|
وينكم يا شعار المحاورة ؟
بسم الله الرحمن الرحيم
السلام عليكم ورحمة الله وبركاته بدون مقدمات .. هذان البيتان للشاعر المبدع : سنا الهجرة / وجــدي على القـــوقـاز وامقوقزينه وجــدي على دمْغ الاثافي بـ اثـافي لا ابتل رِيقِــكْ يالقـلوب الحـزينه قـولوا لمنقــاش الثمالي .. عوافي بيتان صاروخيان .. ( تطلب حرش ) !! فهل من شاعر يرد عليهما ؟ نبي ( نجرجر) سنا الهجرة معنا شوي ورغم مشاغلة ما كو مشكلة أنا دونه إن ما سمحت ظروفه !! جاهز للرد وإكمال المحاورة .. نبي شاعر طحطوح وفاهم السالفة زين وموبايلي .. ولمزيد من التوضيح ممكن فتح الرابط / المشاركة ( 26 ) : : |
رد: وينكم يا شعار المحاورة ؟
ياصقر ياللي على القوقاز يذرف دموعه @ يا صقر ما لك والبكا خل البكا لي
اللي يبي القوقاز حط التذكره في يمينه @ ولا جاه المسا الا وهو بين الأثافي يثاثي يا حبك يا حليفي يا سهيل في شبوب الفتن ما ظهر منها وما بطن , وكل ما في الأمر أن الرجال ون ونين الموتر سبعه وستين , ولا كل من ون وحن دن.. لكن حصل خير ويكون في علمك وعلم الجميع ان عاثر الحظ هو اللي ما يجيب معه موافقه خطيه من ولية امره(الأثفيه الأولى)مصدقه من الشيخ والعمده ومعها خلو سوابق وعمامه كبيره للشيخ ابو نقشه , اللي ما يجيب هالعلوم مجتمعه رايح يرجع شايب خايب على الطايره اللي جابته , ومحرم عليه وعلى امثاله (مثل المخاوي)يحط اقدامه على ارض القوقاز الطاهره ... |
رد: وينكم يا شعار المحاورة ؟
هلا يا الشيخ والظاهر الشتاء دخل عندكم قبلنا .. لذا أراك تكتب باللون الأحمر ..
لون النار والدمار .. اقتباس:
تلميذ متمرد من تلاميذك يا الشيخ ! اقتباس:
ذكرتن بسالفة الكريم اللي جاه ضيف( العشا) .. ونادى على العبد : يا سعيد : روح مراح الحلال وهات الشاة اللي تون ! نبي نذبحها لضيف العشا !! يوم دخل سعيد على الغنم وهي كلها تون .. طلع وقال يا عمي .. يا أمي .. يا أمي : ( كلها ونانات ) !! والظاهر إنك مثله لا ناوي تكرم ضيوف( العشا ) ولا تطردهم ! اقتباس:
ولا شاطر على المساكين الطيبين الحلوين سهيل وسنا الهجرة !! اقتباس:
(كنت اغسل عمامتي المباركة فغنيت لها وقلت عمامتي الحبوبه واذ بها تنطق وتقول أنا فأردت التأكد فقلت حلوه وطيوبة فقالت أنا فبكيت بكاءاً شديداً).. ! يعلم الله إني بكيت بكاء شديدا عندما قرأت ردك يا شيخنا منقاش .. وعرفت بأننا أضعنا أنفسنا وراء المعز الضان ومزايين الإبل .. ولكن صبرك يامنقاش با قي عن التقاعد ( تفاريق ) وفكة بسيطة وإن كان في العمر بقية وأطال الله أعمارنا وكانت الصحة على ما يرام وجدتنا حولك جماعات وفرادى وكونا لنا هناك مستعمرة جديدة وأنت الوالي الجديد لها .. وربما تكون المنشب ( المملك ) لعقود الأثافي ! على مذهب أهل السنة يا منقاش .. أفهمتني ؟ |
رد: وينكم يا شعار المحاورة ؟
الله يمسيكم بالخير شيخنا منقاش واخانا سهيل وبقية االمتداخلين والمطالعين ظهر لي ياشيخ منقاش انك تستدرج الجماعة كل حسب هواه وتوجهه تنصح البعض بالركبان والمزارع مثل سنا الهجرة وابوسيفين وتنصح البعض بالحمام واليمام امثال ابو عبد الرحمن والمقداد والاخرين تغريهم بالاثافي يا كافي مثل الحاج سلام وسهيل اليماني . وان كان نجحت وهاجروا معك كل بنيته دنيا يصيبها او امرأة ينكحها فسوف نجد بعد بضع سنين ان جماعتنا في القوقاز اكثر منهم في قرى ثمالة وسلامتكم ،،،،، |
رد: وينكم يا شعار المحاورة ؟
شاعر الحلف المظفر النجم سهيل : وعمرك يطول مع حسن العمل ان شاء الله , والله يحيك ان كان قبل والا بعد التقاعد , واذا ما وستعك ارض القوقاز تاسعك عيون حليفك ابو نقشه , واذا احتاج وطنا واهلنا في المستقبل للحوم والحبوب نشحنها لهم بالبحر على متن السفن عن طريق بلاد ثماله (اهم شي حثوهم يخلصون لنا كبري التقاطع اللي على خط الجنوب حتى سفن الصحراء تمخر من خلاله بيسر وسهوله) ..
الشيخ سلام سلمه الله : ويمسيك بالخير والسرور , وتراك ما باعدت الصواب يا شيخنا , وكما توقعت حليفك بدر الدجى تحول لرجل اعمال , اعمال اثافي واعمال ركبان واعمال حمام وووو الخ , كثيره , والعمليه تبتدي برمي الطعم حتى تبتلعه الضحيه وتعلق السناره وبالتالي نمسك رجل الديك اللي تجيب لنا الديك بشحمه ولحمه وهو كريم ,,, والهدف النهائي من كل العمليه هو سحب ما في الجيوب اذا كتب لنا علام الغيوب فيها نصيب ... وقبل عشرة ايام تقريبا وقع في شبكتنا اثنين فرحنا بهم لكننا للأسف بعد فتشناهم لقينا جيوبهم فاضيه , عودنا اخرجناهم من الشبكه وحذفنا بهم في لجة البحر وجوكم على اول طياره راجعه لجده بعد قام الرويعي بغسل ادمغتهم على امل انهم على الأقل يصبحون طعم لأسماك اكبر واسمن منهم , وكما يقولون من صبر قدر , ومع مرور الليالي والأيام طال الزمن او قصر هم والا غيرهم لابد يطيحون في شباك ابو نقشه اللي ما يخرجهم وقتها منها احد ابد ... |
رد: وينكم يا شعار المحاورة ؟
نشكر شاعرنا المفوه اللي هو احد اعيان شعراء حلفنا الأماجد , الشاعر النادر اللي تهيض بقيفان ننقلها لكم من الأستراحه لمكانها الصحيح :
العولمة ماخلت الشيخ منقاش يهجد ويمسك راس عود السلامه خذته من داره على دار الاحباش ثم طار منها بعد طش العمامه جاها وهو شايش وغادر على ماش وراحت مشاريع الشعير بعدامه والبن والبقران والفول والماش تسربت من عقب كبر الغمامه وحول على الطايف وهو معه مكداش اثفية(ن) يجترها في حزامه ثم نطح الشرقي وفي خشمه عراش يبغى يعيد المجد لابو دلامه وحول على باكو بمنجل ومحشاش ولقى الثمر ماينصرم في تمامه لقى ثمر يعصر وينحط بغراش وتغيرت حسبة كثير الفهامه ماهي بهوريه تغطى بالاخياش والا فغير وينفدم بالفدامه ولقى طيورن ماتطير وتنهاش وجاوب على كبره طروق الحمامه وغير بقلبه خارطة بعض الاحواش وثلث بعد ماشاف مابه لثامه |
رد: وينكم يا شعار المحاورة ؟
سلام عليكم ياأهل الحلة والدلة
علومكم زينة وجذبتني وحبيت أشارك على قدي واستجابة لدعوة الأخ سهيل للرد على سنا الهجرة والموضوع باين انه واسع أكثر من مافهمت لكن اقبلوا ردي على قد فهمي وسامحوني الهرج ياهونه على قايلينـــه ____ والفعل مايحري به الا السنافي مافيكم اللي مطلقات يدينه ــــ ___ ياشايلين الخوف بادي وخافــــي |
رد: وينكم يا شعار المحاورة ؟
كلن تكلم وهرج السعة يازينة ......... وأظنكم يالربع كلن يخافي لوما الفضايح والعلوم السمينة ...لقول منقاش في جيبه سنافي!! |
رد: وينكم يا شعار المحاورة ؟
متابع بالجوال
|
رد: وينكم يا شعار المحاورة ؟
اقتباس:
وأنت يا حاجنا سلام الله يمسيك بالنور .. والحمد لله على السلامة .. رغم أن الموضوع مغلف بالفكاهه والطرفه وروح الدّعابه .. إلا أن المضمون يوحي بخطر ٍ قادم ! نعم خطر قادم .. والخوف ليس على شيبان وشيوخ المنتدى أمثالنا يا حج سلام .. ولكن المشكلة لو اطلع على الموضوع أحد من الشباب الغر الميامين وهزّه الشوق وكلام الشيخ المعسول .. كان اصبحت قضية الساعة والدقيقة والثانية ..! تصدق إني من أسبوع ومن يوم قرأت مواضيع المحرض ( بتشديد الراء المكسورة ) منقاش إني مطلع جواز سفري من المخبأ الخاص عشر مرات .. حسبي الله ونعم الوكيل !! ولو ما الدوامات والمدارس كان جات علوم ورياضيات !! ما أدري يا مستشارنا الحاج لا تغدي بعيد الموضوع شكله كبير ويمكن يحصل تطورات خطيرة وأنت من عقلاء القوم وحكمائهم .. فلا تبتعد كثيرا ! |
رد: وينكم يا شعار المحاورة ؟
اقتباس:
الله يبقيك يا الشيخ .. ويعينك على الأجواء البارده ها الأيام .. تغطى زين وكثر من شراب الزنجبيل .. ويا حبذا مع حليب الأبقار الطازج .. وإن كان تبي تربطنا بالكبري ومتى يخلص المشروع قول علينا السلام .. مع تزايد الضغوط شغلك مزبوط والظاهر الشغلة تبي تعود جدّ ! لكن يا حسافة ! لو الموضوع هذا جاي بمقدم فصل الصيف ما كان أحسن يا مناقيشو ؟ الجماعة خائفين من برد الشمال !! |
رد: وينكم يا شعار المحاورة ؟
اقتباس:
يبدو بأنه وضع يده على الجرح ! وما يعرف رطني إلا ولد بطني !! لكن الجديد في السالفة ان الشيخ منقاش كان في الحبشة !! ومنها انطلاقا إلى أقصى الشمال ... ما هذا يا ابن بطوطه ؟ ما شاء الله عليك ! ويبدو من كلام النادر أنه يناصبك العداء وغاضب من شغلة الأثافي !! ويبي له عرض مغري يا الشيخ .. وشاعر يرد عليه .. ننتظر والشعراء المتواجدين إلى الآن في الموضوع واجد يمكن ينبري أحدهم للرد عليه .. |
رد: وينكم يا شعار المحاورة ؟
اقتباس:
وعليكم السلام ورحمة الله وبركاته .. وحياك في حلة ثمالة اللي نارهم تشب ودلتهم تصب .. ويبدو للجميع أنك جاااي ومتعني يا ضيف الرحمن مخصوص لهذا الموضوع والمشاركة .. فحياك الله وأقلط وردك وافي .. ونستأذن من الشاعر عزيز اللي رد بعدك .. فالأولوية صارت لك بحكم الوصول للموضوع أولا ولك الحق بالتواجد في المحاورة مع الشاعر سنا الهجرة .. والمحاورة ستكون إن شاء الله بين جساس والزير أقصد سنا الهجرة .. ننتظر إلى الغد ووصول مشرفنا وشاعرنا.. والرد عليك وإكمال المحاورة .. وفي حال عدم تمكن سنا الهجرة من الحضور لظروفه ساكون أنا من يكمل معك المحاورة حسب ما قطعته على نفسي من وعد ! ننتظر للغد - إن شاء الله .. ولكل حادثة حديث والله الموفق . |
رد: وينكم يا شعار المحاورة ؟
اقتباس:
صح لسانك يا شاعرنا عزيز .. مشاركة ورد وافي من شاعر معروف من شعراء المنتدى .. ولكن : من سبق لبق ! وسبقك بها جساس .. نعتذر منك ونترك المجال لجساس بن مره .. والمهلهل بن ربيعة التغلبي .. ويا خوفي تقوم حرب البسوس الثانية على صفحات منتديات قبيلة ثمالة ! والسبب / منقاش بن مره .. وتابعنا لا تروح بعيد يمكن نفتح متصفح جديد ونقيم محاورة جانبية حول الموضوع .. ! |
رد: وينكم يا شعار المحاورة ؟
اقتباس:
والله إنك على البال .. والخاطر وتوقعت حضورك من بدري وكنت ناوي أسوي إثارة وأوقع بينك وبين سنا الهجرة .. ولكن الغائب عذره معه وأول ما توصل بالسلامة عطني يدك ! حاس إن الموضوع سيخرج عن السيطرة ! ويارب جملها على خير .. الخلاصة / طرفي المحاورة : الطرف الأول : الشاعر سنا الهجرة الطرف الثاني : ضيفنا الشاعر جساس .. والبيت والدور الآن عند سنا الهجرة .. وعلى شعراء المنتدى وضيوفه إعطاء شعراءنا الفرصة وعدم التشويش عليهم .. وأنا معكم في المدرجات نتفرج !! |
رد: وينكم يا شعار المحاورة ؟
بسم الله الرحمن الرحيم
للتذكير يا إخواني : المطلوب الآن الرد على أبيات جساس : الهرج ياهونه على قايلينـــه ____ والفعل مايحري به الا السنافي مافيكم اللي مطلقات يدينه ــــ ___ ياشايلين الخوف بادي وخافــــي من قبل الشاعر سنا الهجرة .. وإذا لم يحضر لاحقا ولم تسمح ظروفه سأنبري للرد على جساس كما وعدتكم .. وينك يا جساس ؟ سجل تواجد وطمنا إنك موجووود ! |
رد: وينكم يا شعار المحاورة ؟
المشاركة الأساسية كتبها جساس http://www.thomala.com/vb/gitexteam-...s/viewpost.gif
سلام عليكم ياأهل الحلة والدلة علومكم زينة وجذبتني وحبيت أشارك على قدي واستجابة لدعوة الأخ سهيل للرد على سنا الهجرة والموضوع باين انه واسع أكثر من مافهمت لكن اقبلوا ردي على قد فهمي وسامحوني الهرج ياهونه على قايلينـــه ____ والفعل مايحري به الا السنافي مافيكم اللي مطلقات يدينه ــــ ___ ياشايلين الخوف بادي وخافــــي بما أن مشرفنا وشاعرنا سنا الهجره لم يرد على البيتين .. توكلت على الله .. والصدق إن الشاعر سنا الهجرة اعتذر لظروفه الخاصة ومقدرينها يا أبو عبدالله .. واستلم يا جساس : النار شبت في بيوت المدينه مايخمد النيران غير المطافي جساس بن مره ويا قو عينه طعن كليب وجايني بالقوافي |
رد: وينكم يا شعار المحاورة ؟
اشتغلت المحاورات من جديد
متابع بصمت |
رد: وينكم يا شعار المحاورة ؟
سلمت ايدك ياسهيل والطارف منكم سداد يااهل المنتدى وانا عابر سبيل ومثلك كفو ناخذ ونعطي معه
واستلم: [poem="type=1 font="bold large tahoma, verdana, arial, helvetica, sans-serif""]جساس جاي وكلكم عارفينه=ماجا على جرة غشيم متعافي أبنشد الدّلاّل وموكلينه=وش له براس الكوم معلوم صافي[/poem] |
رد: وينكم يا شعار المحاورة ؟
اقتباس:
متابعتك شرف لنا يا ابن عابد .. |
رد: وينكم يا شعار المحاورة ؟
اقتباس:
وأنت كذلك يا جساس ويبدو لي بأن لك من اسمك نصيب .. وعابر السبيل ما نعترض طريقه .. وإن سيّر وسلم ماله ألا التكريم اللائق يا جساس .. وأعتذر عن التأخير .. ويبدو بأننا سنقضي( الويك إند ) هذا الأسبوع في المنتدى ! ومرحبا بك مره ثانيه ..واستلم : ما يشبع الجوعان غير بيمينه بعد السنين الماضيات العجافي المسلم اللي حافظ أركان دينه خلوه دام إنه مع الناس وافي |
رد: وينكم يا شعار المحاورة ؟
ياخوي ياسهيل التأخير وارد والمشاغل كثيرة وانت خذ راحتك رد متى ماترد ولا تربط نفسك
بالمحاورة خلها حسب وقت الفراغ وأنا كذلك ..........استلم أنا ادري ان ايدينك ايدين امينة وان الوفا من راعي الطيب كافي لاصار لك فالبيت لبنة وطينة علم بها حتى تضيف وتضافي |
رد: وينكم يا شعار المحاورة ؟
مسافر ..
ولي عوده - إن شاءالله . |
رد: وينكم يا شعار المحاورة ؟
اقتباس:
وأنته بعد يمنـاك يمنى حسـينه ............. تقدم الحسنات والبشت ضــافي ضيف أولي وأطردك لو هي غبينه ............. لا أنته بلا قدمي ولا أنته خلافي |
رد: وينكم يا شعار المحاورة ؟
[poem="type=1 font="bold x-large arial, helvetica, sans-serif""]حدك ثلاث ايام والدرب وينه=ماعادلك فيها ثقال وخفافي لاواحليلك يا الجنوب المتينة= ماتستجيب الا لحمر الكوافي[/poem] |
رد: وينكم يا شعار المحاورة ؟
اقتباس:
هذا كلام (ن) كلنا عـارفيـنه وثيابنا من فضل ربي نظــافي بسم الله الرحمن عندك قرينه تعلمك لكنهــا مــا تشــافي |
رد: وينكم يا شعار المحاورة ؟
ياسهيل طال القاف والعقل زينه
والحين للطاروق دور احترافي جساس يبحث عن كنوز دفينة والجدّ في حدّ السيوف الرهافي |
رد: وينكم يا شعار المحاورة ؟
شعراء كبار كبار
|
رد: وينكم يا شعار المحاورة ؟
اقتباس:
السعي ياجساس بعد الطوافي ما ياخذ ألا ماكتب في جبيـنه بالسيف ولا يمشي الدرب حافي |
رد: وينكم يا شعار المحاورة ؟
اقتباس:
وش ردّ به مرسولكم ياجهينة صعبة يخفف حدّة الاختلافي دون الرجا شمّ الجبال الزبينة وبحور ما تلقى عليها مرافي |
رد: وينكم يا شعار المحاورة ؟
شكراَ لك أخي سهيل على أن أتحت لي فرصة مجاراة شاعر بحجمك صح لسانك وبيض الله وجهك. حاولت مراسلتك ولم أتمكن لأن مشاركاتي لم تبلغ التسع مشاركات كشرط للمراسلة لكن لك ماشئت تقديري لشخصك الكريم. |
رد: وينكم يا شعار المحاورة ؟
اقتباس:
العفو يا أخي جساس .. وصح بدنك ومعذور إذا لم تتمكن من الدخول على الخاص .. والطيب يفرض نفسه يا ابن الناس .. عرفت بأنك شاعر من أول مشاركة ومن أول بيتين تخطهما في الموضوع لذا لم أتردد في الترحيب بك في حلال ثماله أهل الوفا والتكميل وسعدت جدا باللعب معك ندا لند وربما تفوقت على سهيل في بعض الأحيان .. لم أتشرف بكشف هويتك ومعرفة شخصك الكريم .. وهذا من أروع وأعظم ما في المنتديات بان نلتقي نجوما شرواك ونأخذ ونعطي معهم بدون سابق معرفة شخصية .. وتكون لغة الشِعر والأدب والثقافة هي أداة التخاطب بيننا ! حظي حلو .. قابلت في هذا المنتدى هذا الأسبوع شاعرين .. خوي الذيب وجساس .. ولو قدر لهما المشاركة في شاعر المعنى النسخة الثالثة لحققا نتائج مبهرة ومراكز متقدمة ! أما سهيل وحسن عابد فراحت عليهم ما تنطبق الشروط علينا ! شكرا لك ولتواجدك في المتصفح الذي مثلت فيه دور البطولة المطلقة ! |
رد: وينكم يا شعار المحاورة ؟
مشا شاء الله تبارك الله هذا الكلام كله صار وأنا غايب آهـ منك يا سهيل آهـ أثاريك كنت ناوي تنشبني .. أنت ما تدري ان مالي في المحاورة ولا أجيها الا مغصوب الحمد لله اني ما شفت موضوعك هذا الا بعد ما دمغ بالشمع الأحمر .. والا كان جات علوم لكن .. ما أقول الا صحت السنتكم .. وما فيكم حيلة وأقول لـ جساس > كسبنا شاعر مبدع ينظم لقائمة شعراء المنتدى السابقين |
رد: وينكم يا شعار المحاورة ؟
بعد الإطلاع على ها الرابط !!
لفتت نظري أبيات ( جساس ) !! يالربع هذا شاعر كبير يعد من كبار الشعراء .. أحد يعلمن عنه ؟؟ ( أدري انه دخل ها الموضوع حميه و ( دزه ) من وااحد منكم " الله يسامحه " خصيصا لسهيل .. وتعرضت آنذاك لمؤامرة !! ولكن عدت ع خير ..... ياليت من يعلمني من يكون جساسا ؟؟ ولو عن طريق السِفل ) الخاص .. وله مني دعوة بظاهر الغيب . |
رد: وينكم يا شعار المحاورة ؟
تسأل عن جساس ؟
بعد سدد لك رمح الغدر يا كليب !! خل الزير ينفعك .. ( وزع الأدوار على كيفك ) |
| الساعة الآن 10:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by