|
( ثرمده ) من هنا وهناك 2
موضوعنا الثاني الله يجعله خفيف عليكم وسهل الهضم لحسن الايام الفايته البطون حالتها حاله الناس تقول عمرها ما شافت اللحم .. من يوم جا العيد والناس لو بكيفها ما افطرت الا كبسه ياكافي تقول ان اللحم بيغلق .. لا ويتفاخرون بعد ان فلان والله ( إكيل ) ولا احد قده اذا جلس على الصحن ما يقوم وباقي فيه شيء والمصيبة ان هذي عاده قديمة وشغله اكل وشرب عليها الزمن .. كانوا زمان يتفاخرون لانهم يهضمون اللي يأكلون تلقاهم ورى الغنم بالجبال ولا بالوادي يشتغلون وبعدين الجوع يخليهم ياكلون ... ام الان كل وجمع من ها الشحم لين يطلع للواحد كرشه تقول ( ماني قايل ) وتبدأ الامراض ... السكر وارتفاع الضغط من ذي الشحوم .
موضوعنا يا ساده يا كرام كنت ابغاه عن سالفه ثانيه غير الي بقولها الان ولكن كان جالس على الكرسي جمبي ولد عمره 9 سنين قال شوف كيف فيه مواضيع مميزه كثيره فوق ليش ونبهني لحاجه ماكنت منتبه لها قمت افكر ياولد ادخل على المواضيع هذي وشوفها اجي ادخل الا كل موضوع له مجال غير الثاني وكل موضوع يقول انا الاحسن اثر موقعنا اصبح ماهو بسيط وفيه ناس تكتب قلت اجل على كذه نقدر نفخر ان فيه عندنا ناس تخلينا نرفع روسنا هذا الكلام كله في اسبوع طيب اجل الشهر بيكون فيه حاجات اكثر بصراحه انبسطت وفرحت فلا خلا ولا عدم يارب . ....................... طبعا كلكم عرفتم اننا الان شبكنا الحكومة وبقينا نسايب يعني نقدر نقول الي نبعاه ما احد يتعدى علينا المخبر واصبح صديقنا ولو ان اسمه ما هو مضمون لكن هرجنا ما بنخليه يروح بعيد خوف على انفسنا ولا تنسون ان المثل يقول ( الشرده نص الشجاعة ) هذا زمان الان تطور المثل وصار ( الشرده هي الشجاعة ) واصحاب اللون الازرق تروهم يفجعون " فاصل هجوله " ( هناك اتصالات لتغير لونهم الى اللون الاصفر لكن يقولون السوق غلق منه اللون الاصفر لكثرة الطلب عليه " لون الذهب " وبعدين سعره غالي فشرى ابو عبدالرحمن من الألوان الرخيصة والمتوفرة ) " رجعنا هروله " ابشركم بنسوي معهم مغايضه اقصد ( مقايضه ) بمناصب احسن بس بعد تروح منهم سكرت اللون الجديد " فاصل هجوله " ( يقال ان ابو عبدالرحمن زرع جاسوس بيننا فعرف بالخطة قام عمل بالمثل , اطعم الفم تستحي العين , لضمان الولاء من اصحاب اللون الازرق ) " رجعنا هروله " طبعا انتم شفتم ردنا عليه في تواقيع ذوي اصحاب اللون الازرق وزعنا الهبات وقنالهم لايبينون لحد يقولون ضايعه وبعد يومين ثلاثه يلهفونها وبكذه ما احد يشك بالموضوع المره الجايه بيكون شعارنا جاهز ورئيس جهاز الاستخبارات بن رابع سيتولى عملية التصفية للمعارضين . ........................ لا احد يزعل مني ترو هرج واحنا قلنا الهرج بلاششششش لست رجل عندما تفرد عضلات سيادتك على مره فانت ذكر فقط . لستي انثى عندما ترفعين صوتك على زوج او اخ او اب . لست كفئ للزواج عندما تترك ابنائك بالشوارع ولا تسأل عنهم ( يحسب الشغلة بس اكل وملابس وناسي التربية ) لست كفئ للزواج عنما تهملين بيتك وزوجك ولا تهتمين سوى بحاجياتك دون مراعات ظروف زوجك ( تحسب انها باقي عند امها ) رجال هذه الايام شخوص من ورق سهل ان تطير لقاء أي مشكله تواجهه . بنات هذه الايام أصبحن مثل المجلات أجمل ما فيهن ... هو الغلاف!! ........... لطشه وقع حادث سير كبير في بلدة من البلدان الصغيرة. فتعطل المرور . وتجمهر بعض الفضوليين حول الضحية ووصل أحدهم متأخراً .ولم يستطع اختراق الحشود ليلقى نظرة .ففكر في حيله يحقق بها غرضه فصاح بصوت عاااال .وهو يدفع الناس أمامه : أفسحوا الطريق انا والد الضحية لكنـه فوجئ عندما أفسحوا له الطريق ....... أن الضحية كانت حماراً. الاستفادة لا تتدخل فيما لا يعينك فإن حسبت نفسك أذكى من الاخرين فعلم أنك قد تكون أغباهم!! طبعا ونظرا لمطالبة الكثيرين بوضع صورتي ليتعرفون علي عن قرب فكنت مضطرا للرضوخ لطلبهم شوفو الصوره طبعا كانت وانا في حالة تفكير وانتبهو للجوال تروه تشخيصه v v v v v v v v v v v v v v v http://www.thomala.com/upload/upfiles/G8S85293.jpg |
رد: ( ثرمده ) من هنا وهناك 2
بداية الهرج على قولتك مافهمنا منه شي ...يعني المقدمة نص الهرجة هرج يرضي الطرفين ... العرض آخر الهرجة صورة مفزعة ... الخاتمة |
Re: ( ثرمده ) من هنا وهناك 2
دام للمنتديات عطاؤك يا منديالي
ومبروك عليك تمييز الموضوع مقدما وإن ما رضوا قول لهم نزلوا الأول وميزوا هذا بداله ما سرك بالتأكيد يسرني وبالأمس توضأت وصليت ركعتين شكر لله يوم شفت ثمانية مواضيع في المميزة وحقيقة نغبط أنفسنا على الحضور الزاهي للأعضاء ولحسن التقييم من أصحاب القرار . اقتباس:
وتزيد روابط الأندية وتكبر جماهيريتها ويزداد عدد المدخنين وأصحاب الشيش وتربوا تجارة أصحاب المقاهي ويزيد دخل الناتج المحلي وين مصلحة التعداد والسكان عنك ؟ تبي تقطع أرزاق المدرسين اللي ماله اب يربيه يربيه الشارع ما كن عيونك وساااع شوي ؟ |
رد: ( ثرمده ) من هنا وهناك 2
انتظرووووني قريباً ^ ^ ^ ^ الى رئيس حزب الثرمدة (انا في مهمة استخبارتية بقصرالحكم) ولنا عودة |
رد: ( ثرمده ) من هنا وهناك 2
اقتباس:
يالبيه بسس عظمه يآست أقصد يامغبر .. وآآآآآآصل |
رد: ( ثرمده ) من هنا وهناك 2
ياكثر ثرمدتك يالمنديالي-{الرائعه}
|
رد: ( ثرمده ) من هنا وهناك 2
ايييييييييييييييييييييييييييييييييه بدينا نشوف كتاب رائعين .. والمنديالي بالتأكيد من المنافسين على المراكز المتقدمه بالتوفيق يا منديالي >> بس كثر من هذي الثرمده .. ترى ما عاد يمشي الا هي بهذا الوقت |
رد: ( ثرمده ) من هنا وهناك 2
اقتباس:
شوفي يابنت عمي الموضوع ثرمده خفيفه ماهو لازم تكون موجعه وماهو عيب نقول للي سوى حاجه كويس تراك كويس الارضاء على قولك موضوع نسبي يعني يمكن الي يرضيك مايرضي غيرك ويمكن الي اشوفه انا كويس غيري يشوفه عادي ويمكن اقل بعد والموضوع ترينه هرج يمكن لو ركزتي تلقين هرجه كويسه ويمكن تلقين هرجه موجعه ويمكن ردك هذا كله هرجه مثل هروجي . الصوره لورع صغير والورعان يابنت العم مايفجعون اللي يفجعون الكبار لاتورعنو . |
رد: Re: ( ثرمده ) من هنا وهناك 2
اقتباس:
واحد امس بالعمل شاف معرفك يقول وش ذا معكم مجنون يرد عليكم قلته شوف الله يصلحك اذا تبي تعرف الحلو ذوق المر قال وش قصدك قلت قصدي ( الامور بأضدادها تعرف ) يعني لو قلتك انا عاقل وقتها باثير انتباهك ولا بتقول ذا رجال شايف نفسه . لكن لو قلت لك انا مجنون ويوم جيت لعلومي الا وهي علوم عاقل لا ومو عاقل بس الا عاقل مجرب ويعرف الزين من الشين وقتها بلفت انتباهك واجبرك انك تحترم جنوني واعطي نفسي فرصه اني اهرج بهروج مايهرجها غيري لو بغيت . قال تصدق عجبني معرفه بسجلبه في منتدانا ( يقصد منتدى قبيلته ) قال طيب هو مجنون من قلت خذ الامور بضواهرها فجنونه منسوب لقبيلته وحبه لها وليس لغرض اخر . تركت الكمبيوتر ورحت بشغله يمكن ساعه ورجعت لقيته قلب المنتدى كله وعجبه بقوه يقول بنقل مواضيعكم عندنا قلت اجل احفظ حقوق الموقع والكتاب ولا ترى بيصل الدم الركب . هذا دليل باين على اننا فعلا اصبحنا موقع يتميز باقلام تستحق الاحترام والتقدير التربيه مشاكلها واجد سواء وزاره ولا تهذيب ان لزمت ورعانك وحاولت تعلمهم الادب اصبحو زي الغريبين وسط مرجج في المدارس وماسلمت من تاثير ورعان الناس عليهم وضاع تعبك كله لكن الله يصلح الحال . كل ماكبرو الورعان يقول الواحد خلاص سارو رجال بنفتك من همهم لكن طلعت هموم جديده اقلها انك تضمن لولدك عمل شريف ولبنتك رجال يحفظ لها كرامتها ويقدر تعبك في تربيتها والشغله دوامه لها اول مالها اخر العيون ماكانت كذه بس بعد العيد مدري وش جاها ويقولون بترجع فرحت بشوفتك يامجنون عاقل |
رد: ( ثرمده ) من هنا وهناك 2
اقتباس:
احم احم مآكن هذي فقشه والا يتورّآلي http://www.thomala.com/vb/imgcache/e...0d8483ff4e.gif:D ^ ^ وبعدين من صورتك بآين انك تقرب لليآبآنين اوم الإخترآعآت قولهم كبريآء تسلم عليكم وتقولكم اخترعوا لنا قدر ضغط بلاستيك عشان نطبخ فيه ونرميه :D لانه يسبب مصع ومشع إذا جينا نغسله <<هذا اللي هآمك http://www.thomala.com/vb/imgcache/e...004b0272ac.gif وإذا مافهموا كلمة مصع ومشع دورها بــ لغتهم :D المنديآلي الله يوسع صدرك بالعـــآفيه موضوعك هسهسه ... وآصل |
رد: ( ثرمده ) من هنا وهناك 2
منديــــــــــالي ثرمدة تدخل السرور إلى النفس خاصة الألوان المخلصة إذا عندك واسطه تكفى أبغى يطلون لوني بالأسود << أحس انه ملكي بكتب ذي الثرمدة وأرسلهــا للإدارة عل وعسى أن تجد مايرضييكـ فما عليك سوى التوقيع على هذا المعروض :::: بسم الله الرحمن الرحيم الحمد لله والصلاة والسلام على نبي الهدى (محمد صلى الله عليه وسلم ) إلى إدارتنا الموقرة أبعث ثرمدتي هذه علهــا تصل إليكم وأنتم بأنتم الصحة والعافية , وأتمنى أن تنظروا إليهــا نظرة العطف والحنية على من تربع على عرش التنكيت والسرور (المنديـــالي ) فهو في هم لا يعلمبه إلا الله صحيح أنه يعبر بطريقة فكاهية ولكن الحزن استولى على قلبه وأصبح أسيراً له .. فعندما شعرت بتلك الحزن أنطلق قلمي معبـــراً هذه الأبيات :: برســالتي هذه ماذا عسآي أن أقول في منتدانا مآء وزرع وحقول زرعنــا الود والريحان ولم ننسى البقول وفي ثرمدتنا هذا يقول وتلك تقول منعنـــا عنه النسخ واللصق أي المنقول أبعدنـــا عن أنفسنــا الهم والثقول فلا يدخل الموضوع إلا أصحــاب العقول فالمنديالي لديه هم ولايدري مايقولhttp://www.thomala.com/vb/imgcache/e...004b0272ac.gif عل الإدارة أن تسمعه وتعزم وتقول خذ الوســـآم وأختر من الألوان والأعمال مايُريح العقول بشرط أن لاتأتي لمنتدانا إلا بلبس الثوب والدقول فأقول لكـ أتريد شيئاً يالمنديالي غير ذلك أم أسكت عن المقول فأخبرتكـ عن مايصير بمنتدانا فمديرنا ماذا عساه أن يقول بروح امسح دموعي ...<<:D |
رد: ( ثرمده ) من هنا وهناك 2
ايه ياشيخ المثرمدين واصل فقد وسعت صدورنا,وارحت نفوسنا,,,,,,,تدري من اول ما نزلت الجزء الثاني وانا ودي اثرمد, بس خايف اجيب العيد,واخبصلك الثرمدة,لأنه اللي في قلبي ع لساني,واجي بكتب,ثم امسك نفسي واقول المنديالي ما شفت منه الا كل علم طيب,لا تخبص عليه,فإذا كان صاحبك عسل ..سده واستريح, ثم اسجل خروج, لأن يدي تاكلني ألأ بتكتب,والمشكلة,بدون تفكير أو ترتيب,حتى اني ماني عارف وش كتبت فوق.. مالك بالطويلة..كنت من المحاربين للتعصب الرياضي واصبحت من اشد المتعصبين , وانا لي مده ماعندي اي اهتمام بالرياضة,مدري هو المنتدى خلاني متعصب ,ولا من اول هذا حالي.. ولو اني حاس اني هديت من تعصب البعض, بس العدوى كنها صابتني, تصدق مباراة السعودية والكويت جيت بشوفها الا وانا انعس,وما قدرت استوعب المباراة..مدري هي الكورةتغيرت,والمستوى تدنى, ولا انا ماعاد عندي سالفة,,الله يسقي يوم كنت ما اخلي ولا متش الا وانا اتابعه,,,والشاشة ذيك الأيام 14 بوصة,, والحين 32 وانعس, حاولت ما قدرت, المهم تركت المباراة,وطلعت السطح عندي ركيب مترين في متر ...قلت بثيره واسمده ,عشان القوطة غليت,, وناوي آخذ بقايل طماطم, وسوي حوطت بندوره,,,,تتوقع ابياكلها البرد الأيام ذي ولا؟! بعد ماقرب المغرب نزلت وتوضيت , وانا نازل للصلاة الا اسمع المعلق يقول ضربة جزاء للمنتخب,واشوف الأ الشلهوب بيشوت واطالع بعيونه, الا اقول في نفسي , شكل الحارس بيصدها, لأن الشلهوب لعيب مستحيل يطلعها بره,وحصل ما توقعت!!وتركت المباراة ورحت أودي فرضي,,,,, عسى بس ما جبت العيد وخبصت أم الثرمدة,,,,, ثرمد يا منديالي ثرمد يا بخت الحروف اللي تثرمدها |
رد: ( ثرمده ) من هنا وهناك 2
أعجبتني ثرمدتك يالمنديالي مع إني ما فهمت كل شي.. أحلى شي الفواصل والرجوع هروله.. ههههههههههه.. لا عدمنا ثرمدتك المسليه.. |
رد: ( ثرمده ) من هنا وهناك 2
آآمـــآآ كل أسبوع تـفتحو ثرمـده جديـده ..:10: وانا خـبري عتيق تربعت بالأولى وأقيم على الأولى <<< طلعت انفض بالغبار :laugh: هالمره ماعندي الا ثـرميده صغيره لأفـــلآطون . الرجل الصالح هو الذي يحتمل الأذى، لكنه لا يرتكبه.. - لو أن الحقيقة صنعت امرأة جميلة.. لأحبها جميع الناس.. - إن الذي يمدحك بما ليس فيك وهو راضٍ عنك، يذمك بما ليس فيك وهو ساخطٌ عليك!.. - إنه لمن السهل أن يعيش الواحد في المجتمع حسب ما يمليه عليه الآخرون، وإنه لمن السهل أن يعيش الواحد في العزلة حسب ما تمليه عليه ذاته، بيد إن الإنسان العظيم هو الذي يُبقى استقلاله الذي مارسه في عزلته بروح عالية متيناً وسط الزحام.. - لكي تكون عظيماً لا بد أن يُساء فهمك.. لكم ودي |
رد: ( ثرمده ) من هنا وهناك 2
اقتباس:
لا تأخذ الألوان بحساسية , خذها زي ما أخذتها أنا كل ما نظرت لشريط المتواجدين وأنا أشوف اللون الأخضر والبني والأزرق والأحمر والفوشي أتذكر على طول محطة تراحيييييييب ما أدري ليش إخترت لثرمدتك يوم السبت .. هل لأنه إجازة عالمية تبي تشخص بها علينا في الجاهلية يسمون السبت شِيَار أو شَيَار قال ابن دريد: أؤمّل أن أعيش وأنّ يومي ** بأوّل أو بأَهْوَن أو جُبَار أوالتالي دُبَار أو فيومي ** بمُؤْنِس أو عَرُوبَة أو شِيَار أول الأسبوع هو الأحد ويسمى أول , وأهون الأثنين , والثلاثاء جبار والأربعاء ديار والخميس مؤنس والجمعة عروبة . ويقال سبت يسبت سبتا أي استراح وسكن وقيل : ان السبت هو معرب شبت العبريه وتعني الراحة والسكون . |
رد: ( ثرمده ) من هنا وهناك 2
اقتباس:
انتبه لقروشنا الي صرفناها لاصحاب اللون الازرق ترى جاني هروج انهم يبي يلهطون قروشنا ولا ينضمون لنا لكن هددهم بان عمليات التصفيه ستطالهم ان كان ما اهجدو اقتباس:
نقلك منديالي يعني حاجه مذكره تستتها كيف وعلى سيرة الستات ( فاصل هجوله ) يقلك فيه واحد شرطي معدي من جمب بيت سمع واحد يصيح يقول قتلتني يا هيثم على طول دخل العسكري ومسك هيثم داخل البيت بدون ما احد يعلمه ان هذا هيثم رغم وجود سته اشخاص داخل المنزل ( وش دراه ان هذا انت من بين الموجوديين ) ( رجعنا هروله ) مين المغبر انت ولونك هذا فرحان فيه صدقني سمعت يقولون البويه " ترى اقصد الالوان " لايروح بالك على البنات المسترجلات ( البويات ) يقولون ان ابو عبدالرحمن صرفلكم من البويه الرخيصه واذا تبغى تتاكد قله يركبلكم جبس ويسويلكم لمبات مخفي ( قلبتم غرف ) خخخخخخخخخخخخ اقتباس:
شرفني وجودك بمتصفحي وزادني سرورا وشهاده اعتز بها فشكرا لك اقتباس:
ثرمدتي عباره عن مزوح ممزوجه بقليل من الجديه وكثير من الفكاهه والنقد الذاتي للنفس قبل الغير هي صور لما يمكن ان يكون بين الاصحاب والاصدقاء والعائله الواحده من سوالف بعيده عن الرسميات . حياك الله ياصاحب اللون الازرق ولو تطيعني وتغيره بلون على بالي يلمع تققول ذهب تراه احسن |
رد: ( ثرمده ) من هنا وهناك 2
ها قد عدنا من جديد للثراامد المفيدة والممتعة رسالة الى الواالي السلام عليكم ورحمة اللة وبركاتة.... من رئيس استخبارات الحزب الى ريس الحزب هذي اول رسالة امنية من قبلنا نوافيكم بها عن اخر المستجدات داخل قصر الحكم وهذا عنوان الرسالة (1؟//:<<<"RY<</إ÷‘ٍأ]ٍِ[لأألآ ِ][ٍلأ ِ][لأ) لاتدققون مانتم عارفين الي بداخل الرسالة لانة محتواها رموز استخباراتية مايفهمها الا ريس الحزب واعوانة. بالنسبة لمجريات الامور ارى ان هناك انشطار داخل الحزب المعادي وعدم الاتفاق والوفاق فهناك من يؤيد الاصفر اللعين وهناك من يؤيد الازرق الصديق طبعا هذا (لون الحزب).. اقتباس:
وبالنسبة للقروووش الي ارسلتها لي على الحساب تراني اضطريت اني استخدمها لشوية مقاضي للبيت مثلك عارف طالعين من عيد وضحية وقلت ياولد خلني اخذ من هذي الدراهم وامر الله من سعه لين اخر الشهر طبعاً عشان ماترجنا كل شوي تنقزلنا بثرمدة اما بالنسبة لاصحاب اللون الازرق وما ادراك ما اللون الازرق حبايب قلبي كلهم كل شوية يزكنوون زكن زكن زكن زكن زكن مادري ليش يزكننو طبعا مانتم عارفين اش قصت هذي الكلمة تصدقون حتى انا ماني عارف وش قصتها لكن اسألوا ابوخالد عنها.. " " " " لكن ابشرك يالمنديالي أنهم متعاونيين معي [احسن ازبط كويس] وكل واردة وطالعة وجااية تراني على علم بها واشوف صاحب اللون الازرق ابوتركي في الحزب المعادي قام يتراجع عن الحزب المعادي الاصفر وميووولة تراها يمنا ويؤيد حزبنا بقووة لإنتماءه للون الازرق الصديق اما العضو ابوخالد تره جنني من كثر مايزكن في الرايحة والجاية لكني اكن لة الحب والتقدير الشيء الكثير لرجاحة عقلة وتدبيرة وتعاونة معنا اما العضو سنا الهجرة وما ادراك ماسنا الهجرة ذلك الجندي المجهول الذي ترى افعالة ولا تراة كثيرا يعمل كثيرا ولايحب البروووز دئما خلف الكواليس(ياحبني لة) وتراه يالريس متعاون معنا وبقووووة..:thumbs_up: بصفة عامة كلهم متعاونيين لكن يبيلهم شويت بلصة يعني زووود الرصيد لاتنسى ولا تقوول لي انا مطفر ولا اخر الشهر تراك رئيس حزب مو لعبة ولا تراني بدور واحد غير ملياان واخليك تقلب شااهية ابوك هي لا تقوول مازكنت عليك.. اما عن النائب لرئيس الحزب المعادي ارى انة غير متعاون معنا وبيني وبينك اشوووفة يقدم الولاء والطاعة للرئيس حقهم لكن ماهناك اي مشكلة حسب ماوردني انة ماينفع معة نظام البلصة... ماينفع معه الا نظاااام الواو فقط لكن خلة علية انابشوفلة صرفة علماً انة مقرب لي واحبة كشخص.. عموما الاوضااااع ماشي صح يامعلم وعلى مايرااام وترها [احسن ازبط كويس]. ====انتهاء==== رئيس استخبارات حزب الثرمدة نسخة للرئيس حزب الثرمدة نسخة للناطق الاعلامي للحزب نسخة للارشيف نسخة للاعوان التابعين لحزب الثرمدة نسخة للاحاطة والاعتماد نسخة لافراد المنطقة(واحد عسكري):laugh: |
رد: ( ثرمده ) من هنا وهناك 2
يابو مهند زكن على رئيس حزبكم لايفتن خلق الله ويدور النشبه ابو خالد وابوتركي وابوعبدالله زكنت عليهم أنا هيا لاتقول نائب المدير مازكن عليه .! |
رد: ( ثرمده ) من هنا وهناك 2
اقتباس:
:29::29::29::29::29::29::29: يالمنديالي الحق الريجيل الضاهر ترجموا الشفرة على اني حاس ان هناك خيانة بالحزب مين تتوقع؟؟ لازم نوسع نفوذنا ولابد ان تستدعي ابوخولة واعواانة وانت جايي بالطريق مر على ملاك الرووح عشان عندي خطة تجنيد العنصر النسائي زي التناظيم الي انت خابرها:surprised: (""./÷÷,,.><؟./.:",":,ٍ]ُِ]ْ][لأـ/؛؟"؟"<"؟) (I:<JJJ HJ DGCV:>::}>?:?:>:L{"::::L) هذي طريقة التزكين على ريس الحزب بالطريقة الاستخباراتية |
رد: ( ثرمده ) من هنا وهناك 2
اقتباس:
الصوره يمكن ماهي واضحه زين خاصه عيوني والزغود منفخه والراس كبير شويه بس هذا كله تفكير تدرون الواصلين زينا لازم يكونون مفكرين مواي كلام نقلت رسالتك لليابنيين وطلعو يعرفون المصع والمشع زينا ( يقولون قاصدينها عشان يربون عضلات ) قالو قلها ( شنق فنك بونك ) هذا اسم كبير المخترعين هناك يقول قل لبنت عمك تري اسهل نخترع بنات تنفخونهم ويسوون الغدا ( وبعدها تفشونهم وترفعونهم بالدولاب ) اما القدر فينقزونها لان قدر ماينغسل يعني مافيه ( حكاك وفي مقوله حراك ومقوله اخرى كراش ) وهذا سر الطبخه خاصه ( والكلام للخبير الياباني ) عندنا باالخليج والسعوديه خاصه :laugh: الله يديم عليك السعاده استعنت بخبيره للرد عليك :thumbs_up: |
رد: ( ثرمده ) من هنا وهناك 2
اقتباس:
طلبت منهم تغير لونك حسب ماتبين بس ابو عبدالرحمن يعتذر ويقول الالوان غلقت من السوق والضاهر انه يلمح لعملية الرش على اصحاب اللون الازرق ويبغني ارش يقولي ( شخلل جيوبك ) مدري وش يقصد . وقعنا المعروض وارسلناه ويقولون بنتدارسه وطبعا انا رشيت على خفيف بعض اعضاء اللجنه يمكن يطلع منهم حاجه سمعت انهم شرو مناديل شكلهم تأثرو وفي قول اخر انهم شرو المناديل عشان اللون الجديد مايجر وراه غير الدموع واشتهر اصحابه بالمناديل مدري وش نصدق من الاشاعات تدرين الامور الكبيره يجي فيها اشاعات لكن انا بشري مناديل يمكن انهم يحنون شويه ولا نرش عليهم منها . ثرمدتك ممتعه متعك الله بالعافيه اقتباس:
ثرمد وخذ راحتك واذا احد قال شيئ بنقول تروها ثرمده وحنا علمناكم وبعدين احلى مافي الثرمده ان الي يجي على البال نقوله مانتعب انفسنا لا في تنقية الكلالام ولا زبرقته يعني كيفما اتفق تدري عاد اجمل مافي الكوره المناحله يوم تلقى واحد متعصب وانت تمون عليه وتدري بطيبة قلبه بس طبعه كذا يعني يعصب بسرعه ويحب فريقه وتجلس تمتحنه واعتقد من هذي النقطه يحصل الي نشوفه بالرياضه كلهم يحبون بعض شوف ردودهم بعيد عن الكوره تحسهم اصحاب روح الكوره تلقاهم كل واحد شايل المشعاب للثاني الله يخارجنا لو بس يهدون اللعب ويتركون بعض الهروج الي تزعل عشانها تصدر من ناس فاهمه كان شغل 100% وبعدين ترى الشغله سهله خذ الامورر ببساطه ولا تبين لحد انك معصب ينفقع قلب الخصم . اخويانا باليمن ماشيه معهم زي اللوز المقشر بعد وربي رحمهم من مقابلة العراق شوف عاد باقي يخدمهم الحظ ولا لا سعدت بوجودك اقتباس:
الفواصل لزوم الثرمده وبعدين ترى نكتب بطريقه مباشره وهروج عاديه يعني مافيه تفكير للموضوع ولا وش نقول نكتب اللي يجي بدون مانخبص بس وباقي العلوم مسموح . سعدت بالتواجد الجميل |
رد: ( ثرمده ) من هنا وهناك 2
اقتباس:
ثرمدتك المره هذي غير واعجبني تعليقك عليها حلوه ان الواحد ياخذ قصه ويستخلص لنا منها عبره او فكره . ثرمد يابو خوله وكثر ثرمدتك غير اقتباس:
كل سبت لنا ثرمده غير ويسعدني وجودك بكل ثرمده اما لو انه مره جميله حبوها كل الناس صدقيني ياوقتها النشبه بيحبها كل الرجال لكن البلا من الحريم بيقلبونها غم وهم ولا استفدنا شيئ اعجبتني ثرمدتك كثيرا فيها من الحكمه الكثير |
رد: ( ثرمده ) من هنا وهناك 2
اقتباس:
هههههههههههههههههههههههههههههههههه حلوووووه ..:26: والله تعليقك بالصميم مااشاء الله عليكـ الله يحفظك يالمنديآآلي .. وأضحك الله سنكـ وعجبتني البنت اللي تنفخونها وتـسوي لكم الغدا ههههههه بس انتبه لاتحطهـا بالدولاب مع اعواد الأسنان .. ترى اعواد الأسنان حااده وبتموتون جــوع:lol: |
رد: ( ثرمده ) من هنا وهناك 2
اقتباس:
ههههههههههههههههههههه .. وش هذا المدح كله يا مونديالي >> وحيك فجعتني وانا ماني ناقص المهم :: فيما يخص اللون >> ما تدري اني طلبت من أبو عبدالرحمن يحط لوني أحمر >> وكنه انفجع من هذا الطلب بعد،، وما مداني اقولها الا وهو لاطخني بهذا اللون الهلالي >> ما يدري وش في قلبي عن الهلال والا كان تريض شوي. ويوم شفت اللون الازرق بغيت أقدم اعتزالي >> اسوةً بصالح النعيمه ذيك الايام >> وسامي الجابر هذي الايام وياسر القحطاني مستقبلا .. ان شاء الله لكن تعوذت من ابليس وقلت ياولد انت هنا في خدمة وجيهٍ يستاهلون تضحي بمشاعرك تجاه هذا اللون المغبر >>> من أجللهم .. هـا ثم سكت سكون المغصوب على أمل أن ينظرلي ابو عبدالرحمن بعين الرأفه .. ويغير لوني الى فستقي والا بنبه |
رد: ( ثرمده ) من هنا وهناك 2
اقتباس:
الله يسعدك اما محطة تراحيب وصف صراحه جديد وجدير باللطش مدري ليه تصورت المحطه يوم قريت ردك يقولون اللون الازرق لون بارد فيما الاخضر يتسم بالبساطه وهو لون الشخصيات لكن الاصفر للحكمه والمثاليه وهو لون الحكماء وانا ابغي اخوينا يسيرون من اصحاب الحكمه وابشرك استلمنا الرواتب وناوين نشتري كم برميل ونقصدها لان الحاجه الوحيده الي باقي ماقصدوها مدري عاد اذا اصحاب العماير مقصدين بويه الله وعلم لكن يقولون انهم طايحين في اللون المعتق والله يخارجنا المعتق هذي لها معاني كثيره الله يخارجنا. يوم السبت اول ايام الدوام عندنا وبعدين ترى تتجارنا يقولون انهم خسرانين مساكين يروح عليهم في الاسبوع ( 4 ايام ) الناس عطلتها السبت والاحد ( وحنا خيبتنا ماجات على احد على قولهم ) عطلتنا الخميس والجمعه وبكذه المساكين اقصد التجار ما يقدرون يجمعون قروش غير ثلاثه ايام في الاسبوع " فاصل هجوله " سمعت ان سبب المساهمات وسوى وشلتها سببها ان التجار الكبار حبو يغطون خسايرهم في ايان الاجازه ( 4 ايام ) بتشغيل الاموال داخل البلد تحت بند اشتغل وحنا نغطي عليك " رجعنا هروله " الحاصل طال عمرك مساهمه مني في رفع اقتصاد البلد ولو بطريقة ( الثرمده ) قلت اسبق اي قرار يمكن ان يصدر واخلي ثرمدتي يوم السبت عشان بعدين اقول تروهم قلدوني . والله يخارجنا من اخر تعريف ليوم السبت لحسن هذا يخلي مخبر يطب علينا فتحمل انت تبعات تعريفك :laugh: اقتباس:
تقول فيه انشطار اجل ابعد قبل يوصلك شضايا وخلك في الركن الهادئ البعيد ( لاتقول مازكنت عليك ) واذا حصل الانشطار وانشطاراتهم غلقت وشفت العلوم بدت تاخذ مجراها الطبيعي زكن عليه عشان ازكن على بقية الاعضاء . لون الحزب بناقشه بعدين لان الضاهر فيه اختلاف بين اعضاء الحزب وانا زكنت عليهم علشان نجتمع بعيد عن العيون ونقرر اللون ( الاصفر ) اقصد اللي نوافق كلنا عليه وترون صوتي بعشره اصوات وكل واحد منكم بصوت بس عشان تعرفون احنا نطبق مبدأ الديمغراطيه والشفافيه في قراراتنا . التزكين هذي كلمه سريه بينهم فانتبه لايزكنون عليك وتصدقهم . ااشوفهم بدو يميلون للحزب ( هاكونا متاتا ) لكن يبون زيادة (اكراميه ) ترى هذا اسمها واذا حبيت تسميها ( هديه ) احسن من كلمة ( بلصه ) لان هذي كلمه اعجميه من عند العجمان ترى اقصد اللي مايتكلمون عربي ماني يم نجران وانت تدري حزبنا كله الا اللغه حقتنا مانرضى غيرها . القروش الي شرييتب صلصه ورز وعبيت بطنك فيها تراها جاتك احنا مانعطي هبات ونرجع فيها وترى الحزب في حاجة تبرعات والرتب وصل يعني شوف نفسك وشخلل جيوبك واعرف اللي عليك من اللي عليك . نائب الحزب المعادي ابشرك لقينا له واسطه قويه يقولون ان ورقه جديده اخر ماطلع اكبر من 200 شويه مايقدر يردها خاصه اذا كانت اكثر من واحده وبنشوف الموضوع بعد جمع تبرعات الحزب . وزع الامر وتراه سري للغايه ولاتتورطنا باخر نسخه ابعد عنها وخلنا من الاستراحه وجاي:laugh: اقتباس:
اقتباس:
ابو خوله ابشرك من اول ما بدأ بدا بتنفيذ عمليات في العمق الاداري بس قناله يهدي اللعب شويه لين تعدي السنه هذي والسنه الجايه نبدا الشغل من جديد . العنصر النسائي فيه له رئيسه اخبرها جندت كم وحده وتعلمهم كيف يلعبون كرتيه بس مدري سمعت انها الله يهديها بدات معهم اول شيئ كيف يجرون شعور بعض وتقاتلو مافكت بينهم الا بعد بهذله لكن الخطه ماشيه . |
رد: ( ثرمده ) من هنا وهناك 2
اقتباس:
مره ثانيه كل عام ونتي بخير الله يسعدك تري اكتب كاني اسسولف مع اي واحد من اهل البيت فترين ماتشوفينه هنه هو طبعي الحقيقي يمكن فيه ششوية بكش خفيف لكن هذا انا طال عمرك اما اعواد الاسنان طال عمرك مغلقه من عندنا وما عاد بنشتريها كيفنا " فاصل هجوله " سنونا لو خربت يقولون في سوريا يروح الواحد اسنانه تقولين مشط مكسر يرجع من هناك احسن من اسنان ولد دوب سنونه اكتملت والتكلفه ( 4 الاف بس ) وشبابانا الله يستر حالنا وحالهم يصرفونها في لعب فكيف باسنان " رجعنا هروله " بعدين يقلك الشيبان الان ماغير رايحين جايين على سوريا يركبون اسنان لكن على قول الاداريين حقينا ( زكني ) على اللي تعرفينهم من الحريم قوليلهم لاشفتم الرجال رايح سوريا بيركب سنون انتبهو لعماركم ترونه يمهد لوحده ثانيه :laugh: اقتباس:
اللون ترى شريت برميلين الوان جديده ذهبيه ونبي نطليبها المعرفات الي مثل معرفك لونها مش ولا بد اذا ودك بنكثر لك من اللون اما بمبه هذي مدري منين جبتها الا على فكره فيه لون بمبه صدقني حدي بالالوان على الوان الطيف " فاصل هجوله " كنت بالديره اشوفها يوم كانت السيول نشوفها من على العاقد اما الان الله يجيب المطر وذا كتب الله وجا لقيت الانفس ماش وكلن يطالع فلان وش زرع وكيف رمانه وعنبته حطت وجاها المرض الي بعنبتي ولا سلمت " رجعنا هروله " وبعدين اخترعو الوان ياكثرها على قول بن سلمان اقرب مثال لها محطة تراحيب الله يسعدك نفرح بشوفة معرفك يثرمد معنا |
Re: ( ثرمده ) من هنا وهناك 2
اقتباس:
اللهم لك الحمد والشكر على نعمته وخلك مثل الرجال اللي تعرف تدبر نفسها يعني من هنا لطشة ومن هنا نصبة وإليا زنقوك الرجاجيل خذ من هذا وإعط هذا ومن دون ما تخسر شيء من جيبك لا تطلع لي فيها رئيس حزب فاشل وتقول حلال وحرام أنت ما راح تحط في بطنك شيء راح تلبس وتركب وتسافر وتسدد بها فواتير وتكشخ بها أهم شيء لا تحط في بطنك أو بطون عيالك منها شيء |
رد: ( ثرمده ) من هنا وهناك 2
اقتباس:
تمام يامعلم أنا مشيه ( ماشيه ) بالمصري هع http://www.thomala.com/vb/images/icons/icon10.gif على الخطة 100 الميه ودنا حطيت فيديو يسبت زالك وأنا مدربة تحت الأدواء ودنا كمان استقدمت مدرب يدربهم من أفريقيه دربنا الصغيرين باأي الكبيرين إدا الخطه مشيه نمشيها وإدا فيه حاقه والا حاقه أنا تحت الخدميه شد الشعر في الخطه القايه [youtube]EJEdf0cH7FY[/youtube] ترجمة اللهجة المصريه ودنا = أنا يسبت = يثبت زالك= ذلك الأدواء= الأضواء افريقيه= أفريقيا << ياشيخه مادرينا بأاي= باقي إدا = إذا حاقه= حاجة الخدميه= الخدمة بالصعيدي القايه = الجايه كل السالفه مزح في مزح وثرمده في ثرمده للتنكيت لاغير http://www.thomala.com/vb/images/icons/icon10.gif |
رد: ( ثرمده ) من هنا وهناك 2
اقتباس:
ليتك خليتها على مبنى الشايب |
رد: ( ثرمده ) من هنا وهناك 2
الله الله الله ويني انا عن الثرمده هذي الله يعطيكم العافيه صراحه مبدعين كلكم في الثرامد واشكر المونديالي على بداية الثرمده الجميله واللي صراحه تستحق التميز لانه بيجي وقت ندور الثرمده مانحصلها وانا اشوف ان هذا عصر الثرمده الذهبي وتستحق المتابعه لاندري ربما نطلع بفائده كبيره منها . واصلوا والله معاكم . |
رد: ( ثرمده ) من هنا وهناك 2
اقتباس:
الان سرت صديقي اكثر وش رايك تسير نائب وتزبط الامور وبالنص بيني وبينك ولا اقلك بطلت انت ينخاف منك شوي وانا برى اللعبه يعلمني واحد جاي من اجازه ان فيه دعايه الان وبشكل كبير منتشره بالمنطقه الوسطى ومنطقة الرياض يقولون شركه جديده تجيب ثلاثه وتضل مكاسبك في الطالع وكل ماجبت كل مازادت مكاسبك لكن الشرط للاشتراك انك تشتري منهم بـ 3000 ريال مدري عاد هو صدق ولا اشاعه لكن ان كان صدق فيعلم الله انها مثل سوى ومعجب بالخميس وشلتهم الله يكفينا . اقتباس:
طبعا انتي وبما انك عندك لغات الان واصبحتي مدربه عالميه مسموح لك تهرجين باكثر من لغه لانك تمثلين الحزب لدي بقية الاحزاب الثرمديه ببقية الدول . اقتباس:
شفتم كيف ياحزبي انا شديد بس لاتتاخرون علينا بالدعم لحسن الصندوق ( يقرقع وغادي شن ) ترو الرواتب خلاص بتغلق وحنا بنلحق ناكل يعني حقين المحلات احسن منا . |
رد: ( ثرمده ) من هنا وهناك 2
اقتباس:
الثرمده مستمره اسبوعيا ونرحب ونهلي بك للانضمام معنا ويسرنا ويسعدنا وجود الكل ياسيد الكل نشوفك ان شاء الله بالثرمده الجديده يوم السبت |
| الساعة الآن 01:11 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by