السلام عليكم ورحمة الله و بركاته



مساء / صباح الخير


من منطلق كثرة الجدل الحاصل على اللقاح المنتظر المضاد لمرض انفلونزا الخنازير المسمى ( h1n1 )

حبت انقل لكم قصيدة لاحد الشعار

ونرجو ان تنال على رضاكم ....

مـن كثـر حـزنـي وانعـزالـي والالام


صرت اتقهوى ( قهوة الصبـح ) سـاده !



ومـن جـور صلفـات الليالـي والايـام


مـالـوم راس ٍ حاربـتـه الـوسـاده !



قلب الشقي مجروح / والا الخلـي نـام !


يغـض عيـن ٍ مثـل عيـن الـجـراده



لـنّ الخبـر .. متـأزم وعاجـل وهـام
والجرح : ( ماله غير كف الضمـاده ) ! ماهيب لحية .. كيف تحقيـق الاحـلام ؟


ولا هيب لحية .. ويـن درب السعـاده ؟



لا والله ألا بـيـن بـايــع وســـوّام


تخطيطها المرسوم وفـق ( استفـاده ) !



اكبـر مـن حـدود التوقـع والإلمـام !


واقسى من خضـوع التقـي وانقيـاده ! وانجس من يديـن التشـرذم والاوهـام !




وابشع مـن افكـار الخبيـث ومـراده !



ياكل لحم طازج .. ويرمـي لنـا عظـام


والسيف يذبـح لا سحـب مـن غمـاده



مـن عقـب عجـزه بالقنابـل والالغـام


وازرى عليـنـا ينـفـرد بالـسـيـاده



خطط على ( الصحه ) .. وفايروسها السام


وساهم علـى نشـره وسرعـة حصـاده



سلّط عليه الضوء .. واصبح ( وبا ) عام


والله يحمـي مــن وبـاهـا عـبـاده



وجاك ( اللقاح ) ابـلا تجـارب .. ولا دام


تحضيـره إلا بضعـة اشـهـر وكــاده



واستنفـر العالـم .. وخطـنّ الاقــلام


مـا بيـن مستغـرب .. ومبـدي إشـاده



وكان ( الربيعه ) صرّح فـكـل الاعـلام


عن ( جودة ) المصل الجديـد ومعـاده ؟



قولولـه : يركـز علـى فتـح الاقسـام


فـي كـل مستشفـى ومركـز عـيـاده



يرفق بنا من قبـل ( توقيـع الاعـدام ) !


مـن قبـل يدمرنـا ( لقـاح الابــاده )



مـن قبـل يوخـذ بالنواصـي والاقـدام


والمـوت يسـرج فـي وطنّـا جــواده



اقولهـا باسـم الوطـن .. دار الاسـلام


وعهـد الـولا مثبـوت ديـن وقـيـاده

يعطيكي ألف الف عافيه يا ثماليه

الطيبين ما يجيبون الا الطيب

القصيده جميله جداً تدل على ذائقة ناقلتها



وعلى فكره .. الربيعه اليوم تطعم قدام العالم وعلى شاشات التلفاز ..

عاد الله أعلم وش التطعيم اللي أخذه لكن نحسبه والله حسيبه بأنه ناصح ولا يرضى علينا الا ما يرضاه على نفسه

والله سبحانه هو الواقي .. نحمده ونتوكل عليه

تقبلي مروي المتواضع أمام ابداعاتك المتتاليه