(أدوّر لكـ عذر ) للتواصل معكم!!!
 

[poem="font="Simplified Arabic,5,white,bold,normal" bkcolor="transparent" bkimage="images/backgrounds/62.gif" border="ridge,4,gray" type=2 line=0 align=center use=ex num="0,black""]
حبيبي كل ما أتذكر وأدوّر من وراك أحبـاب=أقول إنك نسيت ولاعطيـت القلـب مطلوبـه
أدوّر لك عذر وش لون أحصل للغياب أسباب=تعبت من الغياب اللي حضورك ملْ من ثوبـه
حبيبي كيف أعيش إبعيد وأفتح للغرام أبواب=وأحبك وألتحف بالبـرد والنيـران مشبوبـه
حبيبي والحضور اللي يغيب ولا عليه حسـاب=طعنْي وإستراح وراح والخطـوات محسوبـه
حبيبي والحنان اللي على أوتار الحكي ينساب=بخيل ولا عطاني وإن طلبته صعبـه دروبـه
أشك إن الغرام اللي صدق يلقى الهوى كذاب=ونصبح بين نقض وفتـل والأقـدار مكتوبـه
حبيبي خذني بكيفك مادامـك تأسـر الألبـاب=دخيلك ضمني قبـل الزمـان يمـد عرقوبـه
حبيبي كل غلطه من جناب الخايف المرتـاب=ليا جاتك تحاسبها وهي ماهـي مـن ذنوبـه
تعاتبني على الغلطه وتغلط ماتريـد حسـاب=تبرر كل شي وأبسط حقوق الناس مسلوبـه
تقلي وش معك وأقول وش ودى الزمان وجاب=سوالفنـا نشـاز ونيـة الأيــام مقلـوبـه
طبيعه ياحبيبـي لاتجـادل والطبـع غـلاب=وش اللي في يدين اللي عشق ويغيّر أسلوبـه
وأنا اللي كل ما أتذكر وأدوّرلك عذر وأسباب=أقول إنك نسيت ولا عطيت القلـب مطلوبـه [/poem]

رد : (أدوّر لكـ عذر ) للتواصل معكم!!!
 

الاحبة يلتمسون ليعضهم اعذار الغياب
العتاب غسيل القلوب
باذخة حقها التثبيت

رد : (أدوّر لكـ عذر ) للتواصل معكم!!!
 

يعطيك العافية...

وصح لسانك ـ بعيد النظر ـ

لا عدمناك...

رد : (أدوّر لكـ عذر ) للتواصل معكم!!!
 

يعطيك العافية
وصح لسانك ـ بعيد النظر ـ
ما شاء الله عليك
الليلة نشيط

رد : (أدوّر لكـ عذر ) للتواصل معكم!!!
 

اقول صح لسانك

اجادت الارتقاء بهذا الشكل دلالة القلب الخضر

دم بخير وود

رد : (أدوّر لكـ عذر ) للتواصل معكم!!!
 

@ بن سلمان @
مراقب الأقسام الأدبيه
أسعد الله جميع أوقاتك بكل خير
شكراً لكَ على هذه اللفته وسلمت هذه الذائقه وأتمنى أن أكون لدى الجميع كما أنا لديك أيها الراقي
ممتن لك استاذي

رد : (أدوّر لكـ عذر ) للتواصل معكم!!!
 

لست في مستوى من يظهر محاسن القصيدة
لكنني أكتفي بشكرك على ماتوافينا به بين الفينة والفينة
وأقول
لاعدمنا هذا الفيض المتدفق.

رد : (أدوّر لكـ عذر ) للتواصل معكم!!!
 

لا تدور عذر ولا شيء
حنا قابلينك
الله يحييك وصح لسانك

رد : (أدوّر لكـ عذر ) للتواصل معكم!!!
 

الله يعطيكـ العافيه يابو عبدالرحمن
اسعدني مرورك وما غمرتني به من تعليق
صح الله قلبك
تقديري لك ايها البهي

رد : (أدوّر لكـ عذر ) للتواصل معكم!!!
 

رائع دائما وفقك الله

رد : (أدوّر لكـ عذر ) للتواصل معكم!!!
 

بعيد النظر

كانها جسدت صراع نفسين

قدره عاليه على لبس احساسين متبايني كل التباين واخراجها في نسق شعري راقي على مافيهما من التضاد

قراءه بسيطه لمخزون اعمق

تحياتي

النادر

رد : (أدوّر لكـ عذر ) للتواصل معكم!!!
 

الله الله الله الله
يابعيد النظر
كلام ولا احلى
صح لسانك ووفقك الله

حليفك/ خلف الثمالي