|
كان يا زملوق ودك من خصيمك تنتصر
[POEM="type=1 title="كان يا زملوق ودك من خصيمك تنتصر" font="bold medium Tahoma, Verdana, Arial, Helvetica, sans-serif""]أمر راعي الأمر ينفذ في قليلين البصر= والفقارا ما تعوش ناس من مداتها واعنا هاك العيون اللي تقلب فالسهر = والحلوم اليا تردت وا كثر آفاتها كان يا زملوق ودك من خصيمك تنتصر = العلوم اللي فبالك يالمفوه هاتها كل خلق الله تعرف انك كما الموت الحمر = تاخذ الأرواح لا راحت ورى لذاتها أنت سيف (ن) فالملاقا وانت شوكه فالنحر = ماتحرك القصيدة اللي تموت ابياتها وان حكمت الحكم ينفذ فالشيوخ وفالجبر = في شيوخ الشعر لو كان اعتلت راياتها ترتقي روس الجبال ولا تعين فالحفر = واهل مكة شورها ما ردته لاوغاتها خاب ظنك يا سنا لكن موت من القهر = موتت أمثالك ترد القشر عن غلطاتها أعرف انك يا ابيض الخدين ودك تشتهر =والليالي من عرفها ما ومن غراتها من ردى حظك تحت والناس في سطح القمر =ياردي الحظ حظ الناس من هقواتها طار شوفك للهدايا مير ما حولك نظر= دون ربات البيوت الحجل قل اقواتها أعرف انك ياصفرتذبحك لو قرصت صمر = اترك الديبان ما تصبر على قرصاتها أنت يا غاوي الدليل اقشر ولك شور القشر=يوم وصت الحكيمة ما حفظت وصاتها لا تقف قبل البعير اللي ليا منه هدر = تدرق عنه الخلوج اللي سرت عبراتها يا عيوني ما عليكي ذاك زيد وذا عمر = والعقول الراسية تومر بحفظ اوقاتها يا هل المنزال لو سويتوا أكبر مؤتمر = ترجع ام قرين فالخلقه على جداتها[/POEM] |
رد: كان يا زملوق ودك من خصيمك تنتصر
ياقشرك قشراه يازملوق ماتنقرب (اجل الامر ينفذ في قليلين البصر)
هذي ضربة جابت عصفورين راح زمن الفرزدق وجرير وجانا زمن زملوق الله يعينكم على بعض والله يستر من الجاي النادر |
رد: كان يا زملوق ودك من خصيمك تنتصر
الله يكفيني شرك يا زملوق الحين تحت الصفر قال لك الأمر صادر مني وصدقته تراي قاعد أقول له أبتعد عن زملوق نصيحتي تراه ما يتحارش لكنه الله يهديه ما يسمع الكلام لا ولو تدري عن القصيدة اللي كان كاتبها فيك كان هجيت لكني حلفت عليه ما ينزلها لأني خفت عليك لا تطب ساكت عاد قلت له جيب واحدة خفيفة على المعدة والأعصاب وجاب اللي أنت شفت أما بعد علموك هذي ما عاد لي شغل تصطفي أنت واياه |
رد: كان يا زملوق ودك من خصيمك تنتصر
واش هذا ...
يا أبو الزماليق رجعت وحملت البيرق ـ بعد ما عزيت مشاكس فيك ما فيك حيلة..وتراني في صفك يا حليفي |
رد: كان يا زملوق ودك من خصيمك تنتصر
صح لسانك يا زملوق
أول النهار أنت وآخر النهار عجة ضاع الفكر بين مضامين القصيدة لكن إسوقفني البيت التالي : أعرف انك يا ابيض الخدين ودك تشتهر والليالي من عرفها ما ومن غراتها اللي أعرفه إن الرجال يقول للرجال يا أبيض الوجه , لكن أبيض الخدين !!! |
رد: كان يا زملوق ودك من خصيمك تنتصر
اقتباس:
الخدين من الوجه يابو هبه > لا تدقق الله يجزاك خير |
رد: كان يا زملوق ودك من خصيمك تنتصر
أخي الشاعر زملوق :
حياك الله وما جادت به قريحتك الشعرية .. كما توقع الشاعر : تحت الصفر .. هجوم كاسح ..وضرب في جميع الجهات .. ولم تسثني أحدا .. وأحمد الله بأن سهيل : ليس من الشيوخ ولا الجبر ولا شيوخ الشعر ولا زيد ولا عمر يعني الحمد لله ما يمي علم ولم يطلني هجــــــــــاؤك ! أسهمك جميعها صوب سنا الهجرة وتحت الصفر ..ومن عاونهم وناصرهم .. أرى بأنك رديت ردا وافيا أشفى بعضا من غليلك ..نشكرك على هذه المقطوعة الهجائية الجيدة . |
رد: كان يا زملوق ودك من خصيمك تنتصر
اقتباس:
ههههههههههههههههههههه نادر حتى في إضرام نار الفتنة مادام أنت ترى أنها حرب ضروس على الأبواب فحي هلا بها وأما تحت الصفر فهو مغرر به من سنا وشرذمته المارقة ولكن الحمد لله بدأ الحلف يتهاوى |
رد: كان يا زملوق ودك من خصيمك تنتصر
اقتباس:
أذية حتى في ردودك تدس السم في العسل بس رايح أعديها بدون تدقيق وبعدين ما دام أعلنت براءتك من اللي تحت الصفر عفونا عنك ولا تعد واعتبر كلامي مسحوب وكب تحت الصفر نصنفره ونسخنه ويطلع فوق الصفر ويهجد هههههههههههههههههههههههههههههه |
رد: كان يا زملوق ودك من خصيمك تنتصر
اقتباس:
المدير المبجل أحيان أقول اصكك بقصيدة هجاء من عيار 28 وأخربها مره وأحيان أقول الرجل ما يستاهل ما أدري والا مشاكس انتظر له يوم ستراه مجندلا بين ركام المتصفح ولا عاد يستقبل لا تهاني ولا عزاء قبلت مساندتك لشخصي الكريم |
رد: كان يا زملوق ودك من خصيمك تنتصر
اقتباس:
على قيس نياتكم ترزقون يا بن سلمان ونصيحتي لا عاد يستوقفك شي كب اللقافة وامش في دربك واعلن ولاءك لزملوق وروح ترزق الله والخوخ يقولون له أحمر الخدين ليش ما تفلسفت فيها وقلت ما للخوخ خدين الفتنة أشد من القتل وتحت الصفر رجل تاب وأناب وقبلنا توبته |
رد: كان يا زملوق ودك من خصيمك تنتصر
اقتباس:
هذي العلوم السنعة ليت العرب كلهم كماك |
رد: كان يا زملوق ودك من خصيمك تنتصر
اقتباس:
ولا هجوم ولا شي صل على النبي ياسهيل وخلك محضر خير لا تكون من محرقي العشاش تحت الصفر وسنا سيكونون من هذا اليوم من المناصرين والمؤيدين للحزب الجديد اللي لحد الآن ما عرفنا لواءه تحت إمرة من ولكن أرجح أن يكون بقيادة الشاعر الأريب العلم الفذ ( حسن عابد) ورايحين نحفر وندفن كل اللي راح وبعدين من قلك ان عندي غليل والا بترومين كل الموضوع هيض وفيض بلا غيض مرورك أسعدني بعد طول انقطاع |
رد: كان يا زملوق ودك من خصيمك تنتصر
اقتباس:
سمعت لي علوم الله يخارجني واياك منها يا زملوق الرجال كان ناوي يعديها لك مع انها ما تتعدى ونوى يسوي هدنة معاك مثل هدنة الصليب الاحمر مع بشار .. الين سمع علومك عن التوبة والمهادنة والمحازبة ها ثم .. يقولون إن صدقوا إنه هاج وأزبد وأرعد وأتوعد وهالمرة ناويها شرار خراب ديار وناوي والله أعلم يستخدم الضربة القاضية تشهد يا زملزق > جاك الموت إن صحت مصادرنا |
رد: كان يا زملوق ودك من خصيمك تنتصر
اقتباس:
يا سنا هذا معدال وعلوم رجال ودها تحت الصفر وقله كب الشر واهل الشر وان بغى معذار أعطيناه وان بغى تعهد أعطيناه بس بجاهك على الرجال لا يحط لنا فالرز بصل ويشمت علينا اللي على بالي بالك وتراني مستعد بالحق وما يلحق |
رد: كان يا زملوق ودك من خصيمك تنتصر
اقتباس:
الحقيقة إنك رجال طيب يا زملوق واللي واضح لي إنك تعرف علوم القبايل وتاخذ وتعطي مع الرجاجيل وهذا الشي يبشر بالخير وانا تراني حاولت انها ما تشتب بينك وبينه من أول ما ولعها مشاكس الله يصلحه لكن وش تبيني أسوي يا رفيقي الوضع يبدو لي خارج عن السيطرة مدري سبحان الله لو انك تترجل قصيدة عصماء تعتذر فيها عما سلف وتمدح لرجال بما فيه من الخصال الطيبة >> يمقن |
رد: كان يا زملوق ودك من خصيمك تنتصر
اقتباس:
حشفا وسوء كيلة ما عهدتك يا سنا ميالا الرجال هو اللي بدأ بهجائي ونعتي بصفات تقشعر لها الأبدان وفي النهاية أنا اللي أعتذر وبعدها تبيني أمدحه لا وألف لا إذا حكمتم احكموا بالعدل راجع نفسك يا عمدة وأنا تراني مدور فكة من الشر ولن حكمتها مره ثانية أعطني مهلة ثلاثة أيام وسترى ما يسر اللي تحت الصفر حسبي الله عليه هو ومشاكس روس الفتنة |
رد: كان يا زملوق ودك من خصيمك تنتصر
أبيض وجه يا بو الزماليق أنا أدريبك إنك رجال سنع خلاص لك مني اسبوع ماهو ثلاثة أيام أبلزم الرجال عنك لزم .. وبعدها الوجه من الوجه أبيض ولا عاد تدخلني بينكم مرررررررره بس انتبه ترى الرجال بين الفراع من يوم تأزمة الأمور بينكم ولا خلينا ليمون في السوق .. ما غير نشتري ونعصر ونهدي في أعصابه يعني مثل ما يقولون ( مقطع الحبال الصرادا) |
يعني مثل ما يقولون ( مقطع الحبال الصرادا)
ــــــــــــــــــــــــــــــــــــــــ يا سنا الهجرة : أعرب ما تحته خط !! تراني غريب ..وكل غريب للغريب نسيب !!! |
رد: كان يا زملوق ودك من خصيمك تنتصر
اقتباس:
دعني اجاوبك ياسهيل مقطع مفرد جمعها مقاطع بفتح الميم وسكون القاف وهنا اسم والجمله اسميه او مقطع بضم الميم وفتح القاف وهنا الاعراب فعل مضارع والفاعل ضمير مستتر تقديره انا اي مقطع انا الحبال الصراد او مقطع بضم الميم وفتح القاف والاعراب ايضا مضارع والفاعل ضمير مستتر تقديره هو اي مقطع هو الحبال الصرادا الصرادا هنا مفردة تحوي ابعاد كثيرة وخطيرة فقط في هذا الموضع فقط لأن سنا مبدع في التلاعب بالالفاظ واسئل النادر ودعني ابحر نحو اللغة والادب علك تصل لمراد الكلمة الصرادا في لغة اهل الحجاز هي المبتله بالمااااااااااااء والحبال اذا ابتلت بالماااء تجرح واجراحها تسري في الدم مسرى الكي في رقة الجلد والمعنى الضمني هو ان تحت الصفر فية من القوة والانفة مايضاحي عنترة وهوك هوقن ولا يستطيع المتكلم سناالهجرة منعه في تعنته وكأنه يماري بالرجل وقوته اما لدواعي نجهلها او لمظاهر ادبية تهمه كمشرف يريد ان يبث الحماس في المنتدى محاور المعنى المعنى للفلاسفة تدور وتدور حتى تصل الى قمة الخطورة في التالي مقطع الحبال الصرادا اي الرجل من قوته وجبروته انهى وقطع الشعراء اربا اربا وهنا التشبيه للشعراء اي الصرادا وكأنه يذكرنا مدح اراد به الذم فالظاهر هنا مدح لتحت الصفر والباطن ذم الشعراء تعال معي في محور اخر من محاور هذه الجملة وماتمارسه من ضغوط على حمار الشيخ الحمااااااااااار اكرمك الله اذا بطر وصات وهذه واضحة لا تحتاج تفصيلا قطع اقوى الحبال وهي الصرادا والتي ادبرت ضهره من شدتها واذا اردت مني المعنى الحقيقي بعد هذا كله اقول لك سناالهجرة يعز عليه زملوق ويعز عليه تحت الصفر حالهم حال الشعراء الاخرين لكن يرى ان زملوق طفح كيله وتحت الصفر حمل مالا يطاق ومن حقه الرد على غرار مقولة قناة الجزيرة حق الرد مكفول للجميع وفي الختام اشكر الشاعرين الرائعين واشكركم على تتابع ابداعاتكم وحسن ظنكم بي وسامحوني على التحليل البسيط الموجز |
رد: كان يا زملوق ودك من خصيمك تنتصر
اقتباس:
يا حسن احنا رنرمثث فالعلوم عساها تهدى وانت تجي تكون القلوب ارفقو بزملوق فقد آذيتموه فهو على وشك المغادر من المنتدى وتركه لسهيل وحسن وسنا |
رد: كان يا زملوق ودك من خصيمك تنتصر
اقتباس:
الا زملوق والله مانفرط فيه يكون فرطنا في مخاوي ومنقاش وبعدين يااخي هذا تفسير واجتهاد للمثل لم نتعرض لك ولا لتحت الصفر فأنتما نفتديكما بالغاااااااالي والنفيس ولو اصلح بينكم سنا فهو يحرز وان ارتم تدخلاتنا في الصلح ابشرو نجيكم بذود من البل وتعرف الباقي |
رد: كان يا زملوق ودك من خصيمك تنتصر
اقتباس:
تلحقتها فالنخاع يا حسن والا بغت تروح الى غير رجعه أحسن ما سويت رقعتها |
رد: كان يا زملوق ودك من خصيمك تنتصر
قصيدة رائعة رغم عدم فهمي لما ترمي الية
اكيد في سوالف اجهلها عموماً قصيد رائع |
| الساعة الآن 07:38 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by