثفاله حيا ليذوق وبال أمره ولتطليع الجني اللي في راسه , وسبب طلب القبض عليه عدم أستمزاج للمذكور من قاضي القضية أبن أبي محمد ..

رد : زمن منقاش
 

رد : زمن منقاش
 

يارويعي الغنمان والدواب والحمير وراعي الصفة اللي شكلها رايح ينقشع
المروق هذا ابعدوه عني اكل رجليه ويلحس في اصابعي فكوني منه دخيلكم

رد : زمن منقاش
 

معي شهادة حق للجنه المكلفة
فيه عضو من الاعضاء يجيد اتحال شخصية بن سلمان وهذا العضو محمي من الادارة واقو لكم ايام كنت راعي مع بن سلمان كنت ادرج بغنمي في علو الديرة واقابل الرعيان وكان بن سلمان يجيب لي الفكوك اذا اضحى النهار والغدا يجيني به عصير وكان يحب يمازح الرعيان واللي كان من بينهم ابو نايف مساعد المدير يرعى في غنم ال عواض وكان دايم يقلد بن سلمان في مشيته وساعات يغني بالصوت من بعيد وكثير مرار كنت افز من مكاني اظنه بن سلمان ويطلع ابو نايف ويزيد الشبه مع لبس النظارة والطول واحد والملح واحد وانا اجزم انه هو من انتحل شخص بن سلمان في لعطة المنقاش ومنقاش رجال خير وطيب وسهل مثل ابو نايف يخدعه , اتمنى اني بريت ذمتي , واترك لاهل العدل في الموضوع النظر في شهادتي